تعالو نفيد و نستفيد بخصوص ( فنادق دبي ... ) !

[ملاك بلا أجنحة]

السلام عليكم

بنات موضوعي الله يسلمكم عن فنادق دبي
نبي نتعرف عليها من ناحيه البارات و الديسكو و المراقص و هالخرابيط
عشان نستفيد و نفيد باجي البنات و حق السفرات اليايه بعد
يعني لما نروح نكون عوايل و ما نبي نشوف هالمصخره و الخرابيط
ولا نبي عيالنا يشوفون هالاشياء و اعتقد الكل مأيدني بهالموضوع
و اصلا كل عايله تبي تسافر صارت تدور اغلى فندق و ارقى فندق و تفتر و تحووس
تدور فندق نظيف لانه اكثرت الخرابيط والله يستر ..
حتى اني اذكر اول مرة رحت دبي كان فندق وااي لدرجة انه بليل احنا نايمين يطقون علينا باب الغرفه بنات و يقولون ما تبون !!! و اصوات واصله لي اخر الشارع شي مو طبيعي !!


ف انا بعطيكم من خبرتي اسامي الفنادق اللي تحتوي على هالخرابيط و العياذ بالله
و انتو عطونا من خبرتكم ..


و نتمنى نفيد و نستفيد
و سلامتكم يالغاليات

 

[ام جسوماتي]

السلام عليكم اختي الغالية احب اعطيج فكرة بسيطة بما اني عايشة في دبي مؤقتا
عندج فندج اسمه تاج بلاس 5 ستار بصراحة روعه وخالي من البارات والديسكوات وحتى المشروب وبصراحة خدمة وراقي حيل ..

 

[قطوووة]

فندق الخليج هوليدي ان واااااااااااااايد حلو

فيه بار لكنه بروح واللي ماروح بدواعيس الفندق مايدري انه فيه

انا مادريت الا اخر يوم كنت ادور اخوي الصغير مادري وين راح وشفت باب البار بالغلط واحنا بنمشي

بس ماعندهم بنات وخرابيط

هادي جدا الفندق نظام شقق

واااااااااااايد هدوء وسعره كان معقول لكن الان يقولون زاد

 

[ملاك بلا أجنحة]

فندق رافلز

اكسسسس

 

[احساس الحب]

انا توني رادة من دبي وسكنت بفندق كوبثرون توه جديد مفتوح السنة اللي طافت وحيل هادئ وحلو يصلح للعوائل ونظيف بمعنى الكلمة وفيه مطعم كريستال عجيييييييييييب وفي كافيه وفي مطعم يطل على بحيرة صغيرة وحمام سباحة وحده جو رومانسي شموع وسوالف والله حيل حلو

 

[حـلا و ذوق]

انا بأول شهر 5 كنت بدبي وسكنت بفندق الكوبثورن .. نظظظظظظظظظيف ومافيه اي بار ونظامه اسلامي ..

وهو يعتبر تبع سلسلة فندق الملينيوم

 

[فديتنـي]

حبيبتي ماكو احسن من فندق ستي سنتر واااااااااااااااي يهبل و اي استفسار انا جاهزة اي شي تبونه بناات لا يردكم الا كيبوردكم

 

[مناير]

حبيبتي ماكو احسن من فندق ستي سنتر واااااااااااااااي يهبل و اي استفسار انا جاهزة اي شي تبونه بناات لا يردكم الا كيبوردكم

الله يهداج ما مدحتي الا أسوء فندق الصراحة خسارة فلوسة أنا كنت بدبي من 3شهور كا ن حدة معفففففففففففففن الخدمة الغرف والا الفراش اللي نمت عللللللليه اللهم يا ساتر خشن ورايح لونة صراحة الفندق اهم شي بالسفرة .. الحسنة الوحيدة فية انة بالسوق عن دوخة التكاسي............ اللي تبي فندق 5نجوم وتحس انها ملكة ( أتلانتس النخلة ) نص البحر بالجزيرة الجديدة ورااااااااااااااااقي

 

[مناير]

فندق الشنغريلا أنصحكم فيييييييييييييييه روعة

 

[نبض القلب]

فنادق جميرا كلهن حلوات ونظاف

مثل ميناء السلام

 

[الأماكن]

العام سكنت بفندق كونكورد دبي ... هادي و راقي بس بو 4 نجوووم

كأنه خمس نجوووم

ونظامه إسلامي ... و مافيه خرابيط ومصخرة

و إن شاء الله هالصيف يمكن أروح لها مرة ثانية دبي ما ينمل منها

 

[amoon]

كمبنسكي نايس

ويمدحون فستفال ستي

 

[نووووونا]

رمال روتانا


4 نجوم فندق اسلامى وهادى وااايد ومافيه اى خرابيط ونظيف ومرتب

انا رحت له من 3سنوات يهبل واثاثه نظيف وخدمتهم حلوه

 

[دلوعتهـ]

العطله اللي طافت رحت لدبي وسكنا بفندق دوست دبي بصراحه حلو ونظيف والخدمه حلوه بس رفيجتي مدحت فندق روتانا عاد كنا بناخذه بس ما أدري ليش ما خذيناه


وتقبلي مروري :tek:

 

[الزين وأهله]

دبي دار الحي كلها نظيفه http://www.q8classroom.net/up//uploads/images/q8classroom4b290bc82d.jpgهذا فندقنا برج العرب

 

[د.شريفة]

قعدت في جراند يور خلف الامارات مول وايد راقي وحلو ونظيف مافيه هالسوالف والحجز بالنت وايد وايد ارخص من هناك

 

[ظبية الامارات]

شي واايد فنادق حلوة ونظيفه ولوببون فنادق حلوة ونظيفه والاهم انها تكوون لاصقه ف مولات احسن لكم من لوعة التكاسي والزحمه المزعجججججججه الصرااحه

منطقة داون تاون برج دبي وانصحكم فيها تعتبر ارقى منطقة في دبي فيها هالفنادق ..
ذا ادريس العنوان
ذا بالاس
المنزل
قمر الدين
وهالفنادق كلها قريبه من دبي موول اكبر موول في الاماراات والخلييج ومافيها هالخرابيييط واسعارهم واايد اوكي بس ذابالاس يقولون غالي شوي

وفي ارجان روتانا هذا عبارة عن شقق فندقيه واايد يمدحوونه للعائلات وسمعت انه فيه برايفت سويمنق بوول

فندق الانتركونتيننال وفندق كراون بلازاا ملاصقين للفيستيفال سيتي وهذا مركز تسوق غاوي وممتع للكبار والصغاار

فندق كمبنسكي الملاصق ل امارتس مول ..

مممممم بعد مااذكر من كثر الفنااادق اللي ف دبي نسيييت ههههههه

 

[Gorgeous & GLamor]

بنات حبيت اسألكم عن اتلانتس ، انا رحتله وشفته وكل شي بس ما قعدت فيه ، ياريت اللي قاعده فيه تقولي عنه ؟
و عن مستوى الغرف ، لان بصراحه دخلت الفندق والمطاعم بس ما دخلت الغرف ..

 

[ليدي دبي]

فندق انتركنونتننال جنب فستيفال سيتي روووووووعه ويطل على البحر

 

[ظبية الامارات]

بنات حبيت اسألكم عن اتلانتس ، انا رحتله وشفته وكل شي بس ما قعدت فيه ، ياريت اللي قاعده فيه تقولي عنه ؟
و عن مستوى الغرف ، لان بصراحه دخلت الفندق والمطاعم بس ما دخلت الغرف ..

حبيبتي اتلانتس مستوى الغرف اوكي انا حسيتها عاادية بمستوى الفندق وفخامته الصراااحه وبالنسبة لليهال بيكيفون عالاكوافينجر اللي هناااك ..واللي اعرفه ان الغرف ب 900 وشوي درهم لليله وهو عرض مايتفوت