تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[غيث السماء]

عذراً أختي

مو وقوفا مع منتقدينج " السلبيين او الايجابيين "ولا مع المعجبين في موضوعج

انتي حاطة الموضوع في منتدى ونظام اي منتدى اهوه تبادل الآراء والافكار والتعليق على المواضيع " طبعا في حدود الأدب من الاثنين"

مجرد ما نزلتي الموضوع صار حق كل وحدة حق الرد والمناقشة

لو كنتي حاطته في مدونة " Blog " اهني لج كل الحق تقولين اقروا وانتوا ساكتين واللي مو عاجبها تطلع

لو انا مكانج راح آخذها فرصة عشان اقوي قدرتي على النقاش والحجة واقناع الطرف الآخر برايي وحتى الاستفادة من آراء الآخرين يمكن يفتحون عيني على شي ما كنت حاطة بالي عليه وبعد راح احط في حسابي نسبة الرافضين والحاقدين إذا صحت التسمية

كلامي ذي مو مخصوص لج وانما اعممه على الكل ... اكو باقي المواضيع نعلق عليها ونتناقش فيها ولما زادت جرعة المواضيع الغير الطبيعية قبل فترة كلنا تكلمنا وعبرنا عن راينا وفي منا من تكلم بكل أدب ومنا من مصخها معاهم بس ما جعمناهم طلبنا من المشرفات حذف الردود اللي فيها سب وقلة أدب واضحة

أعيد واكرر كلامي عام مو خاص بس ذكرته هني لأنه كل شوي قاعدة اقرا اللي مو عاجبها تطلع واللي مو عاجبها تسكت واعيد واكرر انا واقفة مع الردود اللائقة من الطرفين

معاج بكل كلمة .. :ggdw:
I agree

 

[غيث السماء]

كملي عتيبية ..

ننتظر ..

ووسعي صدرج حبيبتي .. تيك أت ايززي

 

[حرم صاحب السمو]

اللي ينتقدون اكثر من خارج الكويت

ترا فيه اختلاف بالعادات والتقاليد !

وانا كويتيه واشوف كل هذا واقعي ويصير ويحصل في مجتمعنا

وفي بعض البنات اقولهم


ياغريب كن اديب

 

[حرم صاحب السمو]

متابعينج يا عتيبيه ...

 

[3tebeya]

اللي ينتقدون اكثر من خارج الكويت

ترا فيه اختلاف بالعادات والتقاليد !

وانا كويتيه واشوف كل هذا واقعي ويصير ويحصل في مجتمعنا

وفي بعض البنات اقولهم


ياغريب كن اديب

بعد عمري تسلمين ..
ومعاج حق .. في بنات حياتهم احسن واحلى مني
احنا زواج وحياة .. يعني يا اشتكي من ريلي واهله يا اكون خيال .. !!!!!

وان شاءالله بكمل باذن الله
بس نطرو علي ..
مشغوله بدوام

وتسلمون ..

 

[VET-Nour]

كملي؟

 

[ظبية بوظبي]

سلام الله عليكم


اولا واااي بموت هالمره جد ابعرف ايش بيسوي زوجش
يختي اخر جزء كتبتيه جد حسيت انش شهرزاد وعطيتينا الجمله الشهيره : ولما ادركت شهرازد الصباح سكت عن الكلام المباح



واااااي بموووت لا عاد تكررين هالاسلوب بلييز لا افجر المنتدى هههههههههه

يلا بنات فرفشوا خلاص اظن كل وحده عرضت رايها وطلعت الي في قلبها وبطنها وراسها من كلام
خلاص الي ما عاجبها الموضوع توصل على الاقل لمرحله ان تتونس لو في نظرها القصه خيال ... ولا نتعب بنت الناس



زين عتيبيه ترى قبل طلبت منش طلبت ولا لبيتيه
والحين هذا بيكون الطلب الثاني

عتيبيه حسسينا انش انسانه مثل ما تقدرين تحلين مشاكلش باسلوبش الخاص وتنتصرين
بعد اذكرينا مواقف فشلتي فيها .. ندمتي عليها .. تتمنين لو يرد الزمن عشان تتخذين اجراءات ثانيه في حلها
بليز نوعي شوي في سردش عن حياتش بما انش قاعده تعرضينها لنا

 

[3tebeya]

سلام الله عليكم


اولا واااي بموت هالمره جد ابعرف ايش بيسوي زوجش
يختي اخر جزء كتبتيه جد حسيت انش شهرزاد وعطيتينا الجمله الشهيره : ولما ادركت شهرازد الصباح سكت عن الكلام المباح



واااااي بموووت لا عاد تكررين هالاسلوب بلييز لا افجر المنتدى هههههههههه

يلا بنات فرفشوا خلاص اظن كل وحده عرضت رايها وطلعت الي في قلبها وبطنها وراسها من كلام
خلاص الي ما عاجبها الموضوع توصل على الاقل لمرحله ان تتونس لو في نظرها القصه خيال ... ولا نتعب بنت الناس



زين عتيبيه ترى قبل طلبت منش طلبت ولا لبيتيه
والحين هذا بيكون الطلب الثاني

عتيبيه حسسينا انش انسانه مثل ما تقدرين تحلين مشاكلش باسلوبش الخاص وتنتصرين
بعد اذكرينا مواقف فشلتي فيها .. ندمتي عليها .. تتمنين لو يرد الزمن عشان تتخذين اجراءات ثانيه في حلها
بليز نوعي شوي في سردش عن حياتش بما انش قاعده تعرضينها لنا

ظبيه حبيبتي
اتمنى شوي من الانصاف برأيج ..
رايج اتقبله وعلى عيني وراسي ..
بس ما ودي اسبق الاحداث ..
ماراح تندمين في يوم ان قريتي
صدقني لو بحلف مني لباجر محد بيصدقني الا بنات ديرتي بس
انا قاعده اتكلم عن عاداتنا احنا وبيئتنا احنا ..
بالكويت عندنا بيئات وايد وريايلنا الكل يتمناهم لانهم اكثر انسان عاطفي من نظرتي انا ..
مو قصور بالباجي بس اعرف ريلي عدل مدل ..


في بيئات بره ديرتنا ما يخلي زوجته تكشف جدامه .......!!!!!

ووايد امور ما يصدقها العقل ..

والحمدالله ما عمري ندمت على شي كلش
حياتي كلها مرت ما ندمت الا غلى شي واحد

دخولي كلية تربيه ..
اما بحياتي مافي اي ندم ..
لان الانسان مخير غير مجبر ومسير في تصرفاته
واطباعه ..

واذا يينا للصج .. مو من طبعي اتاسف ولا اغلط على احد اهو مو غالط علي ..
اعترف بالغلط بس ما اتأسف الا لامي وابوي وريلي
والباجيين هوامش بصراحه .. اهما الثلاثه حياتي قائمه عليهم ..

وبسسس

 

[غيث السماء]

انا قاعده اتكلم عن عاداتنا احنا وبيئتنا احنا ..
بالكويت عندنا بيئات وايد وريايلنا الكل يتمناهم لانهم اكثر انسان عاطفي من نظرتي انا ..

لفتت انتباهي هالجملة .. معليش لاتزعلين مني انا ماقصدج انتي

بس من دشيت هالمنتدى غيرت وجهة نظري بالرجل الكويتي .. صراااحة اقراا المشاكل انصددم .. اكثر المتزوجات يتشكون من ريايلهم .. واكتشفت ان عندكم الخيانة منتشرة بكثرة ودايما تخافون على ازواجكم من البنات اللي ماتخاف الله ..

امم انا مادري عن باجي رجالنا ..
بس المنطقة والمحيط اللي عايشين فيه الحمدلله ماعدنا هالسوالف الا مانذر

مثل ما قلت لج انا ماقصدج حبيبتي الله يهنيج مع ريلج بس اتكلم عن الرجل الكويتي بشكل عام والله اعلم ..

لو كانت عندي وجهة نظر خاطئة اتمنى تصلوحها .. وشكرا​

 

[ظبية بوظبي]

اااااااااااااي
ومن كذا احاول امشي بعض الامور لما اشوفها فالمنتدى او اسال وستفسر
لان جد في امور مختلفين فيها
اذكر اول ما سجلت فالمنتدى ههههه ما بنسى اني لما كنت اشوف بنات طالعين بس متحجبات ما يلبسون عبي
كنت استغرب على بالي انهم وافدات كنت اسال انتي اش جنسيتش !؟
على بالي شاميات ومصريات
ما ادري وين كان عقلي معن اشوف فالتلفزيون ان اهل الكويت الحضر هذا لبسهم
بس فصل عقلي بحكم اني متعوده على شي

****

زين بس اخر جزئيه جد مستفزه بس الي يخليني اتقبل كلامش انش واضحه وصاادقه وسبق وقلت هالشي من قبل

بس ترى التاسف شي حلو وابدا مب ضعف
عن نفسي لو انبني ضميري اني غلطت على احد بتاسف منه حتى لو هي الشغاله
احس اني صدق انسانه
وغير اطرح من نفسي الذنب

الحياه حلوه كل ما كنا بساط فيها



طيب يا قميل ما تتاخريش علينا ^_*

 

[Aloe Vera]

ظبية بوظبي


حبيبتي انا بس بعلق على شغله وحدة انتي تقولين بنات الحضر بالكويت لبسهم حجاب بدون عباية مو صحيح كوني حضرية اقولج لان منهم الي مو محجبة بتاتاً و منهم اللي حجاب شرعي كامل يغطية الويهه و لابسة دسوس يعني عندنا بالكويت كلشي و كلمن حسب قناعته و درجة التزامه بالدين مثلاً عايلتي عندنا كلشي منقبات دين و سفور شورتات و تنانير نص الفخذ و الوضع عادي (للأسف) و كان اول بالكويت ايام الثمانينات الحريم الحضر يلبسون عباية بدون حجاب ههههه ادري طلعت عن الموضوع بس احب اوضح هالنقطة و اتمنى عتيبية ما تتضايق من مداخلتي البسيطة

 

[قطعة حلا2]

فيه نقطه حبيت اوضحها

يمكن عتيبيه من نظرتها لزوجها جمعت كل الرجال لكويتيين

والاصح انه مو الكل عاطفيين او رومانسيين ومجتمع عن مجتمع يفرق عندنا طبعا بالكويت

لانه مثل مانعرف بيئه عن بيئه تفرق ومثل ما قالت aloe vera

الحضر فيه منهم الاوبن وفيه منهم المدين وفيه منهم نص ونص والبدو اتوقع كل بيئه تختلف

عششان جذي اقول مو كل رجل كويتي نفس نظرتج وخصوصا عندنا خليط من كل نوع وهذا الي يميزنا عن غيرنا

 

[فروحته]

حلو موفقة عتيبية كملي

*

انا غير متفقة مع ظبية بخصوص ان القصة فيها من شهرزاد و شهريار
اهيا تكتبها بطريقتهآ الخاصة و صادقة جدا لو غيرها ما سردتها بهالاسلوب

*

وسلامتكم بنات رح افتقدكم
عندي ظروف هالايام دعواتكم

 

[ام اغلى الناس]

هههههه لازم كل موضوع يقلب هوشه
الصراحه بالبدايه كان الموضوع روعه
بس بعدين احس اخترب
ومشكوره عتيبيه
نسيت اقولج صراحه لو انا منج واخاف من العين والحسد عمري ما راح اكتب هالموضوع عن زوجي وحياتي
يعني اخلي هالسوالف بيني وبين اهلي وخواتي
الله يخليهم لج

 

[مآيكبرني نك]

كيف يعني مآيخلي زوجته تكشف جدآمه ؟

 

[foofo70]

الله يوفقج في حياتج متابعينج وناطرن التكملة

 

[Aloe Vera]

قطعة حلا


عدل كلامج ١٠٠٪




ام أغلى الناس


اوافقج الراي، معني مو من النوع اللي اخاف من العين متوكلة عالله بس احب احتفظ بخصوصياتي لنفسي ، بس الاخت عتيبية اخذت الموضوع من باب انها تبي تفيدنا و اهي حرة بطريقتها و هالشي راجع لها ، كان ممكن انها تكتب نصايحتها بطريقة نقاط او مقالة و لكن كونها مكتوبة باسلوب قصصي فهي تجذب قراء أكثر و ترتكز احداثها في ذاكرة القراء اكثر.




اقترح ان يتم نقاش كل جزء من القصة نستخلص منها العبرة و الفايدة بعد اذن صاحبة الموضوع

 

[لوولوو_88]

كملي عتيبيه ..

 

[الزيـــــ^^ـــــن]

قصتج رووووعه ماشاءالله ،، الله يسعدج ويهنيج يارب
ويبعد عنج كل عين ،، ومالج شغل بالكلاآم ،،
من الساعه 2 وانا متابعتج وتلفوني طفى وكملت من تلفون زوجي والله
من كثر ماندمجت وياج ♡♡


متآبعتج كملي حبيبتي

 

[بنوتة باباها]

صباح الخير
كملي متابعتج ��������