تصدق قد ما حنيت اشوفك في زوايه البيت .. روايه بقلم قلب^الوله

[قلب^الوله]

هـذي اول روايه بقلمي واتمني تعجبكم ويهمني رايكم وردودكم عشان تشجعوني اكمل

الـبارت الاول بين ايديكم ..



أحبــــــك حــب مــا اقــدر اعــاند فـيـه احســاسي

روان قـاعده تنوم بنتها وتبجـي
دشـت اختها عليها بالدار

فرح : شفيج رون حبيبتي هدي نفسج مايصير تسوين بروحج جذي
روان : فرح احبه بس مااقدر العيشه معااه مستحييله صارت ..
فرح : لازم تتحملين وتقاوميين عشان بنتج وبيتج .. ويمـكن يرضي يطلع في شقة بروحه وتردون حق بعض
روان : والله احب خالتي بس ماقدر اتعامل مع النزغه دانه تعبت منها

روان عمرها 25 متزوجه وليد ويحبون بعض وحياتهم سعيده بس من بعد طلاق اخته دانه وردتها بيت اهلها صارت حياة روان جحيم بجحيم من بلاوي دانه والمشاكل اللى بينهم شخصية روان وايد حلوه وطيبه وكشيخه وتحب الطلعات والروحات والسفر ووليد حيل معجب بشخصيتها لانه فيهم خصال تتشابه
وعندهم بنت اسمها ميس عمرها سنه

فرح عمرها 23 تدرس بكلية الشريعه .. دينه وحبوبه وكل من يعرفها يحبها وحتي عدوها يحتار فيها من طيبتها وتقدم كل شي حق الناس وتشغل وقت فراغها بالجمعيات الخيريه وحفظ القران واهيا الوحيده من خواتها متحجبه

في هاللحظات دشت عليهم اختهم نور ..

نور : هلووو شلوونكم
روان : تكفين هااج ميس روحي قعديها بدارج برتااح مالي خلق شي
نور : اوكي حبيبتي لا تشيلين هم اليوم كله بتقعد عندي
واطلعت وخلتهم ..

راحت نور دارها ورن تلفونها اول ماادخلت الدار

نور : هلا بالطش والرش
.. : --------
نور : اي عندي ميس قاعده العبها وبنومها
... : -----------
نور : لا استحي
.. : ----------
نور : اوك تيك كير انا بعد بدرس

اغلب مكالماات نور غريبه وهالشي سبب شك عند فرح بس ماتكلمت الا لما تتأكد

نور 21 سنه تدرس بالحقوق يومها كله جامعه ودراسه وماتطلع الا من ويين لي ويين ( الروايه راح تكشفلكم شخصيتها عدل )

تبـطل باب الجناح ..
هبـه : ( بصراخ ) ويينكم ويينكم عندي خبرررر بمليوون دينار
فرح : بسم الله شفيج خرعتينا
روان : شوي شوي لا تخترع بنتي لا تصرخين
هبه : امبي والله ماقصدت بعد عمري ميس اسفه روون
نور واهيا طالعه من الدار وبيدها ميس : ها انحلت قضية فلسطيين هههه ( نور طبعها فيها عبط شوي )
فرح : ان شاء الله تنحل والله يرزقنا صلاة فيه
روان : امين
هبه واهيا تاخذ ميس من ايد نور : ياشيينكم لما تغيروون الموضووع
نور : قولي موضووعج خبصتينا
هبه : تذكرون يوم دزيت ايميل حق ادارة معرض كويتي وافتخر وحطيت رقم تلفوني عشان اعرض مشروعي
روان : ايي
هبه : دقوا علي اليوم وقالولي تعالي عشان تحجزيين طااوله
نور : امبي وناسه الله يوفقج واحنا كلنا بنوقف معاج
هبه عمرها 19 انسانه طموحه طالعه على ابوها تحب المشاريع وايد واهيا سنه اولى بجامعة الكويت كلية العلوم الاداريه وودها بتخصص تسويق .. وحياتها وقلبها ودنيتها ميس تموت عليها
عندها مشروع عباره عن اعادة تصنيع بعض الاشياء المستعمله
يعني مثلا اكواب قديمه وخربانه تعيد الرسم عليهم والزحرفه واذا شي مكسور تحاول تصلحه وترده حق صاحبه مقابل مبلغ من المال واهيا واعده فرح انه ربع الربح يروح حق جمعيه خيريه ..
نفس اليوم بليل العايله كلها متجمعه بالصاله
بوعبدالرحمن : رجل اعمال ناجح ومعروف اهم شي بدنيته شغله وبيته والكل يمدح فيه رجل صالح ويخاف ربه
ام عبدالرحمن : انسانه طيبه حيل تحب بناتها وايد بس علاقتهم مو قويه مع بعض مرات تحس انها منكسره من الداخل لانها دايم بروحها وتخاف تتقرب منهم بس تسلي وقتها مع رفيجاتها
عبدالرحمن : 27 سنه يشتغل مع ابوه بالشركه مخلص ماجستير وادارة اعمال وانسان طموح وهادي وعلاقته بخواته اكثر من علاقة امه فيهم !
روان , فرح , نور , هبه ..
هبه : يبا في موضووع بقوولك ايااه
ابو عبدالرحمن : قولي بابا شفيج
هبه : يبا دقوا علي معرض كويتي وافتخر .. وقالولي نبيج تشاركيين بمشروعج معانا .. انا كنت دازتلهم ايميل وودي اروح اعرض مشروعي على الناس
بوعبدالرحمن : انا مااعندي ماانع والله يوفقج يارب واي فلوس تحتاجيينها انا حاضر
عبدالرحمن : اقـــعااد عدل عدل هبوو بتصير مشهوره طبعا انا اخووج حبيبج بوقف يمج وقت المعرض
روان : لا مااكو بنوقف بس بناات
نور : اي وحتي اموااج بنت عمي بتيي معاناا
عبدالرحمن : اي اقول حق فهوود ايي ونقعد مع بعض
هبه : وبعد ميس اتيي معانا لازم عشاان اقدر اشرح
ام عبدالرحمن : لا يمه خليها عندي اهني وايي اسير عليكم معاها ساعه اخاف عليها
هبه : لالا حساااااافه ابيها
روان : لا احسن خليها عند امي اهني لا تخترع بنتي
هبه : اووكي خلاص امري لله
واستمرت سوالفهم تقريبا ساعتين وضحك ويابوا ميس وقعدوا يلعبون معاها وطبعا هبه ماخلت مجال حق احد يمسكها بس من بعيد وكانت سهره حلوو عليهم ..

 

[قلب^الوله]

بـناات هذي اول روايه بقلمي وانا حطييتهم بيين ايديكم عشاان تقيموونها وان شاء الله اذا عجبتكم بكملها

 

[قلب^الوله]

المشاهداات 28 ولا رد

 

[yooyoo]

كملي حبيبتي سلوبج واااايد حلو

 

[عالمي مدهش]

يسلمو الروايه جنان
كملي ناطريننج

 

[قلب^الوله]

مشكورييين علي مروركم
والله رفعتووي معنويااتي :>

ان شاء الله بكــمل

 

[قلب^الوله]

الـبــارت الـثااني


يوم المعرض
المكان قاعة الرايه ... يوم الاربعا
الكل كان موجود عشان يدعمون هبه معنويا بالثلاث ايام اللى بتقدم فيهم المشروع بالمعرض ..

هبه كانت لابسه نفنوف ابيض لي تحت الركبه وفيه فيونكه ذهبيه ومسويه شعرها ويفي مع قذله قصـيره ولابسه كعب ذهبي وحاطه كحل وحمره ورديه اهيا بيضه والابيض محليها اكثر صايره تلفت نظر الكل ويوقفون يسمعونها

روان لابسه بنطرون اسود لي فوق الخصر وقميص ابيض فيه كشكش ومدخلته داخل البنطرون ورافعه شعرها عنقوص واهيا بشرتها مايله حق البرونز وحاطه مكياج خفيف

نور لابسه نفنوف لي نص ريلها لون جويتي معاه كعب نفس اللون وشعرها ستريت لين جتفها وحاطه حمره ورديه فاقعه

فرح لابسه عبايه فيها تطرييز وملفع نفس تطريز العبايه وكان شكلها وايد حلو حاطه كحل ومسكره

امواج بنت عمهم لابسه جينز ازرق وقميص كحي لي نص فخذها ومسويه شعرها سلك وكبه

طبعا عبدالرحمن وفهد لابسين شماغ احمر ودشداشه

كلهم واقفين يكلمون الناس ويشرحولهم الموضوع في هذي اللحظه

رن تلفون نور ودرت

نور : هلا والله
--- : _ _ _ _ _
نور : صج وينج
--- : _ _ _ _ _
نور : ليش
احمد : قلتلج مسحي الحمره فاقعه جيل وتلفت الانتباه شنو بعد ليش
نور : ان شاء الله حياج الله باي
احمد حبيب نور من سنتين ويغار عليها ويحبها حيل اهوا معاها بنفس الكليه بس اكبر منها بسنه
احمد كان واقف بالمعرض بعييد يطالع نور ويتمشي مع رفيجه بس كل تركيزه مع نور

نور سكرت التلفون من احمد وتضايقت حيل ومسحت حمرتها .. فرح حست فيها بس اسكتت عشان لا تخرب فرحة هبه

مر اول يوم عليهم وفي اقبال على المشرووع بس مو وايد

الــيـــوم الــثــاني يوم الخمـيس

كلهم كانوا بقمة اناقتهم حتي فرح لابسه عبايه تطيير العقل
بس روان كانت اخلاهم لابسه تنوره قصيره مع قميص بنفسجي فيه حركه صوب الصدر وكعب بنفسجي نفس درجة لون القميص ومسويه شعرها بالصالون ويفي كباار وصابغة اظافرها عنابي نفس لون حمرتها ..
بهاليوم صار شي ماتوقعته روان
فرح : شوفي منو يااه
روان : امبي ونزلت راسها ( كان وليد اهوا اللى ياي )
وليد : السلاام عليكم ها هبون شلون الاوضاع
كلهم : وعليكم السلام . هبوون : هلا والله كل شي ماش تماام عال العال
ولييد : والله كـفوو
عقب ماسلم على عبدالرحمن وفهد وعلى البنات وقرب صوب روان
وليد : ممكن اتيين معاي
روان : انا واعده هبه اقعد معاها
وليد : ربع ساعه بكلمج وامشي
روان : اوكي
راحت روان مع وليد بدون لا تقول حق احد ,, الكل انصدم بس فهد انقذ الموقف
فهد : ياجماعه شفيكم خلوهم علي راحتهم ان شاء الله يردون حق بعض ..
الكل : اميين
فهد : فرووح ادعيلها دعوتج مستجابه انتي
فرح : قول لا اله الا الله
الكل ضحكوا وكملوا شغلهم ..

 

[قلب^الوله]

Up up up

بناات حبطتوني 81 مشاهده ومحد رد

 

[وحيده وغريبه]

وايد حلوه حبيبتي يعطيج العافيه كملي بس بليز لاطولين علينا

 

[قلب^الوله]

ثااانكس على المرور ان شاء الله مااطول ينزل البارت اليووم بليل :>

 

[MeeMeeYoo_2]

ناطرييين
يعطيج العافيه

 

[قلب^الوله]

ان شاء الله ينزل بعد ساعتييييييين :>

 

[أم مرمر]

روووعه روووعه كملي حبي كملي
ناطرينج
والله اسلوبج يشوق وكلامج عسل

 

[قلب^الوله]

البارت الثالث


المكان : هاقنداز مجمع الرايه

وليد و روان قاعدين مجابلين بعض
وليد : ادري دانه حيل اذتج بس روان انا محتاجج
روان ساكته
وليد : ابوي وامي عصبو عليها و هددوها واهيا بتيج تتأسف لي بيتكم
روان : لا اتيي انا قلتلك ابي اطلع في بيت او شقه بروحي
وليد : روان حبيبتي ردي معاي واذا دانه سوت مشكله او ضايقتج مره ثانيه ذيك الساعه انا اللى بطلع ماراح انطرج تطلبين مني
روان : مادري وليد تعبت
وليد : مالي خاطر عندج بعدين في مفاجأه خاشلج اياها
روان : شنو قول
وليد : مااقول الا اذا وعدتيني تردين معاي
روان : اوعدك بس مو اليوم
وليد : متي عيل
روان : عقب باجر عشان يخلص المعرض واسوي اغراضي وايي
وليد : اوكي عيل ماكو مفاجأه الا عقب باجر امشي نروح المعرض قبل لا ننزف من هبوون
خذوا برد وردوا وقفوا معاهم بالمشروع والكل دروا انهم تصالحو وباركولهم وكانت روان حيل مستانسه واهيا تشوف وليد يمها واقف
وليد : رون رون
روان : هلا حبيبي
وليد : تصدقين انج احلا وحده موجوده بالمعرض كله .. امبي اخاف احسد نفسي عليج
روان ضحكت واستحت
عقب ساعه
يت ام عبدالرحمن المعرض ومعاها ميس اول مالمحت وليد معاهم افهمت الموضوع واستانست حيل وحمدت ربها
هبه : هلا يمه عطيني ميس نور المعرض كله والله
ام عبدالرحمن : هااج اخذيها ... سلمت علي الكل جان تقول حق وليد : وليد يما شلوونك
وليد : هلا خالتي انا بخيير انتي شلونج ..
وقبل لا ترد عليه لف علي هبه جان يقولها : اقول اختي جنه يقولون البنت اللي بيدج هذي بنتي
هبه : نعم بنت اختي
وليد : اقول عطيني اياها وجابلي مشروعج
كلهم ضحكوا
وليد خذا ميس وروان وتمشى بالمعرض معاهم كانت ميس تمشي خطوتين وتطيح كان شكلها يونس وكلمن يوقف يلعبها
احمد واقف يتابع الاحداث من بعيد ونور كل شوي تلتفت عليه وتبتسمله
هبه انشغلت مع الناس تحاجيهم عن المشروع
فرح وامواج يطالعون الناس وعبدالرحمن وفهد طلعوا من المعرض
والام هم استاذنت وراحت وخلت ميس عند امها وابوها
خلص المعرض ووليد عزم روان على العشا وميس ردت مع البنات حق البيت


شنوو المفااجأه ؟؟
وصج بتستانس فيها رواان والا لاء ؟
وشلون بتقابل رواان دانه اذا ردت بييتهم !!
وفي شي بيصيير حق عبدالرحمن بالبارت الياي شنو اهوا ؟؟

كل هذا في بارت باجر

 

[أم مرمر]

يلا عاد لا تطولين علينا
ننطرج قلب

 

[وحيده وغريبه]

يعطيج العافيه حبيبتي صراحه خوش قصه بس لاطولينها حطي البارتات اول باول طراره واتشرط

 

[توتا كويتيه]

خوووووووووووووش قصه ماقصرتي حبيبتي
بس بليز لا طولين علينا

 

[قلب^الوله]

ان شاء الله حبايبي بينحط البارت الفير

 

[قلب^الوله]

البارت الرابع

يوم السبت يوم ردة روان وميس بيتهم

هبه : مالي شغل كل يوم بطرش السايق اييب ميس عندي وتنام عندي بالويكند
روان : اوك اي وقت تعالي اخذيها

يرن تلفووون رواان (( احبك لييه انا ماادري ولييه اهوواك انا مدري ))
روان : الو هلا وليد
وليد : روون حياتي انا برا
روان : اوك بطرش الخدامه تطلع اغراضي وانا اسلم علي ابوي واطلع
وليد : اوك حبيبي ناطرج

وصلت روان بيتها واستقبلوها ام وابو وليد استقبال حار ودانه ما كانت موجوده بس ماسألت وينها تجاهلتها واصعدوا جناحهم
روان : يللاا قولي شنو المفاجأه
وليد : يعني يايه عشان المفاجأه مو عشاني ؟
روان : لا حبيبي بس فيني فضول
وليد : حبيبتي انتي تدرين انه ودي اكمل ماجستير برا وراسلت الجامعه اللى بلندن وقبلوني مبدئيا وسويتها لج مفاجأه وبنروح انا وياج وميس اول السنه الدراسيه اليديده
روان : بس وليد
وليد : لا بس ولا شي هذا حلمي تستكثرين علي احققه
روان : لا حبيبي اللى تشوفه بسوييه خلاص بنسافر والله يفكني من هبو لما تدري باخذ ميس



يوم الاحد الصبح الكل لاهي بالدواام

شركة ابو عبدالرحمن ال .... وبالتحديد مكتب عبدالرحمن .. يطق الباب

عبدالرحمن : تفضل
الموظفه : السلام عليكم
عبدالرحمن : وعليكم السلام لو سمحتي انسه هيا اذا مافي شي مهم خليه بعدين انا مشغول
هيا : اوكي باي
عبدالرحمن مات من الضحك بلحظتها وطلع تلفونه وقاعد يدق علي ..
عبدالرحمن : الوووو شفييج حبيي كنت اتغشمر
ها : لا كان من صجك
عبدالرحمن : لا هيونتي مو صج تعالي يلا ناطرج
هيا : اخاف تطردني
عبدالرحمن : افاااا ماعاش اللى يطردج والمكاان مكانج ياقلبي
وردت هيا حق عبدالرحمن المكتب
هيا حبيبة عبدالرحمن من سنه اول مااشتغلت تعرفت عليه وحبته واهوا بادلها نفس الشعور و لا يوم حس انها حبته عشان منصبه وفلوس ابوه لا كانت بنت نعمه وعندهم خير وشركاات بس حبت تشتغل بشركه غير شركتهم
وماتحب تشوفه متضايق وكانت تعامله جنه ياهل ويقولها كل اللى بقلبه كان يحسها كل شي بديته ويحبها حييييل ومايتخييل حياته بدونها وكانت علاقتهم سريه بينهم محد يدري فيها

شنوو ردة فعل هبه من موضوع السفر

وشنو راح يصير بين عبدالرحمن وهيا ؟؟

كل هذا بالباارت الياي

 

[so_what]

ناطرينج حبيبتي