تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[~أغلى الغاليات~]

البارت الاخير ذكرني بحياتي و بطليقه زوجي ..بعد خمس سنين محاكم وبعد ما خسرت كم قضيه وتراكمت عليها ضرايب المحكمه افتكينا منها شوي واخر حركاتها طرشت عيالها لبيتنا على اساس انها ما تبيهم وهذي مو اول مره تسويها واليهال نفسيتهم تعبانه منها لدرجه ان الولد صار ما يبيها وما يصدق انها تحبه ويبي يشهد ضدها في المحكمه..
في حريم ما يعرفون قيمه الضنا والحقد اللي فيهم يعمي قلوبهم ..
الله لا يبلينا ..

 

[~*الزين الاصيل*~]

حبيبتي عتيبيه الله يوفقج ويسعدج ويهنيج ;*
قاعده استفيد من قصتج عساج على القوه
الهدف نفهم اللي بين السطور بس بعض البنات تفكيرهم جدا سطحي يحسسونج انج مسويه منكر! زوجج حلالج!!
وكيب قوينق قريت الموضوع اليوم وخلصته بنفس اليوم ;p
تروحين وتردين بالسلامه جدا مستمتعه ناطرين :$

 

[~*الزين الاصيل*~]

اييي ونسيت أقول شغله ;pP

اي رد سلبي مايعجبج حقريه بكل بساطه بجذي انتي تنتصرين ؛)

 

[فروحته]

الزين الاصيل والله كفيتي و وفيتي قلتي الي كنت بكتبته الحين

*

ردي يوفقج عتيبية و ان شاء الله سفرة سعيدة استمتعي
و تعالي عقب ما تخلصين مو مستعجلين يالغالية

 

[Om_Sanad]

الله يسعدج قلبي

انا الي قلت بنت خالج وبنت خالته بس هم ارجع واقول ناله شغل اذ كانت نشاشي واذ كانت علني بالنهايه عاملتيهم باختلاف وهذا رأيي

كان باين انج خفتي عل مشاعر خالج وماحبيتي تنفضح عند الرياييل



وتروحين وتردين بالسلامه واستانسي

 

[Om_Sanad]

اي سح وبنت خالج تكلمه ماسنجر وتوريه جسمها يعني اكيد خشاشي بتسوويه بعدين الي سوته اخس من بنت خالة زوجج

سنو يعني توريه جسمها الله الله وين قاعدين مايغتفر هالشي

 

[دلوعه ناعمه]

ودي اروح البحرين بس شلون اوضاعهم احس تخوف

 

[Koko7taty]

الله يعطيج العافية على وقتج ومجهودج وتعبج وسردج للموضوع والله يحفظلج بيتج وأهلا وناسج وكل غالي على قلبج

 

[M!ss CoLoRz]

ودي اروح البحرين بس شلون اوضاعهم احس تخوف

الحمدالله احنا عايشين ومستانسين حالنا حالكم ، المشاكل في مناطق اصحاب المشاكل الي محد يحتاج يزورها الحمدالله

 

[3tebeya]

تسلمون كلكم ..


انا رديت بسلامه حيايبي


ترقبو البارت اليديد

بعد شوي

 

[7nooon24]

ننتظرج ي الحب والحمدلله ع سلامتج << من أشد متابعينج &#55357;&#56856;

 

[3tebeya]

الله يسلمج حنون ..


وبعد عمري الشرف لي .. فديتج

 

[امون المطيري]

الحمدلله على سلامتج
ناطرينج على احر من الجمر &#55357;&#56904;

 

[3tebeya]

مساء الخير ع الكل

كانت فترة نقاهه حلوه..
فجينا شوي من جو الديره



تمينا هناك بلندن لي نص رمضان تقريبا ..
صج احلى ايام مرت علينا .. البنات وايد حبو نور
ونسوا امهم ..
صج ايام مرت علينا ما تنسي كلش ..


لي يا اليوم .. دقت علي اختي قالتلي ردي يدتي تعبانه

انصدمت شلون تعبانه رحت مافيها شي ..
جنها البخت .. نطرت لي ما قعد ريلي .. وقلتله ..
قالي شوي اروح احجز استغربت من بروده .. قلتله في شي صاير صح
قالي لا بس لازم نرجع مو يدتج تعبانه ابيج يم اهلج

حسيت فيها شي .. ادق على ابوي ما يرد امي نفس الشي ..
حجز وكانت طيارتنا ثاني يوم بليل .. حتى بدرجه مالي خلق شي حاسه فيه بس خاش عني ..
زهبنا كل شي وودينا الجناط المطار عشان يكونون شحن مو معانا عشان الوزن ع قولت رفيجه

المهم .. اول ما وصلنا الديره سيده رحنا المستشفى قلتله فيك شي تعبان قالي لا بس بمره ابي بندول استغربت ف زهبت نفسي لاي صدمه

رحنا الاميري ..

ريوله تمشي مكان مو الطبيب العادي

يدتي بالعنايه .. !!!
واهلي كلهم موجودين .. مصدومه من اللي صاير
مخليتها قبل اسبوعين مافيها شي ...
شصار
بستوعب ..

يدتي ام ابوي .. انا محد رباني الي اهيا .. لي عمر 12 سنه عندها لان امي وابوي كان يدرسون ..
وكنت على طول عندها .. ترجيتهم يدخلوني لها .. بس الدكتور ما رضى

ريلي راح كلم احد وخلاني ادش غصبن عليهم ..
وايرات اجهزه
مفصخه بالاخضر

دعيت ربي ياخذ من عمري ويعطيها ..
كانت فاقده الوعي .،

مسكت ايدها وضغطت على ايدي .. ودموعي غصب ابلعهم مابيها تحس بشي ..

ما تحملت الوضع شلون
بني ادم امس انت بحضنه اليوم انت تدعي ربك يمد بعمره ويشفيه

وايد صعب تفقدون شخص اغلى من نفسك
طلعني ريلي .. وتمينا قاعدين تقريبا ساعه ونص
رحت عقبها اسلم على عمامي لان كانوا قاعدين بمكان بروحهم ..

ابوي جبرني اروح البيت اريح لان توني راده من سفر وطريج وتعب وهم ريلي يريح واصبح انيي



اول ما دشيت استراحتهم ..
وما كان في احد غريب عمامي واعيالهم وريايل عماتي واعيال عمهم يعني كلهم الاهل ..

لمن طلعت حسيت لاحظت بريلي متضايق بس قلت يمكن فيه نوم ويبي يرتاح يله برد البييت


المهم سلمت ورديت البيت ..

اول ما وصلت تسبحت وغيرت اهدوم بنتي وسبحتها ونومتها ..
جان تدق اختي تعالي بسرعه شنو فيه قولي
تعالي بسرعه يدتي تعبت اكثر ..

انا اهني ما تحملت ريولي مادري شلون شالتني
ريلي توه غافي واروحله قعدته غصب
ما وعى علي بلي اقوله

قام وقالي لا حول ولا قوه الا بالله
مادري حسيت ويهه يقول انها فقدت وودعتنا
اول ما وصلت كانوا يسون لها ضربات كهربائيه

كانت توصي على فلان وفلان وبناتها وديروا بالكم
خلوا الكل يسامحني
حللوني
علي دين قيمته271 مال الصايغ كنت بوديه بس ما لحقت

وتشهدت وراحت

كانت اصعب لحظه علي
ما كنت متخيله بشوفها جذيه

والله يا ناس ما كان فيها شي ..

تدرون شنو السبب
ابرة المغنيسيوم اللي عطاها اياه الدكتور
التشخيص غلط

حسبنا الله ونعم الوكيل
ما اسمع الا بجي الحريم بريايل اختلط

اول مره اشوف ابوي ضعيف ويبجي
ما قدرت امالك اعصابي ..

راحت الطيبه
راحت الحنونه

الله يرحمها ويغمد روحها يارب ويرزقنا لقائها بالجنه يارب

تم العزا في بيت ابوي

لاول مره في حياتي .. احس بضعف ابوي وانكساره
وايد صعب فراقها ..

لي يومكم هذا برد حر غبار رطوبه مطر كل يومين وترك يروح قبرها الله يرحمها

حسن اخلاقها وايمانها بالله القوي
يلقون القبر كله زرع اخضر

سبحان الله
الواحد مو ماخذ الا اعماله معاه ..

الاحلام اللي يحلمون فيها .. لابسه الابيض وويهاا نور

ريحتها قبل لا يودعونها طغت على ريحة دهن العود

مسك وعود وعنبر
ما اقدر اوصفلكم ..
ربي يرزقنني حسن الخاتمه يارب


طلع الحجي بعدين ناس تحب تضر غيرها
ناس ما عندها سالفه وتبي السوالف


التعليقات على ريلي ..؟

ليش يحضنها بالمستشفى ؟؟
ما يستحي
مو ريال

ديوث
واذا تبجي يعني لازم يحضنها


تخيلو بنات شلون تفكيرهم !!!!!

ريايل من اهلنا ..
ليش ما احترمنا . شنو يحضن بنتنا جدامنا

اي شي صح لوول

ربي لك الحمد والشكر على النعمه

ريلي وقف مع ابوي واخواني وقفه انا ما انساها ..

كان اهو اللي نشرف على عزا الحريم ..

بس الناس مو كفووو بيطلعون فيه عيب مو قادرين


عقب عرفت المخبر عن السوالف هاذي ولد عمي


كان يبيني .. !!! له
بس لمن انخطبت صرت حلوه بعينه ..

يمكن هالشي الي ما تكلمت عنه ..

خطبني كذا مره وتلميح ان يبيني ..
بس اهو مو ستايلي..
ولا اللي ابيه

ما كان فيه شي واحد يجذبني له

لمن انخطبت الكل عباله بينه وبيني علاقه وكنت ارفض ولد عمي عشانه

لمن ابوي حط اصابعه بعينهم وقالهم بنتي تتزوج اللي تبيه وما اجبرها على احد حتى لو ولد اخوي

ريلي حبيبي تجاهل هالكلام لووول

ماكو غيرك مالي عيني وتارسها ..
الحب لك وحدك

او ادري انك جذيه بطيبه والاخلاق وكل شي فيك حلو ما حقرتك اسبوع ..

اي اعترف حقرت يعني انا الثقيله لوووووول ؛$

بس تصدقون بنات الثقل خرطي الحين ههههه

الله يرزقكم يلي مو متزوجين
واللي متزوجين ربي يسخرلكم ريايلكم يارب

 

[باتشي99]

اثرت فيني الكتابة عن جدتك الله يغفرلها ويرحمها ويرحم اموات المسلمين ياربي

متابعه بصمت ...

 

[مسكته بحلاها~]

الله يرحمها ويغفر لها ولموتنا وموتى المسلمين
امين يارب

 

[3tebeya]

بنات سوري .. ابرة البوتاسيوم زودوو جرعتها مما تسبب لها فشل كلوي وزاد ضغط .. خطأ طبي
والله يرحم جميع موتى المسلمين

 

[3tebeya]

بنات سوري .. ابرة البوتاسيوم زودوو جرعتها مما تسبب لها فشل كلوي وزاد ضغط .. خطأ طبي
والله يرحم جميع موتى المسلمين

 

[3tebeya]

يزاكم الله الف خير ..

 

[مني يغارون]

الله يرحمها ويغمد روحها الجنه