رد: تشــات أمهات الابداع
سر القلوب هذي مشاركتي بموضوع ثاني نقلتها لج تقرينها وان شالله تستفيدين :
هالشي اللي يعانون منه الأمهات اللي يبون ابداع التدريس مال الغرب ,, ومايلقونه في المدارس اللي تحط عرب .
ماكو فايده ..المدرسه العربيه عربيه لو عاشت بأمريكا عشرين سنه .. وهنيه يكون سوء الاختيار لبعض الامهات , معاييرهم مختلفه عن اختيارهم.
وبالنسبه لأم عواشي .. دام انتي راضيه وعاجبتج المدرسه الحمدلله وهالشي معناته ان اختيارج صحيح 100%.. الله يوفق عيالج حبوبه.
المساله مسالة معايير معينه .. الخوات اللي قلت لكم عنهم .. كانو بالبيان .. وحده انتقلت للرؤيا ومستاااانسه .. المناهج عاجبتها وهي تأسست زين بالبيان .. ومضايقها الاختلاط وبعض المسائل الاخرى .. تبي معيار ديني ..
ومستااانسه بنتها تحجبت وصار عندها اهتمام أكثر بقرائة القرآن واللغة العربيه ....
أما اللي ظلت بالبيان وما عجبتها الرؤيا .. معيارها : أكاديمي وبس.
صديقه لي بروض الصالحين . بنت عايله كبيره.. تقول لو شنو مااطلع عيالي من روض الصالحين .. ليش ؟؟ . مرتاحه وعاجبها الوضع وكافيها عيالها معلوماتهم بالعلوم والرياضيات .. ومهم عندها اللغه العربيه قويه والدين قوي والبيئه والطريقه الكويتيه ..
تقول أحسها كويتيه نموذجيه وهذا اللي عاجبها . .. معيارها في الأختيار مختلف عن غيرها ..
ولولا اختلاف الأذواق لكسدت البضائع ..
((( تبووون لغه وأنشطه والمدرسات أمريكيات واهتمام بالدين وماكو اختلاط ولا موسيقى : الإبداع,, الحياة , التكامل..
((( تبون يتكلمون انجليزي أوكي وماشي حاله وتكون معلوماتهم بالعلوم والماث جيده ومأخوذه من كتب أمريكيه وتكون اسلاميه وستايل كويتي : الرؤيا ,, والروض الصالحين
((( تبون أمريكي بحت وقويه : العالميه الأمريكيه ..والأمريكيه بالكويت و..
((( تبون بريستيج ونوع معين من الناس وأغلبيه كويتيه وقوه أكاديميه بكل شي بس اختلاط وعفسه وموسيقى ؟؟ : البيان !!
(((.... تبون وتبون وتبون .. .. انتو وين اتجاهكم ؟؟؟ .. وشني المدرستين اللي محتارين بينهم ؟؟؟
اللي لغاية الحين ماتدري شنو الاتجاه اللي تبيه ولا تدري شني معاييرها صراحه ماراح ينفعها تسأل ولا تشوف راي الناس .. لازم تحدد اول شي شنو تبي .. ولما تعرف شتبي ساعتها عاد تحصر خياراتها بين مدرستين مثلا وتبتدي تسأل .
مثال : الأخت (.....) ..حددت معيارها اللي تبيه .. حددت مدرستين .. ظلت تبحث وتسأل فيهم وعنهم .. باقي تتخذ قرار وتسجل وخلاص . .. خطواتها صح الله يبارك لها .
وبالنسبه للمدارس الخاصه :
(( والنعم بكل جهد كويتي وبكل مدرسه خاصه تعبانين عيال الكويت فيها .. ))
أشكر سعة صدوركم وحسن تفاعلكم بالموضوع ... وأتمنى الجميع يشارك برأيه ويفيدنا .
