تصلب الأعصاب المتعدد multiple sclerosis

[*صَبا*]

اخت صبا جزاج الله خير ابي اسأل انت بعد الكورتيزون ايصير معاج صداع قوي لأن بنتي بعد ما اخذته ايصير معاها صداع تبجي حيل منه كل يوم ي
جيها الصداع اذا حاشج بعد كم يوم استمر معاج

اختي للامانه انا مااخذ الكورتيزون بسبب الام اس

انا مره بحياتي بس خذت جرعه كبيره بسبب الحساسية الموجوده عندي

عندي حساسية فالجهاز التنفسي فخذت جرعه وحده

ووايد تعبت
اول شي جسمي وايد عورني
كنت اصدع و طول اليوم دايخه وكأني مب بهالعالم لمدة اسبوعين وبعدين تحسنت


بما ان بنتج تاخذ جرعات كبيره اكيد التأثير بيكون اقوى لكن اختي فترة وبيروح هالشي وصحتها بعدين بتكون احسن بإذن الله

بس يفضل تراجع دكتور الاعصاب وتقوله عن الصداع
يمكن عندها صداع نصفي

 

[noorq8]

ماتشوفون شر .
بنات اليوم ضاق خلللللللقي قاعده أسولف مع صديقتي وهي بسيطه وعلى نياتها تقول لي ان ولدها طاح عليهم بالمدرسه فجأه يقول ماأشوف وتالي ماشالته ريوله وأغمى عليه وماقدروا يصحونه ,فخذته أمه المهم بالموضوع ان هالشي 5 مرات صاير له من قبل على فترات متباعده والأم ماخذت ببالها فكنت أكلمها وأنا بره قلت لها دشي عالنت على ms وهي تكلمني وتقرأ تالي قامت تصيح لقت كل الأعراض تنطبق على ولدها فأبي أساعدها وين تبتدي تفحص بأي مستشفى وعند أي دكتور ولدها بأولى ابتدائي ,هل ممكن يكون مرض ثاني أعرضه تشابه الms؟

 

[*صَبا*]

ماتشوفون شر .
بنات اليوم ضاق خلللللللقي قاعده أسولف مع صديقتي وهي بسيطه وعلى نياتها تقول لي ان ولدها طاح عليهم بالمدرسه فجأه يقول ماأشوف وتالي ماشالته ريوله وأغمى عليه وماقدروا يصحونه ,فخذته أمه المهم بالموضوع ان هالشي 5 مرات صاير له من قبل على فترات متباعده والأم ماخذت ببالها فكنت أكلمها وأنا بره قلت لها دشي عالنت على ms وهي تكلمني وتقرأ تالي قامت تصيح لقت كل الأعراض تنطبق على ولدها فأبي أساعدها وين تبتدي تفحص بأي مستشفى وعند أي دكتور ولدها بأولى ابتدائي ,هل ممكن يكون مرض ثاني أعرضه تشابه الms؟

اولى ابتدائي !!

هذا مب ام اس

لان الام اس يصيب الشباب من مرحلة البلوغ لين سن 45

بالنسبه لهالطفل

اول شي تسوي له رميم مغناطيسي او اشغه مقطعية للراس

يمكن يكون فيه كيس ماي او اي شي ثاني بالاعصاب

اما الام اس ماعمره صار فالاطفال

اتمنى انها ماتهمل الموضوع ولاتوديه لأي مستشفى

انا حاطه عن دكتور طارق سنان عندكم

رجعي الصفحات اللي قبل وشوفي هو بأي مستشفى

 

[noorq8]

اولى ابتدائي !!

هذا مب ام اس

لان الام اس يصيب الشباب من مرحلة البلوغ لين سن 45

بالنسبه لهالطفل

اول شي تسوي له رميم مغناطيسي او اشغه مقطعية للراس

يمكن يكون فيه كيس ماي او اي شي ثاني بالاعصاب

اما الام اس ماعمره صار فالاطفال

اتمنى انها ماتهمل الموضوع ولاتوديه لأي مستشفى

انا حاطه عن دكتور طارق سنان عندكم

رجعي الصفحات اللي قبل وشوفي هو بأي مستشفى

جزاكي الل خير .
والله لوماموضوعج ماكنت عرفت ان طارق سنان مختص بهالموضوع وهي الحين عنده الله يجزاه خير رضى يقابلها بدون موعد وتعاطف مع الحاله وناطرتها تطلع من عنده عشان تعلمني اشقال لها ,الله يشافيج ويعافيج وأكرر شكري ودعائي .

 

[noorq8]

توها كلمتني د.طارق فحصه وقال خل يسوي الرنين ورشح لها دكتور متخصص بالرازي وقال مثل كلامج ان هالمرض مايصيب الأطفال وان في أكثر من احتمال لأمراض ثانيه ,الله يشافي كل مريض ويمتعنا بالصحه والعافيه.

 

[*صَبا*]

جزاكي الله خير .
والله لوماموضوعج ماكنت عرفت ان طارق سنان مختص بهالموضوع وهي الحين عنده الله يجزاه خير رضى يقابلها بدون موعد وتعاطف مع الحاله وناطرتها تطلع من عنده عشان تعلمني اشقال لها ,الله يشافيج ويعافيج وأكرر شكري ودعائي .

وياج يالغاليه
الدكتور طارق مره حضر مؤتمر بالدوحه
وكان ودي اجي له الكويت بس الظروف ماسمحت
ومعروف ان هالدكتور اوكي
حتى يسوي فحوصات للخليجيين بلاش في ايام محدده
جزاه الله خير متعاطف مع المرضى

توها كلمتني د.طارق فحصه وقال خل يسوي الرنين ورشح لها دكتور متخصص بالرازي وقال مثل كلامج ان هالمرض مايصيب الأطفال وان في أكثر من احتمال لأمراض ثانيه ,الله يشافي كل مريض ويمتعنا بالصحه والعافيه.

ان شاء الله مايكون فيه شي خطير

قد يكون مجرد نقص في الفيتامينات وبالتحديد فيتامين ب12

هي تسوي له الرنين وبعض التحاليل

اسأل الله العظيم رب العرش العظيم ان يشفيه ويبعد السوء عنه