تعالوا ماتصدقون بس تعالوا (( خلطة القهوة ))

[حواء الكون]

بنات حبيباتي اللي ماجربت وحابه تجرب ... تفيدنا بتجربتها عل وعسى يصير معاكم نتايج احلا من اللي صار معانا

وياهلا فيكم

 

[حواء الكون]

انا بقولكم كلمه ::::الله يجزاك الخير وين ما لقيتي وجهك::::: بصراحه رووووعه حتى اختي جربتها انهبلت وقامت تدعي لك

بعد عمري والله مشكوره عالدعوه الطيييييبه

شنو صار معاج ؟ واشلون كانت تجربة اختج ؟؟؟

:eh_s(8): ياهلا فيج بأي وقت

 

[حواء الكون]

حواء الكون الموضوع حده يشوق بصراحه

بس خل اقولج شغله بصراحه اللي يساعد على الخلطه انج تسوين رجيم

ومو بس عشان الرجيم .. انا كذا مره اقرى ان التدليك في الماي الدافي او البخار يعطي الجسم مرونه وينحف القوام

بالاضافه حق القهوه اللي انتي قلتي عنها .. مراكز التدليك مثل السبا يستخدمونها مو بس عشان الجسم يستخدمونها حتى لطرد الخمول من الجسم وهذا شي معروف

غير هذا ان الليمون ماده قابضه للجسم وخل التفاح بعد .. فبصراحه انا ما جربتها لكن شوقتوني راح اجربها مع رجيم ورياضه خفيفه وان شاء الله اعطيكم النتايج

يعطيج الف عافيه على هالوصفه وادعيلي

الله يعافيج والله حبوبه حتى كلامج يشوق ماشاء الله :eh_s(6):

اي انا قلت لازم تخفيف اكل حتى لو ماكو رجيم يعني الواحد ماياكل شي دسم
واحسن نلغي وجبة العشا خير شر

والتدليك حتى يشافي من امراض مو بس يضعف بس يبي له الخبير المتمرس فيه اكيد وانا على قدي بس النتايج رووووووعه والله يشهد

وفعلا بالنسبه للخمول احس بعد القهوه ! صار الخمول عندي قليل فيني نشاط اكثر من التدليك ومكتوب عن القهوه انها تنشط الدوره الدمويه

وانا حاسه بهالتغيير جد شيءء رااائع

ويارب استمر فيها على طول ويالله شدي حيلج شوية رياضه ورجيم خفيف وبشريني شيصير معاج ونصيييحه للغالين بس جربي قهوتي افضل من النسكافيه

:eh_s(7):

 

[& ياملحي كيوووت &]

صج والله نعووووووووومه خياليه بس ان شاء الله هالزوائد تتنحت تعبت والله من الجسم اللي مو متناسق

 

[حواء الكون]

كملي ياكيوت وبتشوفين اشلون مقاساتج تصغر بشكل كبير مع الاستمرار بس ها نص ساعه اقل شي تدليك اقل مده

 

[حواء الكون]

لقيت هالموضوع في منتدى عروس للعضوه الرائعه ( بنت عذاري ) نقلته لكم للفايده بس ... تتكلم عن فوائد القهوه

انصح كل وحده تجهل فوايدها ... تقرأ قبل ماتنتقد :eh_s(6): وشكرا


سبق اني ذكرت بفوائد القهوه النسكافيه في التخلص من السيلولايت

وهي مش بس نصيحه او وصفه شعبيه هي دراسه أجريت على آلاف من النساء

ونتيجتها كانت مبهره وناجحه والسؤال ما السر في القهوه النسكافيه؟؟

شوفي يا طويلة العمر القهوه تحتوي على كافيين وتأثيرها قوي وقاتل على القلب

وبقدر ضررها داخل الجسم فهي رائعه للبشره..

لماذا؟؟

لانه القهوه تعتبر من مضادات الاكسده Antioxidants

ومضادات الاكسده :

ممتازه في تأثيرها على البشره لانها تصد وتعالج الأضرار والتلف الذي يصيب

سطح البشره والأنسجه الرابطه connective tissues وعندما نعاني من السيلولايت

تكون ببساطه هي عباره عن تجمعات ليفيه مكونه مثل العقد المنثوره على الجلد

وهي سموم من بقايا دهون مشبعه نتناولها في غذائنا وتظهر على بشراتنا وجلدنا

على هيئة عقد أو تجمعات ليفيه واضحه

ماهو السيلولايت:

هو أنسجه دهنيه موجوده في طبقة تحت الجلد subcutaneous layer من البشره

تحتوي على تجمعات وعقد من الأنسجه الليفيه . وهذه الانسجه الليفيه تكون محاطه بدهون

سامه مرفوضه من الجسم وهي الدهون المشبعه. وهذه الانسجه الليفيه هي عباره عن انسجه

حاميه لجلدنا واعضائنا الداخليه مكونه مثل الوساده لامتصاص الضربات والرضات والاصابات

بدون ان تمس بالاعضاء الداخليه وهي حمايه ربانيه من رب العالمين لحماية الانسان واعضائه.

الدهون المشبعه saturated fats:

هي دهون تحتوي على الترايغليسيرايد او الدهون الثلاثيه المحتويه على احماض الدهون المشبعه

ومصادرها كثيره ( زبده - سمنه - منتجات الألبان كاملة الدسم - اللحوم الحمراء - زيت جوز الهند )

وهي مضره وعالميا يحذر من تقليل الكميات المتناوله منها يوميا لتجنب أمراض القلب

والكوليسترول والسمنه والسرطان والزهايمر والسكري وغيره عافانا الله واياكم.

وهي كما تسد الشرايين وتسبب أمراض القلب فهي تسد انسجتنا بسمومها وتتكون وسطها

وتظهر على الجسم كجلد البرتقال او كعقد ليفيه واضحه وخصوصا على الأرداف والبطن والمؤخره

والأفخاذ ومنطقه اعلى الذراع (الزنود) والصدر.

وتسبب التصلب للانسجه السطحيه والتعقد وتكوين كلاكيع نسيجيه

(كلاكيع ) لويدرون بشرحي مدرسيني كانوا شاتوني من اول يوم

دار راسك بس استحملي انتي بغيتي التفسير العلمي

رجعتيني لأيام الطب والكيمياء


نرجع للقهوه..

بما ان القهوه من مضادات الاكسده فهي لها تأثير فعال في صد التغييرات والتلف الحاصل من

تأكسد خلايا الجسم وانسجته بفعل الأضرار الخارجيه والداخليه في الجسم

الأضرار الخارجيه:

الشمس والتلوث الجوي واهمال العنايه بالبشره والتعرض لأشعة الاكس راي والتدخين

الأضرار الداخليه:

التنفس وماينتج عنه من ثاني اكسيد الكربون والعمليات الأيضيه في الجسم وما تنتجه من كربون

وحركة عضلات اجسامنا وماتحتاجه من طاقه لتنفيذ الحركه والغازات الناتجه منها في الجسم

والتعرض للالتهابات المختلفه والتقدم في العمر..


ومضادات الأكسده Antioxidants:

هي مواد او اغذيه اومكملات تؤخر وتمنع عمليات التأكسد داخل الجسم وعلى البشره وماتخلفه

من سموم وأضرار تتلف خلايا الجسم وتضعف مناعته وتعجل بشيخوخته وتقلل من حيويته

ودورها تقوية الجهاز المناعي في الانسان وصد الامراض وحماية الجسم والانسان من التعرض لها

وهي تحافظ على حماية البشره من الشيخوخه المبكره وتجنبها تجعداتها وجفافها وتحسسها


مصادر مضادات الاكسده:

1. فيتامين A ومصادره

2. فيتامين C ومصادره

3. فيتامين E ومصادره

4. السيلينيوم ومصادره

وأقواها وهو ماينصح باخذه دائما لتجنب التعرض للامراض السرطانيه

الجزر / الطماطم / القرنبيط الابيض والبروكولي الأخضر ومنتجات الصويا

والكاكاو والقهوه.


دور مضادات الأكسده في السيلولايت:

مضادات الاكسده لها دور اذا استخدمت ظاهريا على البشره

فهي تنشط مع حرارة الجسم الطبيعيه وتفرز مكوناتها المضاده لتحسين شكل وحالة الجلد

وتحرق الدهون المتكونه على النسيج الليفي وتزيلها وهي تنشط الدوره الدمويه وبالتالي

يحدث جريان للدم وتنشيط لسائل اللمف المحمل بالسموم المرفوضه من الجسم ويبدأ النسيج

الذي تحت الجلد بالتخلص من السموم الملاصقه له وتبدا الدهون بالتكسر الى جزيئات

صغيره وتمتص مع اللمف ويتخلص الجسم من السموم.

ولهذا التدليك مهم جدا لعلاج السيلولايت سواء بالزيوت الممتازه كزيت فيتامين E او بالكاكاو

أوبالقهوة..

والاستمرار على المضادات للاكسده والتدليك له دور فعال في التخلص من عيوب بشراتنا

ولكل من يشتكي من تساقط القهوه وذوبانها يمكنك استخدام القهوه الخشنه وهو متوفره

بالسوبرماركت تكون حبيبات مدوره اخشن من العاديه.


وصفه بنت عذاري متوفره للجميع للتخلص من السيلولايت وعلاجه:


خذي زجاجه محكمة الغلق

امليها بقهوة نسكافيه لمنتصف حجمها

ضيفي لها زيت لوز حلو مع الخلط حتى يغطيها بانش واحد

ورشة ملح طعام + رشة بيكنج صودا (كمواد حافظه وماده مساعدة لتنشيط القهوه)

قبل الوصفه رشي كل الجسم بمخفف خل التفاح بطريقتي قبلها بساعه

ثم استخدمي مضاد السيلولايت من بنت عذاري واستحمي بعدها بماء دافيء

استخدمي الوصفه كل يومين لمناطق المعاناه من السيلولايت بالتدليك الدائري

ولاتنسوني من صالح دعاكم


للحامل:

لاتضيفي بيكنج صودا واستبدلي زيت اللوز بزيت زيتون

وشكراااااااااااااا

:eh_s(17):

 

[عهود الحب]

بنات منو جربتها


وشنو لازم نستمر عليها شكثر يعني


انا ابي اشد جسمي يصير ولا لا ؟


يصير احطها على وجهي هههههههههههه


لاعت جبدي من خدودي


موحيل كبار بس لايعه جبدي من خدودي


ماعندي سالفه صح هههههههههههه


لابنات صج منو جربتها غير صاحبة الموضوع


عشان عندي الاغراض ملوتها بس متكاسلة

 

[donat]

خووووش طريقة ... بس تنفع للحامل؟

 

[مش بالكلام]

مشكوره حبيبتي انشاللله اشووف نتيجه واللله يوفقج وماقصرتي ويعطييج العافية

 

[حواء الكون]

حبايبي راجعوا الصفحات بتشوفون نتائج البنات

وشكراااااا

لووول جربي على الخدود ليش لا بس دلكي خفيف

 

[C.A.N.D.Y]

مشكوره حبيبتي انشاللله اشووف نتيجه واللله يوفقج وماقصرتي ويعطييج العافية

 

[ام كرز]

اختي صاحبة الموضوه اشكرج واااااااااااااااااايد على نقل تجربتج ومالج شغل بأحد مادري ليش البنات الله يهداهم يحبون يخربون او يغارون اذا شافوا احد موضوعه مميز والكل متفاعل وياه غير التجارب الناجحه ليش يعني شي يحر صراحه انا قريت الموضوع كامل وانتي مشاءالله خوش بنت ومالج شغل بغيرج ناس محتره صدقيني

وبس كلام ولو جربوا مراح يصدقون بس عذال شنسوي بعد

انا طولتها واهيا قصيره بس والله احتريت لمه اشوف جذي لو مو عاجبهم يحتفطون بهالشي حق روحهم خصوصا ماجربوا الله يهديهم بس

وانا عندي جم سؤال صغيرون
انا وزني مثل وزنج وهم طولي زين مو قزمه ولا طويله قصيره بس مو وايد عادي طولي وصدري مخليني بأزمه يعني نزلت وايد بس مابي انزل وزن اكثر اخاف صدري يبين اكبر فاهمه قصدي؟؟

خصوصا انه صدري ممتلئ وحجمه شوي كبير ومسبب لي ازمه يعني ابي اضعف بس اخاف صدري ما يضعف او انه يترهل تنصحيني اسوي طريقتج؟؟؟


يعني يبين انه صدري يصغر؟؟

ومشكوره اختي واسفه على الاطاله

 

[غلاها]

توني طالعه من الحمام ( تكرمون )

خذيت شاور انما ايـــــه

بس الخلطه جربتها

احسن شي عجبني فيها ريحتها

ههههههههه فضيعه !

ما دري وانا بصراحه كنت قاعده افرك بضمير

ولكن ما لاحظت شي ؟ غير ان جسمي صار ناعم

إن شاء الله اكررها واطلع بنتيجه

زين سؤال اقدر اخذ خلطتي هذي ؟

وأروح عند صالونه تسوي لي حمام مغربي؟

يصير موووووو ؟

شكرا حياتي . وفي إنتظارج

 

[حواء الكون]

بالنسبه للي تسأل تصير للحامل تجرب وصفة بنت عذاري قبل الصفحه هذي تلاقيها واهي كاتبه للحامل طريقه بس بليز حركات ناعمه وايد

مع تحاشي البطن ... افضل

وافضل لو يكون سؤال للطبيب المختص عشان ما آخذ ذنب

 

[حواء الكون]

توني طالعه من الحمام ( تكرمون )

خذيت شاور انما ايـــــه

بس الخلطه جربتها

احسن شي عجبني فيها ريحتها

ههههههههه فضيعه !

ما دري وانا بصراحه كنت قاعده افرك بضمير

ولكن ما لاحظت شي ؟ غير ان جسمي صار ناعم

إن شاء الله اكررها واطلع بنتيجه

زين سؤال اقدر اخذ خلطتي هذي ؟

وأروح عند صالونه تسوي لي حمام مغربي؟

يصير موووووو ؟

شكرا حياتي . وفي إنتظارج

اي والله ريحتها حلوووه بالنسبه لي ونعيما

حظج حبيبتي جسمج يمكن مايتقبل بسهوله جربي مره ومرتين وثلاث

وشوفي

وتقدرين تاخذين الخلطه هناك طبعا على راحتج لو حابه تجربين

وشكر خااااااص لكل بنت ردت بشكر حياتي انتوا :eh_s(17):

 

[حواء الكون]

هلا والله ام كرز حبوبه انتي

سكتي والله بعض البنات كرهوني احط شي مره ثانيه جنا سويت جريمه !! مادري يمكن او يمكن اتاجر كل شي ممكن عاد عبالهم سحر بيوم يروح كل الشحم عالجسم لووول :eh_s(6):

والله شاهد كتبت كل اللي سويته بأمانه وبدون حواجز وهذي غلطتي والا يعني في بنات ينطرون تجارب غيرهم مادري عيز والا مالهم خلق والا مو مصدقين صاحبة الموضوع يمكن اسوي دعايه بس مادري حق منو ؟؟ :eh_s(6):

وفعلا شي يقهر ما ألوم احد لي ما قال اي شي لأحد .. بس بعض البنات هم يستاهلون ان تتعرضين لهجوم عشان يستفيدون لان مالهم ذنب بأي شي

وانا الحين بجرب طريقه يسوونها السودانيات وافكر لو تضبط ما اكتبها لسبب واحد عشان مافي احد يتهمني بعد ويكتب تعليقات مالها داعي ! وفعلا انا اؤمن ان التجربه خير برهان أول اجرب بعدين اقول لو نافعه او لا

بس مثل ماقلتي اللي مو عاجبه يحتفظ بكلامه لروحه او مو مضطر يجرب طريقتي ووفي بنات جربوا وكتبوا ان نفعت معاهم والله والله ان اللي تستمر تشوف فارق مو طبيعي انا وقفت عارفه ليش؟ لان جسمي في اكزيما فتتهيج مع الخل والله حسافه والا خاطري فيها حدييييييييييي :eh_s(22):

شوفي عمري صدرج ماراح يترهل بحالتين

اول شي رياضه للصدر سوي وانتظمي فيها

ثاني شي تسوين طريقتي وتقدرين تضيفين لها زيت زيتون لان بساعد على الشد لان الزيت زيتون من اروع مايمكن للصدر واختي ترى نفس حالتج وكله تشتكي

بس انا انصحها اهي كسوووله اقولها جربي باستمرار لاتقولين مانفع لا بتشوفين والله اللي خلق ورفع السموات كلها ان صدري صغر اكثر من مقاسه الطبيعي 5 مرات واني تفاجأت وكنت اغطيه وقت ما ادلك عشان مايختفي مادري عاد هل فعلا جسم عن جسم يفرق بالاستجابه وايد ناس أكدوا لي نعم تفرق بس انتي جربي خسرانه شي؟

وجربي قهوتي التركيه لاني للأمانه ماجربت غيرها واضمن انها فتاكه

واخذي راحتج بأي سؤال

دلكي بطريقه فيها ضغط عالصدر بس بدون شد .. دلكي بحركات دائريه 10 دقايق وبعدين 10 دقايق بطريقه معاكسه واستمري عالاقل يوم اي ويوم لا

واتمنى تنفع معاج بإذن واحد احد

 

[حواء الكون]

مكرر

 

[حواء الكون]

مكرر

 

[حواء الكون]

مكرر

 

[ام كرز]

حواء الكون ياهلا فيج ياقلبي ومشكوووووووووووره وايد ومالج شغل بالبنات اللي مو عاجبهم

والله لا يحرمنا من تجاربج الحلوه والمفيده ويمكن يفيد ويا ناس وناس ماتفيد او تختلف المدده

وطااااافج امس طلعت اشتري قهووه تركيه لقيت بن العميد فاخر وخل التفاح اللي على ديج خل التفاح اللي لونه مثل عصير تفاح

ماصبرت قلت بسوي وبشوف خذيت طاسه حطيت فيها عصير ليمونه كبيره و3 ملاعق خل و4 الى 5 ملاعق كبيره قهوه وناشفه صوب وصوب شوي تبلل بس خلطته كلها ويا بعض

ودشيت الحمام وسويت تدليك لمده 5 دقايق او 7 دقايق طاحت ايدي مادري ليش ماكو لياقه وسويت حق صدري وبطني والزوايد اللي ورا وزنودي وسبحت عادي واحس ماصار شي بس تدرين متا حسيت بالفرق؟؟ لمه بنام

انصددددددددددددددددددددمت انا لازم امسك كرشتي اشوف التطورات هالمره الكرشه خافه حيل@@ شسالفه معقوله اخاف اليوم مو ماكله وايد ولو انه اكلي مثله بس كرشتي خفت وايد يعني طاخه شوي مافيني صبر ودي اجرب اليوم ولممده اسبوع او سبوعين واشوف

حواء الكون صدقيني بدعيلج ليل نهار اذا يابت نتيجه فتاكه وهم الله يوفقج يارب حتى لو مانفعتني اهم شي نجرب وان شاء الله تييب نتيجه

بجرب وبقول لج التطورات ان شاء الله وصباحج سكر