تطلقت وانا توني بأول العمر تعالووو بنات :(

[Lulu Morales]

بنات انا مشكلتي باختصار اني صغيره توني كملت 23 وتزوجت واحد ماعرفه خطبه عاديه والسبب الرئيسي اللي خلاني اتزوج اهو ان امي وابوي كبرو وكل من تزوج في بيتنا وانا كنت ابي ريال يضفني لا اكثر ولا اقل .. كنت ادور على استقرار .. من بداية زواجنا المشااااكل ما تنتهي امه ورتني نجوووم الليل بعز الظهر .. كانت تسبني وتسب اهلي وتهيني وتقولي انتي خذيتي ولدي مني لانها تشوفني مو مقصره عنه واهو بسرعه تعلق فيني وحبني فا تحتررر حيل .. واحنا من النوع اللي نطلع في الملجه فا كانت تدق عليها تقوله ليش مجابلها يلا هدها وتعال .. وكنت اصبررررررر على الاهانات والسب .. حتن عرسي يا بنات تخيلو ابوي مسويلي اياه جان اهي تقوم تحلف على ولدها انه ما يدش .. ومحد يه من اهله ولا حتن قطووو .. جنه ماخذني غصب .. وهم صبرت وقلت ماراح اخليها تسوي اللي براسها وتخرب زواجي .. ثاني يوم من العرس بالضبط ياني يقولي امي تقول يا انا يا انتي وكان بيطلقني !!!! .. بس تداركت الموضوع وحليته معاه ... وتخيلو محد من اهله شافني يعني لا زواره ولا شي جني متزوجه بالسر ولمن اقوله ليش؟ يقول مشاكل بين اهلي وما كان يخليني اروح لهم او اتواصل معاهم .. انا طليقي كات يدرس حاله حالي وابوي وافق وقال احنا نشتري ريال .. وانا رضيت بكل شي ولا كنت اطلب منه 5 دنانيير كنت مقدره الوضع .. والحمدلله انا عندي خيير ومع ذلك ماكنت اقصر معاه بولا شي واقول فلوسنا وااحد ما اييب طاري الماده كلش .. بعدين بنات شوي شوي اكتشفت انه ديووث كنت اتعمد اسوي اشيا واشوف ردة فعله طلع كل شي عادي عنده لو اقط حجابي لو ارقص جدام شباب لو اقط هدومي عاااااااااااااادي :eh_s(2): مت قهرررر .. وسووري بنات بس بعد شهر من عرسنا قام يطلب مني طلبات بالفراش غريييييييبه كأن اكون انا الفاعل :eh_s(11): لااااعت جبدي ووخرت عنه وقمت ما انام يمه واقفل ع نفسي الباب لمن انام .. ولمن احاجيه واناقشه يبجي وطلع رخوووووووو عديم شخصيه يركض ورا امه وكافي ردة فعل مافي رجوووله كلش :eh_s(11): .. حدددي منهاره مادري شسوي وانا اللي كنت معدله صوورته جدام اهلي محد يدري بهالشي لمن درووو وطلبت الطلااق انصدمووو حلفوني عالقران عبالهم اتبلاااا عليه :eh_s(11):
امبيه بنات انا رديت بيت اهلي وادري وضعي شنو راح يكوون :eh_s(2): اسم مطلقه بهالعمر وما كملت سنه حتن مووو شوووي

اللحين اختي واهلي يحنون علي ان بس اخلص عدة 3 شهور ان راح يزوجوني اي احد !!
اختي تقول وضعج غير اللحين اهلج راح اييبون لج اي احد عشان تتزوجين
شنو وضعي غير
مو حرام اللي صار فيني !
انا مابي اتزووج مااافكرررررررررر كلش للحين :eh_s(11):
ابي اكمل دراستي انا وايد خايفه عليها

بنات شنو اسوي اذا احد تقدم شلون ارفضه
شسوي ويا اهلي :eh_s(2): اخاف يقولون ماتستحي ماصدقت تتطلق
ابوي حده كويتي قديم

ادعووووووووووووولي :eh_s(11):

اسفه عالطواله بس ماعندي احد اشكي له والله​

 

[البارونـه]

ام طليقج مب طبيعيه
ياربي شهالناس الي ماتخاف ربها ، حسبي الله ونعم الوكيل
حبيبتي عليج بالدعاء + تصرين على رايج+ تقنعينهم بوجهة نظرج
قولي لهم لو اتزوجت أي حد ممكن يصير طلاق 2 وحزتها لو شنو اسوي مابتزوج حسسيهم ان بعدها استحاله تعالجون الموضوع
الله يسخر لج الزوج الصالح الي يعوضج عن كل حزن وهم جفتيه في حياتج

 

[توتة UAE]

بقولج شيئين من اللي فهمته عشان تحطينهم ف بالج لما تتزوجين بعدين. أول شي لو عندج فلوس الدنيا خلي ريلج يصرف
عليج، مب لازم يعطيج كثر ما أبوج عطاج المهم يعطيج على قد ما عنده، سوالف "أنا الطيبة ما بطلب منه فلس بقدر حالته
حرام عنده شويه" شليها من بالج بالكامل، خلي الزوج يلعب دوره ويكون الريال ويعطيج مصروف حتى لو شوية المهم من
بداية الزواج ياخذ دوره عشان لا يبتوا عيال يصرف عليهم مب إنه يكون متعود حرمتي عندها خير ختصرف على عيالها وهو
من هناك يعيش جنه عزوبي، وترا محد يتم فقير للأبد . . الحياة تتطور وانتو كويتيين مستحيل الحياة المادية ما تتطور . .

أما الشي الثاني عن سالفة الفراش يطلب منج شي غريب انتي تكونين الفاعل ترا عادي . . انتي الفاعل ولا هو الفاعل
عادي الزوج حلالج سووا اللي تبونه، الحريم يدورون حركات عشان التغيير والتجديد، ما عرف ليش شفتي شي غريب هل
لأنج كنتي مستحية وتوكم متزوجين أو ما تعرفين إنه الموضوع عادي . . لو قصدج شي ثاني ما دري بس هذا اللي فهمته

على العموم ترا مهم تسألون عن الولد وأخلاقه عشان تعرفونه إذا مول ما عرفتوا شي، فالملجة عالآقل بتلاحظين شي
دام انكم طلعتوا ويا بعض . . شي بنات قويات لما يكتشفون انه الريال دياي أمه وما منه فايده ينفصلون وهم مالجين وشي
نفسج يخافون من الطلاق (أدري إنه صعب) يقولون لا بيتغير إن شا الله بصبر وبستحمل . . دام إنج تقولين إنه ديوث ومب
زين خلاص خيرة لج انفصلتي وما يبتي منه عيال، والله كنتي بتتبهدلين أكثر، ترا بنات الرسول تطلقوا شو يعني و الحين بعد
بنات أصغر منج بعد يتطلقون وعادي الحياة جدامهم يتزوجون مرة ثانية، لا تحطين ف بالج الناس بيقولون عني مطلقة، الحين
الزمن تغير وكلنا مثقفين وفاهمين هالسوالف، دامج انظلمتي أكيد الله بيعوضج بزوج أحسن منه في الوقت المناسب . .
وعن سالفة يزوجونج غصب عقب العدة، يمكن هذا يكون بس كلام لأنه السالفة يديدة بس شوفي لج حد من أهلج يوقف
وياج عشان تكملين دراستج وما يزوجونج غصب . .

قوي علاقتج بالله حبيبتي وانشغلي بدراستج وربي يعوضج خير :**

 

[shak!shoka]

الله يفرج همج و يسخر لج ابوج وامج و يحنن قلوبهم عليج


تقربي من ابوج و تدلعي عليه و جابليهم ترا صج الوحده مالها الا اهلها علشان الله يوفقج

و ادعي الله دايما بصلاتج يسخر لج عباده

 

[-فلانة-]

خيرة يا حبيبتي كله خيرة، وحدة نعرفها نفس حالتج بالضبط و أردى لي درجة ان ام الزوج رايحة مشتكية على زوجة ولدها بالمخفر و تتبلى عليها و الولد خنت حيلي يحب مرته بس شخصيته ضعيفة و طالب و ما يقدر يطلعها بشقة بروحها، مسكينة البنت صارلها شهور في بيت أهلها يروح و يرد عليها بالسر بدون علم أمه..
شدي على نفسج يا أمي، و كملي دراستج، و مافي شي اسمه يزوجونج غصبا عنج، مو فوضى السالفة..
و لا تحاتين كلام الناس ، طقي الدنيا بالطوفة دام عارفة نفسج صاحبة حق، ترى الناس حتى اللي بقبره حچوا فيه، لا يهمونج و لا تلتفتين لهم أصلا، و دام محد منهم كان عايش معاج و ذايق عذابج عيل كل واحد يحط لسانه بحلجه.
واذا على الطلاق ترى عادي، الحين ما في بيت بالديرة الا و عندهم مطلقة أو مطلق، منتي حالة استثنائية و لا انتي شاذة عن الناس، هذاك أول لي قالوا فلانة تطلقت يشدنا الخبر و نسولف فيه، الحين الخبر يمر مرور الكرام و بعد ساعة ننسى فلانة بكبرها.
شدي على نفسك، و تخرجي بسرعة و توظفي، حزتها بس راح تحسين بالإستقرار و الأمان، والا الزواج يا حبيبتي هالأيام صاير علة و هم أكثر من إنه سعادة و راحة.
منتي ناقصة لأنج مطلقة، و حمدي ربج يت على جذي غيرج ماكلة هوا في بيت زوجها ولا تقدر تتطلق ولا تبطل حلجها بحرف و غصبا عنها تمثل دور الإنسانة السعيدة و داخلها متحطم.
حطي حيلج بدراستج، و مسكي شهادتج بيدج، و تالي حطي ريل على ريل و تنقي منو تتزوجين و منو ما تتروجين.
ربي يحفظج يا أمي.

 

[الجادل الخشف]

عادي اعرف بنات تطلقو اصغر منج وتزوجو بسرعه لاتحاتين رزقجج بييجوخيره دام هذي اولها ينعاف تاليها ومن الاول دام اهله مايحبونج ليش كملتي وسويتو العرس المهم مابي احاسبج صار اللي صار
بس الزواج الثاني لازم تفكرين عدل لا تاخذين اي احد وتكررين الغلطه

 

[احلى خدود]

الله يكون بعونج ربي يعوضج خير لاتحاتين حبيبتي مو نهاية العالم وهذي الدنيا تجارب واهتمي بدراستج احسن وخلي فكره الزواج ربج يجيب النصيب الصالح لج

 

[Aloe Vera]

الله يعوضج و انا رايي من راي فلانة

 

[همي رضى خالقي]

حمدي ربج هذا مو ريال تخلينه زوجج وبو عيالج

 

[احلى خدود]

اب اب اب

 

[نـعـومـه]

حبيبتي الله يفرج همج

بالعكس اذا تقدملج واحد زين وافقي شعليج من تجربه القديمه اهم شي تختارين اختيار الصح وادعي ربج دوم ربي يرزقج زوج الصالح

 

[Tom ♥ Jerry]

جني قاعده اقرا قصه من ايام الجاهليه !!
سواء من اهل طليقج أو طليقج أو آهلج .. سوري يعني

أول شي آم طليقج هاذي صراحه يبيلها علاج نفسي لانه جد جد مو طبيعيه !!:eh_s(4):
يعني الي قاعد تسوييييه شي نفسي آتوقع لازم تتعالج ..
ماراح تقعد عندها أي جنه اذا هاذي طريقتها ..

طليييقج بروحه قصه .. اصلا البعد عنه عيد ! و لا تحبين تكملين حياتج مع واحد ديوث ؟
حمدي ربج مليونين مره انه ما يبتي منه عيال و ما طولتي آكثر من سنه
هذا سنه وايد علييييييه و الله ، دم ضروسي الريال الي ما فيه غاريه و الريال الي يسمع كلام امه بكل شي
لازم يكون بين المره و الريال حياه خاصه محد يدري عنها لا اهلج و لا اهله ..
عيل وين خصوصيه الحياه الزوجيه ؟ شلون يخلي آمه تتحكم فيه بهالطريقه
الريال الي ما عنده شخصيييييييه ما يتعاشر حبيبتي !!

هم ارد و اقولج حمدي ربج انج افتكيتي منه ..

اساسا انا مستغربه شلون ما تسألون عنه عدل و لا عن اهله
هذا زواج مو لعبه .. تزوجتي زوأج تقليدي أوكي مار قلنا شي بس عاد مو تتزوجين أي واحد و خلاص
على بو آنه تبين تكملين نص دينج و تبين الاستقرار ..

بعدين هم اهلج تصرفهم غلط .. هذا بدل لا يوقفون معاه و يساعدونج تتخطين هذه الازمه
واقفين ضدج !!!! و مو مصدقينج و يقولون لج حلفي عالقرآن :/
و فوق هذا يبون من تخلص عدتج يزوجونج !! ما يصير وين قاعدين احنا
تجربتج هاذي الفاشله المفروض تستفيدين منها ايجابيا و تتعلمين منها
عشان المره اليايه ما يقطووونج أي قطه و انتي بعد تفكرين مليونين مره قبل لا تقدمين
على هالخطوة مره ثانيه ، هذا زواااج زواااااااااج مو لعبه !!
يعني شخص تختارين تعيشين معاه ليه نهايه عمرج لازم تحسنين الاختيار :eh_s(17):

المهم ، الحين السالفه كلها بايد اهلج .. كلمي آمج أو آختج أو ابوج بهدوووء و فهميه
انج غلطتي بالزواج الاول و انج ما تبليتي عالريال و لا على آمه !
و هذا الي صار ما باليد حيله ، و فهميهم آنج حابه تكملين دراستج
و اذا قالو يبون يزوجونج أوكي مآفيها شي بس آهم شي مآ يزوجونج أي وآحد



موفقه :eh_s(22):

 

[متواضعة]

الله يسر امورج

بالعكس اذا ياج النصيب الزين ليش ماتتزوجين النصيب الزين ما ايي كل مره


في كل الامور استخيري رب العباد ولجئي له وتوكلي عليه وبصير لج كل الخير

 

[لهفه لقاء]

الله يسهل امرتس
الحمدلله كل شي خيره
و الله يرزقتس باللي احسن مننه
انا اشوف عادي اذا جاتس الرجال المناسب استخيري و وافققي
و اهم شي تسالون عننه زين

 

[لهفه لقاء]

الله يسهل امرتس
الحمدلله كل شي خيره
و الله يرزقتس باللي احسن مننه
انا اشوف عادي اذا جاتس الرجال المناسب استخيري و وافققي
و اهم شي تسالون عننه زين

 

[هيبة ملك]

حمدلله انج صغيره الف من يتمناجالله يعوضج خير

 

[عاشقة هواك]

يمعودة زين تطلقتي منه وقولي الحمد الله زين ما صار عيال بينكم

 

[قلب طفـــله]

حسبي الله عليهم يعني ولدهم شاذ وموريال يروحون يخطبون له ليش يعني بيعقل ؟

وانتو جان سألتو عليه عدل قبل ماتوافقون

يالله قسمه ونصيب الله يرزقج باللي احسن منه

اذا ياج احد لاتخافون سألو بعدين وافقو

الله يوفقج

 

[Royof]

حبيبتي

الله يعوضج وحبيت اقولج اغلب الكويت مطلقات عادي لاهو عيب ولاهو حرام .. كملي دراستج ولاجاج الزوج المناسب تزوجي لا تحكمين على حياتج والزواج من تجربه فاشله واجد تطلقو وثاني زواج نجحو وجابو عيال وماعليهم الحمدالله

اهم شي استغفري ربج كل ماضاقت عليج والله راح تنفرج لج شلون ما تدرين من الله سبحانه

الله يستر عليج ويسخر لج اهلج

 

[مآيكبرني نك]

ديوث وشآذ وللحين زعلانه عليه ؟

قسم بالله ارؤح اصلي صلاه شكر ان ماراح من عمري آكثر مع جي انسآن

الله يعؤضج خير ♡