حبيبتي الله يعينجبس من خلال كلامج عن زوجج اتضح انه يهتم باعياله
وقلتي باول الموضوع يطلعكم مرتين بالاسبوع
حبيبتي انا اخر مرة طلعني قبل اربع شهور عادي عندي
بالنسبة لي في امور اهممم
وبعدين الحين منو بالله من الرياييل مجابل بيته
كللهم يجون تالي الليل
تدرين شنو مشكلتج الفراااغ لانج لو موظفة ماراح يكون عندج وقت
اتفكرين
وبعدين انتي حاطته شي اساسي
شوفي نفسج داريها نمي هواياتج
توظفي راح اتغير امورج حيل
ودام الريال مايشوفج الا تالي الليل لا اتنكدين عليه
اعرف حريم صابرات علا ضييييم
طلعة ماطلعة هاذي امور كمالية مو اساسية
حبيبتي كلامج صحيح بس اقولج..
هواياتي ومواهبي تلزمني احتياجات لها شلون اسويها واهو اللي لازم ايوديني واييبني حتى الجمعيه لااااااااااازم اهو ماقدر اروح مع احد ثاني واهو مو وايد حريص قضيت وقتي بشيء مفيد او لا المهم عنده يطلع وبس لو ناقصنا الف شغله ايقول باجر وعقب باجر واللي عقبه.
الشقه اللي احنا فيها ضيجه والجهال يبون يلعبون ماكو مكان وانا ماقدر اطلعهم لازم وجوده تخيلي الوضع جهال وضيج وماكو حياه اجتماعيه ويا اهله نظامهم ماكو زوارات منتظمه واهلي بعيد عني اذا مافضئ ايوديني اقعد شسوي ..
خل اقولكم شغله ثانيه التلفزيون مخترب من ثلاث سنوات ماجاب احد ايسويه كلا بعدين بعدين يعدين دار الجهال ابي اسويلهم مكان سنع عشان تتوسع لهم الدار وايطووووووف وكلا بعدين
سخان الحمام تكرمون من دشينا الشقه واهو مايشتغل وماعنده وقت ايسويه الحمام والمغسله اتخر الماي من تحت والسيفونات ماتشتغل و ومع ذالك كلا بعدين اقوله انزين انا انادي العمال وايسوونها بوجود الخدامه وجارتي والجهال مايرضى للعلم الشقه ملك ابوه واهو الله يجزاه خير معطينا اياها بدون اجار ولاشيء قال ليما يطلع بيتكم الشقه لكم سوو فيها اللي تبون..
مع ذالك اقوله خل نستغل البلكونه انرتبها وانحط فيها العاب عشان الجهال هم بعدين وايروح والوقت وماسوينا شيء اي شيء ابيه مايتنفذ الا بعد جم سنه او ماينتنفذ ابدا واهو ضايع وقته ع الفاضي ..
صعبه تكونين انسانه نشيطه وطموحه وحياتج مرتبط بانسان ماعنده ذرة طموح او تنظيم
