تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[Barbiea]

انا من وجهة نظري الزوج الكويتي مرغوب من جميع الجنسيات عشان المادة و المستوى المعيشي و لا اخلاقه فيه الزين و فيه الشين ما اعمم

بالعكس مع كل احترامي

انا اجوف الرجل القطري صار صج مرغوب من الجنسيات الاخرى بسبب مستوى المعيشي والرجل القطري ترا متفهم ورومنسي ويدلع مرته عدل


كل دوله فيها الريال العدل والريال الشين


ماله خص الجنسيه



ومتابعه لج عتيبيه :eh_s(17):

 

[فاطمة 25]

يااربي
سلامتج ماتشوفين شر عتيبيه
شيء صعب إلي صاار
والمؤمن مبتلى ((إذا أحب الله عبداً إبتلاه))
ودايم أدعي الله ... ربي على كل شيء قديــر
إن شاء الله ربي يشافيك .. ويردك مثل قبل وأحسن
ويديم المحبه بينك وبين زوجك ويخليكم لبعض يالله

ويرزقك ربي بأخ أو أخت لبنتك ...

 

[عسووولــــة]

ما تشوفي شر الغلا << ربي يشافيج ويعطيج الصحة والعافيه

ربي يسخر لج ريلج ويحفطكم ويهنيكم

 

[هِتاف]

يابنات ياحلوات
كل وحده راح تمدح رجال ديرتها

ف بالعقل يعني انو كل ديره فيها الزين والشين

 

[عشقي السلطنه]

لو فعلا مثل ما يقال منها
جان ما كان الزوج الكويتي هدف جميع الجنسيات

هدددف جميع الجنسيات :080402ask_prv:

لأنج كويتيه ف عشان كذا رديتي بهالرد بس كلامج X


ربي يعآفيج بس ديري بالج ع صحتج ,’

 

[Aloe Vera]

بالعكس انا ما امدح الرجل الكويتي و لا اشوفه افضل من باجي الجنسيات فقط نقطتي كوني كويتية و انكلم من منطلق حياتي بالمجتمع الكويتي ارى ان الحالة المادية للرجل الكويتي زينة عشان جذي اهو يعتبر مرغوب اما من ناحية الاخلاق ما اعمم و ارد و اقول فيه الزين و فيه الشين حاله حال كل البشر

 

[معطرة]

الله يشفيك​

 

[مآيكبرني نك]

الخليجي بشكل عآم وجبة دسمة لكل الجنسيآت

ﻻ تخصؤن جنسيه معينه

 

[الاء حسين]

سلامتك اختي عتيبية ربي يديك العافية انتي ومن تحبين

 

[فروحته]

الخليجي بشكل عآم وجبة دسمة لكل الجنسيآت

ﻻ تخصؤن جنسيه معينه

حياتي انتي انا مو خليجية و كلامج غلط
شنو وجبة دسمة ولا غير دسمة ؟؟!
شنو هالحجي يعني البنات العربيات ياخدون الخليجي طمع ؟
لا تجمعين يا قلبي و تقولين كل الجنسيات
للبعض من كل الجنسيات ترى مو الكل جدي
أكيد في بنات من كل البلدان يبون الخليجي عشان المادة
بس مو الكل و نسبة قليلة وايد لاني معايشة مجتمعي و ادري شنو تصورهم


للتوضيح

 

[غسق الليل*_*]

حياتي احنا مو قصدنا انا داشين طمع على الخليجيين بس اهما يشوفون ان عيشتهم مع الخليجي اريح خصوصا من الناحية المادية وانا ولد خالي متزوج مرتين وطلق بعدين تزوج سورية والنعم بنت اصل وفصل ربة بيت عندهم ماشالله الحين ٣ يهال ومحترمة وخلوفة ريلها دكتور مو معيشها بقصر ولا يقط عليها الفلوس قط بس معطيها اللي اهيا تستحقه كزوجة وأم



وعتيبية موضووعج حلو استفدت منج بشغلات واكيد كل واحد لرايه بس ما يصير نحصر راينا على بيئتنا اللي عايشين فيها انا ريلي شوي عصبي هل معناته كل الكويتيين او الرياييل عصبيين زوج عتيبية اشوي رومانسي يمكن ليش حاسين ان الموضوع مو طبيعي وشي غريب اهيا ماقالت شرالي بهاليوم جنطة lv و بعدها بيوم راضاني بسارة رنج فاهمين الموضع غلط وبالاخير كل واحد له رايه بالسرد بس مو معناته ان تكبرون بموضوع بطريقة ثانية

 

[ظبية بوظبي]

عتيبيه يا لبى

حابه اقول لش لو في يوم زرتي الامارات خذيلش فره على بوظبي وحجزيلش جلسه مسبقه لعلاج ظهرش
شوفي هالعياده اختي تتعالج عندها لان عندها مشكله فالظهر

لولا الله ومن ثم هالعلاج ولا اختي ما بتقدر تتحرك


‫علاج مشاكل العمود الفقري والدسك في الامارات‬‎ - YouTube

المفروض يوفرونه في كل بلد
طالبوا يوفرونه عندكم
رهيب وما ياخذ وقت

 

[Aloe Vera]

فروحته


مادري اذا كلامي ضايقج بس ما اقصد اضايق احد و كون امي اجنبية و ابوي كويتي مااشوف فيها مشكلة و انا اقصد ان الوحدة لمن تاخذ كويتي بشكل عام اتكلم اقل شي ضامته مستوى معيشي زين معن ان في وايد كويتيين ظالمين زوجاتهم و بخلاء بس انا اتكلم بشكل عام يعني اقل اقل شي الحالة المادية تعتبر زينة و الحمدلله هذا فضل من الله و اكيد في دول حالتهم افضل بس انا اتكلم من منطلق بيئتي و مجتمعي و كل الناس سواسية الا بالتقوى

 

[3tebeya]

حياتي احنا مو قصدنا انا داشين طمع على الخليجيين بس اهما يشوفون ان عيشتهم مع الخليجي اريح خصوصا من الناحية المادية وانا ولد خالي متزوج مرتين وطلق بعدين تزوج سورية والنعم بنت اصل وفصل ربة بيت عندهم ماشالله الحين 3 يهال ومحترمة وخلوفة ريلها دكتور مو معيشها بقصر ولا يقط عليها الفلوس قط بس معطيها اللي اهيا تستحقه كزوجة وأم



وعتيبية موضووعج حلو استفدت منج بشغلات واكيد كل واحد لرايه بس ما يصير نحصر راينا على بيئتنا اللي عايشين فيها انا ريلي شوي عصبي هل معناته كل الكويتيين او الرياييل عصبيين زوج عتيبية اشوي رومانسي يمكن ليش حاسين ان الموضوع مو طبيعي وشي غريب اهيا ماقالت شرالي بهاليوم جنطة lv و بعدها بيوم راضاني بسارة رنج فاهمين الموضع غلط وبالاخير كل واحد له رايه بالسرد بس مو معناته ان تكبرون بموضوع بطريقة ثانية

ونعم فيكم كلكم واشكرج على مرورج ..

بس احب انوه ريلي جدا عصبي واااايد فوق الخيال .. بس وايد رومانسي بنفس الوقت ..
اذا عصب اسكت عنه ولمن يطخ اكلمه .. هاذي طريقتي معاه عشان ما يزعلني ولا ازعله ..
بس مو كل ريال عصبي لازم بكل وقت يعصب ولا اتفهه الاشياء

الحمدالله على نعمته

 

[3tebeya]

فروحته
حبيبتي انتي مهما شنو كانت جنسيتج هذا شرف لي .. انا لمن اقول هدف اقصد الخليجات ولاحد يزعل .. هذا اللي اشوفه وعايشته .. اما اذا اهو اخذ جنسيه عربيه او اجنبيه فهذا رغبته اهوو ..

ومو الكل نفس الشي ..
اذا حكمت ان الريال الكويتي رومنسي انا اشوف ريلي واخوانه واخواني واهلي كلهم جذيه حنونين على بناتهم .. وحريمهم .. قله قليله الشين ودايم الشر يعم والخير يخص .. فا لا تجمعون يا بنات

ظبيه تسلمين لي ..
اهو الحمدالله يروح ويرد الالم .. اخاف من العلاجات والمساجات للظهر يعيبون ظهري ..
وريلي مو مقصر كل ما ياني الالم يمسجني بكريمات وزيوت واصير احسن ..
بعدين انا محتسبته اجر عند ربي والله كريم

 

[الليدي لموسه]

ٷٱلـّاـْہ ياعتيبيه قصتج حلوه وعسى ربي يوفقج ويسعدج ويا ريلج ويخليكم لبعض ولايحرمكم من بعض
وعسى ربي يشافيج ويقومج بالسلامه ياقلبي
اجر وعافيه واحنا ننطر البارتات ع احر من الجمر
وحطي بالج ع عمرج وبس تتحسن حالتج إن شـــــاء الــلـــــہ اكتبي لنا واي شيء تبينه مايردج الا لسانج خواتج بالمنتدى ماراح يقصرون بشيء

 

[الليدي لموسه]

ٷٱلـّاـْہ ياعتيبيه قصتج حلوه وعسى ربي يوفقج ويسعدج ويا ريلج ويخليكم لبعض ولايحرمكم من بعض
وعسى ربي يشافيج ويقومج بالسلامه ياقلبي
اجر وعافيه واحنا ننطر البارتات ع احر من الجمر
وحطي بالج ع عمرج وبس تتحسن حالتج إن شـــــاء الــلـــــہ اكتبي لنا واي شيء تبينه مايردج الا لسانج خواتج بالمنتدى ماراح يقصرون بشيء

 

[فروحته]

حصل خير بنات بس انا ما حبيت هالكلام لانه في اهانة لنا
و ربي يوفقنا كلنا ويا رياييلنا يا رب
عسى ربي يسعدكم يا رب

 

[بنوتة باباها]

عنيبيه كملي ماعليج امر



استمري

 

[غيوووووور]

فووووووووووق كملي يسعدك ربي لا اله الا الله