تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[BaЯBya]

السلام عليكم

عتيبيه ما شاء الله علييييييج .. شنو هالسنع .. شنو هالجمال < احس تخيلتج ههههههه .. وذكاء لا اله الا الله

قصصصتج حييييل حيييل تونس قريتها بيوم واحد من كثر ما اهيا حلوه

عاد اختي تدرس بالعارضيه مايصير امرج هناك ؟ لووووول

عسى ربي يحفظج من العين والحسد ويخلي لج ريلج وبنيتج ياارب

كملي ناطرينج :*

 

[الجادل الخشف]

انطر التكمله القصه حيل حلوه بس قامو يخربونها مناقشات خارج الموضوع بليز بنات اللي عندها حجوه تنزل موضوع جديد وتكتب اللي تبي فيه

 

[لوولوو_88]

كملي عتيبيه ناطرينج طولتي الغيبة ♡

 

[ظبية بوظبي]

العلاج الي حطيته مب مساج
هذي اظن اشعه تضرب الفقره فتخلي بقيه الفقرات يردون لموضعهم الطبيعي
ضربه وانتهى الموضوع
المهم لا تهملين العلاج كل ما تعالجتي من بدري كل ما كان الوضع اهون

موفقه وتمنياتي للجميع بالعافيه

 

[ظبية بوظبي]

ااي وبعد حابه اقول ان المساج ممكن يكون نقمه في حال ما تم بشكل مدروس ومن كذا سالتش اول مره هل تعلمتي ودرستي المساج ولا لا
لا تخلين احد يمسج لش اي كلام
حطي قربه ماي دافي احسن من يتسوالش مساج عشوائي

 

[الخبيرة ام ورود]

حبيبتي الله يشفيج ويخليج حق اهلج ويحفظكم ان شاء الله من العين والحسد

 

[مني يغارون]

انا مع الجادل الخشف قالت اللي كنت بقوله

 

[SARA*]

الحمد لله واخيرا عم الهدوء هههههههههههههههههه

 

[أم مهره وميثاء]

سلامتج عتيبيه

 

[عسووولــــة]

سؤال خاص عتيبيه ما صنف زوجك من الانماط وما نمطك ؟؟

علشان توضح الشخصيتين في القصه ونتعرف بعمق الي بوصله الشخصيه للزوجة و الزوج

 

[3tebeya]

مزيج بين العصبيه والهدوء .. العصبيه بامور معينه .. بس انا بسرعه اتنرفز .. انا ما عندي كنترول على ذاتي اهو عنده تنازلت عن عصبيتي عشانه .. الحب اللي بينا علمنا معنى شلون نمشي حياتنا مو اهي تمشينا ..

 

[3tebeya]

اعذروني بنات والسموحه منكم كلكم ..

وايد امور صايره .. اولها سفر ناس غالين وقراب وليد للعلاج ثاني شي فترة امتحانات وبحوث وبنزل بارتييين وعقبها بوقف واتمنى تعذروني حبايب قلبي

 

[شيخة آلغيد]

السلام عليييكم صبااح الخيييير حبيبتي عتيبيه
اليوم اول مره ادش موضوعج ويعطيج العاافيه ع النصيحه
وسلااامتج ماتشوفين شر ياارب فالحديد ولا فييج

وربي يوفقج باختباراتج ياارب ويرد كل مغترب للعلااج
ويشفي مرضانا ومرضى المسلمين

تحيااااااتي لج

 

[حلم *]

يابعد عيني ياعتيبيه ..
الله يحرسك ويحميك ويزيدك مع زوجك سعادة وهنا يارب ويقومك بالسلامه
والله من جمال موضوعك واخلاقك وطيبة قلبك اللي لمستها بين سطورك قررت اسجل بالمنتدى وارد عليك ..
صدق استفدت كثير من موضوعك ..وتضايقت لان بتوقفين عن الكتابه بس ان شاء الله بعد فترة اختباراتك ترجعين لنا
فعلا لأن الحب والتفاهم صار نادر بين الناس وخصوصا الازواج كثير هنا انتقدوك واتهموك بالمبالغه والخيال لمن ربي يحفظك من العين ويسخركم لبعض ويديم الحب مابينكم

 

[*~|لوٰڤ لندن|~*]

-



الله عتيبيه ^^
أبي بنتجج لووووووول


جد اعشق اليهال موت وخصوصا اذا فيه عوآبهَ

الله يقر عينج فيها ويخليها لج يارب

 

[*~|لوٰڤ لندن|~*]

-



الله عتيبيه ^^
أبي بنتجج لووووووول


جد اعشق اليهال موت وخصوصا اذا فيه عوآبهَ

الله يقر عينج فيها ويخليها لج يارب

 

[الزيـــــ^^ـــــن]

سلامتج واجر وعافيه ان شاءالله

كملي

♡♥

 

[3tebeya]

صباح الخييير


كانت الامور تمشي مثل ما اهيا نفس الروتين ..
كنت كل يوم وثاني اكتشف فيه شي يديد
كنت اكتشف فيه طيبته وحنيته بس ما يحب يبينهم وايد
اسئله ليش
يقولي عشان هيبتي ما تروح من عيون الناس ..
ريلي وايد اجتماعي بس بحدود مو من النوع الي يتغشمر وخفيف مع الناس


فا مره زوجة واحد من ربعه عازمه كل زوجات ربع زوجها للتعارف
فكانت شاملتني
ما حبيت هالفكره كلش ..
رحت عشانه بس ..

اول ما وصلت قامت تهلي وترحب
وتعرفت على الكل
وكل وحده كانت تعرف بنفسها وشنو اهتماماتها
كانت السوالف ماخذتنا عن ازواجنا .. حبيت اكون مستمعه
حسيت ان فاقده جانب بريلي موجود عند ربعه بس مو عنده

تدرون شنو اهو .. كلمة لا بكل شي ..
يقول لا بدون ما يناقش ولا يعرف ليش .. حسيت نفسي وايد اجادله ووايد اتعبه فوق طاقته ..
الكل مستغرب ان ريلي اهو يروح يشتري ماجلة البيت .. يقولون شعرفه بلي تبينه ..
اغلبيتهم اكبر مني وفي بسني حديثي الزواج

كانت وحده منهم كله كلامها انا وانا وانا ..
ما ارتحت لها كلش
يابوا طاري شلون تعرفتي عليه اهي قالت انه عن حب
وانا ريلي انا كان مع ريلها اول مره تحرش فيها
واختها معاهم وكان يكلمها ويبيها بس اهلها رفضوا

انا انصدمت احس دشيت بدوامه ..
شنو يحب غيري !!
حب قبلي !!
شلون يقول انا اول حب
شلون وشلون وشلون ..

وان اختها ماتبي تتزوج وناطرته لاخر عمرها
صدمتني بردها لي .. اول مره اشوفها وهاجمتني !!!!
انا شذنبي بالموضوع ؟؟؟
ليش انا اللي صار معاها جذيه !!
ليش انا كنت تصحيح لغلط
ليش انا اللي اختارني
ليش انا اللي يصير معاي جذيه ..
ليش انا قاعده افكر جذيه
هذا ريلي وصار لي محد يشاركني فيه

حاولت ابتسم .. وابين لها كلامها مو هامني ولا هزني ..

رجعت البيت وطول الدرب ساكته .. يسئلني واجاوب على قد السؤال ..


تميت اسبوع منفسه وحاقرته ومالي خلقه ..
احس كل شي فيني مات ومافيني مشاعر له ..
كنت موشوشه ماكو هدف بعرفه مو عارفه شنو ابي ..
خذيت هدومي وبنتي قلت يمكن انسى والهى ..

مر شهر على هالحال يحاول يفهمني بس كله اقوله تعبانه واتحججج ..

حس فيني شي عباله اني مفكره فيه ان خاني او صايدته

كان ارحم من هالشعور تحسين نفسج ينسى احد فييج



رديت البيت وانا مو قادره اتحمل وجوده مادري اشفيني ليش اثرت فيني ..
اكثر من مره ودي اقوله طلقني مابيك وروح لها واتعوذ من ابليس واسكت ..

يا اليوم اللي توني مخلصه شور ..
كان بصاله .، وسمعني طلعت من الشور ويا قفل الغرفه علينا وماراح يبطلها لمن يعرف اشفيني

اول مره من زواجنا تصير جذيه زعل كنا حدنا ساعتين وهذا وايد

انا سيده انفجرت بجي وبديت الومه ليش ما قالي
وليش خذعني
ليش بقلبه احد غيري ..
وانا شنو موقعي دام تنطرك
وايد امور مو قاده استوعبها

طبعا اهو مصدوم ومذهول من اللي قلته وواجهته فيه

قالي اللي قالج جذاب هذا .. وما قالج الصج
قالي قوليلي منو اللي قالج
ما قدرت اتحمل اي كلمه منه طلعت من الغرفه
وياني وراي ويبي يعرف شلون عرفت هااموضوع
سئلته يعني صج ووتحب للحين
ليش ما تقولي ليش تنطرك للحين
بنات الناس مو لعبه عندك


وقف يطالعني .. ويقولي
الله يسامحج خليتي الشيطان يدش بينا
وسمعتي كلام انتي ماتدرين اذا صج ولا شي

انفجرت بويهه من بجي وطلعت كل اللي بقلبي
ندمت تزوجتك ندمت حملت منك .. خليتني استحقر نفسي
طول هالفتره عبالي انك ما حبيت غيري اثاريك حبيت وانا كنت ضحيه انسيك حبك ..


وايد زعل من كلامي .. وقتها اذا قعدت بعد دقيقه بنفجر

رحت وازهب جنطتي .. ياا وكان يهذر فوق راسي
بتزعلين زعلي اهني انا اللي اطلع ..

وانا احط ملابسي قاعده اعاتب نفسي ..
شلون جذيه قاعده اسوي
شلون انا اللي مستحيل ازعل الا في بيتي
ودي اردهم واهو اللي يطلع مو انا
بس خلاص مافيها رجعه
كنت ابيه يرد كل شي

مافهمت نفسي حزتها ..
وزهبت بنتي ..
وانا قبل لا اطلع.، قالي بقولج السالفه وانتي تقررين


رفيجه اهو اللي رشحها له
لان اهيا كانت حاط العين عليه ..
لان حسن من نظراته يبيها ومعجب فيها ..
وفكرت ان مو جريئ فا لازم اهيا اللي تبادر وتكلمه


يقول صديتها وخفت رفيجي يدري اني اكلمها او اخاف تتبلى علي

وقلت لها لا تدقين عشان ما اقوله ..

يقول ما احس الا جم ساعه وصاحبي مكلمني عنها ويدري انها دقت علي
مادري رفيجي من اي صنف من الريايل

وهذا كل الموضوع وما كان بينا اي علاقه ..
بس هم الكبرياء كان اقوى ورحت بيت ابوي
ولاول المره اقول لابوي شي عن حياتي


وقلتله اللي صار ..


التكمله بالبارت الياي

 

[جلنار الكويت 13]

واااااي احس المفروض ماكان يوصل لأبوج

وبعدين دام هالكلام قبل لاياخذج فالزواج يعتبر صفحه جديدة والماضي منسي!

 

[3tebeya]

واااااي احس المفروض ماكان يوصل لأبوج

وبعدين دام هالكلام قبل لاياخذج فالزواج يعتبر صفحه جديدة والماضي منسي!

ابوي ما درا عن شي حبي .. نطري كل وبتعرفين