تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[Aloe Vera]

عتيبية انا لمن اكون جذي نفسج تعبانه اقول حق ريلي انت نوم اليهال اجهز بجاماتهم و اروح اصك الباب على روحي و انام و اخليهم لان صج ساعات خلاص الوحدة مافيها شدة

 

[فروحته]

ما عليج من احد عتيبية
مبتدئة ههههههههه المهم انتي رائعة
احبج في الله و ربي شاهد شكثر لج معزة بقلبي
ان شاء الله ربي يوفقج اقترح تخلينه اهوا يسبحج و بنتج دلكج شرايج ههه
خوش اقتراح ادري لوول
موفقة و الله يعينج و معذورة يا بعد قلبي

 

[3tebeya]

واااي قاعده اصابر مصابر .. حدي متكسره .. يقولي اهو بنعوضج .. صج صج هلكت

 

[Gomrhom]

عتبية قلبي ماعليج فيها كملي وياجبل مايهزك ريح

وعفية كتبيلي الحركة اللي سويتها مع ريلج اللي خلتة ينثول صار عندي فضول ههههه

 

[جود2011]

يعطيك العافية خيتوووو عتبية
ماقصرتي حبيبتي
الله يعافيك رسلي لي الحركة خاااص
ويسلمووووو يالغلا

 

[ツ...Яāώặή...ツ]

مشالله عليج الله يوفقج ويسعدج ويسخركم لبعض
انا توني عروس وصارلي 3 شهوور احس للحين فيني جانب غضب ومتسرعه بقراراتي​

 

[SARA*]

عيارتج تعجبني (واوووووووووووووووووووووووووووووووووووووووووووووووو)

 

[ظبية بوظبي]

فروحته
فجرتني ضحك
لان قريت من تحت بعدين طلعت لفوق ضحكني كلامها تخيلت بنتش تدلكش
شكلها حلوو بيكون
يونس
والله حلوين هاليهال

تذكرت ابن اخوي قبل يمكن سنتين كنت اتغدى مع امي وما حصلت لي ملعقه ومافيني شده اقوم اجيب لي
شفت ابن اخوي كان وقتها صغيرررر حتى ما يتكلم قعدت اتمصخ اقول له روح المطبخ جيب لي ملعقه
@@ انا بس اتصمخ قلت ما بيفهمني

الا ويجيب لي اصغر ملعقه الي هي مالت سكر الشاي واااي مت ضحك انا وامي
قلت لامي كلن وحجمه
فديته

***
عتيبيه لا تكتبين لنا الا وانتي مررررروقه عشان تتفننين وانتي تكتبين
عادي تاخري علينا مب مشكله
اهم شي لما تكتبين اكتبي لنا شي رهيب

ولا تنسين طلبي ^_*

 

[فروحته]

فروحته
فجرتني ضحك
لان قريت من تحت بعدين طلعت لفوق ضحكني كلامها تخيلت بنتش تدلكش
شكلها حلوو بيكون
يونس
والله حلوين هاليهال

تذكرت ابن اخوي قبل يمكن سنتين كنت اتغدى مع امي وما حصلت لي ملعقه ومافيني شده اقوم اجيب لي
شفت ابن اخوي كان وقتها صغيرررر حتى ما يتكلم قعدت اتمصخ اقول له روح المطبخ جيب لي ملعقه
@@ انا بس اتصمخ قلت ما بيفهمني

الا ويجيب لي اصغر ملعقه الي هي مالت سكر الشاي واااي مت ضحك انا وامي
قلت لامي كلن وحجمه
فديته

***
عتيبيه لا تكتبين لنا الا وانتي مررررروقه عشان تتفننين وانتي تكتبين
عادي تاخري علينا مب مشكله
اهم شي لما تكتبين اكتبي لنا شي رهيب

ولا تنسين طلبي ^_*

فديت قلبج هههههههههههه اهم شي ضحكتي

اقتراح يفيدها :eh_s(9):

الله يسعدج

احبج في الله

 

[انسانة1]

أول شيء باقوله ماشاء الله تبارك الرحمن على عقلك وشخصيتك وطريقة تفكيرك

ثاني شيء ربي يكثر من امثالك ويجزاك كل خير لان هدفك من كتابة هالموضوع واضح انك بتفيدين غيرك
وطريقتك بتوصيل المعلومه كانت كثير جميله لانها بدال ماتكون على شكل نقاط او موضوع جامد خليتيها بشكل قصه واقعية من حياتك وطريقة سردك لها زادتها جمال

بالنهايه مااقول غير ربي يوفقك ويكون معك ويخلي لك زوجك وبنتك واهلك وكل من تحبين ويسعدك دوم

تابعي حبيبتي واحنا معك*:eh_s(7):

 

[لذكرى سأبقى]

ربي يوفقك ويكون معك ويخلي لك زوجك وبنتك
سؤال يقرقع
عادي عندك احد يعرفك ويعرف اسمك بالمنتدى؟؟

 

[مني يغارون]

ماشــــــــــــــاء الله تبارك الرحمن الله يحميك
ويخلي لك زوجك وبنتك
والله تحمسنا كملي عساك عالقوه ماعليك من التعليقات السلبيه

 

[ريـ’ـآنـهـ‘]

حالتج مثل حالتي بنتي عمرها شهرين وماعندي خدامة وحاليا بالجامعه وراسي يتطوطح يمين يسار مانمت الليل ابييي انام

 

[سبحآن الله"]

..

سرد مميز ومشوق
أعجبتيني كثيرا لأن شخصيتك شبيه لشخصيتي كثيرا
أتعامل مع الجميع بذكائي لأحصل على ما أريد
ومستفزه جدا لمن يحسدوني ويحقدون علي أو يضايقوني بذكاءء
أكملي عزيزتي :eh_s(7):
​

 

[Kocheko]

أفكارج حلوة وبالفعل نحتاج للدهاء في الحياة ..
وكثري من حركات الدهاء اللى تصادف الوحده مع زوجها فالمجمعات والسوقة .. خاصه قليلات الأدب ..

 

[Kocheko]

أفكارج حلوة وبالفعل نحتاج للدهاء في الحياة ..
وكثري من حركات الدهاء اللى تصادف الوحده مع زوجها فالمجمعات والسوقة .. خاصه قليلات الأدب ..

 

[3tebeya]

حبايبي انتو .. والله العظيم الله اعلم بحالي مع هالدوام ضغط مو طبيعي .. تخيلوا معاي
ريلي دوامه ٧ونص بالشويخ وانا دوامي بالعارضيه محاضرتي ١١
وبيتي بالسره يعني يطلع ٧ الا ربع عشان يوصل وحده حده
يستأذن ٩ عشان يرد وياخذني ويوصلني الكليه اكون قاعده يا اريق بنتي يا اوو اتزهب .. وازهب اغراضها عشان تنزل تحت عند خالتي
اطلع ١٠ الا من البيت وما ارد الا ٧ المغرب بذمتكم هاذي حاله


دوامي متعب جدا ولا باجي الامور سهالات بس الدوام يهلكني واهو ما يبي اسوق وانا مرتاحه جدا لهالنقطه .. بس تعب تعب تعب ومحاضرات ورا بعض واي بنات والله معناه
الله يعدي هالكورس على خير ماني متحملته كلش الله يسهل
واذا عن اللي تقول اسمج يعرفونه المنتدى انا ما قلت اسمي ورقمي وحطيت صورتي امور محتفظه فيها لنفسي واشكر مرورج وان شاءالله بنات باجر بكتب لكم بارتين لان باااااااااااااااااجر ماااااااااااا عندي دوام كلش وكل خميس اوف اخخخخخخيه قلبي طبعت ريلي حبيبي صار معاي كل خميس ما عنده دوام وساحب على ام امهم لان هم تعبان معاي يودي واييب ولوعه ودوخه

فديتكم بنات تصبروا علي وشكرا لكل كلمه طيبه حلوه نفس صاحبتها والياي شي اكبر واكثر تشويق من قبل
والحين انا استئذنكم بتلبش محاضرتي

 

[مني يغارون]

ياعمري الله يعينك فعلاً الوقت صاير ضيق
الله يعيننا جميع ياارررب
ونشوف ثمرة تعبنا شي يبرد قلوبنا :eh_s(17)::eh_s(17):

 

[ظبية بوظبي]

ما علش اسمحلي
بس ابقول ليش رافض تسوقين !
منتي فالنهايه ان شاء الله بتتوظفين واكيد لازم تسوقين
يعني لي متى بتم هذا حالكم !
وعادي على الاقل بس تسوقين لدوام
وباقي الامور معاه

 

[3tebeya]

بالعكس انا مرتاحه ومستانسه وهالشي يسعده
الشباب مو مخلين احد بحاله انا معاه ما اسلم منهم فما بالكم بروحي