تعالوا شوفوا الاطباق الى جربتها منها نجح ومنها فشل

[بدوية بملامح كشميرية 86]

هاااااااااااى بنااااات اخبااااااااااااااااركم

مبارك عليكم الشهر وعسااااه ان شاءالله يكوووووون شهر طااااعه وعبااااده والله يتقبل من كل المسلمين ياااااااارب

اليوم اول يووم ورمضان عسى ربى يعيده علينا كل سنه واحنا طيبين وبصحه وعااااااااااااافيه \\\


شوووفووووووا بنات انا ماحب ادخل المطبخ كلش ولما كنت ابيت اهلى المطبخ مادل مكانه لووووووووووول صج ج ماكنت اشتغل كلش حتى قلاص الماى الخداممه تجيبه لى ههههههههههههههه كسل ماعلينا \\\


المهم المهم لما تزوجت كان زوجى مدلعنى وساااكت عنى والحين عقب ماجبت نور دنيتى وليدى قال لازم تتدخلين المطبخ ولجل عين تكرم مدينه وعشان زوجى قررت ادخل المطبخ \\\

وماشاءالله ع بنات المنتدى منهم استفدت كثيييييييييييييييييييييييييييييييير الله يهنيكنم يااااااااااارب \\\\


بقوووووووووووووووولكم الاكلات الى نجحت معااى والى فشلت للاسف


اليوووووم ع السحووور سويت دجاج بالخلطه الرهيبه لتحمير الدجاج وصج طلعت رهييييييبه وسهله \\

واماانه ادعوا لصااااااحبة الموضوع وادعولى انا بعد

هذى المقادير والطريقه وترى ع ضمانتى رووووووووعه وتبيض الوجه وانا سويت معاها عيش ابيض وحطيت فوووقه ماى ورد وزعفران ومرق بطاط




المقادير:

دجاجة مسلوقة بدون نزع الجلد مقطعة اربع اجزاء


- مقادير الخلطة :

4 ملاعق كبيرة كاتشب

4 ملاعق كبيرةمايونيز

2 ملعقة كبيرة صلصة طماطم

2 ملعقة كبيرة خل ابيض

2 ملعقة كبيرة زيت نباتي

ملعقة صغيرة كمون ناعم
ملعقة صغيرة فلفل اسود ناعم
ملعقة صغيرة ملح ناعم
ملعقة صغيرة كركم ناعم
ملعقة صغيرة بهارات مشكلة ناعمة




الطريقة:

- نخلط جميع مقادير الخلطة مع بعض البعض .

- ندهن قطع الدجاج جيدا بالخلطة السابقة .

- ندخل الدجاجة في الفرن المحمى سابقاً على درجة حرارة متوسطة حتى تتحمر , مع ملاحظة مراقبتها من وقت الي آخر حتى تتحمر .

- تقدم مع الارز او البطاطا المقلية .\\


جربوها يابنات وربى انها رووووعه وصج رهيبه\\



وللاسف الى خرب على سويت طريقة مرق البطاط للاسف طلعت مو حلوووووووه



اه اه اه بس تعبت من هالشوربه واخيرا عرفت اسويها بالضبط وربى نفسها بالضبط رووووووعه روووووعه سويت جدر مابقى منه شى يمى يمى تعبت وانا ادور طريقتها حتى نزلت موضوع عنها وفى كاتبين انى احط بيض ومن هالسوالف ترى طريقتها تااافهه \\

شوربة مغل محل او نفس الى بالفايز الى تجى خااااثره وفيها ذره ودجاج


شووووفوا الطريقه وعسى ربى يرزقها الى تمنى الى علمتنى الطريقه \\


انا اقول لج طريقتها حبيبتي ولا بيض ولا زفره ولا شي

اسلقي صدر دجاجه في ماي بعدين شيليه وصفي الماي وخليه على صوب
والصدر نتفيه حيل ضعاف مو نفس الشورمه لا اضعف حيل يصير لج مثل الخيوط ولا اتكثرين دجاج فيها ما يطلع حلووو
بعدين جيبي الخلاط اترسيه الا شوي ماي من الفلتر يعني تقريبا قلاصين ونص
حطي عليه حبة ماجي و 3 ملاعق طحين و3 او 2 ونص ملاعق نشااا واضربيهم حيل بالخلاط
بعدين صبيهم على ماي الدجاج مع عودين دارسين كبار يعطون نكهه وحركي بملعقه خشب على نار هاديه لييييين تثقل معاج وتصير نفس الكريمه
بعدين تضيفين الدجاج المسحب والذره والملح وتحركينهم شوي

وآخر شي تضيفين كريمة كي دي دي اللي قبل قوطيها احمر بس الحين ازرق عرفتيها؟
طبعا مو كلها لأ انا عندي معيار ما اغيره ابد
اللي اهو قلاص جبن كرافت الصغير اتوقع يعادل بياله ونص تقريبا وحركيه وغطيها 10 دقايق على نار هاديه وسكريها
اسهل منها ما فيه
قدميها بطبق ابيض ويمه ربع ليمونه وبيدعيلج زوووجج
حتى مرات اسويها عالسريع بدون دجاج بس مع ماي وماجي وخلطة الخلاط وذره وهم تطلع حلوه
اتمنى اني ما اكون نسيت شي
اذا ضبطت وياج بشريني وادعيلي الله يسخرلي زوجي ويخليلي عيالي و اهلي



ورق العنب صج تعبت وانا الفه بس طلع مضبوووط بس كثرت من الليمون طلع حاااامض حيييل هذا عيبه ويمى يمى ع الطعم

عسى ربى يوفقها ياااااااااااااااااااااارب صاحبة الموضوع

وهذا اللينك ......

http://www.q8yat.net/showthread.php?t=436859




وسويت هالطريقه خذيتها من كتااب جربوها رووووووعه \\\\

دجاج بالقشطه والجبن \\

المقادير ..\\

دجاجه مقطعه 8 اجزاء وتشيلين الجلد ( طبعا انا ماحب الدجاج وماحب المسه الله يخلى خالتى اهيا تغسله لى وتنظفه خخخخ )

3 حبات جبن كيرى
قشطه
ملعقة ماينيز
فنجان ماء
شوية ملح
مكعب ماجى

الطريقه ..

تخلطيبن كل المقادير مع بعض ماعدا الدجاج وعقب اتصبين الخلطه ع الدجاج وحطيها بقصدير وحطيها بالفررن ساعه تقريبا تطلع رووووووووووعه والله




وسويت فته يمى يمى لذيذه لذيذه خذيت طريقتها من كتااااااب


المقادير ..

اول طبقه ..

3 حبات بطاط متوسطه تقطعينها مكعبات صغيره
4 حبات باذنجان متوسطه وتقطعينها مكعبات صغيره وتغليننه بزيت غزير اوا والبطاط
وعلبه بليله ( الى هو نفس الحمص يجى معلب ) واذا ماعندج مو لازم تحطينه انا مو دايما احطه

هذى اول طبقه عقب ما تقلينهم وتنشفينهم من الزيت حطيهم بصينيتج الى بتقدمين فيها السلطه


نجى للطبقه الثانيه ..

بصله كبيره
فص ثوم مهروس
3حبات طماط
ملح
كمون
فلفل اسود

ترى الكمون اهوا الى يعطى طعم للخلطه هذى ضرورى تحطينه

واقليهم مع بعض وكميه البصل والطمام كيفج ع حسب كميتج الى تبينها

وعقب حطيهم فوووق البطاط والباذنجان لاتخلطينهم مع بعض لا حطيه طبقه فوقهم



الطبقه الثالثه ..\

علبة زبادى
قفشة ماينيز
3قفشات لبنه

خلطيهم مع بعض وحطيهم فوق الطبقه الثانيه بالنص حطيها بس


وع الجوانب حطى بقدونس مفرروم منعمته حيل

وزينه حطى خبز محمر وبس\\

وااااااااااااا و والطعم ولا احلى




وخذيت طريقة مجبوس دجاج بس للاسف طلع مو حلو وحتى زوجى ماحب طعمه





وطبعا رااح اكمل اخذ منكم طبخات وبجربها وطبها عندى كتاب طبخ روووووعه وسهل واى شئ اجربه ويطلع حلو نفسى لوووووووول راح اكتبها بهالموضووووع وراح يكوون متجدد لطبخاتى لوووووووووووول


جننى ىولدى مو قادره اكتب عدل واى بدليه غضوا النظر عنها

 

[غير كل الملآ]

يعطييييييج العافيه يارب

 

[جارة القمر]

رد : تعالوا شوفوا الاطباق الى جربتها منها نجح ومنها فشل

مشكوووووووووووووره


وعليكم بالعافيييييييييييييييية

 

[اللوتس]

يعطيج العافيه وعسى الله يخليلج وليدج وتشوفينه معرس ان شاء الله

 

[78MariMar78]

تسلم ايدك بدويه

وان شاءالله يضبط معك كل شي....

 

[ام ورود مول]

تسلم الايادي

 

[tooofy81]

رد : تعالوا شوفوا الاطباق الى جربتها منها نجح ومنها فشل

الله يعطيج العافية ماقصرتي بس شنو اسم كتابج حق الطبخ؟؟؟؟

والله يخلي لج ولدج وتشوفينه معرس

 

[أم علي الرفاعي]

1000 شكر حبيبتي

 

[ورود خذلتها العاصفه]

يسلمووووو بدويه والله يخليلج وليدج

 

[قطوة@@]

رد : تعالوا شوفوا الاطباق الى جربتها منها نجح ومنها فشل

يسلمووو الايادي .. حلاته بالصور

 

[lovely jojo]

الله يعطيج العافية ..

 

[ام عفاف الكويت]

تسلم ايدج
ومبارك عليج الشهر قلبي

 

[خالة الزين]

رد : تعالوا شوفوا الاطباق الى جربتها منها نجح ومنها فشل

الله يعطيج العاااااااافية

 

[هنـــــد]

رد : تعالوا شوفوا الاطباق الى جربتها منها نجح ومنها فشل






والله تذكرني بعمري كنت مييييييييييييييييييييح
والحمد لله تعلمت ، وعلى قوله الوالده الله يحفظها : اللي عنده عينين وراس يسوي سوات الناس ^_^
ومووووفقه

 

[ام فريده]

ما شاء الله عليج بدعتي في تطبيقاتج للوصفات
ننتظر جديدج

 

[بدوية بملامح كشميرية 86]

تسلمووون بناااات ماقصروا

ولاهنتوا ع المرور فديتكم

والله كنت بصوووور بس استحيت من خالتى كانت تساعدنى

وان شاءالله راح اصورلكم اذا طبخت جم طبق بشقتى وانزله تحت لخالتى

ونورتوووووووووووووووووووونى يالغاليااااات

 

[البسمه العذبه]

مبارك عليج الشهر
والله يتقبل طاعتج وطاعتنا
بس بذكرج بشي قبل لاتبدين اي طبخه انويها لوجه الله وطاعته لانه قاعده تعلمين ارضاء لزوجج وفيه اجر كبير اخذي حسنات الله لايرحمج ولايحرمنا
وثاني شي
العيب مو ماتعرف الوحده
العيب انها ماتبي تعلم وحاطه رجل علي رجل بنات هالوقت اسمحولي دلع في دلع الحمدالله خدم وخير بس شنو وجودج قدام زوجج وعيالج شوفي شنو فرحتهم لاسويتي طبق ولاكيكه وهم معاج
الله يعطيج العافيه وخوووش اطباق
وخووووش موضوووع خل يتحمسون الي مايعرفون ويسوووون سواتج
وشكل المتعلم بيغلب المعلم شكلج بتسكين علي طباخات المنتدي

 

[الأميرة جوري]

ذكرتيني ايام الاولى من زواجى حتىالجاي ما اعرفله..........والحين طبااااااااخه حتى زوجي مو اي اكل ياكله عند غيري يعجبه هههههه خربت عليهم وفال لج هههههههه

 

[Brounzi_girlly]

رد : تعالوا شوفوا الاطباق الى جربتها منها نجح ومنها فشل

آنا لي الحين اطقطق بالطباخ طقة وطقة العيوش ريلي يسويها لأن يحب الطبخ آنا عطيني صواني وحلووو
مع التحية.............

 

[احلى سماء]

حلوه فكرتج موضوعج