تعالو ا نسولف عن الفندق اللى زرتييه فى دبى

[أم عاشور]

:fun::gathering::68_asmilies-com:oster_av1:بنات شرايكم كل وحدة تسولف عن الفنادق اللى زارتها بدبى
أنا ٌبل 4 سنوات أول مرة أروح دبى وقعدت فى تاج بالاس كان الفندق روعة وراقى وأحسن شى فيه إن كله خليجيين ومافييه خمور وموقعه قريب وحوليينه الأسواق والعام بالصييف قعدت فى شقق فندقية (فلورا بارك) سيتى سنتر وايد راقى ونظيف والشقة اللى خذيتها تتكون من غرفتين وصالة ومطبخ و3 حمامات وغرفة أوتى مع الغسالة قريب من سيتى سنتر كنا نروح مشى

 

[أم عاشور]

شدعوة يبة ما فى مشاركات

 

[nice smile]

انا سكنت بجراند حياه وكان روعه ونظيف وتحت الفندق في مجمع سينمات (جراند سينما )

وانا عندي جراند حياه من افخم فنادق دبي

 

[مضاوي 16]

الله حلو الموضوع ومفيد شاكرتلج ..

انا من سنتين رايحة وسكنت بالسيتي سنتر بس موشي ماعجبني موراقي .. والسنة انشالله ناوية اروح مادري وين اسكن ؟؟؟

 

[SupeR-GirL]

انا قعدت بكمبنسكي ايننننن عجيييييييب تحته امارات مول

 

[بريق]

خوش موضوع يالغالية

انا ان شاء الله ناوية اروح بالصيف ومو عارفة وين اسكن

تاج بالاس وين مكانه بالضبط؟؟؟ قريب من السوق؟؟ اهم شي


سوفيتيل سيتي سنتر شرايكم فيه؟؟

ياليت تساعدوني

 

[ام-حمودي]

انا انشالله على تاريخ 15 بروح دبي فندق جراند حياه
اشووف وانشالله ارجع واقولكم

 

[ام حسوني]

انا قعدت بكمبنسكي ايننننن عجيييييييب تحته امارات مول

شنو نوع الغرفه الي خذيتيها

و بجم طلعت علييج

 

[say yes]

اي والله تكفون ابي اروح الامارات ابي احسن صالون ابي اصبغ شعري واغير اللوك وابي اروح اشتري فستان سهره حق عرس اختى وابي بعد اسوي نفخ خدود ماادري وين احسن شي

وابي محل يبيع جلابيات بس مو غاليه يعنى 10 دنانير اتوقع باسواقهم الشعبيه صح اولا
بالنسبه للسكن نبي شي قريب من الاسواق
وايش احسن المطاعم ابي ايراني وهندي واوروبي
حشا غثيتكم

 

[ام البلوشي]

بنات عفية انا حجزت المنار للشقق الفندقية محد سمع عنه يقولون يديد ويم مركز بو الهيل ابي ردودكم

 

[كلي دلع!]

شخبااااااااااااااااااري دبي
من زمان مارحت لهاااا
ادعولي أروح لها بعد الولاده إن شالله
وأغثكم فيهااا0000

 

[بريق]

محد رد علينا؟

 

[القطانيه]

انا سكنت الكمبنسكي حلوو والفور سيزن خيااااااااااااااااال وبرج العرب ولا اروع وروتانا رماال بعد حلوو والله ورااقي وعائلي مافي مسخره

 

[خشف العرب]

انا سكنت باحلي فندق اهو كونكورد رررررررررررررررررررررررررررروعه شوي عليه وفي نفس الفندق كوفي تقريبا 3 كوفيات ومحلات سي دي ومطاعم وناسه حتي لو ماتطلعين تتعشين تحت وتتريقين وتتقهوين واللوبي شكله يونس باحاول احط لكم صورة الفندق انتظروني

 

[akadenia]

اي والله تكفون ابي اروح الامارات ابي احسن صالون ابي اصبغ شعري واغير اللوك وابي اروح اشتري فستان سهره حق عرس اختى وابي بعد اسوي نفخ خدود ماادري وين احسن شي

وابي محل يبيع جلابيات بس مو غاليه يعنى 10 دنانير اتوقع باسواقهم الشعبيه صح اولا
بالنسبه للسكن نبي شي قريب من الاسواق
وايش احسن المطاعم ابي ايراني وهندي واوروبي
حشا غثيتكم

هلا حبيبتي شلونج

بما اني عايشة بدبي ل 6 سنوات بحكم العمل الدبلوماسي للوالد

ممكن افيدج

1- صالون راقي : صالون منى اتصلي بالبدالة 181 ويعطونج الرقم لان عندهم افرع وااااااااااااايد
2- ملابس سهرة :شارع الضيافة في روبير ابي نادر و مصمم هندي نسيت اسمه او مجمع أوت لت للماركات وبسعر اوكي ( تعتبر القطع المتبقية او الستوك او اذا تحبين الدفع والصرف ببذخ عندج مجمع امارات مول او وافي )
3- بالنسبة للفنادق يعتمد اذا الشوبينغ بجميرا ومجمعاتها اختاري فنادق بجميرا ( هلتون جميرا - رويال ميراج - شيراتون جميرا )
4- اذا تبين التسوق بدبي اختاري حياة رجنسي او جراند حياة او رادسون ساس الخور ( قديما انتر كوننتننتال وايد حلو وايد حلو ) او هلتون الخور وااااااااااااااااااااااااااااااااااااااااااااااو
5- المطاعم : تمشي بشارع الرقة وتعشي يا مكثر المطاعم ( عراقي وايراني ولبناني وسوري )


الله يوفقج وانا ان شاء الله رايحة دبي اخر شهر 6 اذا تحبين نلتقي ونتمشى واعزمج على العشا

مرحبا ملايين
:klhfl:

 

[dalprincess]

انا قعدت بفندق قراند حيات وراااقي وحلو وكانت ليلته اب 90 بس يقولون الحين مغلين اسعاره

 

[أم عاشور]

فندق تاج بلاس صاير ورة الخالدية للشقق الفندقية قريب من مطعم صدف الإيرانى وقبال بوتيك غوتشى وفندى

 

[b6o6a]

انا قعدت بفندق فلورا غراند

الفندق هاااادي وكله اجانب

بشارع الرقه

 

[@ ام العنود @]

ام عاشور انا حجزت تاج بلاس شنو الى حولينه قريب يعني نمشي على الاقدام أو الاقرب سوق يمه ....
لكم انتو الى قاعدين تقرون الى عارفه ترد والى سلمكم ...

 

[شباصه ريش]

انا من اربع سنين سكنت تاج بلاس روووووووووووووعه شويه عليه ويم السوق وبالليل تتمشين بشارع الرقهاذا سكرت المجمعات وكل الحجي اللي قالته عنه اختي ام عاشور صح
وسكنت جراند حياة والشيراتون وايد حلويين والشيراتون كله كويتيين بس اكثر واحد حبيته تاج بلاس رغم انه الثانيين افخم منه