تعالوا خن نتعلم مكياج العيون الجزء الثاني

[كويتيه مزاجيه]

حلووووووووووووووو ومرتب

 

[Sparkle]

رووووووووووووووووووووووعه يا سباركل صج خبيره اسم الله عليج .. :eh_s(15):

ما قصرتي ..والحدالله على سلامتج مره ثانيه .. شلون السفره عسا استانستي .؟ ؟

الله يسلمج حبوبه والله ما كان ودي أرد يبيله أروح مرا ثانيه اب شهر 1 :0bee2e8d89:

ثانكس حياتي والله

هلا هلا هلا هلا بالطش و الرش

اشلووووووووووونج امبيه ما كنت ادري انج رديتي كنت رايحه الشاليه و ما شبكت

welcome back 7abebte

هلااااااااا اب زوزو أنا زينه شفت مشترياتج حلوه شرايج بل المرطب؟

ماشاءالله موضوعج وااايد حلووو

بس بسالج في دروس ولوكات ثانيه غير الي حاطه عنهم بالتوقيع

هلا حبي بالجزء الأول فيه ومرتب ورا بعض

http://www.q8yat.net/showthread.php?t=439019

و الجزء الثاني
http://www.q8yat.net/showthread.php?...1#post11458000


وهذي صفحاته الصفحات الجزء 2 :1_4_5_6_9_12_13_16_20_24

هلا حبيبتي سباركل من زمان ما مريت على الموضوع

عندي سؤال شورايك بباليت الكونسيلر ثابت ما يقطع او يتكتل لان ناويه عليه ان شاء الله

لا حلو وتغطيته متوسط

وهذا Review عليه من وحده
http://www.youtube.com/watch?v=bJRa_2nmVRs

حلووووووووووووووو ومرتب

مشكووره حبي

 

[Zeshtoo]

عجبني حيل و قلت بوصي اييبولي واحد ثاني البركه فيج طبعا

 

[كرندارو]

حبيبتي سباركل مشكوره
وانشالله باجر بتوصلني لرموش وابلش تطبيق على طوووووووووووووووووووووووووووول

 

[أسيرة_أحزاني]

حبيبتي شلون طريقة فرشه 219 شلون تنمسك ويكون الشغل فيها مايل ولا من راسها ؟

 

[a7la_3eyoon]

هلا حبي بالجزء الأول فيه ومرتب ورا بعض

http://www.q8yat.net/showthread.php?t=439019

و الجزء الثاني
http://www.q8yat.net/showthread.php?...1#post11458000


وهذي صفحاته الصفحات الجزء 2 :1_4_5_6_9_12_13_16_20_24
)

مشكوووره حبيبتي

 

[Om-Yassofy]

حبيبتي سباركل بغيت اسألج عن باليت ماك الفاضي اذا بشتريه بروحه بودون شدوات بجم ؟ عندج فكره ؟

 

[Sparkle]

حبيبتي شلون طريقة فرشه 219 شلون تنمسك ويكون الشغل فيها مايل ولا من راسها ؟

أهوه أكيد من راسها اليوم بسوي لوك وبحط صوره قبل اللوك أوريج شلون ينمسك

حبيبتي سباركل بغيت اسألج عن باليت ماك الفاضي اذا بشتريه بروحه بودون شدوات بجم ؟ عندج فكره ؟

هلا

الباليت مال 15 لون سعره 5.500

والعادي مال 4 ألوان جنه من 2-4 مو متأكده

 

[white**angel]

سبااركل نااطره لووكج d:

 

[CUTE ENGINEER]

يلا ياالقمر

ناطرين اللوك

بسميه
the come back look

يعني لازم يطلع صااااااروخي

 

[Sparkle]

سبااركل نااطره لووكج d:

الحين جاري التطبيق :ada: لوك بنفسجي سوري أدري مفروض أنزلها مبجبر بس نوومتي حدها مختربه من السفر يلا برد بعد ساعه على ما أكتب وأنزل الصور

 

[Om-Yassofy]

WaiTing ;*

 

[sosotchino]

يآقلبي الحمدلله عالسلآمه نور المنتدى وبإنتظآر اللوك

 

[ba6bo6a1]

ناطرينج سباركل و حمدلله عالسلامة .. شوقتيني عالسفر ..

 

[ملح مكتت]

ناطرينج يااعسووله

 

[Sparkle]

لوك الي طلبتوه مني بنفسجي حق العيد
اللوك مو أوفر تقدرين تخلينه ناعم أو متوسط بس أحسن شىء ناعم خصوصا حق العيد
الأدوات المستخدمه:
Too faced shadow insurance أستخدمي أي بيس بيجي عندج
Nyx Jumbo pencil in Milk أستخدمي أي قلم كحل ابيض أو كحل كريمي ابيض همن تقدرين تستخدمينه
باليت 42 (شيمر) بستخدم هل الألوان بنفسجي,أزرق مايل على بنفسجي, بنفسجي فاتح لونه مثل ال Lavender و أسود
Mac eye Khol pencil – Fascinating كحل أبيض
Mac eye Khol pencil-Smolder كحل اسود


أول شىء هذول الألوان الي بستخدمهم من الباليت من 1 الى 4




أول شىء ببدي اب بيس عيون أختاري لون بيجي أو لون نفس بشرتج بستخدم Too faced shadow insurance

مشاء الله​

ووراها بستخدم قلم نيكس جمبو في لون Milk وراح أوزعه على عيوني بالكامل وبركز على صوب دمعة العيون ومهم جدا أنج تحطين بيس ولا راح يتخطط وياج شوفي شلون

,,نيكس ماركه ما تنباع بالكويت فتقدرين تستخدمين قلم كحل أبيض أو كحل كريمي أبيض

ونحط لون رقم الي اهوه البنفسجي على الجفن المتحرك وبدمجه شويه لي الجفن الثابت بحيث يكون ثقبل بالزاويه وخفيفه صوب الجفن الثابت

أخذي فرشة دمج ونسخدم لون 3 الي اهوه البنفسجي الفاتح Lilac ودمجيه مع لون رقم 1 في الجفن الثابت

أبدي من الزاويه الخارجيه بلون رقم 2 الي اهوه أزرق مايل على بنفسجي ودمجيه بس لا تكثرين من اللون

وأخذ فرشه ضعيفه وأحط شويه من اللون الأسود في حجرة العين ودمجيه ويا الأزرق

أرسم عيوني من تحت بشادو أبيض ( بس مو كله بس لي المنتصف) Half way


النصف الثاني رسمي باشدو رقم 1 (الي اهوه البنفسجي)


ووراها أخذي فرشة ال 219 واب شادو الأسود رقم 4 دمجيه ويا البنفسجي


وبرسم عيوني من داخل اب قلم كحل ماك Fascinating (كحل أبيض)


وأرسم عيوني من فوق خط ضعيف اب قلم كحل ماك Smolder (كحل أسود) وأدمجه ويا فرشة ال 219


وبس خلصنا رتبي شغلج من ناحية الدمج أو زيادة الألون


النتيجه:

 

[Sparkle]

الأدوات المستخدمه



باليت 42 شيمر والألوان المستخدمه عليها *


1.Too faced shadow insurance
2.Nyx Jumbo Pencil in Milk
3.Mac eye Khol pencil- Fascinating
4.Mac eye Khol pencil- Smolder
5. False eyelashes

 

[TuTTi^FruTTi]

يعطيج العافيه حبيبتي


والباليت حلو اي ماركه ؟

 

[Sparkle]

يعطيج العافيه حبيبتي


والباليت حلو اي ماركه ؟

الله يعافيج حبي

Costal scents

http://www.coastalscents.com/cfwebs...-color-double-stack-shimmer-shadow--blush.cfm

بس شريت مالتي من Ebay اب سعر أرخص

 

[TuTTi^FruTTi]

آهاا يعطيج العافيه حبيبتي وتسلم ايدج ومشكوووووره