"/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

[ريحانةالروح]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

أولا اللي تبي الفنتق بالشكل واللذه والغرابه بالطعم بدوووون تردد عليج بكتب عبير الراشد
والله يابنات بالنسبه لي بدايتي كانت مع كتب المطاحن من بدايتها زويينه بس مافيها شي زووود كتاب النخبه لأمل الجهني للمبتدئات يعني أكلات عاديه صراحه ونفس الحجي لكتاب بنت عبدالله
أما الشاطره بالطباخ ولها مزاج أتفنتق عليها بعبير الراشد أول كتاب طبعا خلص أسمه الذواقه
ولها 50 طبق للذواقه ومطبخ لنا والذواقه2 و3
أنا ماأعرف أنزل صور بس والله أسوي نفس وصفتها تطلع لي نسخه طبق الأصل من طبقها اللي بالكتاب أنا ترى حدي معجبه بذوقها عسى الله يوفقها وأنصحكم فيه والتجربه خير برهان على فكره عرفات الأربش روووعه بعد وخصوصا بالحلى لا تدورووون مناك ومنيه ولاحتى تفكرووون تشترووون من الحريم اللي يبعووون كسرت سووقهم جني لوووول الله يرزق الجميع بس كتب عرفات بالحلو رووووعه وبتول الكندري حلو شغلها أنشالله أني أكووون ظفت شي يديد لمعلوماتكم لأني ماقريت الموضوع من بدايته بسخذاني الحماس واللي تامر بشي أنا حاظره بكتب الطبخ

 

[0(مـــســـ(مطير)ــــــك)0]

وين احصل كاتب ام ديما للطبخ

السلام عليكم ورحمة الله وبركاته


شلونكم شيفات هههههه يعني طبخات لاتزعلون

بنات في كذا وحده مدحتلي كتاب ام ديما للطبخ بس موعارفه وين احصله ؟؟ بأي مكتبه بلييييز


ومشكووووورات مقدما

شيفه مبتدئه

 

[ايمانو حلوة]

رد: وين احصل كاتب ام ديما للطبخ

سالي مكتبة العجيري انشالله افيدونج اخذي رقمهم من اللبدالة

 

[جارة القمر]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

الكتاب

أنا شايفته


بمكتبة العجيري

 

[ام ريان2008]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

يا ريت يا بنات تحطون اسعار الكتب زي عبير الراشد و الضيافه و بتول الكندري
وبالنسبه للمقيمين في اوروبا كيف نحصل الكتب ..؟؟

 

[myaj_q8]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

ماشاءالله موضوع شيق والله انا جربت المطاحن وعبير الراشد وبتول الكندرى وجم كتاب سعودى لكن والله شاهد على كلامى من دخلت النت اكلات بناتنا وخواتنا ربى يحفظهم والله ا تفننت باطبلق الكل سالنى عنها والله يعجز اللسان عن شكرهم لاجتهادهم ماعندى اى كلام والله غير ربى يكثر من امثالهم ويزيد البركه فيهم انشاءالله يارب ومنكم نستفيد يابنات المنتدى ويخليكم لنا يارب

 

[محامية كويتية]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

تسلمووووووووووووووون يابنات
ماقصرتوا

 

[دلوعة مجنونتها]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

بصراحه أنا موووووووووووووووووو من هواة الطبخ لكن خواتي كلهم غرامهم شي إسمه مطبخ ويمدحون حييييييييييييل كتاب المميز

 

[3areeb]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

انا الظاهر مابقى كتاب ماشريته
عالم حواء مايستاهل سعره ابد ومليان اخطاء لأنه تجميع مو لطباخه وحده انتي واثقه فيها
تسوين الطبق وايدك على قلبك ماتدرين وش بيطلع لك يعني زي النت اللهم انك دافعه فيه 160 ريال لو ارخص اوكي يغني عن
التصفح بالنت وحولة العيون

النخبه استغربت البنات اللي سبوه لأنه حرام هالكتاب أسس كثييييييرات بالمطبخ صح التصوير موذاك الزود بس لاحظوا انه قديم
وهو تقريبا اول كتاب سعودي طلع بهالمستوى واللي يقولون طبخاته من النت اقولهم البنات نقلوها من الكتاب للنت مش العكس يعني الحين صح مايسوى تشترينه ولكن مجهود الكاتبه ماننساه الله يجزاها الف خير ويشفيها لأني سمعت انها مريضه

ام ريما هذا عاد شي ثاني بلوى تورطت فيه لاتصوير ولا ذوق ولا عرض ولا شي يعني مايستاهل ولا حتى يحطونه هديه مجانيه مع كتاب صاحي<<<<<<<< متحسفه عليه من قلب

المطاحن يعني اجزاء واجزاء مو كله نفس المستوى والمشكله يبيعونه مغلف عشان تتوهقين

بتول الكندري عندي الجزء الثالث شي روووووووعه وذوق راقي يفتح النفس بس طبعا مو كتاب كبير يعني اطباق بسيطه
للامانه مابعد جربت منه شي بس العرض والاسلوب واضح ومرتب

عبير الراشد حمستوني اشتريه من مدحكم لها بس مادري موجود بالسعوديه ولالا ؟؟؟؟؟؟؟؟؟؟

 

[_ ليالى _]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

صراحة جربت كتب طبخ وايد واللى عجنى حيل كتاب منال العالم:eh_s(6):

 

[otroja]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

الكتب الاوائل بدون منازع المطاحن بنت عبدالله عبير الراشد بتول الكندري

 

[ام ريان2008]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

يااااريت تحطونا وصفات من كتاب عبير الراشد لانه انا مقيمه في المانيا مو قادره احصل الكتاب
و صار عندي رغبه اعرف وصفاته ...من كثر المدح اللي مدحتوه
والله يجعله في ميزان حسنااااااااتكم ...

 

[يا ليل مطولك]

كتاب الطبخ الصادر من قناة فتافـــــــــــيت منو شرته ؟؟؟



السلام عليكم

شلونكم طباخاتنا عساكم بخير ان شاءالله...

اكــــــــــــــيد الاغلبيه منكم شاف او سمع حتى عن قناة فتافيت ..


والقناة مؤخرا اصدرت كتاب عربي كل يوم يشمل وصفات برنامج " صحبـــــه طيـــــبه "

والكتاب متوفر في جميع المكتبات في دول الخليج

الزبده منو شرت هالكتاب ؟؟

وشرايج بوصفاته ؟؟

تنصحيني اشتريه ؟؟

وسلامـــــــــــتكم

 

[جارة القمر]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

شوفي هالموضوع حبيبتي

http://q8yat.net/showthread.php?t=352894&highlight=%DF%CA%C7%C8

 

[مهندسة طموحة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

انا مبتدئة بالطبخ و ابي كتاب سهل و حلو بس غير المطاحن
شنو تنصحوني ؟؟

 

[حلم الطفولة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

آنا كنت ماحب أدخل المطبخ ,, بس حدي أعلم الخادم وأسوي الشغله مره جدامها وبس ,,

في الفتره الأخيره من بديت أدخل المطبخ وأسوي شغلات لله الحمد ومستانسه حدي ,, ولما جربت كتب المطاحن شوي بعض الأكلات ماضبطت معاي مادري ليش ,,
وبالنسبه للمبتدئات , وايد أنصح بكتاب منال العالم لأن وايد دقيق وصفها وشرحها مفصل ,, حبيته حيل.

والصراحه اللي وايد نفعني هالقسم في منتدانا عندكم إبداع واللي مايتشوق يتشوق

تلقون في مكتبة المثنى مجلات انجليزيه ( استراليه ) وسهله حيل وفيها أكلات حلوه .

 

[ام سلومd]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

اشلونكم ياحلوات عيل انا ماكو كتاب طبخ الصراحة ماشريته و احلى كتاب الصراحة كتاب الطبخ ذوق و نكهه الصراحة انصحكم فية ترى شغلها وايد سهل و تطبيقاتها مضمونه الصراحة ماكو مجلد ماشريته وايد حلوة و سهل خاصة حق المبدتئات الي ما تعرف تطبخ واييييييييد سهل و بسيط و هم الضايفة عبير الراشد الصراحة وايد حلو بعد و كتاب الشيف رمزي الصراحة مادري وايد معقد و اشوي صعب و ماعجبني وايد و منال العالم انا الصراحة ماعجبني وايد

 

[روى سكر]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

كتاب منال العالم كتاب قيم وخاصة آخر إصدار لها، تلاقيه في مكتبة جرير.
سعره(15 دينار) بس يستاهل ، وصفاتها منوعة من جميع المطابخ وترضي كل الأذواق وأهم شي مكونات الوصفات متوفرة وغير معقدة(يعني مو عشبة مابعرف شو من أي جبل وصلصة أي جزيرة آسيوية ...الخ) وتقريبا جربت معظمها ومستحيل تخيب خاصة إنها بتنتبه للأخطاء اللي ممكن تحدث معك عند تجربة الوصفة للمرة الأولى وتنبهك عليها في ملاحظات أسفل كل وصفة.
كما أن الصور جذابة للغاية والمقترحات التي تقدمها في الكتاب جدا مهمة، وفي أول الكتاب تعرف لك كل ماتحتاجينه من أدوات في المطبخ مع صورها وتشرح لك قصص الموازين والسعات والمكاييل بعدة أسماء، وتعطيك أفكار لكثيرمن الفواكه والخضار ونصائح اخرى.

 

[جرح الليالي]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

حياكم الله ومشكورين على الاضافة

 

[‏إنگِسَارْ آلشَـوْق ..!]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

كتاب عبير الراشد حلووو
وكتاب أطباق مميزه عجيب تلاقووونه بجرير ب13 دينار ومو خساره فيه


وسمعت عن كتاب ام شهد (كتابين مع بعض) ،، شفت وحده تسوي منه حلويات عجيبه ،، بس ليما الحين ماجربته ولاشريته