تعالوا نفضفض عن رفيجاتنا ..

[blue ocean]

مساكم الله بالخير خواتي الغاليــات .. :blueSmCLR:

طرت على بالي فكره وقلت اسولف وادردش معاكم فيها .. مو القصد نتكلم من ورى رفيجاتنا

لكن الكل فيه عيوب .. ومحد منا يخلى .. بس احيانآ الحق ينقال تكون رفيجتج تحبينها وتغلينها

بس يكون فيها عيب مثلآ او عيبين مضايقينج .. خلونا نتشارك بهالموضوع وكل وحده تقول

عيب في رفيجتها وميزه بعد .. عشان نكون منصفين .. :eh_s(15):​

 

[blue ocean]

لا تستحون انا ببدي ..

اتضايق من بعض رفيجاتي لما احس ان بالهم ضيج ومايتفاهمون ..

واحب رفيجتي اللي احس صج قلبها نظيف

 

[ام جسوم@@]

رد : تعالوا نفضفض عن رفيجاتنا ..

يسلمووو ع الموضوع

عندي رفيجه حيل معاها اكثر من اخت بنسه لي 11 سنه ويه بعض مشاءالله

كلشي فيها زين يعني مشاءالله قلبها نظييف تقدرين تقولين قلب طفل

اتضايق منها لمن مرات اتصل عليها وماترد لوووول

يسلمووو صاحبة الموضوع

 

[> Miss M6ereiah <]

رد : تعالوا نفضفض عن رفيجاتنا ..

انا رفيجتي بنت عمي بنفس الوقت احلى شي فيها انها صريحة يعني تعطيج بالويه ماعندها لف ودوران عشان جذيه استشيرها بأكثر من شغلة ماتعرف تجامل
والشغلة اللي كلش مو عاجبتني فيها وحتى صارحتها ذاك اليوم انها من النوع اللي ما يطوف يعني الحين احنا قاعدين مع اهلنا وحدة قطت عليها كلمة او صار بينهم سوء فيهم تقولها اوكي حصل خير واتفاجئ بعدين انها للحين شايلة هالشي بقلبها حتى لو كانت شغلة تافهة ما تنساها ...

 

[iCe*]

رد : تعالوا نفضفض عن رفيجاتنا ..

خوش موضوع
طبعا اكيد كل انسان في الشين والزين وحتى احنا
انا رفيجتي اغليها واعزها واهي تموت علي طيوبه وحبييبه وكل شي
بس عيبها بنت الحلال عينها مايمديني قلت شي وماصار الا يتكنسل فمرات اضطر اغبي عليها ليما يخلص هالشي

 

[Jenanie]

عندي وحدة من رفيجاتي اتينن حدهاا ماشاءالله والله لا يغير علينا
حبوبة وخدومة وتونس
بس شي واحد يبط جبدي ساعات لوول طفارتي فيها انها باااااااااااااردة
ياربي كذا موقف يصير انا اعصابي نار ولا معصبة على شغلة واهي بكل برود ساكته او تقول عادي ماصار شي !
لوووووووووووووووووول انا الحين لما اتذكر الموقف اضحك بس حزتها تزيد اعصابي نار وشرار ;P

ثااانكس عالموضوع فكرته يديدة

 

[Jenanie]

رد: رد : تعالوا نفضفض عن رفيجاتنا ..

خوش موضوع
طبعا اكيد كل انسان في الشين والزين وحتى احنا
انا رفيجتي اغليها واعزها واهي تموت علي طيوبه وحبييبه وكل شي
بس عيبها بنت الحلال عينها مايمديني قلت شي وماصار الا يتكنسل فمرات اضطر اغبي عليها ليما يخلص هالشي

لوووووووووووووووول
ترى في ناس مساكين حتى يحسدون نفسهم بدون قصد

 

[الـــدفـــشـــة]

تدرين اني كتبت كلام وااجد واااجد
بس مسحته

اهيه كلمه وحده اقولها لتؤم روحي
حساااااااااااااااااااااااااااااااااااااااااااااااااااااااااااافه
قسم بالله اكتشفت اني انا بأقصى الشمال واهيه بأقصى الجنوب

 

[some girl]

انا رفيجتي بنت عمي حبوووووبه وطيييبه وخدووومه
بس عندها مشكله تبط جبدي انه شخصيتها سلبييه يعنيي طيبتها الزاايده تخلي ناس يغلطون بحقها واهيا تسكت
وقااعده احاول ويهاا تصيير شخصيتها قوييه وانه ما تسكت على الغلط بسس هم اهييه اعصاابها باااااارد يخلي الواحد يفت
لووول هذا الحلوو فيها

 

[jen2n]

رد : تعالوا نفضفض عن رفيجاتنا ..

عندي رفيجتي اعرفها من ايام المتوسطه ودشينا الجامعه مع بعض ودخلنا نفس الكليه والتخصص وانا بطبعي وما ابي امدح نفسي من النوع اللي اخدم خاصه انها مسكينه ما اقدر اقول شنو فيها بالضبط بس والله ما قصرت معاها اروح معاها للدكاتره انطرها لما تخلص من الامتحان لما تمتحن عند السكرتيره اطلب بدالها اذا تستحي تروح الكافتيريا احل لها واجباتها ادور لها بالكتب عن موضوع بحثها حتى لو كنا مو بنفس المحاضره واروح انطرها عن باب المحاضره لما تخلص انا مو قصدي اقول اني شسويت لها بس حازه بخاطري والله ان بعد كل هذا قامت تتجاهلني وتتجنبني لدرجه ان الحين بتخرج واقولها متى بريكج مو راضيه تعلمني رجعت من السفر ولا تحمدت لي بالسلامه صار الرمضان والعيد ومباركت لي بالشهر واجوفها بالمسن ولا تي تسلم علي لييييش ما ادري مع اني صار لي 4 اشهر ما شفتها بس اكلمها بالمسن او التيلفون يعني ما صار شي بينا عشان تتجاهلني بس صج موقف كلش مو شي وماني عارفه شسوي

 

[حسآويه]

رد : تعالوا نفضفض عن رفيجاتنا ..

مممممممم عندي رفيجات شكثر ماشا الله مادري اتكلم عن منو ولا منو , فديتهم كلهم ^_^ ..
بسسس انا ماأراافج بناات مو من جماعتنا او من اهلنا جذي ماحب ><..


بس اقرب رفيجاتي بنات عمي وبنات خالتي ..


بقول لكم موقف عن رفيجتي ما انساه يعور قلبي
عندي رفيجه قريييبه مني صداقتنا 4 سنوات , كانت تعايرني بدراستي اني مهمله و اهي اعلى مني مع ان مستواتنا انا واهي نفس الشي كل مانقصت درجات او زفتها المدرسه ولا صار لها شي .. تعلم امها وتقطها براسي وامها تحذرها مني لأني بخربهاا وبسقطها :/ .. و انا كنت اسكت ماحب المشاكل ولا اقول شي عادي عندي

و لما دشينا الثانوي بنروح ثآني كل وحده تختار تبي علمي ولا ادبي..انا احب الأدبي واهي تبي علمي..قلت لها انا بدش ادبي !! .. قالت لأنج فاشله و لأنج داشه حق لعب مو دراسه و لأنج ماتبين تتعبين لأن علمي تعب و ادبي مسخره .. و ان اهي بتدش علمي لأنها اعلى مني و دشت علمي و انا ادبي وصارت علاقتنا مو هذاك الزود..اذا مامريتها اهي ماتمرني .. انا ادق اهي ماتدق .. حسيت اني قاطه نفسي عليها

طبعا بس تشوفني تعايرني بأدبي .. بعض بنات علمي جذي لوول بس هذي مصختها صارت تنرفزني ..
و خلااص وصلنا آخر المطاف و عطلناااا و الحين ابتدينا سنه جديده و ان شااء الله آخر سنه لنــا ونتخرج , والحممد لله انا مع رفيجاتي وكلنا نجحنا .. الا اهــي شفتها داشه نفس كلاسها العااام .. و مندقره و بروحها مع بنات ماتعرفهم و انا مع رفيجاتي اللي عايرتني اني داشه معاهم ادبي ..


كسرت خاطري شلون الدنيا دارت و صرت انا الأعلى منها مو اهي
وكسرت خاطري انها سقطت و كانت كله تقول انا الأعلى انا الأحسن انا بنجح انا ممتااازه .. خل الغرور ينفعها

بس ولله اللهم لاشماته رحت و سلمت عليها و جنه شي مو صاااير ..امي قالت لي بكره قولي لها شوفي منو صار الأعلى انا ولا انتي .. بس ماقدرر مهما كان .. كانت رفيجتي وبينا ايام حلوه

وبس هذي سااالفتي فديتكم ادري قرقه لوووووول :$

 

[حسآويه]

رد : تعالوا نفضفض عن رفيجاتنا ..

اي صح عندي رفيييجه حبووبه و طيبه و مثل اختي و دمها خفيف وشخصيتها تشبه شخصيتي ..
بس عيبها اني اسولف معاها .. وفجأة اهي في سابع نومه جني اكلم روحي مايصير فيها نوم الا حزة سوالفنا لووول

يعني للحين ماشفت فيها عيب كبير , خوش بنيه

 

[عيش و مرق]

انا رفيجتى خوش وحده بس مشكلتها تغار منى وااااااااااااااايد ,,,,, من ايام المدرسه لى الحين واحنا امهات الحين شنو صار اذا متهاوشه مع زوجها يت تركض تتشكى منه واذا تصالحو تسحب على ولا حتى نص رنه
الله يهنى سعيد بسعيده

 

[ĆŭŧΣ Ḟầсe ㋡]

الحين اشوف ان حياة الرفاجه عند المعظم اللي تكلمت معاهم تحت شعار " دنيا المصالح ما بها خلان "

واليوم كنت ناوية افتح نفس موضوعج بس يختلف بعض الشي بس يوم شفت موضوعج الغيت كتابته

انا احس ان الحيين اغلب الرفيجات مصلحجيات لبغت شي منج قامت تكرر فلانه والله اني اغليج ومن هالكلام

وبس تطحين لفت ظهرها وخلتج وهذا ما يمنع انه فيه رفيجات زينات لكن قليلات << تنفس عن اللي فيها لا تلومونها هع

 

[عــاشــقــه]

هآلزمن زمن مصآلح رفيجه بمعنى آلكلمه " للأسسف " للحين مآ لقيتهآ

يآكثر رفيجآتي لمآ تكون متضآيقه ولآ عندهآ مششكله آول وحدهـ إدق عليج إنتي

بسس تخلص مصلحتهآ مآ تلآقينهآ لكن لو آنتي بأزمه آو عندج منآسسبه سواء سعيدهـ آو تعيسسه آول وحدهـ بتلف ظهرهآ

وتمششي وتخليج إهي

للأسسف كآن عندي رفيجه كنت آعتبرهآ إخت صآرلهآ شهرين مآتدري عني بس لمآ تكون متضآيقه إدق علي وتتشكى

ووحدهـ ثآنيه صآرلهآ 8 شهور مآدري عنهآ بسس آلحين ولدت دقت علي عشآن آروحلهآ عطيتهآ آكبر طآف مع إنه آلبيت لآصق بآلبيت


موضوعج يه عآلجرح

 

[fdeet_shosho]

انا عندى رفيجتى تعرفت عليها من 4 سنوات بالدوام شحلاتها وطيبه وحبوبه وخدومه بس شخصيتها ضعيفة وماتاخذ حقها واطفر انا من جذي ومرات تقعد تتحلطم وتتضايق من روحها ليش تسكت عن حقها - وعندى رفيجتى من الثانويه ودشينا الجامعه مع بعض الحين احنا بالتلفون مانشوف بعض لانه كل وحدة متزوجه وعندها التزامات عيال وزوج وحموله فماعندنا وقت تحضر مناسباتى الرسمية وانا بعد بس ما اتضايق اذا ما اتصلت لانى احبها فاعذرها اذا غابت وانا موجودة ان جتنى حياها الله وان راحت درب السلامه ومافى احد يقدر يعيش بدون صديق

 

[جولينار]

والله شوفي انا عندي صديقات كانو صديقات وصار أغراب وماتحسفت عليهم لا تحسفت على الوقت اللي قضيته معهم

وفيه صديقات لازال في القلب واحبهم ويحبوني صح ابعدتنا ضروفنا بحكم اني نقلت من المدينة اللي كنت فيها لمدينه ثاية

والجامعه ماقضيناها سوى بس لازالت متواصله معهم واحبهم برغم بعض البرود في العلاقات بحكم البعد

وعندي بنت خالي صديقتي من ايام المتوسط ولازالت احبها والله لا يغيرنا

 

[*sweetgirl*]

ماعندي صديقات روح بالروح يعني عادي شفتهم اهلا وسهلا ماشفتهم عادي لا اشره ولا يشرهون

 

[al7laklh]

رد : تعالوا نفضفض عن رفيجاتنا ..

امم انا رفيجااتي شكثرهم مشاء الله بس 3 قرااب مني احنا اكثر من خوات وربي عمري ما شفت منهم شئ يضاايق بالعكس

وااقفين معااي بكل شئ واللي يعجبني فيهم صراحتهم ونااستهم وطيووبات حدي مشتااقه لهم باجر مداااارس وراح اشوفهم

كل االلي ابي اقوله احببببببببببببببببببببكم وربي يا اغلى خوات الله لا يحرمني منكم ياااااارب

شكرا ع الموضوع وتقبلي مرووري

 

[lulwa-q8]

مااعندي صديقاات الروح بالروح لان احنا قروب و عسي الله لا يفقرقناا

فمااقدر اقول لمجموعه اسراري ولا اقدر اقول لوحده او ثنتين واخلي الباقي

اللي يعرفواسراري بس بنت خالتي

=)