تعالوا نتكلم عن كل شي يشغل الفلوس ( الجزء الثاني )

[المبدعة]

بنات اول شي الله يوفقكم

و اللي ودها تسوي مشروع لا تمشي و تحجى حق الكل

و اذا تبين تبشين صح بلشي بعرضج ع النت لان اشمل و الاذواق متنوعة ومختلفة

احسن وايد من انج تبلشين من حيط الاهل و الاصدقاء
و الله يوفقكم و ويفقني

ودي يكون عندي مشروع بس محتارة اشلون و الله كريم

الرزق برب العباد مو بايد العباد

صح كلامي

و الحمد لله على كل شي الف حمد و شكر لك يا رب

 

[الست اصيله]

انا ودي اتاجر بالعبايات

 

[Reem_al_fala]

الحل عندي ...

عندي بضاعه حيل رقيه .. مكياج درجه اولى من امريكا ... قاعده ابيعه بالجمله ابطريقتين ... ياتخذينه بسع ارخيص و اتبيعينه ... يا اعطيج شوي و بعد ماتبيعينه ة تقبضين تعطيني سعره ... طبعا المكياج ماعليه كلام و يسوى حتى لو اتطقين بالسعر يمشي .. لان شي عجيييب .. الس حابه تراسلني عالخاص لان قاعد يخلص ... و الي تبي كميههه عوده و شافه نفسها توفقت وتبي بعد ... اطلبلها

 

[حساويه]

انا اخيط حج روحي اشيا ناعمه مثل بلايز تنانير فساتين جلابيات كلها نواعم وشغلي نظيف و حيل مرتب وسويهم ارتب من الخياط
والكل يدري ان انا اللي اخيط حج نفسي
ودي اخيط حج غيري بس اول شي كسوله وثاني شي بطيئه و ايدي ثجيله
وثالث شي ماعندي الجرأه اتكلم وجول حج احد ان انا اخيط
على انا جماعتنا واللي اعرفهم الكل يخيط اكثر من انهم يشترون الجاهز
يعني اي خياط يفتح عندنا ينجح بشكل مو طبيعي ماشاء الله
بس مثل ماجلت لكم الحيا والخجل

 

[slsbeel]

انا ولله الحمد لا مواهب ولا ميول
لوووووول بس عندى رفيجتى عندها صالونين وحاليا متزوجه يديد وحابه ادخل معاها شريكه بواحد من الصوالين الصالون يديد وله زباين ومشالله عليه حلو ومرتب وديكوره حلو لانها تبى ترتاح وتى شوية سيوله لانها بتسوى شوية تضبيطات للصالون فما درى اللى حابه ادزلى عالخاص

 

[قمر وخدودها عسل]

السلام عليكم 00 خوووش موضوع 00حطيتو ايدكم على الجرح 0

آنا استعمل خلطات للبشرة والشعر وآنا مسويتهم بإيديني 00 والكل يسألني شلوون صرتي بيضه جذي شمسوية وشعرج

متغير<<<عااااد نحاسه ما علمهم :eh_s(6):

فعاد فكرت وهذا الكلام من زمان إني أبيع خلطاتي بس كله أهون وما أنفذ مشرووووعي 00

والحين أحس إنس تشجعت شلون بنات أبدي ؟؟

 

[حيادر]

هلا فيكم بنات

ماشالله عليكم عقول تجارية كلكم

الله يوفقكم كلكم

انا بادية بالنحت قريب اناشلله

بس مادري لو ابيعه يمشي ولا لا

لان ودي اسوي مثل شغلات تنحط داخلها ككاو وغيره
مثل مجسمات يعني على اشكال مختلفة مثل الطاووس اللي سويته
بس خايفة ابيعهم
ببدي بالنحت وعقب الله كريم

 

[AFRoDiT]

بالتوفيق حياتي حيادر

تقدرين تسوين اشكال النحت ع الطلب
يعني كل واحد يطلب شكل معين

وتدرين الناس تموت ع التميز
يعني اذا تنحتين شكل خاص لزبون معين بيستانس انه بيكون شكل محد مسويه غيره ومبتكر

بس شنو الماده الي تنحتينها؟؟



موفقه حياتي

 

[حيادر]

هلا افروديت

فكرة حلوة بس مشكلتي المزاجية

يني انا اصفن بروحي فترة طويلة واشوف المنحوتة بالشكل اللي انا اتخيله واطلعه بنفس ماتخيلته

بس لو احد طلب مني ما اقدر اطلعه مثل ما يبي لان يمكن يكون مو عاجبني

انا انحت الفلين

وودي انحت خشب لان جودته اعلى طبعا

بس الفلين اسهل واخف بالوزن

 

[supermarket]

انا احب اشتغل يتغليف الكاكاو والقرقيعان

بس للحين ماني متشجعة اشتغل للناس .. استحي

وكله احس ان شغلي يمكن مايعجب الناس مع اني اشوفهم ذبحة على اشياء اقل من شغلي ومع ذلك للحين ماتشجعت اشتغل

مع اني ودي لما اتقاعد اكون خلاص كونت لي بزنس خاص فيني ماحب اكون من الناس اللي دوام وبس...

الله يعيني على نفسي

 

[نور الفنر]

خوش موضوع .... انا سبق واني دشيت هالمجال ويبيله صبر ومقاقه ....

وحسب خبرتي بالنسبه لنوع المشروع او التجارة .... اذا انتي ناويه تبيعين بين الاهل والاصدقاء تشوفين شنو الي ماشي عندهم تسوينه..

واذا ناويه على مستوى اكبر تشوفين شني رغبه عموم الناس وشنو الي عليه الطلب ... وتتوكلين على الله

ولو تكدح كدح الوحوش غير رزقك ما تحووووووش

 

[((الزين))]

الموضوع قديم توني اطيح عليه
كملوا بنات نبي نستفيد من التجارب
لا تبخلون علينا
انا مثلكم بديت بمشروع وتعبت عليه
بس للاسف ما كملت لاني خسرت
مشروعي كان عباره عن مشغل بالبيت
وقفت فتره والحين قررت ارجع لكن مو مثل قبل
قبل كنت انزل معارض الحين مو كل معرض ادخل
ودخلت معاي شريكه وبديت اتعامل مع البنات
اللى ينزلون معارض ويخيطون بكميه واسعار الخياطين
غاليه عليهم وما يستفيدون شي
قلت افيد واستفيد
هذي تجربتي واتمني تستفيدون منها

 

[*+ قـــمـــر +*]

رفففع

واايد حلو الموضوع عطيتوني افكاااار (

ما شاء الله عليكم

 

[اريج الجوري]

موضوعكم روووعه ،،،

انا حبيت اسوي مشروع صالون لكن يبيله مجابل وتعب ،،،

وبعدين فكرت اجيب خياطه عندي بالبيت خصوصا عندي افكار وموديلات وهم تخيط من كتلوجات لكن ريلي ما رضى احد خياطه بالبيت ،،،

واللحين افكر ابيع اطباق ،،،

انا شاااطره بالطبخ ماشاء الله ،،،

اسوي قبوط ومرقوق وعصيده لذييييذيين وكل وحده تولد من جماعتنا تطلب مني اطرش لها ،،،

وهم اسوي حلويات وسلطات واطبباق رئيسيه ،،،

لكن مشكلتني ما عندي وقت ولا لقيت تشجيع كلش،،،

فكرت ابيع بالنت بدون اهلي يدرون ،،،

بس مشكلتي في زوجي اللي رافض هالافكار موليه ،،،

الله يرزقنا وياكم يارب ...

 

[احب الكاكاو]

انا بديت بمبلغ ضغير للشنط التقليد والساعات وذوقي ولله الحمد حلو وانا شخصيا واايد اتابع المووضة ومن هواياتي الازياء والاطلاع على اجدد الماركات من ساعات او شنط او اكسسوارات

ولاني كنت اشتري الشي التقليد الي 100% تقليده كنت اشتري لزبايني بعد مثل شنطي التقليد الدرجة الاولي
ولله الحمد مشا مشروعي وتبارك الرحمن بفضل المنتدي وثقه زبايني مشى

بس يا حيااادر العين العين العين

اقسم بالله زبايني يدشون بيتي للمعرض يقولوون اوووف بيتج روعه انتي قمر ابيييه مو جنك عربية
اقسم بالله يا بنات شوفوا شنو صار لي
1- ولدي وحيدي خالد دش المستشفى وقعدنا شهر رمضان كامل هناك بين الحياه والموت وسويت له عملتين

2- بيتي انباق من خدامتي لما سافرت مع عيالي بعد خروج خالد من المستشفى بيتي تصفر والله العظيم وااايد بنات عارفين قصه بوقة بيتي من خدامتي الي كانت عندي من 5 سنوات

3- بالسفره هذه نفسها انباق ريلي عند البنك تخيلي ساحب 500 دينار وانباق

5- بضاعتي مسكوها جمارك المطار وصادروها وقيمتها 5 الاف دينار غير الغرامة والبلوك

4- والاهههههههههم
اني الحين مو قادرة ادخل اي شي تقليد لان شغلي طلبيات من مصانع وريلي يسافر يجيهم يعني ما اطلب من النت الجاهز احب اشيك على كل ضغيرة وكبيرة خااصة ان تقليد وتدرين الزباين اذا سحاب غير الاصلي كلتني
فالمهم مووو قادرة ادخل اي شي من المطار تقليد ولا اعرف اطلب من النت اي شي ما اعرف اطلب من المواااقع

وتوهق البطل وما ادري اشلون ابدي تجارتي من جديد ولا بشنو اتااااجر



لا تقووولون يا بنااااااات العين انذكرت بالقران والي صار لي مو شوية
خلاني اوقف شغلي

وقاعد افكر ابدي بشي جديد بس شنو ما ادري


ابي اطلب فساتين من النت تقيلد ماراكات ابيعهم بس اشلون اطلب ومن وين ما اعرف وراح يدشون بالجمارك عادي

ياريت الي عندها خبرة تساعدني




هذا كل الي عندي قلته وهذه تجااااربي وكفاحاتي

 

[al39laa]

@@ امبييييه امبين عين !! اشدعوه ذكروا الله خو

والحمدالله على سلامة ولدج


اب

اب

 

[ذات الهمة العالية]

حيل حلو موضوعك وينى عنه من زمان

 

[][شموخ][]

السلام عليكم
..
حبيباتي انا توني طالبه وودي بشغله حلوه وسهله وما فيها عوار راس
..
فكرت بالبارت تايم بس ابي مساعدتكم
..
وين اروح شسوي منو تقدر تساعدني لها دعوه بظهر الغيب

 

[البسمه العذبه]

متابعه

 

[كوكو شانيله]

ما شا الله عليكم صج انكم حيل تونسون شاطرين وافكاركم خوش افكار