تعالو شوفو شلون جابو مهرها >>للضحك هههههه

[سموالمجد]

هههههههههههههه لو أنا وربي أبجي

أنا جابوه بصندوق كشخه فيه ساعه وعطرين والمهر طبعا ودبله

وكيكه عليها صورته وطالبين بوفيه بعد

 

[sweet-kamelia]

المتعارف عليه عند كل الناس اللي يعرفون الذوق والسنع يحطون المهر بصندوق ولازم يكون من المرشود لزوم الكشخة يعني اما اللي يحطه بجيس جمعية وظرف اسمحولي هذول ناس بحياتهم ماشافوا السنع لووووووووووووووول كافي صدمة العروس لي شافت مهرها بظرف والا جيس جمعية فرحتها تروح وماتحس نفسها عروس ويبلش الحسد عندها وخصوصن اذا اختها انخطبت وجابولها المهر بصندوق صج لحظتها تنقهر :lkmnkl:

لاتعليق بصراحه .. الحمدلله والشكر سخافة



هههههههههههههه اهم شي ناس ماشافو السنع .
لزووم الكشخة

عادي انا جابولي المهر بظرف وبجيس ذرب .. وفازة كبيرة داخلها كااكااو فضيع

 

[سعودية عسل]

يمكن ماعنده خوات وامه حرمه كبيره ماتعرف شي بهالشكليات

 

[sweet-kamelia]

صح كلامكم

 

[سموالمجد]

صح اذا امه كبيرة ما راح تعرف والشباب ما يعرفون بهالسوالف
اخوي كان بيوديه بالظرف بس احنا قلنا له وسوينا الدزة

واهم شي التوفيق

 

[(حكاية قلب )]

أنا اعرف وحده جايبين لها مهرها في شنطة لاب توب هههههههههههههههههههههاي
بس تطلقت منه من عشان هاي السالفة ..

واختي لا ريلها سنع حاط لها المهر في علبه ومعاها عود وهالاشياء


مشكورة حبيبتي

 

[{عسوله مطير]

موضوع صج قدديم بس أنا بشارك


أنا جابوا مهري بصندق في عطور وبخور ورد مجفف وحاطين شعر

لالحين هابين فيه حيييييييل أن شاءالله أذا جابوا مهر أختي هالايام بقولكم


​

 

[Perfect J]

ليش تضحكون عليهم ؟؟

لو 5000 او 6000 بجيس عادي
ولا 2000 بصندوق ومكشخينه ؟!

يمكن ما ركزوا بهالنقطة او ما كان فيه وقت
او فعلا عليميين مالهم بهالسوالف !

بس ردودكم تقهر خصوصا اللي تقول الله يفشلهم !!

 

[! هُوْ وِينِه !]

لووووووووووووووول
مسكينه

 

[Lourdez]

هههههههه امبيه حراااااااااام مسكيييييييييييينة ما اتخيل شعوووورهااا حبيبتي !!!!

انا للحين ما تزوجت بس اختي عروس و قبل لا ييبون لها المهر ايدها على قلبها مسكينة لانها اول عروس بالبيت ما تبي دزة تفشل لانه اهلي بصراحه للشماتة زاهبين بس الحمدالله الدزه كانت راقية و حلوووة وايد صندووق و فيه دهن عوود انواع و مبخر و الفلووس والصندوق مكتووب عليه اسمها و اسمه و معاه شبكة اختي استانست حيل لانه ما كانوا قايلين انه بييبون لها شبكة فالحمدالله

وانا لي تزوجت اتمنى عالاقل اذا ما يقدروون شي هاي هاي شي بسيط بس راقي بمستوى دزات البنات يعني موو حلووة ييلي المهر بظرف و لا كرت بنك حلاته صندوق و حركات حتى لو بسيط عشان تحس انها عرووس

 

[Lourdez]

ليش تضحكون عليهم ؟؟

لو 5000 او 6000 بجيس عادي
ولا 2000 بصندوق ومكشخينه ؟!

يمكن ما ركزوا بهالنقطة او ما كان فيه وقت
او فعلا عليميين مالهم بهالسوالف !

بس ردودكم تقهر خصوصا اللي تقول الله يفشلهم !!

حبيبتي بس لااااازم الدزة تكوون شوي ذربة مو بجيس و لا بظرف يعني اهي عروووس و راح تستاانس لا شافت دزتها بهالشكل يعني اسمها (دزة) و اهلنااا ملووت اول همن كانوا يتفننون بالدزات يعني يعتبر من العادات اللي حلوو نحافظ عليها وهمن هذي يعتبر تقدير من اهل الزوج لاهلهااا و يبينوون لها مكااانتها يعني في وحدة بهالموضوع قالت انه ابو زوجهاا وصل لها الصندوق الثقيل لي باب دارها فرق عن الناس اللي ييبونه لها بظرف و انا من رايي مو لازم شي كشخه و بالسعر الفلاني لاااا اهم شي يكووون دزة تليق بالبنت و بأهلها

 

[متوترة]

كيس علاج < فطست من الضحك ههههههههههههههههههههههه

لاعادي انا بظرف .. والحق ان اخوي الملقوف شايل الظرف ويعد وهو يمشي يقول بشوف كم
قلت هاته وجه فقر ماشفت خير هههههههههههههههه

بس عاد سالفه الصناديق قهرتوني بنات ههههههههه

 

[بلوبري]

انا خالتي الكبيره حوله لها على رصيدها بالبنك
اما الثانيه بصندوق فيه دهن عود و بخور
عادي بطرف بس كيس علاج و لا جمعيه قوويه شوي الصراحه
اهم شي تجهزين عمرج و خلص

 

[لهلووووووبااااا]

وي وي وي لا موصج اكيد اثر ع النفسيه زياده هههههههههههههههههه
آنا ياطويلات العمر يوم جابوا المهر كان جايبينه في صندوق مقسم جهه عطورات عربيه وجهه عطورات فرنسيه وجهه عود خشب وتحتهم حاطين الذهب شغلهمكان وااايد راقي والعطور العربيه كانت من الجزيرة وفروا علي اني اشتري هههههههههههه

 

[شعووع]

والله صدمه صج يقثون شنو هذا مومعقوله في احد يسوي جذي انا ما جابوا مهري بس الله يستر والله انا اخواني اثنين عرسهم مع بعض ودينا لكل وحده 3 صناديق كبار فيهم البخور والعطور واللوشنات ودهن العود وخام وطبعا المهر وكان مكتوب عليه اساميهم ودعاء بس حرام العروس تنطر المهر تبي تكشخ جذي يحرجونها جدام اهلها وجماعتها ويحسسونها انها مو شي و ما اصدق ان الحين في احد مايعرف السنع والله الشياب اللحين ايفونات ويعرفون كل شي الله يستر بس لا يصدموني بمهري ادعولي تكفوووون

 

[همس الهموسات]

مابي اضحك بس لايجيبونه بجيووبهم لووول

 

[أحبج يمه]

استغفر الله مابي أضحك عليها ليحيني طمووشة

ويارب ييبون لي مهر سنع ودزة أسنع

 

[سمو]

السلام عليكم
اللهم صل علي محمد وال محمد

جيس مستوصف؟؟انزين ان شاءالله مستوصف كشخه لووووول...مسكين يمكن ماعنده خوات يضبطوله الشغله ...كسر خاطري ...المهم الاخلاق مو شلون ياب المهر :eh_s(7):

انا ياب مهري بصندوق واايد كشخه ... فيه برواز مكتوب عليه اسمي واسمه ودعاء بالتوفيق لنا
وداخله ظرفين ...كل ظرف فيه الفين ....ومكتوب عليهم شعر حلو ...مع باقه ورد جوري ..وقران معطر ..وكتاب يخص الحياه الزوجيه ...وكتيب نصائح الرسول صلي الله عليه واله وسلم لكل زوج وزوجه

 

[جروحك ما أنساها]

السلااااااااااااااااام عليكم​

عرااااااايس نبي نطلع من جوو التجهيز شوووووويه تعالو خلوونا نضحك شوي​

سمعت سااااالفه موووصج مت مت:krkrkr: مت من الضحك وطرى فبالي اسوي الموضوع​

المووهيم هالموضوع يتكلم عن ​

كل وحده تدخل اهني تقولنا ​

جم مهرها
وشلووووووووون جابو المهر ​

انا عن نفسي لين الحين ماجابوه​

الساالفه تقوووووووووول​

وحده من رفيجاااااتي:tomato2:>>ودي اقول نكها ههههه بس راح تذبحني​

امس جاها المهر وقالتلي حاطينه لها بجييييييييس علاااج:krkrkr:
تعرفوونه هذا الجيس الابيض مال الطبيب :krkrkr:​

وااااااااااااااااي والله بموووووت من الضحك :krkrkr::krkrkr::krkrkr:​

يالله بنااااااات غردوو قولولنا ابداعات ازواجكم واهلهم بالمهر​

المايك لـــــكـــم _03BA:​

ههههههههههههههههههههههههههههههههههههههههههههههههههه

 

[ms_5ajoola]

اهم شي التوفيق من الله و يمكن مو اهوا اللي حاطة او كانوا حاطينه بصندوق وانكسر او يمكن ابوه شايب او ما يعرفون مو شرط ترا بس المهم اهوا يكون ريال زين ويخاف الله و اخلاقه و يدللها بعدين