تشمتت فيني وربي ابتلاها وبعد رفع البلاء عنها بكتني دم

[كنوشة 2009]

ﻻزم تردين عليها وﻻ تسكتين بعد اليوم واذا عيبت على سمنتج
قولي لها زوجي ماخذني علشان جسمي وما يبيني اضعف
واذا علقت على لبسج قولي لها انت الوحيدة اللي ما يعجبني لبسج
ودايما ردي عليها بثقة وﻻ تخافين منها ﻻنها مو كفو تسكتين عليها
واتوقع انها تغار منج ﻻن احتمال اهلها كانو يقارنون بينج وبينها وانتو صغار
بخصوص الدراسة او اشياء ثانية

 

[أم خشم]

هذا روحها قبيحة و فيج شي مو موجود فيها و الا جان ما تعمدت تقط هالكلام و تجرحج

انتي شايفة جمالها لكن يمكن هالجمال مو سبب سعادة لها و الشي اللي يسعدها عندج انتي اختي

خليها و طنشيهاة

واعيالج باجر كل واحد و شخصيته يعني ماله علاقة ردة فعلج انتي مع غيرج

لا تردين و لا تسبين ولا تديرينها لها بال بالعكس اذا قالت شي شغلي نفسج بموضوع ثاني او حقري


هذي فيها نقص و ردج عليها و ضيقج منها يغذي النقص الي فيها

يعني الحل بيدج

اذا شايفة وزنج زايد من وجهة نظرج و نظر زوجج نزليه لكناذا بتغيرين نفسج علشان غيرج راح تتعبين

الله يرضينا باللي اعطانا و لا يجعلنا من الحاسدين الحاقدين و ربي يسعدج و يوفقج

 

[Rabab JASSIM]

مريضه هالانسانه اي جمال او اي خرابيط كلنا جمال اذا شفنا نفسناجمال حمدلله ع نعمت العقل
اذا تكلمت قوليلها سلما سلامه وشوفي اشلون بتفور

 

[عادت ذكرياتي]

حسبي الله عليها الله ينتقم منها ما احب هالنوعية من الحريم قلة أدب ووقاحة

 

[rehief_el7ess]

ترا الحال من بعضه ,, أنا هم متينه وكنت ضعيفه قبل بس لأني مرضت وإنجبرت أخذ كورتيزون ,, صح اني صرت متينه ما أنكر وحاولت أضعف ولا قدرت أضعف للأسف , , ولكن صح اإني حصلت الإنتقادات من الكل ,, طليقي أهله أهلي ولكن كنت أقولهم أنا جميلة وحلوة جذابة ,,

صح الحين بديت أسوي ريجيم ولكنــ جدامي درب طويلة ,, ,انا اقولها لج


واثقة الخطوة يمشي ملكا

 

[سعوديه 1]

طنشيها شكلها محتره منك ؟؟

ولا تقاطعين الزوارات والعزايم عشانها بالعكس خليك واثقه من نفسك و عطيها طاااف ...
المهم انتي واثقه من نفسك والاهم انه اللى تحبينهم معاك و عاعجبتهم بس ..

 

[popa]

امبي انتي لاتظعفين جذي اذا تكلمت قالتلج متينه قوليلها ادري اني متينه
وانتي شكو اشحارج كل يوم بتييبيلي طاري المتن ترا مو شي يديد
تهذبي شويا وخل يصير عندج شويه ذوق عندج شي ايجابي قوليه ماعندج حطي لسانج بحلجج قليله الادب
ولاتظحكين ولا تجاملين على حساب نفسج
اقرب زواره روحي عشان بس تسمعينها هالكلام

 

[keka89]

حبيبتي لاتفكرين فيها ختولي حسبي الله عليها اهي واشكالها
انا مادري بعض الناس شنو يستفيدون لمن يتحاقرون ويعيبون على غيرهم
انتي لو ماقلتي انها جميله حيل جان قلت انها محتره منج
بس احساسي يقول انها غيرانه من شي فيج عشان جذي تتعمد تهينج او تجرحج
الاشكال المريضه هذي في منها وايد بس مثل ماقتلج الله موجود فوق
الله لايوفقكم يلي ببالي حسبي الله ونعم الوكيل فيكم انشالله اشوف فيكم يوم كلكم (بس مارح اتشمت فيكم)