تعالو نلم افكارنه لاستقبال الولاده من ضيافه و تغليفات حياكم الله

[بنات حواء2]

هلا حبيبتي الشرنقه حسافه عاد و دي اسوي هلفكره عجبتني وايد حلوه

 

[بنات حواء2]

بنات عفيه بقيت أسألكم وين احصل الفناييل إلي على ككاو إلي تشربون فيهم بعدين تاكلونهم ابي محل يبيعهم و يكون طعمهم حلو

 

[malak_alroo7]

السلاام عليكم

حبيبتى معانا بالمنتدى عضوه اسمها mayooma .. انا كنت شاريه منها قبل
و عندي رقم تلفون بعد بس ماذكر اذا لها او حق غيرها .. اذا بغيتي راسليني عالخاص علشاان لا انسى

 

[ملوكه84]

بنات اللي تسأل عن ماي زمزم في بالوسيط او الهدف وايد محلات تبيع وتوصل للبيت وتكتب دعاء حق البيبي و56 حبة ب10 دنانير وعاد انتى فنتقي فيه بالتغليف ويبيلج تور لونه وردي او ازرق وغلفيه بشكل حلو

 

[بنات حواء2]

مشكوره حبيبتي ملاك الروح خلاص عرفتها و انشاله بتراسل مهعاها يعطيج العافيه ما قصرتي

هلا حبيبتي ملوكه مشكوره ما قصرتي عاد ريلي قالي و انا موو مصدقه و لا تخافين على السعر اكاسرهم اخليهم يوونلي 100 حبه ب عشر دنانير انا بالمكاسر ما انغلب







و الحين حبيت اقولكم افكاري اليديده بنسبه حق التقديم و انشاله تعجبكم و هذي اول فكرتين

انا ودي افكار يديده حق التقديم انا عندي افكار روعه بنسبه حق تقديم العصير مع تقديم العصير تيبين عواده من الجمعيه و الكرز المركز تلقينه في علب و تخذين الكرز و تشكينه في العود و بعدين تحطينه في العصير و إلي يشرب العصير يتذوق الكرز و الله لذيذه الفكره و غريبه الصراحه انا ما خذتها من المنتدى بس منو صاحبة الفكره و الله العظيم بالضبط ما ادري

و بنسبه حق تقديم الشاي على حسب إلي يحب يشرب جاي بالنعاع تحطينله بالاستكانه نعناعه حلوه هذي مفد نعناع و إلي يحب تحطيله ليمونه الليمون الاخضر لصغير تقطعينه شرايح و تحطينها في الاستكانه بس تكون شرايح صغار لنكهةفقط



شرايكم بهلأفكار و منو عندها افكار زياده خلونه نستفيد جميعن

 

[froha83]

ختي sweets_Botique اذا ما عليج امر دزيلي الشغلات اللي عندج على الخاص مع الاسعار

 

[بنات حواء2]

وينكم ؟

 

[الشرنقة]

ها بنات وينكم ؟ منو ولدت ؟

بقول لكم عني .. أمي وخواتي يحنون يبون استقبال بالمستشفى .. وانا محتارة

بسألكم كم يكلفني لو سويت أكشخ بوفيه من الأكل الصغيرون Finger Food ل 100 شخص مثلا .. هل عدكم فكرة ؟

ساعدوني عشان أقرر.. يمكن الاستقبال بالمستشفى أوفر وانا مادري !

 

[بنات حواء2]

و الله ما عندي فكره و انشاله البنات يفيدونج و سعر البوفيه يختلف من مطعم لي مطعم بس اذا كان حق 100 نفر انا ما اتوقع يكلف وايد

 

[الشرنقة]

مشكورة بنت حواء

 

[الشرنقة]

وينكم بنوتات ..

ولدتوا وانا مادري ؟

انا لقيت وحدة حبوبة تسوي فناتك للتوزيع لما يزوروني الناس . شغلها نعوم . واسعارها من 1.250 لي 1.750 مع الكاكاو.

راح اقترح عليها تعرض في المنتدى .

خلاص قررت ان نستقبل الناس كل خميس ببيت أهلي بعد صلاة المغرب. كاكاو ومقبلات وتوزيع الفناتك . قعدة حميمة وسوالف وخلطابيطا..

وسلامتكم وتعيشون.

وهالله هالله بالتوفير والتدبير و قراءة المعوذات عليكم وعلى عيالكم .

و لا تتطيروا ولا تنفروا .. و استقبلوا الزيارات وانتعشوا للوقاية من اكتئاب النفاس.

واكلوا عدل مدل ورضعوا وتحركوا ترى الحركة بركة .

وبس

 

[katkota76]

مرحبا

قووه بنات ..
أنا عندي لكم أفكار حدها غريبة ..
بيض الصعو على أشكال وايد حلوة حق البيبي .. و أقدر أكتب إسم البيبي على بيض الصعو .. و عندي سكر تقديم حده غرييب .. إلي تبي تراسلني على الخاص

حبيبتي ممكن تدزين لي صور الشغلات اللي عندج مع الاسعار

 

[MaYoOoma]

انا ماقمت اييب من فناجين القهوه لان صار قديم
اللي عندها شغلان غريبه وفناتك يديده تقولنا لان حتى انا ادور شي ماشافوه حتى استقبالي

 

[بنات حواء2]

و الله كلامج عدل ميومه صج احس انه صار قديم بس الصراحه ترى الحركه وايد حلوه بس وايد ناس سامعين عنها يعني مو غريبه وايد

شنو في افكار و حركات يدد ؟

 

[mamlakatal7ob]

الله يقومكم كلكم بالسلامه انشالله واللي تبي أي شي لتوزيعات الإستقبال آنا حاضره

تراسلني على الخاص

 

[Naa7Laa]

مملكه الحب

انا ابي اشوف الستاندات


وابي اشوف اذا عندج صور والاسعار بلييييييييز عالخاص

 

[زهراء]

هلا خواتي آنا تبارك الرحمن ولدت في بنوته حلوة بعد إخوانها الله يحفظهم وعملت استقبال كبير في المستشفى حطيت فيه المفارش العجيبة ونثرت الورود في كل مكان وغيرت مكان الأثاث وحطيت لي إضاءة غير والكفر كان عجيب مسويته عند وحده مع قميص النوم اللي نهبلوا الناس منه هذا غير السرفيس كان موطبيعي أجرتلي أثيوبيات لتقديم القهوة ويبت فلبينيات لبستهم صدرية وربطة للشعر غير العصاير اللي كان من وحده بعد والحلو كان من أوبرا بس كان طلبية خاصة والمعجنات بعد طلبية خاصة غير حلو جنيفا اللي موطبيعي وكاكاو الحلوة كان من سويسرا لأن زوجي له أصدقاء دزولنا الكاكاو من محلات ميركور المشهورة هناك أما السكر فماراح تصدقون كان من لبنان على شكل وردة جورية عليها اسم بنتي وكان كل شي باللون الوردي الفاتح ويا البنفسجي الفاتح وعملتلي استقبال في البيت لمدة يومين قبل الأربعينوكان شي خيال والله لحد اليوم يسإلوني عن فخامته.

 

[نور دنيتا]

يالله نبي افكاركم بنات

 

[جرح الليالي]

الله يهون عليكم كلكم

انا التوزيعات اسويها بروحي من السكر واللقاح والكاكاو

واذا تبون شي حاضرين للطيبين

حق بنتي الحمد لله كنت مسوية مجسمين حلوين على ابو اني اسويلها شي عدل بس باخر الثامن كانت لي مراجعه عادية ومن قاسو الضغط دخلوني وظليت اسبوعين لين ولدوني

جنه كنت حاسة ان ماراح يمديني بس وفوو ويااي المجسمين

ان شالله اعوض باليايات

 

[omelnoor]

www.sugarest.piczo.com
هذا موقعي فية الشوكولاته الملونة والقند الملون .