تعالو ولحقوووني انا في بيت اهلي والسبب ..... نصايحكم

[أم شاهين]

السلام عليكم ورحمة الله وبركاته


بالاول ترى انا داشه بنك اختي واهي اعرضت علي اني اقولكم سالفتي




+هاي بنات
انا متزوجه من اربع سنين وعندي بنوته والحين حامل بالرابع مشكلتي مع زوجي بس يتزعل مثل الياهل على اي شي وانا حمالي هذا احسه ملوع جبدي حيل مالي خلق نفسي زوجي دايما يبيني معاه بالفراش بس انا مالي خلق بسبب حملي وثاني شي حيل بيتوتي لدرجه ماتتصورونها يحب قعدت البيت مايحب نروح نتمشى نغير جو مايقصر علي بأي شي وطيب وحنون وناعنده خرابيط واهوا دوامه حيل متعبه بس انا زهقت ودي اطلع معاه كل ما قوله يقولي بعدين باجر الاسبوع الياي يماطل
بنته تبي تروح تطلع تستانس يعطيني فلوس وانتي روحي طلعي انا ماحب مجمعات ماحب مطاعم ماحب سينمات ماحب سوق ياربي زهقني حياتي يا تلفزيون يا يحوس بالبيت ماعنده شغل وبنته 24 ساعه تحن على قلبي يعني طلعاتنا تنعد على الاصابع وكل مره يقولي راح اعوضج بس يعطيني كلام فعل ماكو واتكالي يحب يتكل على غيره وانا الحين خذيت قشي ورحت بيت اهلي ابيه يحس شوي يكلم اختي يقولها شوفيها شنو ناقصها ويدش علي بالماسنجر بس انا اتغلى عليه شوي وكل يقول انه اهو مو غلطان بشي امانه بنات ابي حل يريحني من طبعه اللي موراضي يتغير .:eh_s(13):

 

[فرفورهـ]

رد : تعالو ولحقوووني انا في بيت اهلي والسبب ..... نصايحكم

مااتوقع بيحس خلج ببيتج احسنلج لان غريبه يدق عليكم ويسأل شناقصكم ؟؟
لهدرجه جايز له قعدتج
لا مايصير ردي وخلي زعلج عنده بالبيت وخلي بنتج تحن عليه والحين فتره عيد اشترطي عليه وسو لكم جدول للطلعااات واهم شي بنتج خل تحاجيه اذا كانت كبيره

 

[اشتياق]

يقولج انتي طلعي
يعني مو مقصر المسكين
رايحه ومخليته عشان طلعه!
يعني بعدين تقولون تغير الريـال ومو مثل اول
لايمل من المشاكل والتغلي الغير مبرر!
ردي بيتج وطلعي بروحج مع بنتج اذا ماله خلق اونس من حنته فوق راسج
وغالبا طلعة الريـال كلها بسرعه بسرعه وماله خلق!

 

[@ام ضاري@]

ماعندج سالفه والله رايحه بيت اهلج بس عشان ها السبب
كثير مثل رجلج وكثير بتوتين ومايحبون يطلعون
خلاص دام سامحلج اطلعي مع خواتج مع رفيجاتج ونسي بنتج ولا تنحكرين انتي
خليه هو على راحته
بس سالفة الفراش خليه يعذرج انتي حامله ونفسيتج غير وقت الحمال وتتضايقين قوليله وان شاء الله يقدر وضعج

 

[غلا غير عادي]

رد : تعالو ولحقوووني انا في بيت اهلي والسبب ..... نصايحكم

اول شي حبيبتي انتي تبين تغيرين طبعه وهالشي ترا موسهل يبي له صبر اطلبي منه شغلات بسيطه مثلا قولي له بس اليوم طلع البنت بس اليوم(طبعا مو بس اليوم خخخخخخخخخخخ) بس هاذي البداية وانشالله يتعود وعلى فكره اغلبهم اتكاليين والله يهون عليج

 

[حشمه]

رد : تعالو ولحقوووني انا في بيت اهلي والسبب ..... نصايحكم

هذه اطباع ريلج مايحب الطلعه

ماكو حل الا انج تغيرين جو مع بنتج

وتحرينه رحنه استانسنه شوف بنتك مستانسه

يمكن يتشجع واما روحتج بيت اهلج الظاهر

من الحمال ماثر عليج وخلاج تكبرين شوي الموضوع

واما انه اتكالي مايصير ورا بيبي يديد حسسيه ان

لازم دبر اموره مايصير يعتمد عليج او على غيره

انا اقول ردي بيتج وحاولي معاه تحلين الموضوع

 

[لمسه حزن]

رد : تعالو ولحقوووني انا في بيت اهلي والسبب ..... نصايحكم

الله يسخره لج

 

[امواج الكويت]

والله مالها لزمه الزعل مادام الريال مو مقصر ودوامه متعبه شلون بيكون له خلق يطلع

 

[اينااس]

طيب طالعى انتى وتمشي معاه بنتك
لان الرجال مايحب الاسواق واذ رحتى معااه
بيكون جالس معكى على اعصابه مراح تستانسين
طيب الرجال الي يكون بيتوت احسن شوفي في بنات يشتكون واجد في المنتدى
انهم مايجلسون وياهم ولا يشفونهم حمدى ربك
وردى بيتك وحولى تتفهمين معااه

 

[هنـــــد]

رد : تعالو ولحقوووني انا في بيت اهلي والسبب ..... نصايحكم





انتي من صجج ؟
تطمحين ( تزعلين ) وتروحين بيت أهلج عشان طلعه ؟؟
من زيييييييييييييييين طلعات الرجال عاد .. كل شوي يعلق صوتج شكلج جذي جذاااك ... الخ !
احلى طلعات مع خواتج ورفيجاتج واهلج .. وهو خليه بس وقت السفر لي سافرتي معاه بتستفردين فيه
غصبن عنه بيطلعج .. طوووولي بالج ، وربي ماكووووووووو شغل تزعلين وتروحين بيت هلج @@ ؟

 

[ArEEj]

رد : تعالو ولحقوووني انا في بيت اهلي والسبب ..... نصايحكم

اول شي قولى الحمدلله انه مو راعي خرابيط ولا راعي سوالف
اذا السالفه ع الطلعه روحى طلعى مع خواتج مع امج مع رفيجاتج
دام اهو مو مانعج من الطلعه اصلا
يعني الموضوع ما يسوى تروحين تزعلين ببيت اهلج

 

[وهج الخير]

رد : تعالو ولحقوووني انا في بيت اهلي والسبب ..... نصايحكم

ما قصروا خواتي وعسي الله يهديكم لبعض

 

[شيخه الحلى]

اي شي اي شي اي شي

انا اقول ردي بيتج بلا سوالف يهال ومراهقين


بس غريبه اهلج ما قالولج ليش انتي زعلانه من زوجج ونايمه عندنا؟؟


وصراحه فيه الخير يدخل عليج بالمسنجر بعد

بس انتي انانيه تبين كل شي

تبين ريل زين وطيب ومايخون ويحبج ويطلع معاج

لاحبيبتي مافي ريال كاااااامل بكل المواصفات
يعني مافي ريال فل أوبشن

لأن مافي مره فل اوبشن

وانتي صراحه مو فل اوبشن والدليل على اقل شي رحتي بيت اهلج
على موضوع تاااااااااااااااااااااااااااافه اتفه من التفاهه

فعشان جذيه تنازلي عن شي واحد موعاجبج بزوجج لأنه اهوا اكيد متنازل عن اشياء مو عاجبته فيج

 

[جذابه بنت ذيابه]

رد : تعالو ولحقوووني انا في بيت اهلي والسبب ..... نصايحكم

انا مع اشتيااااق وام ضاري


ماقصرو البنات



ونصيحه لا تخلين زوجج بروحه .. وباجر تندمين اذا شفتي عليه شي ..ّ!

 

[الأميرة جوري]

رد : تعالو ولحقوووني انا في بيت اهلي والسبب ..... نصايحكم

الله يهديج ماله داعي جذيه تخلين سالفتج تنتشر والكل يتدخل ويمكن يوزووونه عليج

 

[ام دليار]

رد : رد: تعالو ولحقوووني انا في بيت اهلي والسبب ..... نصايحكم

ماعندج سالفه والله رايحه بيت اهلج بس عشان ها السبب
كثير مثل رجلج وكثير بتوتين ومايحبون يطلعون
خلاص دام سامحلج اطلعي مع خواتج مع رفيجاتج ونسي بنتج ولا تنحكرين انتي
خليه هو على راحته
بس سالفة الفراش خليه يعذرج انتي حامله ونفسيتج غير وقت الحمال وتتضايقين قوليله وان شاء الله يقدر وضعج

هذا الكلام عين العقل

 

[Tulips]

رد : تعالو ولحقوووني انا في بيت اهلي والسبب ..... نصايحكم

اي والله ماعندج سالفه .. المره السنعه حتى لو صار زعل جاااايد ماتطلع من البيت الا بالشديد القوي

وانتي طالعه من البيت عشانمايطلع انتي وبنتج!!

خلاص اهو طبعه جذي تحملي شتسوين بس مو تطلعين من بيتج عشان هالسبب التافه !!

 

[براازيليه]

انا اقولج شتسوين بيعي سيارتج و لا تسوقين هههه سوي اضرااااب عن السواقه عشان لا يعتمد عليج وبتلحلح و يصير اهوا اللي يودي و اييب هههه

 

[^أم يوسف^]

رد : تعالو ولحقوووني انا في بيت اهلي والسبب ..... نصايحكم

الحين لو قايل لج مافي طلعه مره وحد عاجبج عاجبج موعاجبج طقي راسج بالطوف

ولا يقولج عذريني هذا طبعي هاج الي تبينه بس انا مالي مراق ع الطلعات والروحات

اي تختارين اكيد الاولى موووو

لانج تبين جذي



خلاص دام رجلج سامح لج وين ماتبين روحيي وشنو احسن منها ياقلبي
الله يهديج بس ردي لبويتج احسن لج لان ماكوو سبب مقنع ع الزعله ياوخيتي
والرجال ترى صاج مو غلطان

 

[سارحة بالغنم]

صراحة أشوفج إنتي الغلطانة
إهو ماغلط عليج ولا سبج ولاطقج شكو رايحة بيت أهلج المرة ماتطلع من بيتها إلا الشديد الشديد أتوقع صدمتية لاتخلينة يملج
إذا سالفة الفراش ممكن تتحاججين بس طبعة ليش بتغيرينة ليش تفرضين علية شي يمكن بسوية لج مجاملة وممكن بزيد المشاكل


إنتي قلتي دوامة متعبة أكيد بخلي البيت ملجأ لة للراحة

بكرا لو ماصار بيتوتي بتحنين علية وين رحت ومع منو ؟
وإذا طلعتوا مايخفي عليج الفتن والبلاوي الي نشوفها حتى المتزوجين المستورين ما سلموا؟


صلحي موقفج وولاتتهورين ترى اليوم سأل عنج باجر اللة وأعلم