تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[Lost words]

ماشاءالله تبارك الرحمن ..

الله يديم هالمحبة يارب

 

[ظبية بوظبي]

مااانمت موااصله وبكمل ال 24 ساعه وانا مواصله

طيب عندي 3 اسئله
تقولين انه شرط عليش تلبسين عبايه .. ليش ما كنتي متلزمه بالعبايه قبل ؟
انتي عتيبيه .. ما علش راعي اختلاف البلدان وبتالي طلع مني هالسؤال

والماش هو المموش ؟؟

واخر سؤال التحاميل اش فايدتها ؟؟

****


وطبعا من لا يشكر الناس لا يشكر الله
حبيت اشكرش لان صدق فدتيني خليتيني احاول ان ما اهدم كل شي ابنيه وحبه عشان مشكله صدمتني
يعني مشكلتش مع بنت خالش اجزم ان اغلبنا بتتحطم وبتسوي مشاكل لو صارت لنا وبكذا بنخليه يهرب الزوج ويروح لسلى
واحن نحرق بعصابنا وممكن نوصلها لطلاق فالنهايه ايش استفدنا

هذي مشكله المسؤولين عن تثقيف البنات والمتزوجات
ابد ما قد علمونا كيف نحل مثل هالنوع من المشاكل
اااخ بس حتى فوزيه الدريع اتابعها من انا عمري 12 سنه وما قد قريت او سمعتها تعلمنا ايش انسوي لما ننحط بمثل هالمصايب

والله من زمااان فخاطري اطلب منها تعطينا دروس بخصوص هالموضوع موضوع الخيانه والمتحرشات بالازواج
كيف نحل هالمشكله ونقلبها لصالحنا

جد ما شاء الله عليش قدرتي تطلعين من البلوه الي كانت في طريقش وكملتي حياتي وملكتي زوجش واهله
ولا على الي صار كان لقيتى غيرش تشكي حالها وتبكي


وبخصوص ناعمه الهاشمي هذي دكتوره علىم نفس في العلاقات الزوجيه وعندها مركز يجونها الحريم وتساعدهم في حل مشاكلهم
وبتلقين فالنت كثيرر قصص كاتبتها
بس بعد ما قريت لها كم قصه مليت منها قصصها خياليه وما تلامس حلها الواقع
وصعب احد يطبقها
واكثر حلولها لناس ذوات الطبقه المخمليه

لكن ما شاء الله في هالمنتدى لقيت بطلتين بكل امانه اشوفهم تحدوا الدكتوره في ذكائهن في حل مشاكلهم الزوجيه
انتي
و وحده ثانيه

> موجز صغير عن قصه الاخت
زوجه تقول ان في وحده قعدت تتحرش في زوجها فالانستقرام وهي كانت تعرفه قبل ما يتزوج
المهم اخذت منها تفاصيل وراحت تعلم زوجها انها تقول عنه انه خروف وصيده مثل باقي الخرفان الي خرفنتهم مع ادله و و ووعصب زوجها وحذفها وكرهها و و و وردت الزوجه زوجها لها

 

[@ براءة طفوله @]

ما شاء الله عليج اسلوبج يشششووق
لا يوقف

 

[ريـ’ـآنـهـ‘]

اسلوبج حلو وذكرياتج تونس

ماشاءالله عليج وبصراحة احسج قوية طالعه من نفاس ورايحة فندق بنتج معاج اتخيل نفسي خصوصا انتي توني طالععه من نفاس وبنتي كل ساعتين تقعد تبي حليب ماشاءالله عليج


والله يتمم لج يارب

ماقريت كل التعليقات بس في بعضهم يشككون بصراحة مااحب الناس الي يدققون مو مصدقة مو عاجبج لاتقرين وطلعي من الموضوع

وناطرينج

 

[MRS.coupe]

ما شاء الله عليج الله يوفقج
انا شايلة فكرة الزواج من راسي
بس خليتيني افكر بالموضوع
ابي اتهاوش و اصير شيطانة على احد امي وابوي عارفيلي لوووول

 

[3tebeya]

مااانمت موااصله وبكمل ال 24 ساعه وانا مواصله

طيب عندي 3 اسئله
تقولين انه شرط عليش تلبسين عبايه .. ليش ما كنتي متلزمه بالعبايه قبل ؟
انتي عتيبيه .. ما علش راعي اختلاف البلدان وبتالي طلع مني هالسؤال

والماش هو المموش ؟؟

واخر سؤال التحاميل اش فايدتها ؟؟

****


وطبعا من لا يشكر الناس لا يشكر الله
حبيت اشكرش لان صدق فدتيني خليتيني احاول ان ما اهدم كل شي ابنيه وحبه عشان مشكله صدمتني
يعني مشكلتش مع بنت خالش اجزم ان اغلبنا بتتحطم وبتسوي مشاكل لو صارت لنا وبكذا بنخليه يهرب الزوج ويروح لسلى
واحن نحرق بعصابنا وممكن نوصلها لطلاق فالنهايه ايش استفدنا

هذي مشكله المسؤولين عن تثقيف البنات والمتزوجات
ابد ما قد علمونا كيف نحل مثل هالنوع من المشاكل
اااخ بس حتى فوزيه الدريع اتابعها من انا عمري 12 سنه وما قد قريت او سمعتها تعلمنا ايش انسوي لما ننحط بمثل هالمصايب

والله من زمااان فخاطري اطلب منها تعطينا دروس بخصوص هالموضوع موضوع الخيانه والمتحرشات بالازواج
كيف نحل هالمشكله ونقلبها لصالحنا

جد ما شاء الله عليش قدرتي تطلعين من البلوه الي كانت في طريقش وكملتي حياتي وملكتي زوجش واهله
ولا على الي صار كان لقيتى غيرش تشكي حالها وتبكي


وبخصوص ناعمه الهاشمي هذي دكتوره علىم نفس في العلاقات الزوجيه وعندها مركز يجونها الحريم وتساعدهم في حل مشاكلهم
وبتلقين فالنت كثيرر قصص كاتبتها
بس بعد ما قريت لها كم قصه مليت منها قصصها خياليه وما تلامس حلها الواقع
وصعب احد يطبقها
واكثر حلولها لناس ذوات الطبقه المخمليه

لكن ما شاء الله في هالمنتدى لقيت بطلتين بكل امانه اشوفهم تحدوا الدكتوره في ذكائهن في حل مشاكلهم الزوجيه
انتي
و وحده ثانيه

> موجز صغير عن قصه الاخت
زوجه تقول ان في وحده قعدت تتحرش في زوجها فالانستقرام وهي كانت تعرفه قبل ما يتزوج
المهم اخذت منها تفاصيل وراحت تعلم زوجها انها تقول عنه انه خروف وصيده مثل باقي الخرفان الي خرفنتهم مع ادله و و ووعصب زوجها وحذفها وكرهها و و و وردت الزوجه زوجها لها

جزاج الله خير على الكلام الطيب ثاني شي
اي فرض علي العباة لان ما كنت البسها
تحجبت عمري 17 سنه كانت اخر سنه لي بثنويه


اي عتيبيه بس فري مستغربين صح ههههه
احنا عايله بس اتحفظ على هالشي
وايد عوايل بالكويت ومعروفين يردون عتبان انا منهم

روحي الجمعيه او السوبر ماركت قوليله ابي ماش
اعتقد حتى العطارين يسوونها
او سئلي العطار وسوي بحث بقوقل عن شكله


فايدتها اطلع كل اللي برحم وتنظفج وطلع الهوا والاصوات العجيبه

بالعربي ترجعين بنت لانها انتي تسوينها وتشكلينها على شكل تحاميل تالي تجطينها بصينيه تنطرينها تنشف يوم وبعدين تلفينها بقصدير كل حبه بروح واستخدميها وقت الدوره تحميله باليوم


سوي بحث تلقينها بقوقل
لاتنسين الاكل والاعشاب خصوصا المراميه تنخلج نخال


وااتشرف فيها

ولازم تخططين وتهديفين افكارج واطبقين بعدوءء
بس مو شي يضرج كسبيه بشطانتج

وبسسس

 

[عسل اتيكيت]

ماشاءالله عليك رووعه عجبني اهتمامك وثقتك بنفسك ومن حقك بصراحه . اهنيك وانتظر جديدك و دروسك الرائعه

 

[ghadeerq8]

حبي شلون تسوينه تحاميل نبي الطريقه بالتفصيل بلييييييييز

 

[3tebeya]

للامانه الموضوع منقول بس هاذي تجربه من تجارب وكاتبه الكميه وكل شي
هذا رابط الموضوع

تحاميل فيافي ,, النتيجه والطريقه مع الصورة - ارشيف منتديات عالم حواء




السلام عليكم ورحمة الله وبركاته


هذا اخر موضوع بيكون لي في قسم " الحمل والولاده "لاني يوم كنت حامل كانت اهتماماتي في القسم بس يوم ولدت بصراحه كرهت كل شي عن الحمل والولاده وغير هذا احس اني اهملت حيل قسم " التصاميم " اللي كان سبب لاشتراكي في المنتدى عشان جذي بيكون هذا اخر موضوع لاني بتفرغ لقسم "التصاميم"

بس قبل لااكتب الموضوع بجاوب على اكثر الاسئله اللي سالتني عن نتيجة نظام فيافي واللي وعدت قبل اني انزل نظامي بالكامل بس ماقدرت لظروف خاصه

نظامي كان عباره عن نظام فيافي و الترديد و الطابوقه الحاره و المكروشه وربط البطن وطبعا المحافظه على نفسي وان كنت خربطت في اخر 20 يوم
التحسن بالنسبه لي ماكان كبير حيل لاني مثل ماقلت خربطت خصوصا بعد الكبو كنت اتحرك ولا انام وعقب الترديد والمكروشه كنت انام بالمكيف
بالنسبه للتوسع خف عن قبل لكن ماصار ضيق حيل وهالشي يعتمد على مدى التوسع اصلا قبل الولاده .. بالنسبه لي كان التوسع كبير لاني اجهضت واجد وولدت يعني زين مني اني تحسنت شوي
بالنسبه للهوا لازال موجود لكن على أخف,, لكن اهم شي ان الهوا اللي كان يطلع اثناء (...) اختفى تماما وهذا اهم شي عندي لانه كان يسببلي الاحراج وخصوصا بالحمل زادت علي هالاعراض وبالنفاس بتلاقين الهوا يطلع من كل مكان
بالنسبه للرطوبه والماي التحسن كان بسيط لان يمكن فيني قرحه والله اعلم
انا مااخجل من هالكلام لاني ابي لكم الفايده وناويه باذن الله لما اوقف حمل اسوي خياط تجميلي وارتاح

اعتقد اني جاوبت على نتيجة النظام واللي بتستعمله كيفها واللي ماتبي هم كيفها لكني اقول ان النظام للمراه الخربانه مو للبكريه او اللي مافيها شي

نرد لموضوعنا الاصلي وهو " التحاميل "





ملاحظة :
صورت التحاميل بجهاز التلفون عشان جذي مو واضحه حيل بس لونهم افتح من الصوره يعني بني فاتح

سبق ونزلتهم في موضوع فيافي بعد التعديل بس برد انزلهم لاني كنت حاطتهم في احد الردود ومحد كان منتبه لها
وانا سويتهم من دخلت الشهر التاسع وخليتهم بالثلاجه

نتيجة التحاميل :

لاحظت بعد ماحطيت اول تحميله بنص ساعه كأن حنفيه انفتحت تحت ويوم قمت من النوم لقيت متروس افرازات ووصخ وماي صافي كان موجود على ملابسي الداخليه واستغربت من وجود هالماي بس الظاهر رحمي كان متروس ماي
وبعد كذا استعمال ماراح تحسين باحساس الحنفيه بس التحاميل هي السبب في الضيق والتنظيف لان المره تعتبر مضاد حيوي وتضيق من تحت والملح يمتص السوائل ويعقم والعسل معروف انه يضيق ومفيد للالتهابات حتى لو استخدمتيه بروحه والمحلب ينظف بس مايستخدم اول 20 يوم واذا كنتي بتسخدمين التحاميل اول 20 يوم قللي نسبة المحلب مع اني ماانصح باستخدامهم اول 20 يوم والافضل اخر 20 او 10 ايام مع ان فيافي تقول انها تستخدمهم من اول يوم بالنفاس
واذا لاحظتي ان اخر ايام تنزل التحميله متكسره يعني نظفتي

* انا مالاحظت هالشي لان حالتي تحتاج فترة طويله والمفروض التزم بالنظام لمدة 6 دورات عالاقل

وقت استخدام التحاميل :

- اخر 20 يوم او 10 ايام اذا كنتي متخوفه من المبالغه
- اخر يومين بالدوره الشهريه
- قبل النوم
طبعا بما انج نفاس مستحيل ماتقومين بالليل عشان البيبي واذا قمتي احتمال تنزل وماتستفيدين منها
بالنسبه لي كنت اسهر واذا جه الصبح اعطي البيبي للخدامه واحطها وانام

طريقة الاستخدام :

تلبسين حفاظة وتطلعين التحاميل من الثلاجه قبل نص ساعه او ساعه اذا كانت الغرفه بارده واذا كان شتا مافي داعي للثلاجه
بالنسبه لي كان الجو معتدل وكنت اخليها بره الثلاجه عندي بالغرفه
المهم وانتي بالفراش تجيبين قفازات نايلون ملوت الطبخ وتاخذين تحميله وتدعسينها داخل لأبعد مكان وانتي قاعده في وضع اللي يكون بين السجدتين بس تكون رافعه جسمج يعني تكون الساقين والركبتين على الارض وهذا افضل من انج تنسحدين وتحطينها لان وضع الانسداح يدخل هوا وعلى طول افصخي القفازات بشكل مقلوب وارميهم والبسي ونامي

المقادير :

- 3 فناجيل قهوه ممسوحه ملح فارسي مطحون
- 3 ملعقه كبيره ونص مره مطحونه
- 3 ملعقه كبيره محلب مطحون
- من 3 ونص الى 4 ملاعق كبيره عسل نحل طبيعي ( لازم طبيعي مو من السوبر ماركت ) لان الصناعي فيه سكر والسكر يخرب المره

ملاحظه : ممكن تخلين مقدار المره 4 ملاعق كبيره والمحلب 2 ونص ملعقة كبيره محلب بيكون افضل لاني المره الجايه بقلل نسبة المحلب

الطريقة :

1- نغسل المره ونتركها في مصفاة وبعدين نحطها في صحن ونخليها تنشف وبعدين نطحنها
2- نغسل المحلب بنفس طريقة المره ونطحنه
3-نغسل الملح الفارسي ونتركه في مصفاة لين ينشف ( اذا مانشف ننشفه بحذر بكلنكس ) بعدين نكسره بالهاون الحديد الى قطع صغيره وبعدين نطحنه ناعم
4- نغسل الايد عدل عشان ماتتلوث التحاميل او ممكن نستعمل القفازات النايلون بعد مانغسلهم طبعا ( لان ريحة المره على الايد ماتروح بسهوله ) او ممكن نستعمل الملعقة بالتحريك
4- في صحن عميق نحط المره والمحلب والملح ونضيف 3 ملاعق عسل ونحرك وبعدين نضيف الملعقه الرابعه تدريجيا ( يمكن يكفي 3 ملاعق ونص او 4 ) المهم تحسين ان الخلطه صارت ثقيله وماتلزق ( بالنسبه لي انا ضفت 4 ملاعق عسل ) ونخلطهم عدل
5- نبلل سبابة الايد اليمين بشوية ماي ( موتكثرين ) وتاخذين كثر حبة النوى وتسوينهم نفس حبة النوى بس لاتسوين اطرافها حاده وصفيها في صحن كبير مغسول عدل من الصابون ومنشف من الماي
6- حطيهم في مكان فيه تيار هوا لمدة يومين وشمس او لين ينشفون وطبعا لازم تغطينهم بمشخاله كبيره او خام تورعشان الحشرات وممكن تحطينهم في غرفه عن الدريشه والشمس وتشغلين المروحه على العالي
7- بعدين حطيهم بعلبه زجاجيه وحطينهم بالثلاجه اذا كان الجو حار بس اذا كان شتا خليهم بره وعلى فكره التحاميل ماتخترب اذا حافظتي عليهم

ملاحظات :

- من 80 الى 100 حبة حسب الحجم اللي بتسوينه
- حاولي تخلين كل التحاميل نفس الحجم تقريبا

واسمحولي على القصور

 

[لوولوو_88]

يالله عتيبيه متى تكملين

 

[ام حلا2011]

حرام عليج بنموت من كثر ماننطرج

​

 

[ام حلا2011]

����������

 

[ام حلا2011]

:bbbiu::bbbiu::bbbiu:

 

[3tebeya]

مساكم الله بالخير


تمينا تقريبا ٣ ايام .. ما كنا نطلع من باب الغرفه الاكل يوصل لي عندنا غيرنا جو وجددنا العهد

فرحته بالبنت ما تنوصف .. وخصوصا فيها منه ومني بس منه وايد ..

ريلي تبارك الرجمن عيونه شوي فاتحه والعيون مكحله ورموش طويله وكثيفه بالعربي دمار عيونه ورسمة الحاجب اتيننن بالعربي الجمال اليوسفي

انا .. الاكل عباله تافخه شفايفي ومسويه خشمي
شفايفي تفخ من الله طبيعي الشفه اللي تحت اكبر من الي فوق وملمومين على بعض محد يصدقني وانا احلف هم محد يصدقني وعيوني لوزيه الحمدالله من فضله


بنتي ماخذه دورة ويهه ابوها البيضاويه وعيون ابوها وحلجي وخشمي مخلوطه بينا عدل ..


كنت قليل ما اطلعها لاي احد اخاف عليها من العين ..
رابع يوم ردينا وصادف الزواره والكل مستانس ببنيتنا والكل يخطبها ويحجزها هههه

يومها صار موقف ضايقني وايد وايد وايد
خالة ريلي ما كانت هاضمتني لان كانت تبيه لبنتها بس ما حصل .. مو راضيه تقتنع انه نصيب .. فتبطل موضوع تعدد الزوجات

وكانت تحرض كل الشباب اللي قاعدين بزوجه ثانيه .. وخصت ريلي ووجهتله الكلام ..
عفوا انا شنو مو تارسه عينج ؟
احترميني عالاقل ،.
اهو ما تكلم ولا كلمه لانها خالته وما يبي يزعلها حرتني وايد
خالتي ام ريلي ويهها قام يقط الوان سويت روحي ما اسمع
ولهيت ابنتي .. المهم
على حزة الغدا يت بنتها الدكتوره .. شكلها يايه عرس فول ميك اب ولبس ضيج والميانه مع ريلي ولا بالخيال

كان يطالعني وعارف اني بموت من الحره ..
بنات مت من الحره شويه زين ما تقعد بحضنه وعطرها وبخورها .. صحيح حلوه بس مو اجمل مني

قالو البنات ان يبون يروحون سينما بس لازم ريال معاهم تبرع ان يوديهم طبعا اهي اول اللي قالو بنروح

سئلوني وقلتلهم لا ما اقدر اخلي بنتي
خالتي قالتلي ويهه انا موجوده روحي استانسي
دام عند خالتي ماكو خوف على بنتي .. عقب الغدا وحتى ما كليت شي من الحره .. قبل لا اصعد قلتله ما اقدر اشيل الاغراض وانا شايله بنتي صعدهم معاي وقام وشالهم واستأذنا عشان نبي نصعد نريح ونبدل عشان نطلع ..


تخيلوووووو

يت الملقوفه وقالتله خل توديهم الخدامه خلك قاعد معانا اشكره عيني عينك
انا ما عطيته مجال يتكلم وقلتلها
على ما اعتقد هذا ريلي وابيه فوق بشغله ضروريه

جان اطالعه وطالعتني
وقلتله يالله حبيبي وصعد جدامي ..
وقحه وقحه وقحه

مادري ليش البنات يحبون الريال اللي مستانس ومرتاح ومونس زوجته ومريحها ..
ليش ما تتسلطين على اللي متعب زوجته ومأذيها

تهاوشت معاه بكل برود واهو يصارخ اني احرجته جدامها ..
طبعا سكتت وزضعت بنتي ونامت قمت تمكيجت وكشخت وزهبت ملابسه ..

ما اتهاوش معاه عشان ازعل واعطيها فرصه كلش ..


المهم ييت تحرشت فيه وبسته وخليت الحمره اطلع على شفايفه وما ذكرته ان في اثر ..

لبسنا واهو شايل بنتي وشايله اغراضها .. وزهبت كل شي عشان انزلها عند خالتي لان ما كان عندي خدامه ..

تخيلو لمن نزلنا الكل يطالع الثاني وخالتي اطالعني وتتبوسم واهي ماتت من الحره خطيتها عند خالتي وقلتله تعال ببخرك وانا واقفه جدامه وابخر غترته جان اقوله حبيبي شفايفك فيهم اثر ..

جان يبطها ضحك من الاحراج .. وقالي عارفج عدل انا ..

لا تتخيلين في يوم بتغريني او اني اميل لها عندي اللي يسوونها ويسوم طوايفها ..
قلتله عيل كنسل السينما ومابيها اتيي معانا
قالي خواتي يبون اييون ومشتهين يروحون قلتله مو شغلك انا اضبط الوضع قالي اوكي بسوي اللي تبينه بس لا تزعلين ولا تضايقين نفسج ..
راح المطبخ التحضيري يبي ماي رحت وراه عشان اتحرش فيه سويتله حركه هههههههههه اللي تبي تعرف اقولها خاص هههههههه ..

هالحركه خلته ينثول ويبي يرضيني وبس ..

المهم رحنا الصاله وقال بنات سامحوني المره اليايه طلع عندي شغله ضروريه .. واستئذن وطلع ..

البنات قعدو يتحلطمون وليش وليش
المهم جان اقولهم بروح الجمعيه كشختي ما تروح هباء

وقالو يالله العوض ولا القطيعه ..
واهي سكتت ما قالت شي .. جان تقوم وتاخذ جنطتها وتطلع وطلعنا بنفس الوقت ..

ركبت السياره ومعاي خوات ريلي .. تخيلو اول ما ركبنا جان يقولون لي
ان حركتها بايخه وتبيه بس حلم بالنسبه لها جان اقولهم ادري فيها .. ونطرنا شوي ولا رد قلتلهم يالله كاهو استغربو منو

ما تبون السينما ..

صادوا الحركه وان ما ابيها اشتبي يايه معانا ريلي لي انا بس

اهو بسياره قعد يقولهم كلموها وقولو لها حركاتها لا تسويها عند زوجه تسواها وتسوا طوايفها

واهما بعد تصرفاتها ما عجبتهم مع انهم اصغر منها بس للاسف الادب يلعب دور ..

تخلصت من هالمشكله بكل اريحيه وما سببتلي اي مشكله مع ريلي حبيبي .. وبالنهايه اشتاق ويبي بس نرجع البيت ..

استانسنا بالطلعه وختمناها عشا ب شيليز ..

رديت البيت متشفقه على بنتي وابيها بشم ريحتها


كلنا دشينا مع بعض وخالتي استغربت بس سكتت

جان يقولي صعدي والحين ياي فهمت بيكلم امه

صعدت وبدلت وبنتي نايمه
يت اخت ريلي وقالتلي ماراح نلقى زوجه حق اخونا احسن منج .. واهو يحبج وما يبدلج باي شي

وترا كلم امي عشان تكلم اختها .. وبنتها ..
بينت لها ان حصل خير والوضع عادي
بس ليش بس ريلي اللي العين عليه ..

مادري من الاقيها ..
صعد اهو ولمني وباسني على راسي ووعدني ماراح يتكرر هالشي ..

طبعا بنتي كل شوي تقعد وترد تنام .. قلت نقعد نسولف ونتفق عشان غرفتها ..

تقريبا كانت قريب ٢ الفير ..
جان اقوله افصخ ملابسك ونام
يبتله زيت المساج وسويتله مساج .. ونام نومه عميقه ومرتاح وانا كنت بقمة سعادتي .. ان ريلي يحبني وما يشوف راحته الا معاي
وتعبي هذا كان احلى شي بدنيا ..

نمت تقريبا على ٤ رضعتها ونمت ونامت اهي ..
الحمدالله من فضله ما قعدت الا ٨ اصبح جنها حاسه فيني

لقيته قاعد قبلي خليته عندها وقمت غسلت وزهبت الريوق عشان اتريق وارضعها

طبعا رضعتها رضاعه طبيعيه لمدة ٩ شهور ما قطعت عنها الحليبه الا لمن اكون تحت او طالعين ..

الرضاعه الطبيعيه رجعت بطني لظهري ورحمي رجع مكانه وضعفت وايد ..
كنت اكل كله مفيد وابتعدت عن الدهون والمقليات والمثلجات

كان وزنها وصحتها يزيد بشكل صحي وعظامها وايد زين


صارلها يومين بس تبجي وما اعرف ليش
حجزت موعد عند الدكتور محمد سعيد

طمني عليها وقالي هذا مغص عادي كل اليهال يمرون فيه
بس ماشاءالله باين ما فطمتيها من حليبك

بنات ديروا بالكم تفطمونهم من صدركم افيدلهم وافيدلكم

وان شاءالله باجر تكمله باذن الله

اي تعقيب اي سؤال امروووووووني

 

[الله يجازيك]

ماشاءالله عليج وعلئ تغكيرج
ونططي لي خاص قولي وش سويتي ومنج نستفيد ههههههههههههههه
الله يسخره لج يارب ويبعد هالبنات اللي مايخافون ربهم من زوجج

 

[الله يجازيك]

ماشاءالله عليج وعلئ تغكيرج
ونططي لي خاص قولي وش سويتي ومنج نستفيد ههههههههههههههه
الله يسخره لج يارب ويبعد هالبنات اللي مايخافون ربهم من زوجج

 

[ظبية بوظبي]

ابا اعرف المساج تعلمتيه ولا يعني عادي مساج اي كلام ؟
انا من كذا يوم افكر ادور القى دوره تعلم المساج ابدخلها لان جد تررريح
مره وحده من صديقاتي سوت لرقبتي مساج وااااي ارتتتحت حتى حبيتها هههه
والله المساج شي مهم

 

[Aloe Vera]

بصراحه وايد قهر سالفة اللي يتحرشون يزوجج
و عالرضاعة فعلاً انا وايد فادتني بعيالي الثلاثة اضعف من غير رجيم و اطلع من النفاس ماعندي كرشة و جسمي الحمدلله بسرعة يرجع

شنو الحركة اللي سويتيها بالماي؟؟؟ طرشيلي عالخاص لو سمحتي

 

[MinnieMouse]

الله يخليلج زوجج وانا بعد من المتابعين
وقهرتني هاي بنت خالته شتبي هذي
اكره البنات الي يتلزقون بالريال الي معرس
مادري احسها متعمده تبي تقهرج علشان تتنرفزين
لكن زوجج صراحه ماعليه كلام ماشالله ادبها هههههه


بليييييييييييييز ابي الحركه عالخااص بطرشلج انا الحين

 

[MinnieMouse]

صراحه هذا اكثر جزء استفدت منه ماشاءالله
قدرتي تتغلبين ع غيرتج بشي بسيط

انا طبعي وايد غيوره واغار على زوجي من اييي شي
فطبييعي تلاقيني من الغيره اتهاوش معاه بشكل جنوني
اهو مرات يستانس اني اغار عليه
لكن مرات يتضايق ان كبرت الموضوع واهو مايسوى
مع اني والله ما اقصد قلبي يحترققق امو ت من القهر اغار بشكل مو طبيعي