تعالو نلم افكارنه لاستقبال الولاده من ضيافه و تغليفات حياكم الله

[جـــــــــوري]

السلام عليكم


مرت اخوي من فتره سوت استقبال يابت فيه حلا وموالح غريبه عجيبه



صج شغل سبشل ... بشوف اذا مصورتهم ايبهم تشوفونها

 

[84 Miss Chocolate]

يعطيييج العافيييه

 

[جـــــــــوري]

يبيتلكم الصووووووووووره


بس حسافه الحلا مو واضحه الصوره






الورد الجوري هذا موالح .. وقفاش على بسكويت فوقهم حشوه .. وكبب نكهات ..وسمبوسه زعتر كبر اضفر الابهام كله شغل مني ...


والحلا من نفس المحل بعد شغله غريب قلاصات حلا مني وكوكيز مكتوب عليه اسم المولود والون اللي تبين

وشغلات بعد رهيبه ... تمنى افدتكم

 

[بنات حواء2]

اهلين حبيبتي Love \ Hate
الله يسهل عليج يارب
دوريلج كفر بلشي بالكفر لانه التناتيف الي بعده ريضه و هينه
اذا تبين كفري قوليلي و اخذيه بسعر الي انتي تبينه انا ما استخدمته الا يومين
بس
و الله حرام و خذيته ب 300 دك
بس وااااااايد فخم يعني كل الي يوني المستشفى عبالهم من 1000 و صاعد
قلت بقلب شدعوه
ههههههههههههههههه

 

[بنات حواء2]

مشكوره حبيبتي جوري بس حسافه الصور مو طالعين عندي بس من وصفج روعه ماشاء الله تبارك الرحمن ياريت تقولين لنه من وين

 

[tota kim]

انا بس داشا استفيد هههههههه على وشك ولاادة بشوف افكاركم الحلوة

 

[بنات حواء2]

توتا حياج الله حبيبتي و انشاله بنزل افكار روعه عن قريب

 

[lolo6688]

خوووش مووضوع ويني عنه من زمان
بنات شنو هذا حصن المسلم الي تقولون عنه ؟ ومن وين يسوونه ؟
لان انا كنت بحط بتوزيعاتي قران بس قالولي مو زين ويصير بذمتي
حصن المسلم شنو ؟

 

[غــلا]

ياليت تتصغر الصور عشان تكون واضحه لنا

وما شاء الله شغل عدل

 

[بنات حواء2]

lolo6688
اهلين حبيبتي انشاله استفدتي من الموضوع و لو عندج افكار ياريت تعرضينهم لنه عشان الكل يستفيد
حصن المسلم روحي اي مطبعه يطبعلجياهم
بس قرآن ما انصحج اخاف الي ياخذونه يهملونه او شي و تصير بذمتج

غــلا
و الله ما اعرف اصغر الصور


و انشاله اليوم بنزلكم صور حلوه و افكار يديده للاستقبال

 

[da6wa]

بنات أنا سويت توزيعاتي و كل شي بس توهقت بالإستاند .. منو تعرف من وين ألقى استاند حلو و مرتب ؟ سرداب بياع الورد ماعنده ):

 

[بنات حواء2]

da6wa
اهلين حبيبتي انا حق ولادتي سويت الكفر و كل شي اخر شي توهقت بالاستاند رحت سرداب بياع الورد تلقين عربانات يهال زبيل محطوطين فوق الارفف يبينون لي نزلتي من الدري لبسته تور و شرايط و دانتيلات و ورود مجففه
وصار شكله غريب و حلو و الكل استانس عليه
و حطيت فيه توزيعاتي و حطيته على الطاوله شكله كديكور حلو و كستاند شي يديد و غريب
بس اذا مالج خلق هلعباله في نفس مجمع بياع الورد فوق محل يبيع ستاند و سكر مغلف و هسوالف عنده سوالف تينن و ستاندات روعه قوليله يواريج الكتالوج و اسعاره مو غاليه

 

[بنات حواء2]

مثل ما وعدتكم حبايبي يايبتلكم صور و افكار حق الاستقبال

 

[بنات حواء2]

اول شي شوفوا معاي الفكره هذي وايد حلوه تسوين مثل هطاولات بكورنر من الغرفه و تزينينها بشراشف و التور الي يمشي مع كفرج و توزيعاتج و تحطين عليها حلو القهوه و القهو و الفناييل و يفضل يكون عند الباب عشان الي يطلع يتقهوه على طريجه بدال التوزيع و الفراره بالغرفه

 

[بنات حواء2]

هذي صورة نموذج لكفر لقيته في احد المنتديات حبيت اني انقلكم الفكره و الترتيب

بس انا برايي لو يكون الكفر الوان غير الاوفوايت افضل لانه الناس هبوا فيه هبه بس الحين طالعين بالالوان
انا عن نفسي سويت لون غريب و الكل سأل عن الكفر من كثر ما كان لونه روعه
اللون البنفسجي اليلكي

و الحين هابين بالزيتي و العسلي و المشير و النا اذواق

 

[بنات حواء2]

هذي غرفة استقبال كفرها وايد راقي و ناااااااااااااااعم و بسيط و الحركات صايره بالبلونات وايد روعه و الشغلات الي معلقه وايد ناعمه و تلقون منها في سرداب بياع الورد
انا مره رحت استقبال وايد حلوه فكرته معلقين كبوس و تبنات ورديه بالغرفه و على الستاند

 

[بنات حواء2]

و هذا مدخل الغرفه وايد حلو و ناعم احنه تعودنه نشوف ورد بس بالونات ناعمه مثل هذي قليل ما نشوف
ترى البالونات وايد روعه

 

[بنات حواء2]

هذي الغرفه وايد عجبتني توزيعاتها و شغلها بس فيها وايد دثره
بس انتو شوفي الافكار و الجانب الايجابي الي فيها و الاوان

 

[Love \ Hate]

نايس حبيبتي يعطيج العافية

 

[عيون عجميه]

بنات ممكن مكان راقي اشتري منه بيالات تقديم وصحون حلا