تعالو نلم افكارنه لاستقبال الولاده من ضيافه و تغليفات حياكم الله

[نوره في وسط صوره]

عاشت ام زنوب عاشت

 

[بنات حواء2]

نور العين تشجيعج حده يونس

 

[بنات حواء2]

شوفو هذا الصندوق عجبتني فكرته و الوانه وايد حلوه ممكن تسوين نفس الفكره مالت الدم بس على ستاند يعني مو شرط صندوق بس على فكره ترى توني ادري انه اللون الاخضر الفاتح مع الوردي الفاتح يعطي نتايج حلوه

هذي العلب عجبتني خصوصن اذا كان المولو بنوته
و ممكن تستغلين المسافه الي موجوده بوسط القلب في كتابة دعاء

 

[بنات حواء2]

الجوكلت هذا حده يهبل مع القهوه الي تعرف وين يبيعونه تقولنه ههههههههههههههههه

انا السكر هذا حده عجبني صج شكله يونس

و هذا القند بعد اشكال و الوان

 

[بنات حواء2]

و هذا الشكل وايد عجبني ترى همه حاطين بالعلبه ككاو و علجنب شكر اذا ملاحظين و مغلفينه بسولفان ترى بعض المرات السولفان بتغليفات يعطي نتيجه حلوه

انا الصراحه عجبتني الالوان قبل أي شي عجبني الاخضر الفاتح مع الذهبي افكار ما تعودنه عليها تعودنه نشوف ياوردي عشان بنيه و لا ازرق عشان ولدبس هلون غريب و حلو عاد تدرون انا بغيت اسوي كفري مو بنفسجي بغيت اسويه هدرجه من الاخضر بس ماينفع حق بنوته احسه حق صبي احله و شوفوا التوزيعات مختلفه يعني تقدرين تنوعين بأشكال اتوزيعات

الدبب الي في العلب البيضه الي مصفوفه على جنب وايد عجبتني بس فكرتها وايد انتشرت وين ماتروحين تشوفين مسوين نفس الطريقه حق استقبالات الولاده و الدب الي فيها حلو بس ممكن انج تستقلين العلبه في انج تحطين كذا شي فيها ممكن ككاو و ماي زمزم او ككاو و دهن عود و جذي لانه راح تكون العلبه عوده
و ترى اللون المشمشي مع الاوفوايت غريب و حلو

 

[بنات حواء2]

السكر هذا وايد حلو و الي اعرفه انه في وحده تبيعه عندنه بالمنتدى مره شفتها عارضته

هذي الاشكال وايد عجبتني

هذي البراويز وايد حلوه تقدرين تحطين فيها دعاء او المعوذات او حصن المسلم او عباره حلوه
و الاحلى الصداري الي جدامها يهبلون احب هسوالف

 

[لمسات شمووخ]

حبيباتي

انا اسوي تجهيزات كامله لاستقبالات الولاده

وراجعو موسوعتي اللي بتوقيعي فيها جزء من شغلي
وهذا رابط ثاني

http://q8yat.net/showthread.php?p=7497285#post7497285

واي استفسار رقمي موجود

 

[بنات حواء2]

هذي الجاكليتات وايد عجبتني طبعن مافيها ككا و لا شي هي بس شكل تسوينه من الخام و تعبينه سفنج و تسوينه على شكل جاكليت
حلو انج تستخدمينه في تزيين العب ترى فكرتها رهيبه لو تعددت الالوان مثل و حق البنوته درجات الوردي الغامج و الفاتح تخيلو الفكره ترى حلوه بس تكسر الضهر <<< الي يبي الدح مايقول اح هههه

هذا الشكل وايد عجبني ولو غلفتي بتور كريمي او ذهبي او سولفان راح يطلع احلى

 

[بنات حواء2]

هذي الحركات وايد حلوه بذات العب ممكن تستقلينها بالككاو

الشغل مبين متعوب عليه بس الي شدني و عجبني درجت اللون الوردي وايد حلوه بين الوردي و المشمشي الصراحه لون رهيب المره اليايه اذا حملت ببنيه بسوي كفر اوفوايت بالوردي المشمشي ترى وايد حلو
بس الاستاند الصراحه وايد مرتب و حاولا تاخذون فكره عن طريقت التوزيع ترى وايد حلوه
ولاحظوا ترى مدخله الغش الاصفر بالورده و الفراشات الالوان واو الصراحه

هذي العلب وايد روعه علبه تحطين فيها الي تبينه من توزيعات و تغلفينها بتور و فوقها دب الصراحه الفكره وايد حلوه و انتي عاد تفنتقي بالالوان واييد روعه الفكره تغريبن مثل فكرتي مع ماي الزمزم بس انا زينت العلبه نفسها بالورد

 

[بنات حواء2]

هذا الفنتق بتستانسون عليه علب تهبل يكون فيها ككاو او حلا على شكل زر على حسب البيبي اذا بوي او جيرل و اذا مجهول الهويه في بطن امه مالها غير الاصفر اعتقد هذا تطلبينه من سايت او شي جذي بس فكرته ناعمه و حلوه

هذي العلب شكلها وايد حلو و الي محليها الالوان الي فيها حاطين اما علج او ككاو من طقت ام اند ام بس احس يعني هلايام اذا ما خذيتي من الككاو المغلف الي من المحلات الراقيه ووزعتيه مع التوزعيات احس مو حلو توزعين هسوالف بس كشكل حلو
بس دققوا على الشريط مكتوب عليه يوم ولادت البيبي اشدراها انها بتولد بهليوم الله و اعلم بس خوش فكره حق الي تبي تسوي استقبال بعد الاربعين

و الاستاند هذا وايد حلو و البراويز الي فيه وايد عجبتني بس اكثر شي لفت نظر الليتات الي عليه ترى وايد حلوه

 

[بنات حواء2]

هذي العلب بعد حلوى و مرتبه

هذي العلب وايد عجبوني نعومين و اشكالهم واو ترى تقدرين تروحين حق مطبعه و تطلبين منه يسويلج جذي و تشترين هصداري من سرداب بياع الورد و ممكن تسوين العلب على شكل مربع بكون احلى

هذي القراقيش ترى شكر حلوين تحطينهم يم الاستكانه شكلهم وايد حلو
بس انا افضل القند الي يكون على ورده على لون الكفر او الاستكاه يكون احلى و الناس اذواق و الا انتو شرايكم

هذا الشكل وايد عجبني الصراحه حلو ممكن تستقلينه بشي و ممكن تحطين بالوسط طاسه تصفين فيها حلو القهوه ترى فكره وايد حلوه

 

[بنات حواء2]

هذول البراويز حلوين

هذوله الكرستالات وايد روعه و تحسين بفخامه خصوصن اذا نسقتيهم بالعلبه صج واو و ممكن تزينين فيها العلب الشفافه بالذات راح تحين انه العلبه و كأنها من كرستال وايد عجبوني بس اعتقد مكلفين

سوو نفسكم مو شايفين بطل الماي ههههههههههههههه
بس دققوا على الشيره ترى حركتها وايد حلوه خصوصن لو سويتي اشكال و فناتق بالككاو و علقتيهم عليها و بتييكم افكار من الاذي منه في الصور اليايه

شوفوا هذا شكل ثاني للشير يعني مو لازم تكون مثل الشكل الاولاني

وايد عجبوني خصوصن لي غلفتيهم بتور ذهبي راح يطلعو واو و زينتيها بره بدبدوب بني بتصير شي ماصار ههههه

 

[بنات حواء2]

هذي وايد عحبتني استفيدوا من فكرتها ترى وايد روعه

و هذي فكره اشلون تعلقين التوزيعات على الشير الي حطيتهم لكم قبل شوي
بس ترى في افكار احلى من جذي بوايد هذي احس شكلها عوده وايد على حبة وحده من الككاو يبيلها شي ثاني غير الككاو مثل بطل ماي زمزم مثلن

اكثر شي جذبني بهصوره البيض الملون

 

[بنات حواء2]

هذي الفكره وايد عجبتني الصراحه وايد روعه ممكن توزعينه كحلو قهوه و ممكن تلفينه بسولفان و توزعينه

اشكال ثانيه من السكر و موجودين عند وحده من المنتدى تبيع منهم

هذا ككاو شكله وايد روعه و القرقاشه الي فوق الي على ازرق موجوده تبيعها همن وحده في المنتدى و عندها سايت متروس افكار بالككاو ماشاء الله عليها وهي لها رد موجود في هلموضوع و الله انصحكم تدشون السايت و انا عن نفسي ناويه اتعامل معاها بالحمال الياي ترى عندها اشكال احلى من جذي بوايد

شوفوا فكرت البيض لو حطيتي معاه غش و ديايه راكه راح تصير واو و احلى و احلى لو حطيتي ديايه مثل الطبيهي يعني يكون فيها ريش تصير صج روعه و تونس

هذي توزعيات متعلقه بشيره بس اشكال ثانيه

 

[بنات حواء2]

هذا الشكل اكثر عجبني فيه الورود الي على جنب وايد روعه
و اكثر شي شيق خلقي فيه الارنب الي بالوسط ليش ضايق خلقه ياربي

هذوله العلب روووووووووعه

هذوله همن حلوين

هذي الفكره وايد حلوه و ممكن تحطين بيض صصعو مع ككاو مكس يعني

 

[بنات حواء2]

هذوله وايد عجبوني ممكن تزينين فيهم و بنفس الوقت ينوكلون

فكره ثانيه للقند

هذي العلب حلوه وايد و تعجبني فكرتهم بس احنه تعودنه على الككاو في الاستقبالات

 

[بنات حواء2]

هذي المميات يننتني صج روعه

هذي الشموع وايد حلوه وفكره روعه في انج توزعين شموع صغنونات ترى حلوه و يديده
و ممكن تغلفينهم بتور مثل ما اهمه مسوين ترى حتر الصور الي على الشموع تونس

 

[بنات حواء2]

هذا الشكل وايد عجبني فعلن حلو

الماي زمزم حلوه فكرته هني بس لو ينحط بعلب احس انه يصير افخم

افكار ثانيه حق القند

هذا الككا وايد روعه الصراحه وتلقونه بسايت التاجره الي قتلكم عنها و الله ناسيه اسمها

صور ثانيه للقند

 

[نوره في وسط صوره]

ماشالله
لايوقف
لايوقف
لايوقف
ابي شي غريب يعني فنتق شفتو غريب لو تكتبونه حتى

 

[نوره في وسط صوره]

وين فيه بيض الصعو الي ينكتب عليه الاسم وبجم بلييييييييييييييييز