رد : تعالوا يابنات......... شوفوا قلة الادب اخت تصارخ علي اختها الكبيره؟؟
نفس الحااله ويااي !! اختي اللي اصغر عني بـ 4 سنوآت .. تقل ادبها علي !!بس انا طبعآآ ما اسكتلهآآ ... وماشي فايده .... تطول لسآآنها وتصاارخ ...!!! رمستها بطيب ما نفع .. تفاهمت وياها ما نفع .. اهانااات واهنتها بعد ما نفع ... اسلووب زفت رمستها فيه بعد ما نفع !! شو اسوي وياها ما اعرف !! حتى امي ملت منهآآ ... نفس الحاله ويا امي ... كله تصاارخ فظيييعه !!!والا امس هي مسويه شي ويوم ادخلت انا فالموضوع قالتلي " انتي ما يخصج " تخيلووو !! انا انصدمت !! بس ما خليتها فحالها ... بس والله معانااااه ... تبي تثبت وجوودها بس على حسابي .. ع بالها هي يوم تصاارخ الكل بيلبي طلباتها وواايد تجذب بعد .. مادري كيف اتعامل وياها انا خلاص مليت منها وكل يووم تصاارخ ع امي .. يومياا اسمع صوتها واصل لين غرفتي .. وامي فيها الضغط ما تقدر تتحملها وايد .. وهي ولا همها .. اهم شي تاخذ اللي تباه والقهر انها ما تسوي هالحركات جدام ابووي .. يوم يكون ابوي موجوود ترمس برقه والآدب يقطر منها .. ويوم ابوي محد فالبيت تيلس تصاارخ وكل شي غصبن عناا .. انا ما تقدر علي .. بس مستقويه على امي واختي الصغيره .. وتخيلو يوم قلتلها ليش ما تحترمين .. قالت احترميني اول عسب احترمج !!! .. حسستني انه هي اختي الكبيره هب انا !! والله فحياتي محد كلمني جييه .. بس مادري شو اسوي وياها ملييت منهآآآ حتى مرات ما احس اني احبها ابدآآ .. تكرهني فيها لدررجه ما تتصوروونها .. >
!
