تعالو نشوف طريقة كل وحده عند استقبالها لضيوفها شتسوى

[انتظر حبه]

رد : تعالو نشوف طريقة كل وحده عند استقبالها لضيوفها شتسوى

اولشي البيت لازم يكون مبخر وهذي يومي بس اذا في عشا والا استقبال انحط بخورعود مو معمول مال البيت
يكون الشاي والقهوه والبيالات والفناجين والماء جاهز علي الطاوله
نبدي اول بالقهوه والحلو والعجايز يحبون التمر والارطب حسب الموسم
بعد مايتقهون اصب الشاي مع صحن تقديم فيه كذانوع من الموالح الميني مع صحن ميني للمكسرات وحطه علي طاوله الضيفه بعدها نمر القهوه ثاني مره ونمر بعد بالعصايرواذا وفي عسا بعد العشا نحط شاي اعشاب والا شاي اخضر للهضم وبعدها انبخرهم ومايشوفون شر

 

[كلنا عشاق لكن]

رد : تعالو نشوف طريقة كل وحده عند استقبالها لضيوفها شتسوى

ماشالله
ومنكم نستفيد
متابعة :eshrab:
وإعجبتني ضيافة هيبة ملكـــ
ألف شكر
​

 

[<<لمار>>]

نقدم عصير وماى اول مابون بعدها الجاى والمعجنات بعدها الحلو والقهوة ونعطر ونبخر ضيوفنا بالاخر

 

[نيولوفر]

بما اني اكبر البنات البيت ف لازم اضبط كل شي واشرف على كل شي و انا نوعي احب ادلع الضيوف و افنتق لهم طبعا هذا غير الاساسيات القهوه و الشاي و الحلو والمعجنات احب اقدم بعد هذا كل مشروب بارد غريب او ايس كريم اكون انا مسويته بالبيت طبعا مع اضافات فنتقيه او طبق بارد بس يكون بصحون التقديم المني و بعد هذا اسوي كذا نوع شاي اخر اكون شاريته محل الشاي الي بالافنيو ىقدمه ع الطريقه الصينيه و مرات احط سله صغيره يكون فيها علك مستكه ونعناع لولي و هيل و بث

 

[تورمالين]

أنا بصراحة طريقتي في استقبال ضيوفي تختلف في الصيف عن الشتاء ...... في الصيف ابدأ باستقبالهم بالعصير البارد و الماي و معاهم مقبلات .. و بعد شوي نبدأ بالقهوة و الحلو و بعدين الجاي و سوالفه.... و في الشتاء أبدأ بالقهوة و الحلو و بعدين الجاي و سوالفه و ما أنسى الأعشاب (زنجبيل, دارسين ) و اكيد الماى حاضر... وقبل لا يطلعون بالسلامة نبخرهم و نطيبهم ​

 

[نور التقوى]

اول شي حبيباتي نقدم الماي وبعدين الحلو والقهوة وبعدها الفطاير وورق العنب والمكسرات طبعا كل ضيفة يكون عندها صينيتها الصغيرة ومقدم فيها كل شي وهذا كل وحدة وذوقها في شكل الصينية ومواعين التقديم الفنتق ومولازم يكون سعرها غالي وآخر شي الشاي بانواعه او العصير

 

[القطه الجميله]

اول شي نبدي نبخر البيت ونعطره ونجهز القهوة والشاي والحلا والفطاءر ويكون من محلات راقية وبعدين نبدى نحط العشا واخر شي شاي زعتر او نعناع لازم تكون المطارات والصواني كشخة وشكلهم حلو​

 

[القطه الجميله]

اول شي نبخر البيت ونعطره وبعدين نجهز القهوة والشاي والحلا والفطاءر ويكون من محلات راقية وبعدين نحط العشا واخر شي شاي زعتر ونعناع وتكون الصواني والمطارات كشخة وشكلهم حلو​