تعالوا عطوني حل

[خشف العذارى]

موقفج حساس الله يعينج
ليش من بداية زواجكم ما بادرتي بالصلح
ع العموووووووم اتصلي فيهم وقولي ودي ازوركم
ولا تسوين شي الا وانتي ما خذه راي زوجج
وبعدين شنو سالفة ما يبونج خلاص الحمدلله انتم اخذتوا بعض بالحلال وعيلتم
ولي متى بيقعدون بالعقد جذي انتي ما قصرتي وياهم واهم الخسرانين
والله يعينج

 

[رشروش]

الله يكون بعونج ويعطيج على قد نيتج

 

[أم توتو]

الله يسخرهم لج

 

[mon-amour]

حبيبتي حلو انك تبادري بالصلح وتدخلي فيهم ، بس بتخافي تدخلي تصيرلك مشاكل

ويحاولو يخربو بيتك ويبعدوكي عن زوجك ، لانه ابنهم اخدك غصبن عنهم فما رح يكونو صافين

ناحيتك مهما تسوي من حسنات معهم

عشان هيك ردي على زوجك ، فبتخافي تدخلي معهم وتصيرلك مشاكل ، وصرلك فتره متزوجه حبيبتي

بس زوجك كيف يحكي هيك عن اهله؟ هاد دليل انه عارف شو همي وكيف وضعهم

انا ضد الزوج يحكي عن اهله ، بس زوجك اله ظروفه وماحكى هيك من فرااغ ، فردي على زوجك وريحي بالك

وماتدخلي بمشاكل تنتهي بخراب بيتك ، وربنا يصلح الاحوال

ان شاءالله ربي يصلح الاحوال



وزوجي ما نقل الاخبار

الكلام هذا انا اعرفه بس يذكرني انهم رافضين




جزاك الله خيروووفقج الله

 

[mon-amour]

حبيبتي أنت أتصلي ع خالتج وسولفي معاها وعزميها على الغدا عندج بالبيت وقولي تيب عمي معاها وحاولي لما يجونج تخلينهم يادهينه لاتنكتين يحسون البيت أنتي شايلته وحاطه ولدهم بعيونج حسيتي الوضع اوكي روحي لهم قهوه عصر أخف معاج صينيه حلو وأقعدي حسيتي الوضع أوكي روحيلهم يوم جمعة الاهل شفتي الوضع حلو اوكي أذا لا خليج على زيارات الصبح كل الناس دوامات ماعدا خالتج وعمج سولفي عليهم ونسيهم وبجذي كسبتي أهم أثنين يأثرون ع العايله كلها والله يوفقج بحياتج ويحنن قلوبهم عليج

انا حاولت تكلمني بالتلفون عاد ي وسلامات بس رسمي

وحاولت اني اعزمها و الا ازورهم تتعذر بطرق ذربة ودبلوماسية


مشكورة قلبي على نصايحج

 

[mon-amour]

اذا مايبووونج عااادي منتي مجبووره فيييهم بالنهاايه هم اهل زووجج مو اهلج متبريين منج..ف عااادي الوضع

ياحياتي قلبي عندهم

احنا تقريبا ارحام بيننا انساب و دم

ومشكورة قلبي على الرد

 

[FeShinGoOo]

حبيبتي مثل ماقالولج البنات ابدي بالاتصال وشوفي الرد اشلون بيكون احسن ماتوصلين لي عتبت بابهم ويفشلونج

وحبيبتي مدام تبين تخطين هالخطوه لازم تكونين قدهااا يعني سواء استقبلوج ورحبو فيج او رفضوج لازم هالشي مايأثر على نفسيتج وعلاقتج بزوجج واذا كان هالشي بيأثر نصيحه لا تسوينه

 

[mon-amour]

معااااااااااااها نعم الراي سويه وتوكلي على الله
بارك الله فيج تدورين الرحم فصله الرحم عظيمه عند الله الله يسهل لج يارب ويحببهم فيج:yaaaaaarb:

الله يبارك فيج


لا تحرمينا دعواتج بصلاح الاحوال

 

[mon-amour]

حبيبتي اختاري وقت مناسب وروحي زويهم بالبيت وشوفي خالتج وطيبي خاطرها بجم كلمه

وان شاءالله الله يحنن القلووب

والله حاولت وحاولت

والله يكتب الخير

لا تحرمينا دعواتج

 

[درة أهل الطولات]

زوجج ادرى بوضع اهله لا تضغطين عليه

 

[mon-amour]

معاها :rerrerek:

مشكورة حبيبتي

لا تحرمينا من دعواتج

 

[mnor]

اتصلي على بيتهم وقوليلهم ترى الدنيا ماتسوى وانتو اهل زوجي وانا مااقدر ارتاح إلا برضاكم علي

وحتى لو يسكرون السماعه بويهج ارجعي دقي مره ثانيه بعد فتره وحاولي مع ريلج يكلم اهله

والله سبحانه يعينج ويوفقج

واكثري من الدعاء والله كريم ان شاءالله

 

[mon-amour]

الله يوفقكم

اجمعين
لا تحرمينا من دعواتج

 

[mon-amour]

طرشي نقصه بسيطه
طرشي هديه مع عيالج
وصي عيالج قولوا ليدتكم امي تسلم عليج وايد
هالفتره
بعدين ابدي دزي مسجات وادعيه
تقربي لوحده من خواته
لييييييييييين يهل علينا رمضان باذن الله
تكونين مهدتي الطريج ودخلتي عيها باحلى مناسبه وجسيتي النبض
وحطيتي لج رصيد تواصل
ووحده من حمواتج تساعدج
وخلي نيتج لله
والله يوفقج
بس لا تقطين روحج مره وحده

والله كل هذا اسويه

لانها حتى اهي نفس الشي تسويه تتطرش نقصة و هدايا

وكل شي

بس ما اني اهمة شنو السالفة
ان دقيت اعتذرت طريقة ذربة


لاتحرمينا دعواتج

 

[بقــآيآ جـروح]

الله يسهــــــــــل آموركم ودآآم تتقبل اتصآآلتج ورسآآيلج زين يعني مآآبتطردج من البيت
عآآآدي ودي لهآآ العيآآل وقعدي معهم نص سآآعه وطلعي وبين كل فتره وفتره روحي وطولي المده
لين يتقبلونــــــــج ​

 

[Tutti-Frutti]

من رايي اذا اهمه ما يبونج لا توصلينهم
ريلج ما قالج جذي الا لانه عارف اهمه شنو

انتي نيتج زينه بس خوفج لا يدخلون بينج وبين ريلج ويخربون علاقتكم

 

[mon-amour]

اسمحولي الردود ما شاءالله وماعندي وقت


بارك الله فيكم


ولا تحرموني من دعواتكم


ولكم بالمثل ان شاءالله

 

[ScarletteO'Hara]

شلج بعوار الراس؟
انا اقول سمعي كلام ريلج لما قال لج ما يبونج
لا تخذفين عمرج عليهم صيري عزيزة نفس
كرامتج فوق كل شي
انتي رايتج بيضة قاعدة تدزين عيالج عندهم
لا اهم صلة رحم و لا شي
اهم شي ريلج زين معاج
الباجيي الي مو عاجبه كيفه

 

[نونو العصله]

شوفي الوقت المناسب وروحي
مو تقطين روحج مره وحده
ميخالف هذول اهل ريلج
الله يحنن قلوبهم عليج

 

[mon-amour]

اشكر كل من رج علي

وبارك الله فيكم


احس ان ارتحت الحمدلله