تطبخين حق حموله

[كيوت_25]

ما شاء الله عليكم سنع و منع

 

[^زفاف^]

الله يعينج حبيبتي كله بميزان حسناتج انشالله

اب لعيونج

 

[درة أهل الطولات]

اله يعين

 

[غنوة ستايل]

الله يكوون بعونج انا 20 يوم اطبخ .. حق عائله ( اخواني ) وتعبت انهد حيلي ..
بس والله ما كنت انوع العيش والمرق والدجاج او اللحم او السمج .. وبس .. يا دوب اقدر اكمل
لاني اطبخ ببيتي واشيل اكلي وارووح عند اخواني

 

[الفرحه السجينه]

الله يعينكم عالطباخ وهالسنه الجو ما يساعد اشوا ان خالتي ما تخليني ادش المطبخ الله يبارك بالخدامه طباخه وتعرف كل شي وانا اسوي جم طبق وانزل فيه بس مو ملزومه اطبخ للقبيله كلها لووول

تدرون شنو اللي يغث الخاله اللي تغصب جنتها تطبخ برمضان علبو ان ما ناكل اكل خدامة واهم طول السنه ياكلون من الخدامه لا وبناتها ما يرضون يدشون المطبخ عند حمولتهم بس يتسلطون عالجنه المسكينه

ترى شايفتهم بعيني

 

[الفرحه السجينه]

اختي الجمال عنواني


انتي علمي الخدامه ودخليها المطبخ وياج خليها تقص البصل والطماط والشغلات الرئيسيه وهم مرق التشريب خليها تسويه شنو المشكله و الكبب والسمبوسه وهالسوالف اهي تقليهم والشوربه اهي تسويها

انتي خليج بالشي الاساسي وترى الرياجيل حدهم عيش ومعكرونه وتشريب لا تذبحين عمرج والله احنا نسوي نبدع وما يجيسون الصحن ...

الحلو سويه بالليل


وترى الناس اخرتها ما يدرون عنج لا تعبتي وماراح يقولون ماشاءالله عليها بسرعه ينسون ولا جنج طبختي وكرفتي بعز الصيام ...خففي على روحج وسوي المعقول

 

[الحلآآآ]

رفــع ,,

 

[m.a.m154]

احنا مو كل يوم على وحده لا كل وحده تسوي لها جم طبق ونتجمع عالفطور حتى وقت جمعه حمواتي كل وحده تكون منهم تكون مسويه اطباق جذي احسن من كل يوم تشيله وحده

 

[ايسامي]

انا توي مبتداه بالطبخ

والله ماخذه هم الطبخ مااعرف اطبخ والحين لازم لي يوم تخيلوا

انا عند اهلي بالسعوديه وما ودي ارجع بيتي بالامارات من هالموضوع

بنات تكفووووووووووووون خففوا علي والله صار هم عالقلب

نسيت مااقولكم ان اهل زوجي كثااااااااااااااااااااار وانا اصلا توي متزوجه

 

[عهود الحب]

الله لايحرمج الاجر يارب
فكرة الصحون البلاستيك حلوة وتساعد بتخفيف التعب
تعلمي اطباق قابلة للتخزين قبل وقت يعني تتثلج
انا احب الحلو اسويه قبل بيوم
الحلو البارد يساعد
الشوربة سويها من اول النهار وارفعيها لي وقت العصر سخنيها

المرقة بعد تقدرين تسوينها قبل وقت مع الشوربة


اذا سويتي حلو بارد + شوربة + تشريبة + سمبوسك + كبب + لقيمات
خلاص شيبون بعد ؟؟؟


احلى شي التنويع باالاطباق ترى العين تشبع قبل الفم


والحلويات تفنني فيها حاولي تاخذين حلا طبقات بسكوت وكيك من المنتدى ترى تشوق
وبعد تقدرين تسوين محلبية او كريم كراميل وينحط عالفطور هم سهل وسريع وتقدرين تسوينه الصبح وتخلينه
يترس المكان عالسفرة وخفيف عالمعدة




في طرق سلطات سهلة مثل فتوش او سلطة تبولة ولاتحطين عليها الصلصة عشان ماتذبل
خليها خلط المكونات والصلصة حزة الحزة منها تخفف التعب وخفيفة على معدة الصايم ويحبونها الرجال عالفطور



اذا مضايقج الوضع ترى في خدامات طباخات يطبخون باليومية تقدرين تسألين وتدورين عنهم
يشتغلون معاج ويخففون عنج التعب
الله يوفقج ولايحرمج اجر تعبج

 

[الجمال عنواني]

فوق فوق حي حي خواتي علي ها المشاركه

 

[فلونة احلى وردة]

اختي الجمال عنواني


انتي علمي الخدامه ودخليها المطبخ وياج خليها تقص البصل والطماط والشغلات الرئيسيه وهم مرق التشريب خليها تسويه شنو المشكله و الكبب والسمبوسه وهالسوالف اهي تقليهم والشوربه اهي تسويها

انتي خليج بالشي الاساسي وترى الرياجيل حدهم عيش ومعكرونه وتشريب لا تذبحين عمرج والله احنا نسوي نبدع وما يجيسون الصحن ...

الحلو سويه بالليل


وترى الناس اخرتها ما يدرون عنج لا تعبتي وماراح يقولون ماشاءالله عليها بسرعه ينسون ولا جنج طبختي وكرفتي بعز الصيام ...خففي على روحج وسوي المعقول

فعلا للرياييل اهم الشئ الطبق الرئيسي سواء العيش واللحم او السمج او المجبوس ضبطي واشتهي تطبخينة بنفس
والباجي خرابيط ينسونة والحلو سوية بالليل بقلاات بلاستيك تنقط
ولما تنجبين نجبي الرئيسي بمواعين عادية والمعكرونية والبلاليط والكبب كلها بصحون بلاستيك مالت المطاعم قولي اريح لخدامتي وكلها بدينا ر خلج قوية وثبتي على الراي اللي يريحج وفي الوان واشكال بالشويخ وبمركز سلطان والشفاف احلى وحلى بالجمعيات
واللقيمات حلوة وسويها بوقتها
انا انصحج بالمرق سوية من الصبح جنج تسوين غداكم مو فطور وقبل الفطور سخني وسوي اللقيمات والبلاليط
وابدي مبجر مو متاخرة بع الظهر لا من قبل الظهر خلها تقصلج وتنقع اللحم او الدياي
او سوي مشوي سهل بس مو حلو كثر المرق والمجبوس
او قلي زبيديات تكونين ناقعتهم بملح وكركم بس
ولا تبدعين وتفنتكين ما ينفع بتتعبين على الفاضي
انا اقترح عليج هالمائدة:
بالليل سوي الحلويات وبرديهم وسوي المرق للتشريب وسوي خلطة وحمسة المعكرونية مالت اللحم المفروم
يوم الفطور اللي دورج الصبح خلي الخدامة تطلع اللحم او الدياي وتنقعة بالليمون.... وطبخية قبل الظهر وسوي المعكرونية
العصر بي لقيماتج وسوي بلاليطج وسلطتج وشوربة بسيطة
يعني
طبق رئيسي ومعكرونية وبلاليط وتشريب ولقيمات او قطايف وشوربة وسلامتج من التعب
وفعلا الناس تنسى بس ركزي على الطبق الرئيسي وحلاة اللحم او الدياي وريحتة وراح يذكرون على الاقل انج تعرفين تطبخين وبيشتهون اكلج والعيش نثري حلو من العيش الطيب ​

 

[Miss moooooon]

انا موساكنه مع حمولتي بس انا عادتي اذا بفطر عندهم اسوي كم طبق واخذه معاي

 

[كويتية ذهب]

رررررررررفع