تطبيقي لغسول anl بقصب السكر ، عجيب :)

[ام حمزة وأسوم]

اي وانا طبقته صار عندي برضو كمية كبيرة بس لونه مثل انوووله

بجد روووعه ينظف وينشف اللي بشرتها دهنيه يناسبها جددددا

 

[تبيني آرضى عليك]

آآآآآآآآب

 

[انصاريه قمره]

بالعافيه عليج حبيبتي



أنا سمعت انه انل تركت المنتدى وراحت الآنستغرام منو تعرف اكاونتها

 

[خلطات المذهله]

عليج بالعافيه انا ماشفت هالموضوع للاسف مواضيعها انمسحت

 

[ضــمــاد]

حذفة مواضيعها + سكرت حسابها بالانستغرام

 

[ABEER FLOWER]

تتهنين بالنتايج الحلوة إن شاء الله

: )

 

[$الاميررة$]

ماشالله عليج بالعافيه

 

[دلوعة بطبعي]

حبيبتي اكتبي لنا المكونات رجاءا

 

[memao]

موفقة يارب​

 

[^^Rq8^^]

نبي المكونات

 

[ببي جونسون]

قوووه يا حلوووين شلونكم ان شاءالله بخير

بدش بالموضوع سيدا




موضوعنا اليوم عن غسول يومي للوجه بمكونات طبيعيه

تعالج البشره وتغذيها


هالغسول يناسب كل البشرات بما فيها الحساسه

من مكوناته :


1- سكر القصب الخام ( cane sugar )

شاريته من جمعية مشرف ومره من جمعية الروضه

( ترا اهوا يااااابس مثل الصخر او ماتبطلينه

من جيسه حطيه بعلبه ومعاه قطعه توست وسكري

العلبه وخليها طول الليل ومن باجر الصبح

فتحيها وضغطي عالسكر راح يتفتف ويصير ناعم مثل

الصوره )

يعتبر اهوا المصدر الطبيعي لحمض الجيلكوليك وهالحمض غني

عن التعريف بذكرلكم بعض فوايده :


- تقشير سطح البشره

- يعطي نضاره للبشره

- يفتح البشره

- يصغر المسامات

- يشد البشره ويقلل الخطوط والتجاعيد

- يعالج حب الشباب





2- العرقسوس

تكلمت عنه بموضوع سابق وحبيته وايد ومن فوايده :



- تفتيح البشره

- مهدئ طبيعي للبشره

- يعالج حب الشباب





3- الترمس

كلكم تعرفونه وتحبونه وتستعملونه بماسكاتكم

من فوايده :



- يفتح البشره

- ينعم البشره

- مهدئ طبيعي للبشره




4- العسل


معروف طبعا كغذاء وشفاء للجسم داخليا وخارجيا

ومن فوايده للبشره :


- نضاره

- تغذيه

- ترطيب

- يعالج حب الشباب




5- الجاي الابيض

الجاي الابيض احسن بوااايد من الجاي الاخضر او بمعنى

اخر يعتبر اقوى منه ليش لان الجاي الابيض يقطفون اوراقه

واهوا توه ماستوا فتكون مضادات الاكسده فيه اقوى من

الاخضر


من فوايده :



- يعطي نضاره للبشره بفضل مضادات الاكسده

- يحارب التجاعيد

- ينعم البشره






6- الصابون الاسود الافريقي

كلكم تعرفونه و Grass فديتها ماقصرت وفرته لنا

من فوايده :


- يعالج حب الشباب واثاره

- يعالج الطفح الجلدي ويهدي تهيج البشره

- منظف فعال للوجه

- يشد البشره ويحارب التجاعيد









الحين نبلش بطريقة عمل الغسول :


1- تاخذين 3 م.ك من ( بودرة الترمس ) وتصبين عليه كوب

ماي دافي وتخلينه ينقع

2- تاخذين 3 م.ك من بودرة العرقسوس و 3 جياس من الجاي

الابيض وتنقعينهم مع بعض بكوب ماي دافي


( التنقيع نص يوم )


3 - تبشرين الصابونه وتضيفين عليها نص صابونه من

اختيارج انا ضفت صابونة الحليب يوكو المدوره

4 - تشخلين منقوع الترمس والعرقسوس والجاي بقماش

وتصبينه على الصابون المبشور

طبعا الاكواب اللي قست فيهم بالاول كانو اصغر عشان جذي

بالصوره صار الماي ناقص ولا اهوا نفسه مقدار كوب



5- تخلين الصابون ينقع لمدة ساعه او نص ساعه تالي حطيه

بالخلاط و ضيفي 3 م.ك سكر القصب و 2 م.ك عسل و

كبسولتين فيتامين E

6 - شغلي الخلاط شوي لين تشوفين كل شي اختلط فبعضه بعدين

راح يطلعلج القوام كريمي عبيه بعلبه من عندج

استعملوه مرتين باليوم اول ماتقعدون الصبح

وقبل النوم وراح تشوفون نتيجه باول اسبوع من

الاستخدام ومن اول استخداااااام راح تشوفين فرق



راح تشوفون نعومه ونضاره وتفتيح ونظاااافه و

بشره متوحده ومنوره



على ضمانتي :rerrerek:



عاد جربوا عاد :eh_s(2):


واللي بشرتها جافه حيل وخايفه تنشف تضيف ملعقتين

زيت الجلسرين



وسلامتكم وتعيشون




اسفه بنات اذا شرحي مو واضح او الموضوع مو مرتب

واي سؤال من عيوني




ولا تنسون تسوونلي فولو بالانستغرام توني

يديده قاعده احط لكم شغلات حلوه





وموضوعي الياي باذن الله راح يكون عن خلطه حق الرموش

بدون خروع صنع ايديا مع عنايتي بعيوني

الى اللقاء

 

[كزبلانكا]

شنو قصدج بالتوست ؟؟ تقصدين سليس الخبز المربع ؟؟

بصراحه ما فهمت ؟؟

 

[كزبلانكا]

واستفسار ثاني نسيت اكتبه

لما العضوة انل الله يوفقها وين ما كانت كتبت عن غسولها .. انا صورته ع البي بي .. طبعا كتبته ف موضوع من المواضيع من غير المقادير ..

كتب مكونات غسولها ... صابون افريقي / سكر القصب / عسل طبيعي / ماي العرقسوس / ماي الترمس .. وبس

مايابت طاري فيتامين اي ولا الجاي الابيض .. ولا مقدار نص صابونه اضافيه من اختيارنا ..

يعنى انتى ضفيتها على المكونات من عندج ... ولا بالاساس هاي مكونات غسول انل ..:eh_s(10):

وبالنسبه للترمس ،، الترمس نوع واحد ولا فيه منه نوعين يعني ترمس مر وترمس عادي ..<<<< مادري جنه السوال غبي شوي ؟؟؟

وسلامتج :eh_s(17):

 

[كزبلانكا]

:eh_s(10):

 

[sverige]

شنو اخبار النتائج؟؟

 

[كزبلانكا]

ليش محد رد على استفساراتي :eh_s(16):

 

[عازفة الآلام]

يسلمووووو يالغلا

وان شاء الله اجربه

 

[#تولين#]

أنا جربتها كثييير حلوه

 

[تبيني آرضى عليك]

آآآآآآآآآآآآآآب

 

[زينــــي طبيعــــي]

شنوً عنايتها بالعيون ،، صج نبيها