تشوهات الحيوان المنوي

[صابرة الحمدلله]

السلام عليكم خواتي بالله

انا ريلي فيه تشوهات براس الحيوان المنوي بنسبه 50 بالميه وهذا بسبب عمليه الدوالي اللي سواها 2004

بس كان تحليله سليم بعد العمليه وقبل سنه حللنا ومافينا شي انا بس تكيس وخفيف ماياثر


المهم















ابي اقنع ريلي ان نسوي عمليه طفل الانابيب لانه هذا اخر حل لنت وهو مو راضي يقول نقرا وهذولا الاطبا بس يبون ياكلون فلوس



وانا ابيكم تشورون علي شسوي​

 

[التميميه]

هلا حبوبه شوفي عزيزتي انتم ادرى بالتحاليل والنتايج
اذا ممكن يصير حمل طبيعي اصبروا واذا والله الانابيب ممكن يحل مشكلتكم جربيوها ولاتترددون كل الاطباء ياخذون فلوس بس شنسوي امرنا لله بس اول اسالي عن التلقيح
الصناعي قبل الانابيب يمكن تناسب حالتكم وارخص من الانابيب بكثر

ربي يوفقك وييسر امورك ويرزقك يارب

 

[Orchidah]

حبيبتي عادة أي مشكلة تخص تاخر الإنجاب بسبب الحيوانات المنوية سواء قلة عدد او قلة حركة او ضعف مالها حل غير اطفال الأنابيب أو الحقن المجهري.

تأكدي من الطبيب بخصوص حالتكم وخلي ريلج يكون معاج عشان يمكن يسمع كلام الطبيب ويقتنع .. وبعدين إذا على الفلوس ممكن تروحون مستشفى الصباح ..

الله يسهل أمورج بحق محمد وآل محمد

 

[احلى اسم بالكون]

مشكلتك مثل حالة زوجي مافيه الا الحقن المجهري افضل من الانابيب لانها اضمن لان العلاج بحالته مايصير مثل زوجي



روحي مركز جنين محمد صلاح شاطر

 

[صابرة الحمدلله]

بس انصحتنا الدكتورة بالانابيب مو بالحقن المجهري شنو الفرق بينهم ياقلبي

 

[توتة البسكوتة]

الحقن انا سامعه انها اضمن لانها يتابعونها بالمجهر ...الله يرزقج حبيبتي من غير عمليات وتشوفين ضناج يارب

 

[صابرة الحمدلله]

جزاج الله الف خير والله يرزقج يارب ويرزق كل وحدة ردت على موضوعي او دشت