@@ تشــات الأمهات : أكاديمية الابداع الأمريكية @@

[nouna82]

رد: تشــات أمهات الابداع

مس جان درست بنتي العام بعد المدرسة و ادفع لها فلوس


مس اولقا تمدح اجيال لانها فيها الحين


بنتي مشكلتها ماتعرف شلون تجاوب على السؤال يعني ماتستوعب السؤال و لا مسكينة تعرف الحلول و مشكلتها ماتركز بالصف وايد تتلفت و تتحرك و هذا اللي مخرب على مستواها

 

[حلم الطفولة]

رد: تشــات أمهات الابداع

يارب تسهل على عيالنا الامتحانات.. آمين.
بنــــات شمسوين العيال بالامتحانات؟؟
نونا حبيبتي كلمتي مدرسات بنتج عشان وضعها وطريقتها بالصف؟.. حاولي تقولين لهم يديرون بالهم لها أكثر ويحطون في بالهم انها تحتاج شوي شد انتباه .... آنا بنيتي اللي برابع شاطره بس طفرتني على سالفة عدم التركيز وتوزيع الابتسامات بالصف في السنوات الماضيه .. والحين أهون شوي. والغريب يشكون من رقلتها ويمدحون شطارتها .. يقولون مخربه عالباجي!!.. بس اتحرني كله من أسألها تقول مادري ونسيت وأكثر شي كان يحرني لما تقوول : وي ويييييي نسييييت أكتب بالامتحااان ....اا!!! بس والله الحين وايد فرق عن العام وقبله الحمدلله..

 

[حلم الطفولة]

رد: تشــات أمهات الابداع

وعدل كلامج نونــــا : مس أولقا تمدح بأجيال لأنها تشتغل فيها..ولأن كان عندها بالبداع مشاكل كأبله .. موشرط اللي مرتاحين منه الابلات يكون بالضروره زين لعيالنا..

 

[DooNy]

رد: تشــات أمهات الابداع

انا عيالي من اولى روضه في المدرسه والحمدلله ما صادفتني مشاكل لا بمبنى البنات ولا البنين الحمدلله
وأشوف مستوى المدرسه ممتاز بس يبيلها متابعه من الاهل يعني ما تعتمدون اعتماد كلي على الابله لأنهم يأسسونهم من البدايه على الاعتماد على النفس بس ما يمنع اني اكتب ملاحظات بالأسايمنت بوك انها تذكر البنت او الولد اذا كان من النوع الي ينسى الكتب أو الواجبات بالصف

 

[أحلى الجياكر]

رد: تشــات أمهات الابداع

نونا ...ابلة العربى مالت سنة ثانية مدحت لى كتاب خارجى اسمه : القمة فى تدريس اللغة العربية - ثانية ابتدائى " من العجيرى ...اخذيه ينفعج ...

بنتى نفس مشكلة بنتج بالضبط سبحان الله ...ما تقرا السؤال ..اجاباتها تشيير و بس مع انها كانت مرشحة للإنريجمنت كلاس ..بس ابوها قال مافى داعى ..خن خليها صف عادى ..
اغلاطها بالامتحان تحر الواحد ..ما تركز ..ما تقرا عدل ...لكن لما اشرح لها السؤال القاها تحل عدل ...عيزت والله عيزت

مشكلتنا الثانية مع الماث .والوورد بروبليمز..من تشوف ارقام ..تجمع و تطرح على كيفها !!! والسبب مو فاهمة الكلام ..قعدت و طبعت لها والله من الانترنت امثلة لى قبل ..وكل يوم تحل 3 او 4 ..من يصير يوم ثانى ..تنسى الشرح كله ..


انا ودى اييب لها مدرسة البيت ..بس الابو مو راضى ...

 

[جوكليت بار]

رد: تشــات أمهات الابداع

السلام عليكم

عيال اختي كانوا فيها وانقلتهم هالسنة مدرسة ثانية
بسبب تدهور مستواها بسبب المشاكل بين الادراة والمدرسين

 

[اي اسم]

رد: تشــات أمهات الابداع

اختي شوكليت بار
اختج وين ودت عيالها اي مدرسة
وبعدين شقصدج بتدهور المستوى ؟
ممكن تشرحين ؟ هل مستوى المدرسين اللي يتم تعيينهم يعني ؟ والا المناهج تغيرت
وشنو دور مجلس الاباء بهالموضوع
ومشكورة

 

[حلم الطفولة]

رد: تشــات أمهات الابداع

بناااات السلام عليكم .. دشو هالرابط واقرو فيه كلام غريب ان الابداع شارين مبنى يديد !!! والاخت العزيزه أي اسم هالرابط من المنتدى متكلمين فيه عن عدة مدارس خاصه شوفيه ..
وســــــلامــــتــكــــم

 

[حلم الطفولة]

رد: تشــات أمهات الابداع

ويييييي دايخه سامحوني نسيت أحط الرابــــط :ch12:
http://www.q8yat.net/showthread.php?t=142784&page=2

 

[حلم الطفولة]

رد: تشــات أمهات الابداع

أبييييه جنه طلع مو رابط !!!
المهم أكو موضوع في نفس ركن أولياء الأمور بعنوان مدارس الاطفال والافضل ؟؟ التسجيل قائم

اقرووه كلـــه ومشكورين على المشاركات بالشات .

 

[جوكليت بار]

رد: تشــات أمهات الابداع

اختي شوكليت بار
اختج وين ودت عيالها اي مدرسة
وبعدين شقصدج بتدهور المستوى ؟
ممكن تشرحين ؟ هل مستوى المدرسين اللي يتم تعيينهم يعني ؟ والا المناهج تغيرت
وشنو دور مجلس الاباء بهالموضوع
ومشكورة

هلا حبيبتي
ودتهم المدرسة الأمريكية الدولية ais
مستوى عيالها اللي تدهور لأنه أغلب مدرساتهم اطلعوا منها وكل شوي يغيرون الستاف
وتأثروا عيال اختي لأنهم شطار وقالوا لأمهم طلعينا مع انه تعودوا على ربعهم
والأدارة كلمتهم اختي جم مرة بس عمك اصمخ
ولما يات اختي تنقل عيالها قام كل من يتصل عليها يترجاها لأنه اختي عيالها 7 الله يحفظهم فيها
وكلهم شطاااار حرام يضيعون
والحين مرتاحين واايد على هالمدرسة

 

[اي اسم]

رد: تشــات أمهات الابداع

هلا اختي حلم الطفولة ومشكورة
مرة انا سمعت من رفيجتي اللي ولد جيرلنهم بالابداع
ان الابداع شرو ارض بصباح السالم وراح يبنون عليها مبنى جديد للمدرسة
وسمعت من رفيجة اخرى ان الابداع بياخذون مبنى جامعة الخليج اللي بحولي ويسوونه مبنى للروضه عشان يزودون عدد المقبولين بالروضة والحضانه
والله اعلم اذا صج او اشاعات

 

[اي اسم]

رد: تشــات أمهات الابداع

مشكورة اختي شوكلت بار على ردج
ما في مدرسة كاملة وكل واحد يعطيج راية باي مدرسة كانت حسب تجاربه الشخصيه
ابي اعرف ما في موقع رسمي مثلا وزارة التربية بالكويت او غيره يصنف المدارس ويقيمها
عشان الواحد يعرف احسن المدارس بالكويت حسب معايير معينه مو حسب معايير الناس
فهمتو قصدي ابي نفس ranking
يقيم المدرسه حسب مناهجها وكفاءة الهيئة التدريسية فيها ومستوى مخرجاتها من الطلبة و وين انقبلوا باي جامعات وشلون كانت معدلاتهم والدرجات اللي خذوها بامتحانات التوفل والسات وغيره
اذا في موقع يسوي جذي وانا مادري بلييز قولو لي عنه

 

[اي اسم]

رد: تشــات أمهات الابداع

امهات الابداع بغيت اسالكم هل حقيبة الطالب ثقيلة
يعني كل يوم ماخذ معاه كتب الانجليزي والعلوم الثقال معاه والا ياخذ اوراق عمل ويخلي الكتب بالمدرسة او البيت
مثلا في مدرسة ولدي السابقة -الbbs كان يخلي كتاب الانجليزي مال القراءة بالصف وبس ياخذ للبيت اوارق الواجب
وكتاب العلوم يخلي بالمدرسة والاستاذ يصور لهم الجابتر على حساب المدرسة ويوزعه عليهم عشان يخلونه في البيت ويدرسون منه للامتحان
في الروية كتاب العلوم بالبيت وكتاب الانجليزي مال القراءة كل يوم ماخذينه معاهم
يعني عموما بعرف طالب الابتدائي من جريد 1 الى 4 هل يعاني من ثقل الجنطة؟

السؤال الثاني هل يقضي الطلبة يومهم كله في نفس الصف والا يتنقلون من صف العربي الى صف الرياضيات الى صف الانجليزي وجذي ؟

السؤال الثالث هل يدرسون الطلبة بالابتدائي التربية الوطنية ومهارات الحياة والاجتماعيات مالت الحكومة ؟
وباي جريد يبدا طالب الابداع ياخذ اجتماعيات بالانجليزي؟

ومشكورين واسفة على الازعاج

 

[اي اسم]

رد: تشــات أمهات الابداع

متى يتعلم الطالب في الابداع الcursive writing in english
ومشكوريييييين

 

[حلم الطفولة]

رد: تشــات أمهات الابداع

اي اسم.. الحقيبه في الغالب مو ثقيله .. بس اذا عليهم امتحان ياخذون الكتاب أول الاسبوع ويخلونه بالبيت لين يمتحنون ويرجعونه المدرسه .
كتاب القراءه التروفي هاركورت .. بغض أبلات يخلونه على طول بالصف وبعضهم تطلب المدرسه يظل بالبيت تقرا فيه الطالبه وهم يقرون من كتب الصف مال الابله أو زايدين .
2- الابتدائي لغاية خامس يظلون بصفهم كل المواد - طبعا ما عدا الالعاب والسباحه والكمبيوتر - وأبلتهم الرئيسيه الهوم روم تييشر تظل معاهم حتى لو عندهم عربي أو دين .
3- الدراسه كلها بالانجليزي ما عدا العربي والدين وعندهم مهارات حياتيه life skills هذي بعد بالانجليزي بس المدرسات عرب لأن مضبطين الاخلاقيات حق تتماشى مع الدين الاسلامي.. الاجتماعيات يعطونهم بالانجليزي منهج أمريكي هاركورت وكورس يعطونهم من وزارة التربيه مترجم انجليزي عن الكويت والخليج ....
4-الخط الكرسف أشوف يركزون عليه من ثالث بس ما حسيتهم وايد يهتمون ان لازم يكتبون كيرسف .. مادري بس عيالي مايحبونه الله اعلم .. وحاضرين .

 

[اي اسم]

رد: تشــات أمهات الابداع

مشكورة بعد عمري حلم الطفولة
ما قصرت

 

[حلم الطفولة]

رد: تشــات أمهات الابداع

العفو حبيبتي ..
دخلتي على موضوع مدارس أجنبيه الأفضل التسجيل قائم؟

 

[DooNy]

رد: تشــات أمهات الابداع

أمهات ان شاءالله Parents conference days
26/11 من 3 إلي 7 يعني يصادف يوم الأربعاء والطلبه ينهدون مبجر
27/11 من 8 إلى 12 وأكيد يصادف الخميس وماكو دراسه

 

[nouna82]

رد: تشــات أمهات الابداع

نونا ...ابلة العربى مالت سنة ثانية مدحت لى كتاب خارجى اسمه : القمة فى تدريس اللغة العربية - ثانية ابتدائى " من العجيرى ...اخذيه ينفعج ...

بنتى نفس مشكلة بنتج بالضبط سبحان الله ...ما تقرا السؤال ..اجاباتها تشيير و بس مع انها كانت مرشحة للإنريجمنت كلاس ..بس ابوها قال مافى داعى ..خن خليها صف عادى ..
اغلاطها بالامتحان تحر الواحد ..ما تركز ..ما تقرا عدل ...لكن لما اشرح لها السؤال القاها تحل عدل ...عيزت والله عيزت

مشكلتنا الثانية مع الماث .والوورد بروبليمز..من تشوف ارقام ..تجمع و تطرح على كيفها !!! والسبب مو فاهمة الكلام ..قعدت و طبعت لها والله من الانترنت امثلة لى قبل ..وكل يوم تحل 3 او 4 ..من يصير يوم ثانى ..تنسى الشرح كله ..


انا ودى اييب لها مدرسة البيت ..بس الابو مو راضى ...

اي حتى ابلة العربي مالت بنتي الظاهر نفس الابلة بس والله انا ماشريته لان عندي كتاب حمزه الخياط مال السنة الثانية و اشوف بنتي مستفدية منه

بالضبط بالضبط نفس بنتي اللي يحر بنتي ماخذة بالسوشال 0 من 20 لان مشيرة الاجوبة و حاطة اجابتين حق كل سؤال (مالتبل جويس ) جان تعيد لها الابلة بنفس الوقت الامتحان و قعدت يمها و تقرالها الاسئلة جان تاخذ 19 من 20 !!!!!1 مووو حسااافة المشكلة ان الادارة جم مرة يقولولي بنتج ماتركز و احنا مدرسة مو اختصاصية حق اللي مايدرسون قاعدين يلمحون اني اطلعها وانا اكثر شي حابته بالابداع انها مو مختلطة و بنتي فيها من pre k