تعالو تعالو حياكم شوفو الصدمه والورطه اللي انا فيها

[بقــآيآ جـروح]

هجي هجه مآبعدهآآ هجه العيشه حرآآم معآه

 

[مزيوونه حيل]

شمقعدج عنده!! لا حول ولا قوة الا بالله

تربين بناتج بعيد عنه ولا تنذلين عنده .. هذا فرقاه عيد

 

[Vous jamais]

أول شيء استخيري ولا تنسين صلاة الليل والدعاء

ثانيا هدديه انج تروحين لاهلج لو ما تعدل

ثالثا ما أظن عليه حسوفه

 

[منى قلبها ابيض]

لا حول ولا قوة الا بالله

 

[ريوومتي حياتي]

الله يعينچ ع ابتلاچ اختي
ماعمري تخيلت في رجاجيل بهالوقاحه والله
بس لازم تعلمين اهلج ويحطون حد للمهزله وليش ساكته كل هالمده عليه هذا واحد مايستاهل الاحترام والتقدير

 

[el-ghala]

السلام عليكم ورحمة الله وبركاته​

اختي عليج بشغله وحده و اهوا الوحيد الي قادر على حلها ادعي ربج ليل نهار ان الله يهدي زوجج وبتعد عن طريج الحرام
عليج بقيام الثلث الاخير من الليل و الله ثم والله انها تهدي النفس و ان شاء الله ربي قريب بيفرج همج طلبي من ريلج يوديج العمره انتي بسلوبج تقدرين اتغيرينا قوليلى خل نبدي صفحة يديده اذا مو عشاني عشان ربك و بنتك اهتمي فيه اكثر دايم شغلي التلفزيون على قنوات دينيه حاولي تصلين جدامه صدقيني مع الوقت بيتغير بس لاتقطعين صلاة الثلث الاخير م الليل وربي يفرج كرب و هم كل بنت​

 

[girl k.s.a]

نات ماقريت كل الردود بس بصراحه من صار بالقسم انهم ينزلون الموضوع متاخر تركت القسم ماراقبه يوميا والحين شفته بملفي يعني تو ادري ان بالملفات مواضيعي
المهم بنات الي قالو كلمي الهيئه تهقون الهيئه عادي يتعاونون وياي ويراقبونه ومن هالكلام ولا يقولون احنا مايخصنا هالمواضيع بليز ردو علي
للعلم الحين احسه خف حيل وتغير بس ولو مادري بالزمن الاحتياط والحذر واجب ناطرتكم

 

[girl k.s.a]

بنات انا جايه استشيركم مو جايه تستهزئون وتغثون بكلامكم
الي تقول العيب منج والي تقول 3 سنين وناطرتنا
على كل حال انا سمعت بكلام بعض الخوات وردودهم تثلج الصدر وهو تغير شوي من كثر مادعي له بنص الليل

 

[يؤ !!]

اختي مابنصحك بس لو كنت مكانك اعلم اي واحد حكيم وكبير بالعايله يشوف صرفه معاه

الله يهديه

 

[girl k.s.a]

طيب قمر بما انج سعوديه تعرفين احد من الناصحين او الهيئه يعني قصدي عندج فكره ولا
لان فكرت فيها وحاولت وبحثت بالنت ماطحت على نتيجه

 

[مستحيل اخونك]

لالالالالالالالا


ما يسير تقعدين اكثر الصراحه

عاااااااااااااد ولد؟؟؟؟

وانتي زوجته ليه زينه يعني

لاوالله فرقاه عيييييييييييييييييييييييييد

ولا العيشه هذي​

 

[يؤ !!]

طيب قمر بما انج سعوديه تعرفين احد من الناصحين او الهيئه يعني قصدي عندج فكره ولا
لان فكرت فيها وحاولت وبحثت بالنت ماطحت على نتيجه

انتي باي مدينه ؟

 

[سموة حضرتي]

الحمدالله على كل حال من شاف مصيبة غيرة تهون عليه مصيبته

استغفري ربك وادعيله بالثبات وكليميه انصحك لاتكلمين الهيئه ولا غيرها كذا بتجيبين العار حقك وحقه بس كلميه وحاولي تنسيه كل شي

 

[يؤ !!]

عموما اتصلي على الجمعيه الخيريه للمنطقه اللي تنتمين لها في عندهم قسم للمشاكل الاسريه
يعالجون مشكلتك بسريه تامه
والله يهدي زوجك ويسخركم لبعض

 

[اذوب بكلامه]

الحين اذا انتي ماطلبتي الطلاق منو إلي تطلبه ؟!!
حبيبتي الله سبحانه وتعالي شرع الطلاق للي مثل حالتك
استخيري واطلبي من ربك العون وروحي بيت اهلك وعلميهم بكل شي
يايتعدل ويخاف ربه او يطلقك المهم لاترجعين عنده البيت انتي عايشه مع واحد والعياذ بالله فاجر مابقي كبيره ماسواها
شنو تنطرين لاسمح الله يجيبلك مرض او يأذي بنتك
الله يفرج همك ويعينك علي ماابتلاك

 

[girl k.s.a]

انتي باي مدينه ؟

الاحسا

 

[جلكسيه اس 3]

ويع ماتدرين انه اتييله امراض و ممكن بعد ينقلج هذي الامراض
و ساكته
انا لو منج ما افكر على طول اتطلق

 

[فنونه التميمي]

الموضوع كبيييييييييييييييييييييير جدا
تطلقي والحقي على عمرج على بالج تصبرين
بالعكس بتزيدين مشاكل اكثر على الاقل الحين بس طلاق
بعدين مرض وعدوى امراض جنسيه خطيره وفضيحه وطلاق
هذا اذا بعد ما فكر ببنتج .......فعلا انتبهي عليها
الله يهيييييييييييييييييييييييييييييييييييييييييه ويرجعه لك
بس لا تنطرين وايد اخاف يضرك
بعدين لو مشكلته بس الصلاة يحرم عليج لانه كاااافر ويكون زواجج باطل
والله اعلم
الله يفرج عليج مصيبتج

 

[مناير ...!]

مشكلتج مع ريلج مو مع الي يعرفه
لانه ريلج بدون شي ماينسكت عنه وانتي ساكته عنه
والغلط راكبج من راسج لساسج
المفروض من زمان طالعه لبيت اهلج ومدخلتهم بالسالفه

 

[فكتتتوريا]

حسبي الله ونعم الوكيل الله يصبرك ويجبر خاطرك
هذا كل اللي اقدر اقوله الموضوع اكبر من اني اتكلم او ابدي رائيي فيه