تصدق قد ما حنيت اشوفك في زوايه البيت .. روايه بقلم قلب^الوله

[كويتية و النعم]

ناطريينج

 

[sweet.sanfoora]

ويييييييييييييييييييييييتنغ

 

[كويتية و النعم]

وييينج حبيبتي؟ !
ناطرييين

 

[UNiQe^PRiNceSs]

ناطرييين:d

​

 

[رفيف الورد]

تسلمين حبيبتي الوله الغاليه عالروايه الرائعه يا قلبي ويا رب يخلي لج ما بين عينج وقلبج ويحقق لج كل اللي يتمناه قلبج عاجلا غير آجلا آمين يا رب العالمين

يا رب بو نور يوافق على أحمد ولا يعرقل حياتهم المستقبليه

 

[ابتسم لدنياك]

مشكوووورهـ بعد عمري ما قصرتي

عفيه حاولي تكملينها اذا قدرتي

وتحياتي لج

 

[قلب^الوله]

اسفه حبايبي على التأخيير بس مخي كان واقف لوول

الحين ينزل البارت العاشر :***

وتسلموون كلكم

 

[قلب^الوله]

البارت العــاشر ,,


ابو عبدالرحمن : ام عبدالرحمن وينج تعالي
ام عبدالرحمن : هلا والله كاني امر شبغييت
ابو عبدالرحمن : ترى اللى خطبوا نور ما يناسبونه اذا دقوا عليج قوليلهم ماحصل نصيب
ام عبدالرحمن : ليش يا فهد شفيهم
ابو عبدالرحمن : مافيهم شي بس مايناسبون عيالتنا وخلاص
ام عبدالرحمن : على امرك ماراح ابطل الموضوع مع نور
ابو عبدالرحمن : زين تسوين والله يعطيها نصيب احسن ان شاء الله



عند فرح ونور وهبه

فرح قالت حق هبه انها موافقه وانه امها بتردلهم خبر

هبه : مبرووووووك يا عرووس
فرح : الله يبارك فيج
نور : قولولولوولوش عقبالي
هبه وفرح : ههههههههههه
هبه تكلم فرح : الحين لازم تركزين معاي
فرح : شنوو
هبه : اول شي لما يحددون وقت خطبه الحريم
راح اسويلج برنامج قبلها بيومين
فرح ( مبققه عيونها ) : يعني شنو
هبه : يعني راح احجزلج صالوون تسوين حمام مغربي وشيره وبعدها نروح انبار تسوين اظافرج وقبل هذا كله نروح نفتر بالسوق ندورلج نفنوفين واحد يكون قصير ومعاه كعب عشان اذا يت ام المعرس
واحد يكون طويل وراهي وذرب عشان اذا ياه المعرس
فرح : ليش كل هذا
هبه : لانها خطبتج
نور : اي صح لازم ترى تسوين جذي
فرح : بس مااذكر روان سوت جذي
هبه : امبلا سوت نفس ماقلتلج بس يمكن ماحسيتي راحت الصالون
نور : اي اكيد بتسوي جذي لا وبعد لازم قبل وقت الخطبه انييب اللى تسوي الشعر البيت عشان تسويلج
فرح : امبيييي امبي سوى اللى تبوونه بس غيروا الموضوع

وقعدواا يسوولفوون
وسرحت نور بفارس احلامها وتمنت انه تخلص فرح بسرعه عشان ايي دورا


بعد اسبوع صارت الخطبه ومثل ماخخطولها البنات صار كل شي اوك وفرح حست بارتياح حق ريلها
وقرروا انه الملجه والعرس بنفس اليوم بعد شهرين
وقالوا حق روان عشان تكون موجوده وبدت انواع التجهيز من نفنايف البنات لي نفنوف العروس وتجهيزها وكل شي

بهالوقت نور كلمت احمد وقالتله انه ملجة فرح بعد شهرين اهوا قالها انه اهله ماكلموا اهلها عشان مايبيها تتضايق انهم رفضووه لين يخلص العرس ويقولها كل شي
واقترح عليها انه لما يخلص العرس اهله يدقون وعشان مايصير شي واهيا واثقه فيه وماترفضله طلب

قبل العرس بأسبووع

هبه : فرح حبيبتي كلمت الديجي والمصوره ماعليج كل شي صار اوك
فرح : الله يطمنج انزين والصالون بأكد الحجز
نور : انا باجر بروحلهم وبشوف كل شي
كانوا نور وهبه متفقين انهم يشولون كل شي عن فرح لانه يعرفونها ماتستحمل التعب فأهما اللى ينظمون وقتها ويسون كل شي

فرح : ايييي نسييييييت وين عبدالرحمن
نور : مادري
فرح : امانه دقي عليه ابيه يوديني اشوف القاعه دام انه الحين الظهر ومافيها احد
نور كلمت عبدالرحمن وقالتله
وراحوا يشوفون القاعه وتدربت فرح على الزفه وكل شي كان اوك
واهما بالطريج
فرح : وينج يا رواان ويينج
عبدالرحمن : وي احنا مو تارسين عينج
فرح : امبلا بس احس وايد اشياء ناقصتني
عبدالرحمن : عيل عندي لج مفاجأه
فرح : شنوووووو
عبدالرحمن الساعه 6ونص بليل توصل روان وميس ووليد
فرح : احللللللللف الله يبشرلك بالخير

وطبعا كالعاده اول اللى رايحين حق المطاار اهيا هبه بس نور هالمره ماراحت وفرح ماتبي زحمه
ولما وصلت روان وميس الكل فرح وقررت روان الاسبوع اللى بتقعد فيه بالكويت بتقعد بدارها في بيت ابوها عشان ماتبي تحتك في دانه وبنفس الوقت تبي تكون يم فرح وتوجها
يوم وصلوا بيت بو عبدالرحمن الكل رحب فيهم
فرح : روااااااااان صرخت وراحت لمتها
روان : العرووس ليش تبجي يابعد قلبي شفيج
نوور : شوية دلع بس وسلمت على روان
ولا تسألوني عن هبه لانها اكيد قاعده عند ميس
روان تكلم نور : في 3 جناط بالسياره خلي الخدامه توديهم غرفتي وفي جنطه هاند باق مالت وليد خليها
فرح : بتقعدين عندنا
روان : ايي ماتيني يعني
فرح : امبلا اكيد ابييج
عبدالرحمن واهوا نازل من الدرج : ياهلا باللى عوود على الزعل ماتعود
روان : حمنيييييييييييييييييي
عبدالرحمن : يارووح حمني
روان لمت حمني لانه اقرب واحد لها
عبدالرحمن : رواان ياني محتاجج بس الدنيا حدتني على هبو
هبه : وشفيها هبوو سوت كل اللى تبيه
روان : شسالفه
هبه : والله سألي الحبيب اللى يمج
عبدالرحمن : اجلوو الموضوع لي ورا العرس
روان : انا ثاني يوم ورا العرس راده لندن
هبه : شنووووووووووووووووووووووو
فرح : مو من صجج
عبدالرحمن : ليش
روان : بسم الله كليتوني انا يايه احضر العرس وبس
عبدالرحمن عيل بقولج قبل العرس
روان : فرووح ماكوو وقت يالله تعالي داري
عبدالرحمن : شنو مافي وقت على شنو
روان : بروح اوريها صوغتها
عبدالرحمن وهبه : واحناااااااا
روان : ههههههههههه ماكوو يلا فروح تعالي
وراحت روان مع فرح وفاجأتها بجنطة سفر فيها كل شي بداية من الجواتي لي الملافع
فرح استانست وايد : امبيييييي ليش كلفتي على نفسج
روان : ماكلفت ولا شي هذي هديتج وصلتج وان شاء الله تكون عاجبتج
فرح : اتييييييييننن

وطول الاسبوع اللى مر روان تنصح فرح بكل شي تسويه ونصايحها فرح تحفظهم وراح تنفذهم
ولين قبل العرس بيوم واهما يجهزون معاها وكانوا حييل مشغولين

قبل العرس
ام عبدالرحمن : ها حبيبتي مستعده
فرح : الحمدلله اي والله يما حيل مستعده وماراح انسى وقفت خواتي معاي وحتي انتي ماقصرتوا كلكم معاي
ام عبدالرحمن : انتي بنتا اكييد ماراح نقصر يلا اقرى قران وروحي ارتاحي
فرح : اوك يما يلا انا بصعد داري
عبدالرحمن : هي هي هي لحظه
فرح : هههههه شفيك حمني
عبدالرحمن : بسلم عليج يمكن مااشوفج باجر
فرح : شنو منو بيوديني من البيت لين القاعه
عبدالرحمن : ايي صح ذكرت
فرح : لا وبعد ازيدك من الشعر بيت بتنزل تصور معاي
عبدالرحمن : هههههههه ماتبين توقيعي بعد
فرح : ههههه اقول عن اذنكم بروح ....

عبدالرحمن : حي الله الولده
ام عبدالرحمن : الله يحيك
عبدالرحمن : هلا بالحلوه هلا
ام عبدالرحمن : اخلص شتبي
عبدالرحمن : اطلبج ماترديني
ام عبدالرحمن : لا ماعاش اللى يرد ولدي
عبدالرحمن : ابي بطاقة عرس وحده حق عرس فرح
ام عبدالرحمن : حق منوو
عبدالرحمن : اقولج بعدين بس تعطيني !
ام عبدالرحمن : روح اخذ شوف بدراي في 3 بطاقات اخذهم كلهم اذا تبيهم كلهم اخذهم
عبدالرحمن باس راسها : الله يخليييييييج لنا قولي اميين

طبعا البطاقه حق هيا وخذا بطاقتين حقها وحق وحده من خواتها اتيي معاها
وركض على جناح البنات
عبدالرحمن : هبووون وروااااااان
هبه وروان : شفيييك
عبدالرحمن : تعالوااااا اجتمااع مغلق بدار روان
راحواا دار روان
عبدالرحمن قايل حق روان قبل جم يوم عن هيا واهيا وافقته وقالها كل اللى سواه
عبدالرحمن : هيا بتيي باجر العرس قلتلها وخذيت بطاقه من امي
روان : وشنو قلت حق امي
عبدالرحمن : قلتلها ابي بطاقه حق العرس
هبه : وحق منووو قلتلها
عبدالرحمن : قلتلها بعدين اقولج وطوفتها
هبه : عييل قولها اول ماتشوفني اتيني اهيا متحجبه ويمكن مااعرف شكلها بدون حجاب
عبدالرحمن : ولما اتييج تعرفينها على كل خواتي وكل اهلنا وتقولين اسمها وتقولين انها رفيجتج
هبه : هههههههههههههههه كليتني ان شاء الله
روان : الله يوفقك يا رب
عبدالرحمن اهوا طاير من الفرحه : امييييييييين

 

[♥ الــزيــن ♥]

مشكووره حبيبتي ع البارت الحلو

ناطرين البارت الياي

 

[قلب^الوله]

العفوو حبيبتي نااطره رد البناات الباجيين عشان اتشجع اكتب البارت ^_^

 

[رفيف الورد]

لالا أمبيه شنو هالأبو حطم قلب بنته بإيده حرام عليهم هالأهل يحطمون قلب اعيالهم بإيدهم والسبب إنهم ما يبون هالشخص لأن مو من مبدأنا ومو من مواخيذنا صار تفكيرهم حده يعرقل ويحطم القلوب وأنا من نظري اللي يبون يحبون بعض لازم كل واحد فيهم يسأل أهله عن الشخص اللي يبيه عن طريقه غير مباشره حتى يعرف المحبين قرارهم من بداية المشوار ولا إنهم يتعلقون ببعض بمده طويله وعقبها راح ينصدمون من مجداف حبهم بالغرق يا بعد عمري أحمد لا اتخلي كلمة أهل نور تعرقل حياتك وتحطم مستقبلك وربي يعوضك بالخير يا الغالي وأنا اللي أستغربه من أهل البنت يبدون رايهم بالموافقه أو الرفض بقرارهم نفسهم من غير ما ياخذون راي بنتهم والله أمرهم غريب هالأهل وأنا اللي أعرفه إن البنت لازم تبدي رايها ومن حقها ولأن هذا حقها الشرعي وحتى لو الوالدين اعترضوا والبنت تبي الشخص المتقدم لها وما تبي تتخلى عنه لازم الأهل ياخذون لرايها مهما يكون ولا البنت عند بعض الأهل مع الأسف ما تكون حرية قرارها بالراي

هلي لا تحرموني منه
هلي لا تحرموني منه
هلي لا تبعدوني عنه
مثل ما هوه قطعه مني انا تراني قطعه منه
تحبه
اموت انا اذوب انا ادوخ انا والله وميت فيه
تحبه
وعقلي وقلبي وروحي يا علني ما ابكيه
هلي الله يسامحكم اذا ما كان عاجبكم
هلي تكفون طالبكم احس بشوفه الجنه
هلي تكفون خلوني معاه لا تلوموني
هلي ما اريد انا غيره و لا يغني احد عنه
حشى ما كنت له جاحد و لا حب من طرف واحد
شكيت لراشد الماجد سبايبكم هلي غنى
الله يعينج حبيبتي نور من الصدمه اللي راح اتييج من أهلج لرفضهم غاليج قمر قلبج أحمد تاج الطيب والغلا يا بعد عيون نور

ليش ليش ياناس الأهل نظرتهم ما تغيرت من ناحية قرارهم مع الأسف بعضهم مو الكل

تسلمين حبيبتي الوله عالبارتات وربي يحقق لج كل اللي يتمناه قلبج عاجلا غير آجلا آمين يا رب العالمين اللي منها تبكي ومنها تكون تحطيم مستقبل إنسان وبعده عن حبيبته والسبب ليش الغالي أحمد من مواخيذهم ويا بو نور حسبي الله عليك دام إنك حطمت قلب شاب كانت أمنيته بأن بنتك تكون من نصيبه بس إنتا يا بو نور ما تبي اللي يتقدمون لك مو من ثوبك يا بو نور ويا الغالي يا بو نور مو كل من شاف الغرور مرتاح بحياته والواحد ما يطالع اللي أعلى واللي أقل منه مستوى يعني بنظرك إنك يا بو نور تبي اللي نفس شخصيات أهلك اللي تبيه يتقدم لك وليش ما تبي الطيب القلب وما يكون من غير مواخيذك ودام أهوا ولد الديره خلاص وافق عليه ووخر من تفكيرك مباديء المواخيذ والمبدأ
بعد عمري أحمد عور قلبي حيييييييييييييل الله يعوضك باللي يتمناها قلبك ويحقق لك كل اللي يتمناه قلبك عاجلا غير آجلا آمين يا رب العالمين

 

[قلب^الوله]

رفييف الوورد

لا تتحسبيين على ابوو نور ترى الريال مايدري عن علاقتهم ونور مابينت حق امها ولا شي يعني مجرد شخص يااه وخطب

وان شاء الله اييها بدال احمد واحد ثاني << القصه خياليه خخ

ومشكووره على دعواتج الحلووه فدييتج :$

وان شاء الله نطري البارت الياي اليوم الفير

 

[UNiQe^PRiNceSs]

حراااام نوووور

ثانكس حبيبتي على البااارت

ناطريييينج​

 

[قلب^الوله]

اي والله حرام

ان شاء الله بينزل قريبا الجزء الياي :$

 

[رفيف الورد]

حبيبتي الوله أنا أقصد عن نظرية أبو نور إن فكرة مو مواخيذنا هالشخص يعني الأهل مع الأسف بعضهم لا زم يكون الشيء اللي ببالهم يكون من نفس مبدأنا ومستوانا وغيره من المباديء

 

[طماطه وبطاطه]

يلا حبيبتي ناطرين البااارت:>

 

[UNiQe^PRiNceSs]

waiting​

 

[قلب^الوله]

ان شاء الله اليوم بليل

كتبت نص بارت ووقف مخي

لوول

 

[UNiQe^PRiNceSs]

مو مشكله ناطريين ​

 

[أميرة العود]

ناطرينج