انا غسالتي ماركة frigidaire 7kg
قاعده اشير فيها اللي تعرف لها او غسالتها فريجيدير تكفون تعلمني عليها
اهي فيها عداد على اليمين بالارقام من 1 الى 19
وعداد ثاني الارقام 500 ، 600 ، ..... 1000 ودرج فيه 3 خانات 1 ، 2 ، 3 فيها ارقام
وين احط الصابون والكلوركس والكومفرت واذا بستخدم الجويت الازرق للغتر والملابس الداخلية شلون ؟
تكسبون فيني اجر
انا غسالتى مثلج فريجيدير وعلى حسب فهمى من الكتلوج وحسب استعمالى لها بقولج
شوفى اهيه فيها ثلاث خانات الاولى حق الغسله التحضيريه يعنى اذا ملابسج فيها وصخ وايد تحطين مكيال الصابون حسب المقدار اللى مكتوب على علبة الصابون حق الغساله الاوتوماتيك وفى الخانه الثانيه تحطين المكيال الثانى من الصابون للغسله الاساسيه وبعدين بالخانه الثالثه تحطين الكومفرت ... واذا ملابسج تحتاج شويت الازرق انا الصراحه احطه مع الكومفرت وتطكلع الملابس مشوته وريحته كومفرت حلوه ... وطبعا العداد مال التايم تجطينه على رقم واحد والعداد الثانى مال الحراره تحطينه على حسب نوعية الملابس اللى عندج قطن او صوف ...الخ مثلا انا احط العداد حق الملابس البيضاء الداخليه مثل الفنايل والمكسرين على 60 او 70 اذا كانت وصخه وايد
والكلوركس ما استخدمه الصراحه فيها احط فانيش البودر مع خانة الصابون الثانيه
واذا كانت الغسله بالشامبو مال الملابس وابى احط فانيش استعمل الفانيش السائل واحطه مع الشامبو يعنى بالخانه الثانيه
وحق الملابس الخفيفه مثل دشاديش الصيف احط العداد مال الحراره على حراره اخف
اما اذا تبين غسله وحده بس فعادى لا تحطين شى بالخانه الاولى بس بالثانيه وخانة الكومفرت والعداد تخلينه عند الرقم 4
واذا كنتى بتغسلين ملابس تحتاج شامبو مو صابون بودر تحطين بالخانه الثانيه قطعه مع الغساله تجى وتصبين فيها الشامبو والخانه الثالثه الكومفرت والحراره نفس الشى والتايمر عاد تخلينه يبدا من 4 لانه مافى غسله تحضيريه
والارقام اللى تقولين عنها هذى حق اذا بتختصرين الغسله يعنى تبين بس سله ثانيه يقولج من وين تحطين العداد ويعلمج حق نوع القماش شنو الحراره الازمه
او عندج ملابس نظيفه بس تبين تغسلينها كومفرت تحطين الكومفرت وتخلين العداد التايمر على الرقم الخاص حسب ما مكتوب عندج
والغتر الصراحه ما اغسلها فيها ما جربت اخاف تخربها ... واذا بتجربين ممكن تحطين العداد مال الحراره على ابرد شى لان الغتر اتخرب بالماى الحار وتغسلينها غسله وحده والصابون والشويت والكوفرت شرحت لج طريقتهم فوق
يعنى اهى يبيلها تركيز وانتباه اول مره وبعدين تحفظين ويصير شى عادى ... عشان جذيه ما اخلى خدمى يغسلون فيها انا اللى افرز الملابس واقيس الصابون وغيره واهم شغلتهم يشيلون الملابس لما تخلص بس ... اخاف يخورونه بالملابس
ان شاءالله اكون افدتج وفهمتى على لان حجى وايد :eh_s(6):
