تعالوا شوفوا محلات تايلند بالصور,,,من تجمعي

[شمس.الحب]

يالله ياحلوين اذا لقيت تشجيع كملت ،،،، ولا تحرمونا من تجاربكم بأسوقة بانكوك

 

[om MaRyooM]

ياحلو تايلند ومحلاتهم




يعطيج اللللللللللف عافية

 

[شمس.الحب]

:eh_s(17)::eh_s(17)::eh_s(17)::eh_s(17):

يسلموووووو

:eh_s(17)::eh_s(17)::eh_s(17)::eh_s(17):

 

[شمس.الحب]

البنات اللي طلبوا اسم السوق وصورته من برا وعنوانه بالضبط

Platinum Fashion Mall

والعنوان

ويقع على شارع Phetchaburi Road, بالقرب من بانتيب بلازا ومقابل لمجمع براتونام

 

[raaaz]

يعطييييك الف عافية شمس الحب وموضوعك جناااان ويحمس مرةةة

والملابس كلها روووووعة سلمتي

 

[عبيرالحب]

يعطيك العافية ما قصرتي

 

[شمس.الحب]

الله يعافيكم بنات


وين الباقين ماتبوووووون باقي صور المحلات

 

[نياره]

لا يوقف
لايوقف
متاااابعه

 

[إماراتية طر]

موضوع رووووعه لايوقف

 

[مي حريري]

ووووووووووووواع كملي عز الطلب

 

[شمس.الحب]

ابشروووا بنات بس الحين انا بالدوام اذا طلعت كملت لكم

واحاول احط لكم اسوقه ومجمعات ثانيه غير بلاتنيوم

 

[ناتشوو]

تايلند من الدول اللي بخاطري ازورها
بس عقب موضوعج

















زادت حماستي لها
الله ييسر الامور

يعطيج الف عافية

 

[شمس.الحب]

نكمل معاكم والله ييسر اموري واموركم ويوفقنا برحلتنا ادعو لي


الدور الخامس بالمجمع تخصصGift Shop

 

[شمس.الحب]

back

هذا روعه للهدايا

شباصات وباندات

 

[شمس.الحب]

هذا تقرير لسوق الاحد في بانكوك للبراء الذمه ونسب الحقوق لاهلها



التقرير هذا
للاخت اماراتيه من منتدي سيدات الامارات

اسمها ((شيما333))



سوق يفتح يوم الأحد فقط عسب جيه أسمه سوق الأحد سمعنا أنه يفتح بالسبت بعد بس مو متأكدين وكله انسير بيوم الأحد
ساندي ماركت وااااااااايد أكبير ومايخلص لوووووول
وهو عباره عن صنادق وبازارات يعني حر وزحمه وجدامه مركز عود أسمه J.J أمكيف يعني إلي مايحب الحر يدخل المركز بس الصراحه الصنادق أحلا وأكثر محلات
المهم ظهرنا الساعه 9 الصبح وسرنا السوق وأول ما وصلنا
طلبنا من عربت الفواكه بطيخ وأناناس وأهم شي الزيتون والهمبا لووووول شو تم
لأن ظهرنا من الفندق مب متريقين والسوق حر وزحمه يعني عادي يستوي فينا هبوط هع هع هع
هاي العربه



وأول مادخلنا السوق حصلنا براويز منحوته واااايد محلات فيها هالبراويز مدري ليش


بنات أغلب الصور بتكون صور المحلات إلي برع لأن داخل حر ومااتفيجت أصور
انكمل
أهم شي لما اتسيرين سوق الأحد اتسيرين أول شي محل إلي ايبيع اللكياس مالت الجر عسب بتشترين وااايد أغراض ومابترومين اتشلين في أيدج وهالكيس واايد أريح
حضرته راقد ونحن نبغي نشتري وهو مامفتكر فينا مووووول



هذه السوق من داخل ممر وااااااايد أطويل والمحلات يمين ويسار



استغربت من هل محل كل البديات والبناطلين للبنات بس جماجم وخرابيط عليها وكتشفت أنه محل
للبوياااااات فقاره هع هع والصراحه وااايد بنات كانو طايحين فيه الله يهديهم بس



هالمحل لبدل وقمصان الشباب الصراح وايد أرخيص


شو رايكم بالشباشب


وهنيه بعد زنانييب وشنط نفس الشي طقم يعني
نااايس أحس وأشكالهم حلوه

 

[شمس.الحب]

صور برع السوق


أهنيه بنات المدارس ايغنون ويجمعون تبرعات للفقاره


وهذه وااايد زغنه منه قاعد ايغني ويعزف والنا س تسمعه وتحط له بيزات


بنات شوفو كيف ايسوون البيض أصغار
شوفو المقلام مالت البيض غريبه


وهنيه وحده اتبيع ربيان مشوي افرش وبعده يتحرك

الربيان


محل ايبيع ستاير دلع


هالمحل ايبيع سوالف لزينة السيارات عيبني الزيبرا والتايغر


هالمحل للورود

أهنيه محلات اتبيع السمج والنغر بس مجفف وبنكهات مختلفه فيه بالملح وفيه السكر وفيه بالبهارات الحاره


وهاي آخر صوره

وايد مستانس ابنفسه وعايش حياته


منقول عن الاخت الاماراتيه

شيما333

 

[شمس.الحب]

يتبع تقرير الاخت الاماراتيه


شيما333


السوق الصيني في بانكوك عباره عن سوق بالجمله والمفرق وأغلب المحلات بالجمله وهو عباره عن سكك ومداخل كل سكه خاصه ابشي معين يعني في سكه أطويله كلها شنك وسكه كلها نعل وسكه كلها أدوات مكتبيه سوالف المدارس من شنط ومقالم ودفاتر......إلخ وسكه كلها أكسسوارات وساعات وهكذا

حصلنا ونحن نمشي مطعم بحري فيه كله أسماك وربيان ولبستر وكان خاطري باللبستر بس ماكان وقته
هاللبستر حاطينهم في أحواض وتختارين اللبستره إلي تبغينها وبيشوونها لج وكل وحده أكبر عن الثانيه

[URL="http://img20.imageshack.us/i/024xan.jpg/"] [/URL]

دخلنا أول شي سكة الشنط

[URL="http://img266.imageshack.us/i/036e.jpg/"] [/URL]

الممر متروس شنط تحتارين فالأختيار

[URL="http://img266.imageshack.us/i/037arq.jpg/"] [/URL]

وهنيه سكة النعل ( كرمكم الله )
صراحه محلات بالهبل ورخييييييييصه واااااايد لاتسألون منو إلي بالصوره مابقول :12 (32):

[URL="http://img31.imageshack.us/i/81763069.jpg/"] [/URL]


[URL="http://img262.imageshack.us/i/035ort.jpg/"] [/URL]

 

[شمس.الحب]

يتبع تقرير الاخت الاماراتيه

شيما333


رجعنا الفندق الظهر وريحنا والمغرب ظهرنا وسرنا طوكيو سنتر
وهو عباره عن مركز يتكوم من 6 أدوار وبنسبه لي أعتبره أرخص سنتر
كل الصور بدسه امصورينها عندهم التصوير ممنوع
المركز من فوق



من تحت



بعض محلات السنتر





النعل وأغلبها ب199 بات يعني 17درهم أو 18درهم وشوي





محلات وملابس الأطفال



في فالدور الأرضي سوبر ماركت حصلت فيه تمر بس ماأدري ليش ماأتشجعيت وخذت منهم

وهنيه المكسرات


خلصنا التسوق في طوكيو وقبل مانظهر من السنتر سرنا اتعشينا من البيتزا كمبني ورجعنا الفندق

 

[شمس.الحب]

:eh_s(7)::eh_s(7)::eh_s(7)::eh_s(7)::eh_s(7)::eh_s(7):


يتبع

مجمع بلاتينيوم


مركز أكبير وكلمت روووعه اشوي عليه
بتحصلين فيه كل إلي تبغيه







سلوم نايت أو السوق الليلي سوق وااايد أكبير ويفتح من 6 مساء لين 3 فالليل
ونحن أنحب نتعشا ونهضم فيه لوووووول
بعض الصور

هذي محلها فيه قمصان وايد أكيوت



وهاي بعد



هالمحل ايبيع هالجواتي مع شنط وأبواك أختاري أنتي الرسمه واللون وبيرسملج فالشنطه والجوتي وبعد 3 ساعات أيخلصهم



أحلا شي ابسلوم نايت بنسبه لي الأكسسوارات أشكال غريبه وعجيبه

 

[عذبة الاحاسيس]

وااااااااااااااااااااااااااااااااي زوووووووغة شوقتيني