تعالوا نبي نتناقش ونكشف الاشياء الي تخلي البطن لازق بالظهر

[أم دوينة]

اتوقع يعتمد على الجسم

وايد سمعت عن ناس ربطو وتعبوا نفسهم عالفاضي وفي ناس بدون جهد يرجع جسمهم طبيعي ومشدود

يعتمد عالاجسام بس بعد لازم ناخذ بالاسباب

انا وايد احاتي هالسالفة مادري شلون بيصير شكلي عقب الولادة ولا ادري شنو الي لازم اسويه :/

 

[نونهQueen]

سبحان الله كل وحده تقول تجاربها وفيه ناس تنفع وياها وناس لا, مادري شو السبب ؟؟

بس انا سمعت عن شفط البطن انه يقوي عضلات البطن ومايخلي لج بطن مع المداومه عليه واختي مجربه هالطريقه صراحه مضمونه والضمان عند الله بس هي كانت تسوي هالحركه على طول يعني في الايام العاديه وللامانه ماكان لها كروشه فديتها خخخ..

انا عن نفسي ماجربت شي لاني حامل بعدني وبكريه ..

يعطيكم العافيه جميعا ع نصايحكم ..

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[مزااجيه k.s.a]

شفط البطن على داخل حلووو بنات خالتي ماشاء الله تعودو عليها ومالهم بطن
ناويه اسويها هي صعبه بس مع الايام تتعودين وناويه ادهن بطني بفكس او كريم الزنجبيل واربطه بشماااغ

 

[ABEER FLOWER]

رفع للإفـاااااااااده

: )​

 

[Um Tuki]

المشي و الرياضة
الاكل الصحي
الرضاعة الطبيعية

و سمعت عن قشر القهوة بعد

 

[تمــــارا]

اب

اب

اب

انا اغلب اللي اعرفهم ماينصحوا بالمشد او الحزام .. و الشماغ يعتبر اخف

وانا هذا اللي بستخدمه ان شاء الله ​

 

[الـــغـــلآ]

اب ،

 

[حكآية قلب]

نصيييييحه

والله يابنات اني مالبست الحزام ولا مررررره


البطن يرجع طبيعي بعد ٥ شهر من الولاده


بنات العيش العيشششش ابتعدوا عنهههههه وشوفو شلون البطن يلزق


انااااا قطعته بطن ماكوووو راح والجسم تقسم ورجع احلي من اول





بنات فيه بالجميع شورت خفيف يهبل ينباع با٣ ولا ب٤ ماني ذاكره كنت البسه بالطلعات بس


و الشفط طوووووول اليوم علي طول اشفطي بطنج ورجعيه لورا كللللللل حياتج راح تتعوديين وتلقين نفسج كله شافطه



و الجاي الاخضررر ليبتون مع الكموووون شي روووووعه سحررررر

حطو لبتون الاخضر و خطو معاه كمون مطحون ولاااااتحلوووونه كلش

كوبين باليوم وشوفي بعد اسبوعين البطن شلون صار



اللي منفس و ماصرلها ٤ شهور عادي راح يرجع البطن باخر ٥ شهر من الولادددده

 

[آهات الليل]

جسم عن جسم يفرق على حسب

 

[الريم اللعوب]

اب اب

 

[Aloe Vera]

انا بعد اسبوع من ولادتي تختفي الكرشة و السبب

الرضاعة الطبيعية
جاهدت علشان مايزيد وزني حيل بالحمل
اكلي صحي و متنوع
و نمط حياتي نشيط انام مبجر و اقوم مبجر و اتحرك وايد و اسوي رياضة بين فترة و فترة

على فكرة انا ما اكل ادوية نفاس و اعشاب و مادري شنو ما اعترف فيهم
ماشية على نظام الاجانب

و الحمدلله كلشي تمااااام

 

[تبطي عظم!]

اب

اب

اب

 

[Mrs.H]

والله ماادري بس سمعت عن المساج الصيني يمدحونه وقالولي الربط او الكورسيه بعد مايطيح الخياط

ويمدحون الكركم مع الفازلين او مع زيت الزيتون ولو علي بحط زيت احسن يقولون حطوه ولبسوا شماغ عالخفيف علشان بطنكم يعرق

وناس تقول كريمات حارة مثل الزنجبيل وبارتنر لوف وفكس بس انا بشرتي حساسة ماتتحمل

وفي اللي يمدحون بخلطات غراس وماي ورد بس بدون الجهاز ممنوع خلال الاربعين

وهم في كريمات من بوتس للشد يمدحونها

ويقولون اذا لبستوا كورسيه او شماغ رفعوا بطونكم لي فوق

وانا توني بجر ههههههه اجرب واقولكم ان شاء الله

 

[.:lady bug :.]

اول شيي فايده الربط مو بس تخفي الكرش
تمنع الهوا ۾‿ڼ انه يترس بطنج

وانا كتبت موضوعين عن الشفط وماشاء الله ع الردود
انا بكل نفاسه وهمن عقب النفاس لاني تعودت
اشد بطني لي داخل واسمت ظهري
يعني قعده صحيه
وشوفو شلون يختفي الكرش
تطلعين ۾‿ڼ الاربعين شحلاتهج
بس استمري ع الشفط لانه روعه

 

[.:lady bug :.]

وهمن ابتعدو عن البيبسي والفلفل
وكل شي ينفخ البطن
وربي يختفي
وقشر قهوه وعيل جربوه ناس ۾‿ڼ جماعتنا
وتبارك الرحمن شد جسمهم واختفت الكرش
ً و ع العموم شاي الاعشاب ممتاز

 

[حلآوهـ حمرهـ]

انا صارلي شهرين ونص والده الحمدالله الحمدالله بطني رد احسن من قبل الحمل والسبب

فالبدايه لبست مشد اندونيسي الطويييييل بس ماقدرت استحمله يابس ويعور البطن عقب لفتني امي بمشد خام ناعم عالبطن وعقب اسبوعين مشد من الصيدليه وقبل اسبوع خذت من نعومي كورسيه للمناسبات يهبببل يخصر الجسم

وكنت اشرب حسو باستمراار

والسبب الاقوى من اللي قلته كللله >> حجر كبيير ينحط عالبطن
هذا من عمر امهاتنا ويداتنا يستخدمونه
تاخذين لج صخرة كبيره تكون مسطحه شوي ومو حيل ثقيله وتحطينها بالفرن لين تصير حاااار وعقب تلفينها بفوطه وتنامين عالارض وتحطينها على بطنج

روعه روعه روووعه تدفي البطن وتلين الامعاء لو معاج امساك على طول اتدشين الحمام وتنزل الوصخ من الرحم

الحمدالله الكل يقولي ولا كانج والده من شهرين وحتى خدامه اهل ريلي تقولي ماشالله بطنج وايد زين لاتهدين المشد عشان يتم جذي على طول

 

[حبيبة عز]

انا بقولكم عن تجربتي بنات

انا وزني قبل الحمل كان ٥٠ وبطني كانت روعه

وبالحمل صار وزني ٧٣ وبطني تخرع ووايد كبيره

بعد الولادة قدرت ارجع وزني ٥٠ بعد ٦ شهور

دايت بالاربعين ونسيت شي اسمه عيش

بس صارتلي كروشه صغيرة ووايد متجعدة ومكرمشه

ومنظرها يضيق الخلق

كنت البس كورسيه وفوقه حزام وسويت ترديد

بس مالتزمت بادوية النفاس وهذا اكبر غلط

لان اعشاب الدايت والحرق وايد مفيدة

بحملي هذا بسوي نفس الشي وبلعب رياضه عشان تروح الكرش

وبضل ادهنها والله كريم