تعالووووووو يا زميلات المهنه ابيكم شوي

[كويتيه cool]

السلام عليكم

شلونكم بنات

بقول لكم اللي صار لي طول العام الدراسي

تعينت شهر 9

واطلبو مني امسك اشراف جناح بس تدخلت رئيسه القسم وقالت الابله توها تعيين يديد

وانا بحاجه انها تكون معاي بالقسم

ثانيا شي اطلبو مني برنامجين اذاعي وسويته

ثالث شي قيمه الاسبوع باسمي سويته على مستوى المدرسة

رابع شي الاحتفال بالعيد الوطني وزعت هدايا على الحضور لان كان على مستوى المنطقه التعليمية

خامس شي المراقبه والاحتياطات يمكن اكثر وحده خذيت الى درجه اني ثلات مرات راقبت على فترتين ايام الاختبارات

سادسا وزعت هدايا على الطالبات المتفوقات

سابع شي سويت فعاليه بالمنتدى منها حملة ومعرض بس كنا مشاركين 5 بنات

ومتعاونه مع القسم في كل الحطات الخاصه بشغل الاداره

حطيت واسطه عشان اعرف تقريري بس ماكو فايده



واستفدت من موضوع الملف الانجازي اصور شغلي واكتب تقرير واحطه باسمي

وكانت في مدرسه مسؤوله عن هالشي

بس المشكله ان رئيسة قسمي ما كنت اشوفها تكتب اني سويت هالاشياء !! ولا ورت الموجهه شغلي !

ومره عطيتها نسخه من شغل الفعاليات

جان تقول لي خليه بعدين!!

وما ردت اطلبته مني !!

حاولت كثر ما اقدر اني ما استأذن الا للضرورة وعدد طبياتي يومين

تتوقعون جم راح ينحط لي بالتقييم؟

 

[رزه مرتزه]

وعليكم السلام حبيبتي


مااشاءالله الله لا يضيع تعبج وجهدج

بصرااحه من انجازاتج وعدد غياباتج المفرووض ممتاز

تستاااهلين

بس انا بسألج عن ادائج بالحصه شنو انطباع المديره ورئيسة قسمج والموجه اذا اوكي مالهم حجه ينزلونج عن الامتيااز

وانا سمعت وشفت بعيني بناات اول سنة تعيين خذوا ممتاز يعني لا تسمعين كلام الي تقوولج مستحيل التعيين اليديد ما تاخذ ممتاز مافي قانون من الوزاره يمنع هالشي


وعالعمووم انسي السنة الي طاافت وشدي حيلج للسنة اليايه والله كرريم ولا يضيع اجر من احسن عملاً

 

[كويتيه cool]

رئيسه القسم كل مرة تدخل تقول ما عليج شي من ناحيتي بس لو سويتو كذا احسن ومرة دشت والصف مشاغب حتي ما يبون يسمعون كلامها واهي تكلمهم والموجهه دائماً تمدح الحصه بس مره قالت ليش ما ذكرتي الوجدانيات والناظرة دشت علي نهايه الحصه وقالت البنات تفاعلهم ضعيف !! وما يندرا عنهم

 

[رزه مرتزه]

الله كرريم

شنسوووي بهالقرار العبيط الي ما يسمح لنا نعرف تقاديرناا مادري شالحكمه

بالعكس الوحده اذا عرفت تقديرها يا يكون دافع لها للاحسن وتحسين مستواها أو يحمسها تظل على حماسها

 

[LA TROO7]

يعطيج العافيه وعساج عالقوة

كل الانجازات الي قلتيها كلنا نسوييها سنويا

كلنا نسوي برنامج اذاعي والقيمة ونشاط وغيرة وغيرة

الفارق والاهم


عطائج بالحصه واظن كل وحدة بينها وبين نفسها تعرف مستواها
وثاني شي غيابج

اذا رئيسه قسمج قويه الشخصيه تقدر تفرض رايها عالموجهه والناظرة

والتعليقات البسيطة ترا عادي حتى الي ياخذون ٩٨ يسمعون كم تعليق


الاهم لاتفكرين بالتقرير جددي نشاطج للعام الجديد وكل عام وانتي شعله من النششاط ان شاءالله

 

[كويتيه cool]

الله كريم وان شا الله اعرف تقريري قبل ما اداوم

ومشكورين بنات يعطيكم العافيه رفعتو من معنوياتي

 

[رزه مرتزه]

ان شاءالله

العفووو حبيبتي ، والله يعافيج

 

[طموحه بزياده]

الله يوفقج وتعرفين

 

[هيبة ملك]

هالشي. كلنا. نسويه. لكن. فيه. من. تسويه. باتقان. وفيه. لا. وهم. الحصه. لعا. دور. والزيارات. ماكنتي. تشوفين. شنو. كاتبين. لج. في. ملف. الزيارات؟؟؟والحضور. والغياب. لاتنسينه له. دور. ويبقى. راي. الموجه. والناظره..السنه. راحت. الحين. ابدي. من. جديد. ووثقي. كل. شي تسوينه. واقري. عدل. سجل. الزيارات.والله. يوفقج.. اختي. كلنا انظلمنا. لكن. محتسبين. الاجر من. الله

 

[ميونة الحلوة]

المشكلة ان مافي ابله تعرف شنو تقديرها الا بالواسطة مع ان مادري شالحكمة من هالموضوع مادري؟؟؟!!!!!

 

[كارلوفي فاري]

التقرير تعرفينه بدون واسطه روحي الوزاره ويعلمونج. واذا ماعطوج امتياز مو معناته انج سيئه. انجازاتج هذي بتخليج بالصوره يعني هالسنه ماخذيتي لانج جديده وفي بنود صعب تاخذين درجات عاليه فيها مثل الالمام بالماده العلميه وكثير بنود يمكن تنزلج عن الامتياز. بس انتي دايم حطي بعين الاعتبار حصتج وتحضيرج ومتابعة الطالبات ودفاترهم هذا فوووق كل اعتبار. والاشياء الثانيه حلو انج تتميزين فيها بس لا تخلين شي على حساب شي ثاني والله يكتب لج اللي فيه خير وصالح

 

[كويتيه cool]

امبلا اقراها عدل ورقة الزياره ودايما تقول لي رئيسه القسم ماكو اي شي ضدج

وبالنسبه للمادة العلمية دايما تكتب عندها عاليه جدا ّ!

والحمدالله ما عندي تأخير ولا غيابات وطبياتي مثل ما قلت لكم ثنتين بس واستأذناتي قليله

 

[نماين]

ان شاءالله امتياز
وعلى كلامك تستاهلينه

 

[المـــــها]

الله يوفقج و تبشرينا بالامتياز

 

[ياحلاتي قمر]

انا كنت معلمة يديدة وكرفوني بعد شي طبيعي اي الة تيهم تعيين يديد يشتغلن عليها غيابات ومراقبات الخ
مع هدا ادارتي مابين بعينها وصارلي سنتين هم لناظرة تقولي الابلة اليديدة مانعطيها درجة زينة

ليش الظلم ؟!؟؟ لي متى بظل ابلة يديدة؟! ليمن اترس عينج بالهدايا وابخرلج غرفتج؟؟ >>> معصبة

الحي انتقلت مدرسة ثانية خنشوف الادارة شلون راح تكون واتوجيه الل يستر منه


وعساج عالقوة منها للاعلى ان شاءلله

 

[كويتيه cool]

عطوني 88

 

[sasa1234]

بس المشكله ان رئيسة قسمي ما كنت اشوفها تكتب اني سويت هالاشياء !! ولا ورت الموجهه شغلي !

ومره عطيتها نسخه من شغل الفعاليات

جان تقول لي خليه بعدين!!

وما ردت اطلبته مني !!

:eh_s(10): واضح من تصرفها انهم مو ناويين يعطونج امتياز
لانه اذا حطوا الانجازات بملفج راح تقدرين تاخذين امتياز لانج تستاهلينه

 

[كويتيه cool]

حسبي الله ونعم الوكيل فيهم