"/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

[شيهانه]

منو شرت كتاب منال العالم الجديد ؟؟؟

السلام عليكم ورحمة الله وبركاته ،،،،



بنات قبل فترة شفت كتاب منال العالم نازل بالمكتبات

الكتاب واايد كبير وسعره 15 دينار بس ما ادري اشتريه ولا لا ؟؟؟

منو شرت الكتاب وشلونه ؟؟؟ في اكلات حلوة ؟؟؟


ناطره افادتكم علشان اقرر

 

[نووووونا]

بصراحه انا شفته بس استغليته

سعره وايد غالى مع انى احب طريقتها بالطبخ

سهله وتعطى افكار بس همن اشدعوه !!!

(( يالله كل شى صار غالى ))

 

[د.شريفة]

والله سعره تقولون 15 دينار غالي
بس ترى بما ان من منال العالم
يستاهل ويستاهل ويستاهل بروح اشتريه
لان كل شغلها روعه ومقاديرها مضبوطه مليون بالاميه

 

[srsr]

وانا بعد بشتريه
اموووووت على طريقتها بالطبخ والكتاب يستاهل سعرة

 

[xxx]

واخيراااااااااااااااااا


وين لقيتوه انا ناطره كتابها من زمان

 

[جرح الليالي]

مشكوووووووورة يا قلبي امس خذيته من ارض المعارض


وخذيت الذواقة 2

وخذيت الاطباق المميزة << شكله نفس نخبة الاطباق

تصفحته بالمعرض وشفت فيه شغلات حلوة بس الصور صراحة لكم عليها يعني اللي مؤلفة الكتاب مو حريييفة لا امبين من طريقة التزيين انها مبتدئة

و بما اني ما قمت ادش النت وايد نفس اول فما ادري اذا اكلاته موجودة بعالم حواء

لان العادة هناك موسوعه للمطبخ

كتاب منال صح ان اغلب الاكلات موجودة بالنت وموجودة عندي باوراق اشكثر وبالكمبيوتر لها ملف <<< عيل شكو شاريته خخخخخخخخ

بس صراحة يسواا لان التصوير يخليج تحبين تسوين الاكله غصب طيب

بالاضافة اني قلت ان الكتاب يكون موجود على طول لي بغيته وماله داعي اني اشغل الكمبيوتر عشان وصفة << وين ترشيد عني هههههههههه

شكلي هذرت وايد

نرجع للكتب خذيت الذواقة 2 وتصفحته ومن تجربتي لجم وصفة من كتبها الاولية قلت ما بدهااااااش والا شرايج جارونه ؟

سالت بمكتبة جرير بالمعرض عن كتاب طبخ بيت لبنت عبدالله ولكن للاسف كان خالص

البركه فيج جارووونه

 

[جرح الليالي]

ارض المعارض اليوم اخر يوم

وتلقونه بالعجيري

والكتاب يستاااااااااااااااااهل

وفي افكار حلوة والطبخات يمكن تكون مرت عليج لكن لمن تكون عندج احسن

نصيحة خذيه وانتي مغمضة

على الاقل هذي ما خذت من الانترنت ونسبته لها

بس الغالي اللي تاخذ من النت وتقول انها اللي مؤلفة وتبيع الكتاب ب 13 <<< هني الحجي



لا تطوفييييييييينه نصيحة

 

[جارة القمر]

أنا شفت الكتاب

ما فيه شغلات غريبه

وأغلب وصفات منال موجوده

بالأنترنت

 

[شيهانه]

انا شفته في مكتبة الروضة بجانب الكاشير ..

ان شاء الله اشتريه .. بس اهو وصفاتها القديمة الي كنا نشتريها بالكتيبات ولا وصفات برنامج رمضان الي طاف

 

[GAP]

السلام عليكم انا مع جروح الليالي
صح وصفاتها بالنت بس بالكتاب الوصفات كلها بمكان واحد وكفايه الصور التشوق وبعدين سعره مو غالي مقارنه بالكتب الموجوده...ومثال كتاب اطباق النخبه انا شريته بقيمه وقدرها وما عجبني كلش
والناس اذواق

 

[جرح الليالي]

شيهانة اعتقد ان الوصفات مو مالوت هالسنة
بس ما اعتقد انه وصفات الكتيبات

لان عندي مجلة فيها وصفات وايده حق منال ما شفتها بكتابها

 

[جارة القمر]

جرح الليالي



هلا يا قلبي


أنا الذواقة 2 ما عجبني وايدحسيت الكتاب الأول والكتاب الصغير ومطبخ لنا وايييييييييييييييييد أحلي من هالكتاب

وبالنسبة لكتاب الأطباق المميزة

أنا فريت الكويت كله أدوره

من كثر ما رفيجة أختي امدحته لي

وقمت وطلبته من الأمارات


ولا ثاني يوم وصل للكويت

وهالحجي من أسبوعيييييييييييييييين

بس صج لم شفت الكتاب انصدمت

توقعت بلاقي شغلات غريبه عجييييييييييييييييبه



وكل وصفاته موجوده بالأنترنت ولا ب14 دينار


يعني كتاب منال مو غالي بس أنا عندي دي في دي لمنال العالم بس لحد ألحين ما شفتهم


وحتي التصوير


أنا نفس رأيج وايد مبتدأه وحتي طريقة التقديم جدا عادية


أنا اقولج تصويري مو شي :tek:



بالنسبة لكتاب بنت عبدالله حبيبتي الجزء الثاني جربت جم شغلة وموجوده بالمنتدى حياتي




وبس وسلامتكم

:tek:​

 

[جرح الليالي]

جاروونة يمكن ليش عندج الذواقة 1 شفتي ان يفرق عن الثاني انا لي الحين ما اخذت الاول بس عندي 50 طبق للذواقة ولنا وشنوو بعد جنه بعد واحد والا انا مضيعه

هذا راح يبين بالتجارب اذا كان خوش شي والا لا

بالنسبة حق منال انا عندي لها شريط فيديو صار له جم سنه والله ما اذكر

من خذته ما شفته ولي الحين على حطته

المراد ان الكتاب اسهل لان عندج على طول وطبعا كل واحد على حسب وقته وراحته

وسلامتكم وتعيشووون

 

[جارة القمر]

جرح


كلامج عدل حياتي


والناس أذواق

 

[وردة-الكويت]

ورد وهيل

السلام عليكم ورحمه الله وبركاته

بنات انا سمعت من بنات معاي بدوام عن كتاب اسمه ورد وهيل ويمدحونه

عاد انا حست عليه في المكتبات وماحصلته الي تعرف نه اي شي تفيدنا

اي بعد نسيت اقولكم هم قالو ان في مطعم اسمه ورد وهيل بس انا اهم شي عندي

الكتاب لان يمدحونه وستحيت اسالهم عنه مسويه نفسي عندهم طباخه ويقولون عنه سهل

 

[جارة القمر]

حبيبتي ورد وهيل


مو كتاب بنت الأربش

ولا أنا غلطانة


وحبيبتي مكتبة العجيري


فيه وايييييييييييييييييييييد كتب

 

[GAP]

جارونه حبيبتي بغيت اسالج تتوقعين احصل كتاب الذواقه 1 هناك ؟؟؟ لانه قديم وودي اعطيه هديه حق وحده
انا دورت بكذا مكتبه وما حصلته

 

[جرح الليالي]

غاب انا شايفته من زماااااااان بمكتبة الدعية


ورد وهيل شايفته بمكتبة القادسية

واكيد تلقينه بجرير او العجيري

 

[وردة-الكويت]

اخاف تقصدون زعفران وهيل انا حصلته بس ابي ورد وهيل

 

[جارة القمر]

GAP


حبيبتي


أنا دورته بكذا مكتبة لرفيجتي وما حصلته


أعتقد نفس كتاب بنت عبدالله الجزء الأول لحد ألحين مو محصلينه بولا مكتبة

لحد ألحين




بس الغاليييييييييييييية جرح الليالي تقول موجود بمكتبة الدعية




وردة-الكويت



سألي بالمكتبات حبيبتي


:hearting:​