"/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

[خالديه سعوديه]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

والله بنات اول ما دريت لأنه منزلين عالم حواء كتاب إستانست بعدين ضاق خلقي ليش بمنتدياتهم يمنعون وحده تحط طريقه من الكتابهم بس إذا تبي تمدح تقول الوصفه الفلانيه إسمها ورقم الصفحه لكن كتب ثانيه سواء عبير الراشد بنت عبدالله وإلا المطاحن لا عادي يحطون وساعات يكتبون من الكتاب الفلاني وساعات ما يكتبون وساعات يصورون الصفحه كامله مو حرام
وحاطين حقوق طبع لكتابهم جنه كتب الكوتيه مافيها حقوق طبع مع العلم إنه اطباق عالم حواء إلي بالكتاب المشاركات أكيد ماخذينهم من كتب بس والله إن دريت إنهم ماخذين من كتب كويتيه وعرفت منو صاحبته ( صاحبة الوصفه ومن اي كتاب ) بقولها

حبيبتي طبيعي انهم يسوون كذا ... والا شلون الحريم بيشترون كتابهم ...
حتى منتدى بيت حواء .. منزلين كتاب وممنوع تنزلين وصفات منه ... بس نزلي الصوره ومدحي فيه .. عشان الناس يشترونه ...
والمسأله مو مسألة كتب كويتيه وكتب سعوديه ... لا تاخذك الوطنيه بزياده حبتين ... كل كتب الطبخ اللي تنزل بالسوق ...كويتيه ..سعوديه ..مصريه ... لبنانيه ... تنزل وصفاتها بالنت عن طريق مثل هالمنتديات .. ولو منعوها عشان حقوق الطبع كان محد نزل مواضيع .. ولا وصفات ..
عموما انا مسويه مقاطعه لكل كتب الطبخ ... كل شي موجود بالنت ... بغيت غربي .. شرقي ... خليجي ... هندي .. شامي .. ايراني ... كل شي موجود ...
واللي تعجبني انزلها على ملف وورد واحفظها عندي بملف حاطته بالمطبخ ... احسن كتاب طبخ بالعالم وعلى ذوقي ...
وش رايك بالافكار ... _03ba:

 

[الفانيه]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

أختي خالديه ترى لا ماخذتني الوطنيه ولا شي وانا لما ذكرت كتب كويتيه لأنه هذا إلي كان حاضرني ما إسعفتني الذاكره بذكر باجي الأسماء وأنا معاج إنه جميع الكتب الكويتيه سعوديه وبحرينيه وقطريه وغيرهم قاعدين يحطون طرقهم وساعات يصورون الصفحه وعلى فكره كلهم لهم حقوق طبع ونشر وتاليف وأكيد أصحاب الكتب ما تدري عنهم بصراحه حرام تعب غيرهم ياخذونه ويسرقونه بكل سهوله حرام والله صدقيني لو وحده من أصحاب الكتب تعرف تدري عنهم أكيد بتقاضيهم وبكل سهوله

وفعلاً مثل ما ذكرتي مو بس عالم حواء منزلين كتب ادري عن متديات الثانيه وهم سعوديه ومشهورين منزلين كتب ولا يرضون يحطون وصفه من كتبهم بالموقع والله شي غريب

بس على قولتج كل شي موجود بالنت بس هم ما نستغنى عن الكتب أنا وحده ما أستغنى عن كتاب بنت عبدالله نهائييييييييي ولا النت

 

[الفرح1]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

اللى اشترت كتاب عالم حوا هل احسن من النخبه اومنقول منه فية شى جديد

 

[jegrom]

سفرة أناهيد الشهية

سلام عليكم بنات شلوكم
منو فيكم شرت كتاب سفرة أناهيد الشهيه؟؟

اذا ممكن من وين وبجم سعره

ومشكورين

 

[:: Diva ::]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

صار لي من زمان ما شريت كتاب طبخ اخر واحد شريته المطاحن وايد احبه

 

[GAP^^الكبيرة]

رد: سفرة أناهيد الشهية

سلام عليكم بنات شلوكم
منو فيكم شرت كتاب سفرة أناهيد الشهيه؟؟

اذا ممكن من وين وبجم سعره

ومشكورين

حبيبتي شفته بجرير قبل يومين وسعره 15 اذا ما خاب ظني

 

[hakona-matata]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

وااااي حدكم تشوقون .... الصراحه انا علاقتي مع المطبخ مو زود اعتقد انها راح تتوطد شوي لما اشتري جم كتاب من اللى قلتو عليهم واطبخ جم طبخه ...

thanks

 

[جرح الليالي]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

jegrom

كتاب اناهيد رووعه اصلا كافي انها مو لاطشة من النت وتقص على الناس وتبيع هههههههههههه

التصوير حده يشووووق

والوصفات حلوة وانا خذيته من سوريا

ولها كتاب حلويات اناهيد بس ما خذته

 

[GAP^^الكبيرة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

جرووح شرايج .. اشتريه؟؟
قصدي عن كتاب اناهيد

 

[جرح الليالي]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

والله هو يسوا

والبطاطا الحرة من وصفاته << اشرايج بس بالاغراء خخخخخخخخخخخخخخخخ

وانا صراحة مو متحسفة اني شريته عكس نخبة الاطباق

والاطباق المميزة <<< هذا بدع باللوعه هههههههههه

 

[GAP^^الكبيرة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

يسلموووو قلبي.. وصراحه خوش اغراااااء هههههه

وسكتي اطباق النخبه هذا مال تعطينه اليهال يشخطون عليه لان مامنه لا فايده ولا عايده.. وحتى التصوير والمقادير اي شي صراحه خذا ضجه اكبر من حجمه بوايد
شوقتيني... ان شاء الله بيوم الخميس امر اخذه من جرير

 

[جرح الليالي]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

ااااااااااااااااااااااه يا غابوش

عيل لو تشوفين الاطباق المميزة :0bee2e8d89:


تشقين هدومج خخخخخخخخخخ :dddds: خخخخخخخخخخ


متى ما تلاقينا اييبه لج شوفيه

 

[GAP^^الكبيرة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

يي يبييه وانا بييبلج البدعه مال المطاحن الاخير... خل نفرفش شوي على ما اليهال يلعبون.. تعالي اطالبج بلعبه بولنغ بس عسى راسي ما يفتر وتشوفيني اطيحهم براسي بدال الكره خخخخخخخخخخ

 

[جنتي^و^ناري]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

أناهيد تأليف منو ؟

 

[GAP^^الكبيرة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

اناهيد

 

[همسات ليالي]

بناااااااااااات شنو احسن كتاب للطبخ ضروري

هلا يا احلى كويتيات

بما ان رمضاااااااااااااااان قرب


وانا خدامتي غشيمه حدها

ابي اقوم واشمر الذراع واتفتك بالاكل

واللي ابيه منكم وانتم ادري بساعدوني

ابي كتب طبخ مضمونه المقادير

وفيها شغلات حلوووووووووووووووووووووووووو


ناطرتكم

 

[srabeel]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

والله انا ما أستغني عن الموسوعه كتاب بنت عبدالله ولا حشوات السمبوسه تينننننننننننننن عاد باجر أنا وأختي بنقعد نسوي شغلات من الكتاب حق التفريز بسوي باجر إن شاء الله ربيان بالتوست وبثلجه وبكل يمعهنا بسوي شي

 

[عدسات ملونة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

الاسبوع اللي فات رحت مكتبة العجيري والا لقيتهم معلقين داخل دعاية لكتاب هدى الحشاش الجديد وسالتهم متى ينزل قالوا بعد جم يوم

 

[ramram]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

السلام عليكم اشلونج عدسات ملونه بس حبيت اسألج متى راح ينزل الكتاب بالضبط؟

 

[اليوسفية]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ

كتاب بنت عبدالله خطوات الاعداد بسيطة وواضحة