تعالوا شوفوا شنو سويت بجارتى قطعتها

[حـور]

شوفي انتي زين سويتي...وبس لو انا مكانج..ماراح تبرد جبدي..الا لمن اواجه زوجي ..ما اعرف اعيش مع انساان شايلة بقلبي عليه:eh_s(2):​

 

[عسل فى العسل]

والله ماألومج زين سويتي فيها وعسى ربي يهدي زوجج ويسخره لج

 

[حلاتي بندرة وجودي]

الله يعينج

 

[بارو]

عفيه عليج والله
عن 100 رجال
الله يعمي عيونه عن غيرج ..

 

[om...al3ess]

خخخخخخخخخخخخخخخخخ احنا خو ماشالله كلا انسوي روحنا ما نبش مادري ليش اتقوووول ((والله كان قلبي قارصني هالمرة كنت حاسة بشي عمري ما شفت تلفونة منو داق علية ولا مسج ....ماشالله طوول عمرنا ما انشووووف تلفووناتهم بس اليوم الوحيد الي نفكر انشوووف انلاقي وحدة يمة منا ))المهم حبووبة زين ما سوووويتي بس اووقع ماراح اتكلمة لانج ما قصرتي فيها عدل

 

[فديت من يشبهني]

بصراحه ماعندج سالفه
يوم واجهتيه

 

[أم عبودي الكتكو]

الله يهدي زوجج ويبعد عنة كل فتنة أنتي سولفي جدام زوجج عنها قولي أنج تعرفين وحدة تعرفه ولمحيلة أنج بتقوليلة شئ واسكتي وانشغلي بأي شئ وشوفي ردة فعلة راح يهتم بالموضوع والأحسن أنج تلجئين للواحد الأحد هو هادي السر والفتن وأنتي لا تشغلين بالج حيل

 

[حياةأبوها]

عفيهـ ياهيك الحريم ولا بلاش
بردتي حرقتك ..الدور والباقي على زوجك مايحاول يسئل عنها ...
حبيبتي بنت ابليس ممكن تغير رقمها ورقم زوجها ..
الله يستر المهم خليك صاحيه

 

[فطفط ام يزن]

رد : تعالوا شوفوا شنو سويت بجارتى قطعتها

الي سويتي صح وكلوحدة بمكانج بتدافع بيتها وحلالها بس كان لازم تعرفين ليش سوة جذي اذا انتي مومقصرة وياه مالة حق يخونج ويخون العشرة الي بينج واذا هذي راحت بنات ابليس وايد كان لازم يخاف اللة فيج وياخذ درس وينقرص عشان لا يعيدها طول عمرة

 

[عاشقه القيصر]

الله يهديهم انشالله

 

[Killer^Girl]

عفيه عليج
بس خوفج علاقتهم تستمر
يعني الي بينهم اكبر من شقه

 

[MoonDiamond]

الله يعينج

وزين سويتي وزوجج لا يدري باللي سويتيه

ودقي عليها
وقوليلها اشكره انج شاكه فيها
ويبيلها الصمرقعه وقوليلها انج بتقولين لزوجها عشان يحط العين عليها وانتي تسلمين على ريلج
خليها تموت حتى لو شافت رقم زوجج عندها

 

[Q8stylle]

زين سويتي

 

[يارضاها وقف وناظر شوي]

الله يهديه لج .. ويسخره ..~



ما قصروا البنات ..



.،

 

[املى كبير]

والله زين تسوين

بس انتى احرصى بعد من خاف سلم

انتبهى لزوجج وحركاته وانتى ماينخاف عليج شلون جكيتيه راح تعرفين لارد لها

والله يهديه لج ويسخرة ويبعد ابليس عن طريقكم

 

[N O R A]

يالغلا لازم تذكرين المسج لانه ممكن يكون مسج عادي


انزين الحين انتي تقولين ريلج وياج 15 سنه ولا مره خانج صح ؟؟

انا اتوقع الشخص يلي ما يخون 15 سنه على بلاوي هالزمن ما بيخونج الحين صح ولا لا !!



ولو نفترض انه المسجات يلي بينهم قوية وفي بينهم علاقه

انتي بالحل يلي سويته حليتي المشكله حاليا

لكن المشكله يلي اكبر لين الحين موجوده وما حليتيها

الا واهيا ( زوجج )



في اسئلة كثيره بتنطرح اهني وما راح تلقين لها جواب الا بالمصارحه

على سبيل مثال والسبب يلي طرحتي الموضوع في المنتدى هو السوال الاكبر


( يمكن هو يرد يكلمها من وراي وانا ما ادري ؟)

وعندج بعد ( اذا هالمره قدرتي اتوخرين المره تتوقعين بنت الحرام شوي ؟؟!! )

في وايد بنات قادرين يلفون على 1000 واحد مثل ريلج

ومدام انه ضعف مره معناه ممكن يضعف اكثر




وبعد اليوم الحرمه هذي كانت ضعيفه

بس مب كل مره تسلم الجره

قد تكون المره شرانيه وبطريقتج ممكن تشتكي عليج بالمخفر

وتعتبرين متهجمه عليها وتعالي اخذي

يافضايح وسين وجيم لج ولـ ريلج




من وجهة نظري

لازم يكون عقاب للزوج لانه يتحمل الجزء الاكثر من الغلط

وانا ما اقولج روحي هاوشي

مثل ما كنتي ذكية في عقابج للمره .. اتوقع من خلال العشره من زوجج

راح اتكونيين اكثر ذكااء في عقابج لة ^_*

 

[بقلبي مجلسك]

الله يبعده عنها ان شاءالله ويخليه لج

 

[So0oKaRa]

لو انا منج اهده جم يوم ولا اييبله طاري واجيك على نقاله اشوف الارقام اول بأول
ولو شفتها داقه ياويلها يا سواد ليلها
وبعدين ريلج غلطان ترى شكو يعطيها ويه؟
باجر اي وحده بتكلمه على طول بيرد عليها
الله يهديه انشالله

 

[الهندية]

الله ايسخره لج

 

[خاتم ذهب]

ماتستحي لا تخلينه يحتك مع اي مره تاجر عندكم