تعالوا لكل بنت وحيدة امها ماعندها خوات تدخل ندردش

[فديت_روحي]

:krkrkr::krkrkr:



فديتج بكل تجمع وياي.... انتي مثلي اخواني اصغر مني

ونفس عمري بعد :ggdw:

هههه العمر كله لج ياارب,,

وين تدرسين؟

يا حياتي مادري شنو اقولج بس شتسوين هاذي امج ... وقولي الحمدلله وشكري ربج انة لج ام على الاقل..لانه غيرج

محروم من امه لله يخليهاا لج ويطول عمرهاا ويحنن قلبهااا عليج..


انزين انتي قعدي وياهاا سولفي عليهااا قولي لهاا عن اللي يصير معاج بدوام وضحكي معاهاا شوي شوي تلقينهاا تسولف

معاج عن كل شي يخصهااا ...


وبعدين احناا كلنا خواتج .... وانا مستعدة اكون اختج الاصغيرة او الكبيرة :tomato2:

على راحتج :krkrkr:

ا
انا اسولف وياها عااادي بنات نا مو قصدي ما اكلمها ,بس قصدي ان مو مثل اختي ,
يعني احس جنه عندنا 10 بنات غيري ,
مو وايد علاقتنا حميميه, اسولف وياها اقولها الي يصير لي, ردودها عاديه

عادي بس نسولف عن بدلات وجذي وبس ما ادري شلون اشرحلكم ,
يعني امس قعدت يمها وسولفت لها عن دوامنا متى راح يبدي وشلون قسمونا على شكل قروبات وجذي, واهيا بس ردها ( اي زيين وتبتسم ) كلش ما ادري شلون

,حرام اهي تحبني وتحب تشتريلي وتكشخني بس بيننا علاقه جافه وغريبه!!

مشكوره ياقلبي وانتي مثل اختي التوأم لانج كبري هههه

يابعد عمري والله انج قطعتي قلبي بس تدرين انا اقول شفتي الكلام هذا اللي كتبيتيه ليش ماتقولينه حق امج وتصارحينها بكل اللي بقلبج اي وابجي ابجي بردي قلبج اكيد اكيد راح يتحرك شي فيها انا ام واكدلج ان مشاعرها راح تتحرك صوبج وراح تتغير صارحيها طلعي اللي بقلبج لا تكتمين جذي راح تتعب نفسيتج بعد عمري والله ان شالله بيي يوم وبتقربون من بعض ولا تبجين مسحي دموعج فديتج

اسمالله على قلبج
كله اقول هالكلام بس اهيا خلاص هذي طبيعتها ما تقدر تغيرها ,اهي ناشفه معانا ,

اخواني شباب ما يحسون بهالشي لان كله برا وكله مع ربعهم ,
بس انا الي احس فيه ,

تدرين ما احب ابجي جدامهم,

لان كل ما ابجي جدام ابوي يمصخرررررني ويسبني زياده ,يقول اني اتفلسف وني بس جذي مثل اتدلع !!شنو يكون شعورج اذا بجيتي وفوق هذا يزفونج!!

اخيس شعور بالدنيااااا


ترى انا عادي يعني هالشي ناسيته بس مادري شلون موضوعكم يا على الجرح ,

ووانا اكتب الرد قعدت افضفض بشغلات ماتوقعت اني اقولها كلش ,,

اهي ترى حنونه بس مو علي انا!!
على اخوي الصغير عمره 13 , تموت عليه ,

اي كلمه اقوله تعصب!

حتى لو اقوله تعالي وياي مكان واهوا مايبي ,تعصب علي تقول لاتغصبينه خليه بكيفه ,,

يعني بشكل خيالي,

اقولها شالفرق بيني وبينه وابجي,,

تقولي على الاقل اهوا مايصارخ علي ولسانه مو طويل!!

وانا ما اصارخ بس لما ينرفزوني كل هالسنين ,انا اعترف الحين تغيرت شخصيتي عن قبل وصرت ما اتقبل منها كلمه, احس كلمتها ثقيله علي


انا الي يقهرني فيها ان كل شي اسويه تقوله حق ابووي, حتى ل لو شي عادي يخص ملابس ولا جوتي تكرمين ولا اي شي!!

ما احس اني مره

احس جني ياااهل!!

شقولج ماعرف اشرح وضعي

لان الحين مافي شي بينا عادي اسولف وياها بس اهي مادري شلون جااافه, معاي انا خصوصا

وابوي بعد نفسها بالضبببببببببط

ونوعهم اذا واحد زعل علي ,الثاني لازم يوقف وياه ومحد معاي تخيلو اكون بروحي , عادي محد يكلمني اسبوع ,اسبوعين !!

بس الحين ما في بينا شي عادي سوالف نسولف مع بعض ,بس مادري شلون اشرحلكم
الله كريم,,

 

[فديت_روحي]

" فديت روحيي " انتي امج بالضبط نفس ام رفيجتي ... بسئلج امج كبيرة بالعمر ؟؟؟


صدقيني امج مو قصدها تكون جذي بس انتي بنفسج قلتي انتي " حساسة " وامج شخصيتها جافة

هاللي يخليج تحسين انها الاشياء السلبية موجهة لج بروحج

مثل ما ابوج سبج لمن سمعتيه اكيد في مرة عصب على احد من اخوانج وقال عنهم هالكلمة مو شرط انج تسمعينه

صدقيني انتي كونج حساسة قاعد تتضايقين من شي اهوا طبع فيهم مايتغير

صحيح انه فاقد الشئ لايعطيه لكن منو قال انج فاقدة هالشي ؟؟


واضح من كلامج وقدرتج على التعبير عن مشاعرج انج مليانة مشاعر واحاسيس

انتي لمن تعبرين عن حبج لامج مو شرط اهما يعجبهم المهم انه يعجبج


انا عن نفسي ما انطر امي تلمني وتبوسني " مع العلم ان انا طبعي جافة " بس ساعات من غير مقدمات اروح ألم امي حتى اهيا تطالعني تستغرب

بس عادي خلاص اذا يالج شعور عبري عنه لاتخشينه مو مهم راي الناس فيه المهم انج ارضيتي نفسج

اذا تضايقتي لاتبجين ... تكلمي دافعي عن نفسج مو غلط


لاتتركين فرصة انه يشوفون شي ويتحلطمون انتي مبين عليج ذكية وتعرفين الاشياء الي ماتعجبهم ! خلاص لاتسوينها

صلي جدامهم ... حطي المنبه لاتعتمدين عليهم يقعدونج ... لا تسالين احد عن رايه بهدومج وملابسج

تصدقين انا اتضايق اذا احد قعد يقولي رايه بالشي الي بشتريه خصوصا اذا كان رايه سلبي احس " انتوا شكو دام عاجبني "

ثقتج بنفسج انتي تعطينها نفسج

شوفي الشي الحلو فيج مواهبج واستانسي فيها

انا اذا احد علق على شي ويا كثر ما اسمع تعليقات من الاهل " مثلا ستايل حواجبي جاينيز شفيهم مطيرتهم جنج ابليس واعوانه لوول "
عادي اقعد اضحك واقولهم شعرفكم هذي موضة وطاااف دامنج ماسويتي شي غلط وعيب وماضريتي احد مالج شغل

انتي بنفسج قلتي الناس تمدح فيج اشياء وايد

خلج ذكية لمن تكونين بمكان عام لا تخافين انج تتكلمين جدام امج بالعكس خلج جريئة وانطلقي بالكلام ولاتخافين انها تدقرج حتى لو تدقرج لكلمة ولا شي ردي بقوة وبيني وجهة نظرج

وبالاساس اذا كانت وجهة نظرج صح ومو غلط الناس بتوافقج وبتأيدج فحتى لو امج علقت ولا تطنزت بيقولون
لها لا والله بالعكس راي بنتج فلانة صح


حطي قاعدة بحياتج صدقيني عن تجربة شخصية وهم رفيجاتي بعد " لا تنطرين الناس تمدحج يكفي انج تبينين مميزاتج كتعبير عن ثقتج بنفسج "


شوفي الشي المميز فيج واستانسي فيه " رفيجتي الي قتلج عنها اول شي هذي كانت انطوائية والله انا شكثر استاثمت فيها والسبة اني كنت ياهل ودفاشة معاها وماكنت واعية لكونها حساسة وبسرعه تنكسر

صج تدمرت شخصيتها بفترة من الفترات

بس بعدين اهيا قامت تشوف اشياء مميزة فيها قمنا نسمع صوتها قامت تقول لأ و إي و تعطي رايها

صارت شخصيتها قوية ووايد غير ما شاء الله عليها

لدرجة ساعات احسها متسلطة لوول

بس الزبدة ان الواحد يقدر يغير بنفسه ويغير الشي الي يضايقه باللي جدامه

" تضايقج دفاشة الناس الي عندج ببساطة صيري دفشة ماراح تتضايقين " >>> شكلي بسوي انقلاب لووول



وبس



===========================

حبيبتي ردج فرحني وايد

امي مو وايد كبيره عمرها بالاربعينات
وتحب تطلع وتلبس وتروح مجمعات وحدهاا اجتماااااااااعيه تحب الروحات والناس والحريم

اادري ان مو قصدها اهي شخصيتها جذي على قولتج

مستحيل المها ولا اتقرب منها خلاص احنا تعودنا على جذي من احنا صغار

اتقرب بشغلات ثانيه الا اللمه لان قمت اشمئز ماحب المها مني والطريج


انتي تقولين لي تكلمي وردي ودافعي عن نفسج

انا ما اسكت عنهم ,ارد واتكلم وادافع بس المشكله صوتي عالي ما اقدر اتحكم فييييييييييه وعبالهم اني اصارخ عليهم ,يقولون لي انتي نزره وانتي مو كفو , مع ان كلامي كله ااهوا الصح!!


ما اذكر موقف بس اذا ذكرته بقولكم ياه انشالله,,

يقولون انتي معاج الحق بس اسلوبج يخرب عليج,


واذا على الي ما يعجبهم هههههه
وايد اشياء يبوني بنت مثاليه .,

مايبون اسهر ,وكل الناس تسهر وانا طبعي اسهر ,
مايبون اجابل نت! وكل الناس تجابل نت ونا اموت فيه لان كل شي اسويه فيه,

واذا على الصلاه والدين ,انا مو مقصره مع ربي الحمدلله , اقول الاذكار وادعي لهم كل يوم وادعي واصلي كل الصلوات بس مايشوفوني لان اكون مسكره داري!!

اهما عبالهم اني لا , بس يشووفوني بالصاله جدام اللاب عبالهم انا بس جذي!! مايدرون ان بالنت انا ساعات اقرا قرآن وانا مو قاعده اخربط,

وكله بس من يشوفني ابوي عالنت يقول بس هذا الي فالحه فيه!!
يقول هذي شغلتج!! مافيج خير, روحي حطي الاكل مادري شنو,,
الحين عندنا خدامتين ,
اهما يسووون هالاشياء ,

واذا امي تبيني اسوي شي ,تنزرني,
يعني تطالعني بنظره وتقولي قومي ييبي الجاي حق ابوج يلا وتطالع ابوي وتحسسني جنه هذا امر ,وتنطرني اسويه الحين واذا ماسويته ابوي يخزني مادري شلووووووون ويع حياتي معاهم ارف استغفر الله ,

حتى كلمه انشالله ما احب اقولها لهم ,تخيلو اقولها للناس كلهم وخالاتي وعماتي والكل الا اهما ,, اهما حدهم كلمه انزين الي اقولها,,

لان تعوددت على جفافهم واهما عودوني على جذي, خلاص ,حتى ولا واحد من اخواني يقولهم انشالله, مو لانهم عاقين لا ,, يبحون امي وابوي بس يقولون كلمه "انزين" حتى اخواني فيهم جفاف مع امي وابوي,

هذا يدل على ان تربية امي وابوي غلط ماكو حنان,


امس كانت تتكلم بالتلفون مع ابوي ويشتكلي لهاا يقول لها الله يفك عوقنا مادري شنو لان صايره مشكله صغيره مع ابوي بالشركه وجذي,, جان اقولها يما شفيه ابوي , اهي تدري اني اعرف بالسالفه هذي لانها قديمه وكل بنات عماتي واهلنا يعرفون السالفه ,,

جان اسألها يما شفيه ابوي ,يعني من باب اني بفتح سالفه ,, تقولي مافيه شي بس , تسكتني ,:0bee2e8d89:

واي يعني مادري شسوي لها!

حتى اذا انعزمنا على عرس ولا شي ,تقولي قبلها "اقول تجهزي وزهبي نفسج حق هاليوم مو تقولين مالي خلق ولا ماااقدر ,, قلتلج من الحين يلا واشوف بعد ما تيين معاي" شوف الاسلوب!!

بدال لاتقولي حبيبتي معزومين على عرس وجذي , يعني ماكو اسلوووووووووووووووووووووووووووووووب

واذا قلتلها ,تقولي اي اعرفج انتي حزه الحزه تقولين مابي اروح!!

وانا اكون اسويها مره مثلا او مرتين حق ناس ما ابيهم ,غصب تلزقني بالناس ,
توديني حق ناس ما ابي اروح لهم وشايفين نفسهم على ابو اهي تحبهم واهما رفيجاتها ,,

اقولها مابي ,تقول كل بناتهم ويا امهاتهم الا انتي , اقولها اكيد لان هذا بيت يدتهم اكيد بيكونون موجودين,,


وبس وذا على الدفاشه ,

انا امي تقولي انتي دفشه معاي ونزره ماتستحين! ما اني ترى ما اقول كلام غلط., كلامي كللللللللله صح بس صوتي عالي هذي مشكلتي وماقدر اقصره معاهم لن اهما حدوني على جذي,,
,مو كل وقت انا صوتي عالي ,لاتفهموني غلط , بس وقت الهوشه والزعل اذا كنت انا على حق اعصب واعلي صوتي واهني تصير المشاكل,,

الله كريم
مشكوره يا قلبي على كلامج برد جبدي شوي

 

[softlady]

ياااقوته نورتي يا قلبي الله يحفظلج عيالج واخوانج ويطول بعمر الوالده يارب

وكل يوم نبي نشوفجبينا تسولفين وتفضفضين


ام فهود حبيبتي نورتي يا قلبي ولاتضايقين روحج الله يخلي لج فهود ويسخر لج زوجج يارب


عزوتي ومس طموح اشلونكم حبايبي

 

[الـ غ ـايه]

امبيه انتي مثلي عندي اخو اسمه محمد ومسميته عزي وعزوتي أنا وحيده ماعندي خوااات

 

[العين الكحيله]

عاااااد انا عكس الموضوع

احنا 3 بنات و ولد >>الله يحفظه لشبابه

 

[CaNDY_CaT]

الله صار عندي خوااااااااااات

أنا بنوته بين 4 صبيــــــــــان الله يخلينا حق بعض

اي ترا ساعات شعور ملييييييييييييييييييييييييغ

 

[Miss.6Mo7]

ياااقوته نورتي يا قلبي الله يحفظلج عيالج واخوانج ويطول بعمر الوالده يارب

وكل يوم نبي نشوفجبينا تسولفين وتفضفضين


ام فهود حبيبتي نورتي يا قلبي ولاتضايقين روحج الله يخلي لج فهود ويسخر لج زوجج يارب


عزوتي ومس طموح اشلونكم حبايبي

تمـــــــــــآآم حيآتي وإنتي شلونج وشخبآرج ؟؟ :eh_s(6):

عاااااد انا عكس الموضوع

احنا 3 بنات و ولد >>الله يحفظه لشبابه

الله يخلييه لكم يآآآآآآآآآآآآآآآآآآآآآآآرب .. :tek:

الله صار عندي خوااااااااااات

أنا بنوته بين 4 صبيــــــــــان الله يخلينا حق بعض

اي ترا ساعات شعور ملييييييييييييييييييييييييغ

أمبييييييي إنتي نفسي بالضبط !! :dddds:

شلونج وشخبآآآآآآآآآآآآرج ؟؟

 

[softlady]

مس طموح

انا بخير عساج بخير يا قلبي



كاندي


حياج الله معانا


عرفينا بنفسج واشلون تقضين يومج ؟؟

 

[Miss.6Mo7]

المشكله إنج تعطين نفسج إشآرآت سلبيه !! .. وبنفس الوقت تقدرين تخلينهم إيجآبيه !!
ولا تقولين مستحيل ومآقدر !! .. أنآ وآثقه فيج من خلال كلامج إنج بتقدرين تسوين كل شي .. بس إنتي مو مسآعده نفسج برد على شغله شغله

حبيبتي ردج فرحني وايد

امي مو وايد كبيره عمرها بالاربعينات < العمر كله لهــآ يآرب
وتحب تطلع وتلبس وتروح مجمعات وحدهاا اجتماااااااااعيه تحب الروحات والناس والحريم

اادري ان مو قصدها اهي شخصيتها جذي على قولتج

مستحيل المها ولا اتقرب منها خلاص احنا تعودنا على جذي من احنا صغار

اتقرب بشغلات ثانيه الا اللمه لان قمت اشمئز ماحب المها مني والطريج
أنآ كنت نفسج !! .. لدرجه إني مآ أحب أحد يلمني وأتضآيق والله .. أحس إني مخنوقه !
بس مثل ماقلت لج مافي شي اسمه مستحيل .. وترا اللمـه مو أول خطوه ! .. الخطوه الاولى تقربين منهـآ وتعرفين إهيآ شنو تحب وتحببين نفسج فيه ! .. أقولج شغله .. أنآ أمي تحب شي اسمه افلام هنديه = إدمــــــــــــآن .. تخيلي قمت أحبب نفسي فيهـآ وأقعد أطالع معاها ومرات واهيا مندمجه اييي اتسحب وأحط راسي ع ريلهـآ .. وللعلم أنآ مآ أحب شي اسمه افلام هنديه ولدرجه إني أدوخ وأنآ أطالع !! لوول .. بس لازم نحآول نتقرب من امهاتنــآ .. لان صدقيني لا رآحوو وغآبوو عن عينـآ بنندم ع كل شي سوينهـآ .. ينندم إنهـآ كآنت بين ايدينـآ وحرمنـآ نفسنـآ من دعوتهـآ ومن حضنهـآ بعد عمر طويل لـ جميع الامهـآت إن شآءالله


انتي تقولين لي تكلمي وردي ودافعي عن نفسج

انا ما اسكت عنهم ,ارد واتكلم وادافع بس المشكله صوتي عالي ما اقدر اتحكم فييييييييييه وعبالهم اني اصارخ عليهم ,يقولون لي انتي نزره وانتي مو كفو , مع ان كلامي كله ااهوا الصح!!


ما اذكر موقف بس اذا ذكرته بقولكم ياه انشالله,,

يقولون انتي معاج الحق بس اسلوبج يخرب عليج,

شفتي هم قآلو .. إنتي معاج الحق !! .. يعني هم مو ضدج !! .. بس إنتي اللي ضدج نفسج
وحطي إبآلج شغله وحده إنتي مصيرج تتزوجين إن شـــــآءالله .. وبتشوفين العيآل بإذن الله .. حطي إبآلج إن عيآلج بيعاملونج جذي .. تخيلي مرآت أتنرفز حيييل حيييييل من أمي وأبوي وأصرررررخ .. شوي أطخ !! .. وأقول بآجر عيآلي بيوقفون ويصرخون علي جذي ! .. والله لو تحسين فيهـآ بتعرفين .. فـ قمت ورحت اعتذرت لهم .. قبل ما كنت أحب اعتذر مو لاني أكآبر لا بالعكس .. بس أخاف من ردة فعلهم فـ قمت ادزلهم مسج حلو وآخر شي سآمحوني وأنآ اسفه ومن يومهـآ إذآ نرفزوني اروح اصكر علي باب غرفتي لين اهدا حتى لو اصكر الباب يوم كامل !!
واذا على الي ما يعجبهم هههههه
وايد اشياء يبوني بنت مثاليه .,

كل أم وأبو .. يبون عيآلهم أحسسسسن إعيآل بهالدنيــآآ ..

مايبون اسهر ,وكل الناس تسهر وانا طبعي اسهر ,

شرآيج رفيجتي الله يذكرهآ بالخير أبوهآ يخليهــآ تنآم السآعه 9 وأهيآ عمرهـآ 19 وجآمعيه !

مايبون اجابل نت! وكل الناس تجابل نت ونا اموت فيه لان كل شي اسويه فيه,
أنآ جذي بعد أبوي أكثر شي مايبيني امسك الـ لاب توب كلش .. ويزف مرآت
بس تدرين أخذ السآلفه بشكل إيجابي !! .. أقول إي يخآف ع عيوني ! .. إي يبيني اقعد معاهم ! .. يعني أحسن الظن حتى لو أهو مآكآنت نيته جذي أنـــآآ أتعمد وأقنع نفسي إن نيته خوف علي !! .. قولي لـ نفسج جذي وبترتآحين
وتدرين عاد ماقمت اشبك الا بـ غرفتي يعني جدآمهم مآ أمسك الـ لاب توب خير شر ومآ أشبك برا غرفتي !!

واذا على الصلاه والدين ,انا مو مقصره مع ربي الحمدلله , اقول الاذكار وادعي لهم كل يوم وادعي واصلي كل الصلوات بس مايشوفوني لان اكون مسكره داري!!

اهما عبالهم اني لا , بس يشووفوني بالصاله جدام اللاب عبالهم انا بس جذي!! مايدرون ان بالنت انا ساعات اقرا قرآن وانا مو قاعده اخربط,


وكله بس من يشوفني ابوي عالنت يقول بس هذا الي فالحه فيه!!
يقول هذي شغلتج!! مافيج خير, روحي حطي الاكل مادري شنو,,
الحين عندنا خدامتين ,
اهما يسووون هالاشياء ,

هذا كللللللللللللللللللللللللللللللللللللللللله قآبليه بإبتســـــــــــآآمه

واذا امي تبيني اسوي شي ,تنزرني,
يعني تطالعني بنظره وتقولي قومي ييبي الجاي حق ابوج يلا وتطالع ابوي وتحسسني جنه هذا امر ,وتنطرني اسويه الحين واذا ماسويته ابوي يخزني مادري شلووووووون ويع حياتي معاهم ارف استغفر الله ,

حتى كلمه انشالله ما احب اقولها لهم ,تخيلو اقولها للناس كلهم وخالاتي وعماتي والكل الا اهما ,, اهما حدهم كلمه انزين الي اقولها,,

لان تعوددت على جفافهم واهما عودوني على جذي, خلاص ,حتى ولا واحد من اخواني يقولهم انشالله, مو لانهم عاقين لا ,, يبحون امي وابوي بس يقولون كلمه "انزين" حتى اخواني فيهم جفاف مع امي وابوي,

هذا يدل على ان تربية امي وابوي غلط ماكو حنان,

دآم تدرين إنه غلط .. ليش مآ إنتي بنفسج اللي تبآدرين بالخطوه اللي تريحج وتريح أهلج ويآه !!
ولو مو متنزرج لو تدوس ع راسسسسسج .. بتظل أمج !! .. وحطي إبآلج عيآلج بآجر رآح يعآملونج بالضببببط مثل مآ إنتي تعاملينهم .. حطي هالكلام دآيماً فـ بالج عشان إنتي اللي تحنين عليهم وإنتي اللي تقولين إن شآءالله ومن هالكلام والا مآتبين تسمعين كلمه حلوه من عيآلج !! .. ترآ صعبه



امس كانت تتكلم بالتلفون مع ابوي ويشتكلي لهاا يقول لها الله يفك عوقنا مادري شنو لان صايره مشكله صغيره مع ابوي بالشركه وجذي,, جان اقولها يما شفيه ابوي , اهي تدري اني اعرف بالسالفه هذي لانها قديمه وكل بنات عماتي واهلنا يعرفون السالفه ,,

جان اسألها يما شفيه ابوي ,يعني من باب اني بفتح سالفه ,, تقولي مافيه شي بس , تسكتني ,:0bee2e8d89:

واي يعني مادري شسوي لها!

ليش مآتقولين ماتبي تضآيقينـي !! .. تكفين .. احسني الظن عشان لا اتعبين نفسج وتتضآيقين
حتى اذا انعزمنا على عرس ولا شي ,تقولي قبلها "اقول تجهزي وزهبي نفسج حق هاليوم مو تقولين مالي خلق ولا ماااقدر ,, قلتلج من الحين يلا واشوف بعد ما تيين معاي" شوف الاسلوب!!

بدال لاتقولي حبيبتي معزومين على عرس وجذي , يعني ماكو اسلوووووووووووووووووووووووووووووووب

واذا قلتلها ,تقولي اي اعرفج انتي حزه الحزه تقولين مابي اروح!!

نفسسسسسسسسسسس أمي .. تخيلي مره أكو عرس بعد جم اسبوع .. ركزي على كلمه أسبوع !! يعني مو ايآم
بس تدرين شسوي .. أقولهـآآ إن شــآءالله وبسسسسسس !!
تقول لا تقولين بعدين ماني رايحه وأنـآ / إن شـــــــــــآءالله بإبتســآمه وبسس !!

وانا اكون اسويها مره مثلا او مرتين حق ناس ما ابيهم ,غصب تلزقني بالناس ,
توديني حق ناس ما ابي اروح لهم وشايفين نفسهم على ابو اهي تحبهم واهما رفيجاتها ,,

اقولها مابي ,تقول كل بناتهم ويا امهاتهم الا انتي , اقولها اكيد لان هذا بيت يدتهم اكيد بيكونون موجودين,,

مآعليه عشــآن أمج كل شي يهون .. لو شنو كآنت أمج .. تحملي وصبري ولا تنسين ترآ لج الاجر وبآجر مثل مو قآعدين تبرين أمج بآجر إعيآلج بيبروون فيج


وبس وذا على الدفاشه ,

انا امي تقولي انتي دفشه معاي ونزره ماتستحين! ما اني ترى ما اقول كلام غلط., كلامي كللللللللله صح بس صوتي عالي هذي مشكلتي وماقدر اقصره معاهم لن اهما حدوني على جذي,,
,مو كل وقت انا صوتي عالي ,لاتفهموني غلط , بس وقت الهوشه والزعل اذا كنت انا على حق اعصب واعلي صوتي واهني تصير المشاكل,,
أمي مآ تحبه السوقه كلششش .. بس تروح حزآت العيد .. أذكر مره رحت ويآهآ المهلب وأنا مايعجبني العجب وكل مآ أشتري شي !! .. تقولي ذوقج يلوع الجبد جنج صبي ههههههههههههه .. لان نوعيتي أحب السبورت ما احب سوآلف تنانيرر
كنت أتضآيق حيييييل بس لما كبرت قمت أحسن الظن وبالعكس قمت أتاقلم مع وضع أمي وأبوي وأعاملهم بالإحسآن عشآن عيآلي بآجر إن شآءالله .. إي إي خل اكمل المهم وإحنا بالسوق تخيلي جد لاعت جبدهــآ مني فديتهـآ .. توقعي شسوت !!
طلعت من السوق وخلتنــي !!
هههههههههههههههههههههههههههههههههههههههههههه .. صج ايام
والحين لما تغيرت انا .. قمت اقولهـآ السالفه ونضحك !!

الله كريم
مشكوره يا قلبي على كلامج برد جبدي شوي

العفووو < شكو ههههههههههه
إنتي بنفسج تقدرين إطلعييين نفسج من اللي إنتي فيه والله ..

 

[Miss.6Mo7]

مس طموح

انا بخير عساج بخير يا قلبي



كاندي


حياج الله معانا


عرفينا بنفسج واشلون تقضين يومج ؟؟

عســــــآج دوم بخير يآقلبي

 

[miss thrba]

هلا والله حبايبي ..


احس بغصصصه وانا اقرا احساسيكم لانه نفس اللي احس فيييييه..


الله يعوضنآآ خيـر..


حيآج الله اختي حبيبتي ياقوته الكويت وانا ترى اللي سألت عن علاقة البنت بأبوهآآ ..


هلا والله حبيبتي فديت روحي اي جذي ابي اشووف ابتسأأأأمتج ..


عيل وين البآآجي !


واأي وحده تدخل تكتب علاقتها بأبوها على الاقل يكون في موضوع نسوولف فيه ..

 

[Miss.6Mo7]

مــس .. شلونج وشخبآرج ؟؟

الحمدلله .. الحمدلله علاقتي بأبوي زينــــــه .. لدرجه إذآ أحد يبي شي يقولولي وأنآ أقوله !!
ع قولتهم محد يعرف لـ فلان !! < اللي اهو أبوي .. غيري أنــآآ لوول

الله يخليهم لي يآآرب ويبعد عنــآآ عيون النـآس ويحفظنــآ يآرب

 

[miss thrba]

هلا والله مس طمووح


فديتج الله يخليه لـج ذخـر يآآرب


ويبعـد عيون النآس عنكم

وانتي شلونج شخبآرج ؟؟


شقآعده تسوين !

 

[Miss.6Mo7]

هلا فيج حيآآآآآآآآآآآآتي إنتي ... آميين وأجمعييييين إن شآءالله

بخير الحمدلله وإنتي شلونج ؟

حآلياً قآعده أطالع ام البنات لووووووووووووووول

وإنتي ؟؟ لوول

 

[miss thrba]

دووومـ يآآرب ..

انا الحمدالله بخــير ..


اي ام البناات أخ لو يتبرعولي بأخت وحده لوول


والله انا ودي اقوم ارتب غرفتي واتسبح بس حددددددددددي عيزااانه

 

[Strawberry Shortcake]

واااو ويني عن هالتجمع اناا
اناا وحيده امي وابوي ماا عندي خوات عندي اخوين واحد يدرس بره واحد اصغر مني < كله نجره وياه ماكو شغل لؤؤؤل
بس ما احس بالوحده عاادي لاني وايد مع بنات خالتي واعتبرهم خواتي فدييتهم وعندي رفيجتي هم اهي وحيده مثلي وصجج صج اعتبرهاا اختي ..

 

[Miss.6Mo7]

مـس .. يدوم لج الخيرررررررر يآرب ..
لوووووووووووووووووووووووووووووول
تصدقين عآد قبل كنت اتمنى ـآ تكون عندي أخت بس ألحين لا ..
واااااااااي انا بعد غرفتي عفيسسسسسسسسسسسه اغراضي فوق تحت .. بعد الفطور برتبهــآآ مالي خلق ألحين .. الا جم عمرج ؟

 

[Miss.6Mo7]

Strawberry Shortcake .. هلا واللللللللللللللللللللللللللللللللللللللللللللللله

شلونج وشخبآآرج ؟؟ .. الله يخلييييهم لج يااااااااااارب

 

[miss thrba]

هلا حبيبتي مس طمووح


الحمدالله رتبت دااري على السريع

اهو صج مرات تقولين الحمدالله ما عندي خوات لما تشوفين الخوات شلون يتهآشون ويكون مالج خصوصيه ههههههه


بس مهما كآآن يتلي أوقات حدي حدي حدي احتاااج خوات بس الحمدالله ربي عوضني فيكم وبهالتجمع ..


آنا عمري 22 وانتي !


..............


هلا والله اختي استروبري حيآآآج الله معآآآنــا وعرفينآآ على نفسج

 

[Miss.6Mo7]

مس .. شسالفه كل شوي لج لون لووووووووووووووووووووووووووووووووووووووووووووووول

إي ومو بس جذي .. يعني محد يشآركج بشي !! .
أفآآآآآآآآآآ عليج .. وأنآ وين ورحت يعني :$ لوول
العمررر كله ياررب .. انا عمري 19