@@ تشــات الأمهات : أكاديمية الابداع الأمريكية @@

[اي اسم]

سلام يا امهات
شلونكم عزيزاتي وسلامة بنتج حلومة

شلونكم مع استعدادات الاحتفال بالعيد الوطني ؟ جهزتوا الملابس ؟؟؟
علقتوا الاعلام ؟
مدرسة الصبيان مادري اذا بيسوون شي غيرال parade هل احنا الامهات نقدر نحضر للطماشة ؟ وهل في فعاليات ثانية غير الباريد ؟

 

[حلم الطفولة]

هلا اي اسم الله يسلم عمرج حبيبتي.
بنتي الحين أحسن بفضل الله ,, :: ضعفت حبيبتي بس الحمدلله

 

[حلم الطفولة]

رفع

 

[lyale]

السلاااام شلونكم امهات الابداع
اليوم حلومه بعد جبدي مشكوره عالمجهود برفع المواضيع
شلووون بناتج وشلون كانت حفلتكم

 

[حلم الطفولة]

هلا ليالي شلونج ,, بنياتي الحمدلله بخير وكل شي تمام
انتي شخبارج والعيال والمدرسه ؟؟ يايتنا بعد عطلة الربيع أظنها هي نفسها الإيستر بس مغيرين الاسم عندنا

 

[mr000]

السلام أمهات الأبداع اشلونكم

 

[حلم الطفولة]

السلام أمهات الأبداع اشلونكم

هلا مروو السلام شلونج شخبارج عاش من سمع صوتج وعاش من قرا ردودج ولهانه عليج شالاخبار وينج وين رحتي شصاير عليكم من زمان عنّج عساج طيبه شعلوومج >>>؟؟؟؟ :nocommint: شفتي شكثر الأسئله ؟ كل هذا من الوله ..
الحين الصج>> : هلا والله شلونج

 

[mr000]

أهلين حلومه اشلونج شخبارج.. توله عليج العافيه..والله أمس كان الأنترنت عندنا مو شغال.. وبالإجازه تدرين لهينا مع العيال اسم الله عليهم مايشبعون طلعات.. حتى هالنتفه تعلمت كل يوم ودوني الألعاب.. إلا حضاره وينها لايكون سافرت من وراي...

 

[lyale]

اييي اهي اهي حلومه عطلة الربيع نفسها الايستر اممممم عاد الجووو يكوون حلوو حق السفر حزتها ولا شرايج

 

[كوووين]

مرحبا خواتى والى يعافيكم ابى احد يرد على اسألتى من يقولى مس كونى الى درس اولى روضة بالابداع وين راحت؟وابى اسالكم منو احسن مدرسة بمدرسة الصبيان حق ثانى روضة عشان احط ولدى عندها للسنة الياية والى عيالهم بالابداع مالت الصبيانشلون المدرسة زينة ولا لا ولكم منى جزيل الشكر

 

[حلم الطفولة]

كوين ,, ماعرف الأبلات ان شالله يحطون بنتي وولدج عند مدرسه زينه وممتازه بثانيه روضه السنه اليايه ان شالله.

 

[حلم الطفولة]

قولولنا .. منو أبله ممتازه للصفوف من ثانيه روضه لغاية سابع .. بنات أو أولاد/ أبلات أو مدرسين .. الي تعرف تقول.
باربرا للصف الثالث يذمونها > موزينه
إيرين للصف الرابع يمدحونها >> منظمه وشديده .
غوين لن للصف الخامس عجوز << جيده جدا ..
كيلي للصف السادس إنرجمنت >> رررووووعه .

الي تعرف المدرسات الزينات والمدرسين الزينين تحط لنا .. مشكورؤين حووووبـّــي

 

[حلم الطفولة]

الخميس : (( اليوم يعني وآسفه عالتأخير في التبليغ والتذكير )) يوم القبعه المجنونه أو الشعر المجنون في قسم الروضه

 

[mr000]

السلام أمهات الإبداع اشلونكم .. الله ياحلات الجوووووو.. استغفرالله.. الحمدلله عالنعمه غبار ولا زلازل وتسونامي!!

 

[حلم الطفولة]

هلا مرو .. إي والله الحمدلله على النعمه والحمدلله على كل حال,,
(( بنات ادعو لبنتي بالشفاء ))

 

[jegrom]

شلونكم بنات انا ماقريت كل الصفحات
بس ممكن اعرف وين صاير مكانها ؟؟
وبدخل ولدي بس مرحله رياض الاطفال وبعدين بحوله حكومه علشان تأسيسه يكون تمام
شلون طريقة دراستهم ؟ ثنائيه اللغه ولا لا؟؟ وبالنسبه للأسعار شلونها؟؟ ومتى تسجيلهم .؟
واي معلومات ثانيه ان شاءالله تفيدوني باسرع وقت

 

[اي اسم]

هلا مرو .. إي والله الحمدلله على النعمه والحمدلله على كل حال,,
(( بنات ادعو لبنتي بالشفاء ))

خير حلومة عسى ما شر شفيها بنتج
الله يشافيها ويعافيها ويقومها بالسلامة

وما تشوفون شر يالغالية

 

[حلم الطفولة]

جيقوروم .. مكانها بحولي شارع المثنى ,, لما تكونين عالدائري الرابع جسر الجابريه حولي .. عفتي وين ؟؟ .. تكون الجابريه يمين والمدرسه بحولي أبد تطل على شارع الدائري الرابع. مبنى أزرق وأصفر.
تأسيس الروضه الممتاز في أغلب المدارس الأمريكيه أو الثنائية اللي تعتمد مدرسات ((( أمريكيات وكنديات ))) مثل - العالميه الأمريكيه - الإبداع - البيان سكول - الحياة العالميه - الأمريكيه ثنائية اللغه - ...

(( اي اسم )) حبيبتي الله يسلمج // شغله صغيره عسى ربي أن يبعد عنها السوء ويشافيها آآمين.

 

[حضاره]

السلام عليكم ورحمة الله وبركاته

اشلونكم امهات الابداع00

حلومه اشلونج 00عساج بخير00عسى الله يشفي بنيتج وتقوم بالسلامه وجميع مرضى المسلمين

مرووو00

اشلونج شخبارج00غطيت شوي رحنا الخبر جم يوم وردينا00هي سفره بس مو اللي ابالج00الله لاينكد على احد يارب

 

[mr000]

سلام أمهات الابداع اشلونكم.. حلومه اشلونج.. اشلون بنبتج ..الله يشافيها يارب وان شاءالله ماعليها إلا العافيه... حضاره اشلونج الحمدلله عالسلامه..ان شاءالله ماكو إلا كل خير...