@@ تشــات الأمهات : أكاديمية الابداع الأمريكية @@

[(( الـغـلا ))]

السلام عليكم ..

شلونكم يالغاليات ؟؟ مشتاقة للكل بدون عدد

لكن الله العالم إني من رديت من البر تعبت بنتي الصغيرة حيل علي ..

وصارلها مسكينة أسبوع عالكمام والكورتيزون والمضاد ؟؟

وماني شايفه أي تحسن والله صج تكسر الخاطر خصوصا إنها أقل من سنة .. سبحان الله بظرف أسبوع نزل وزنها حيل ..

لكن الحمدلله على كل حال شي أهون من شي ..

أكرر سلامي للكل حبايب قلبي ..

 

[mr000]

سلام أمهات الابداع اشلونكم .. حضاره وحلومه اشلونكم .. الغلا ماتشوف شر بنيتج مسكينه..اليهال هالأيام وايد حايشهم جذيه بنت أختي صارلها 3أيام يودونها السلام يعطونها أبر مضاد حيوي ويحطون لها درب وايد تعبانه حراره وترجيع وكحه .. ماكملت السنه توها والطبيب قالهم هذا فيروس هالفتره وايد يهال حايشهم!!

 

[دانتيل]

السلام عليكم ,,, يا حلووكم بنات على هالسوالف شوقتوني والله

عاد من سوالفكم رحت اسجل بنتي قالولي لازم لها اخو او اخت ؟؟؟
وعليه ليش بنتي وحيدتي ما عندي غيرها من وين ايب لها اخووو ؟؟
اللي عندها اي معلومه يا ليت اتفيدوني

 

[mr000]

سلام أمهات الأبداع اشلونكم! وي شنو سالفة لازم أخو أو أخت انزين الياهل الأول شيسوي مايدخل المدرسه إلا لما اييبون له أخو أو أخت؟ خلاص أخذوا كلوميد وييبوا توأم

 

[دانتيل]

سلام أمهات الأبداع اشلونكم! وي شنو سالفة لازم أخو أو أخت انزين الياهل الأول شيسوي مايدخل المدرسه إلا لما اييبون له أخو أو أخت؟ خلاص أخذوا كلوميد وييبوا توأم

اي والله صاجه ؟؟ صج شسالفة يعني اللي مالها اخو ولا اخت شتسوي يعني

 

[حضاره]

السلام عليكم 00اشلونكم امهات 00عساكم بخير

حلومه اشلونج وبنيتج اشلونها 00ان شاءالله احسن

مرووو00اشلونج ياقمر00شخبارج00ولهنا عليج

الغلا 00اشلونج يالغاليه00منوره00الف سلامات على بنيتج ماتشوف شر يارب00وعلى قولة مرووو هذا فيروس منتشر بالجو00

انا بنتي الصغيره ع الكمام شهرين 00تونا طبنا ولله الحمد00عسى الله يحفظ عيالنا وعيال المسلمين ان شاءالله

دانتيل00

حياج الله حبيبتي00الموضوع موجذيه بالضبط00السالفه كلها ان التسجيل حاليا ليما 24/2 للمقيدين بالابداع فعلا واخوانهم المستجدين

وبعد جذيه يفتحون الباب للمستجدين عامة من خارج الابداع00

كل اللي عليج تسوينه00انج تاخخذين الابليكيشن وتعبينه وتروحين لهم تاريخ 25/2 مبججججججججججججججر عشان تحجزين دور

وتكون لج الاولويه00وتكون اوراقج زاهبه00ويارب الله يوفقج ويوفق بنيتج وتنقبل يارب


سلام أمهات الأبداع اشلونكم! وي شنو سالفة لازم أخو أو أخت انزين الياهل الأول شيسوي مايدخل المدرسه إلا لما اييبون له أخو أو أخت؟ خلاص أخذوا كلوميد وييبوا توأم
مرووو 00حلوه هذي عجبتني ههههههههههه

 

[mr000]

أهلين حضاره أشلونج شخبارج..ماتشوف شر بنيتج.. وألحين هم ديروا بالكم عاليهال من التكييف..يعني احنا صيف وشتا مانخلص من الأمراض .. الحمدلله على كل حال..

 

[حلم الطفولة]

السلام عليكم حبيباتي ,, سلامة بنياتكم حضاره والغلا ,, ماتشوفون شر .
مروو شالأخبار ,,
تم إعادة تسجيل عيالي بالابداع ,, وووه حمل على قلبي والله هالروحه مادري ليش كل يوم أنساها وتتعطل ..
طرشت السايق << يعني مندوب !!
أمين وعندي من سنين ومسلم ماكو اللا العافيه ..

أشوفكم على خير ,,

تذكير : رحلة لأولى روضه للمركز العلمي صفوف : مس أماندا ,, مس ستاسيا ,, مس مارسيل ..
يوم الأربعاء 3 / 3 / 2010

 

[حلم الطفولة]

أيضا تذكير : الأربعاء لصفوف الروضه لبس شعبي كويتي وإن أمكن إرسا أكلات كويتيه للصفوف : (( كاتبين بالورقه : قبوط .. مرقوق ..تشريب.. لقيمات .. مجبوس !! .... )) << ماعندهم سالفه !! لا كاتبين بعد : كباب وفتوش !! من قال هذا أكل كويتي قديم ؟؟

آنا بودي شغله سويت إن شالله : زلابيا / غريبه / رهش / بثيث / عصيده / قرص عقيلي / ...
والكبار يبون قهوتي العربيه الأصيله <<

 

[*الزين*]

اذا ولدي مواليد 24- فبراير قبلونها هالسنه في الابداع كاتبين بالسايت لي 31 ديسمبر مادري شنو قصدهم

يصير ادش الروضه 3 سنين ونص مو عياله صار فيهم نفس الموضوع ؟

 

[حلم الطفولة]

الزين,, ياخذون من 1 / 1 / إلى 31 / 12 / من كل سنه كامله ,,
يعني : مواليد من 1/1 / 2006 إلى 31/ 12 / 2006 ياخذونهم أولى روضه السنه الدراسيه القادمه ( 2010 - 2011 ) ..
أكو استثناءات أحيانا لمواليد 2007 اللي مولودين بشهر يناير أول اسبوع مثلا مواليد 3 / 1 / 2007 تقدم الأم طلب إن يتم قبول الطفل استثنائيا ,, يقومون يعطون موافقه مشروطه بأن يتمم اختبار القبول بمعدل عالي حتى ينظرون باستثناءه وقبوله كطفل أصغر من صفه بقانون المدرسه.

 

[حلم الطفولة]

الحين إذا ولدج حاليا يدرس ومقبول بأولى روضه السنه وهو مواليد فبراير أكيد هو مواليد سنة 2005 ,, صح ؟؟

 

[حلم الطفولة]

بنات آنا ماستفد من الإد لاين السنه !! وايد يبطون على ماينزلون الواجب ولا الدرجه :/ صرت ما أفتحه إلا بالاسبوعين مره ..
وين ريمان ..؟؟ وليوله ليالي وينج ؟؟
منخشين ماتطلون كلّش .

أحلى الجياكر مالها حس الظاهر طلعت عيالها !!! ..
فراري ,, دانه الهيرات .. دوووني.. زوجة صحفي !! .. وين الامهات ؟
البركه أكيد بالموجودين الله لا يحرمنا من طلتكم ووجودكم , بس تساؤل عن اللي غايبات من زماااان شالقصه ؟

 

[*الزين*]

لا اهوا مواليد 24-2-2007 يعني هالسنه بسجله روضه والصراحه من عقب الفراااااااااره حسيت الابداع اقرب شي حق ميولي كوني ابي شي قوي واسلامي بنفس الوقت يعني بس اول اسبوع من شهر يناير انزين انا موافقه احن عليهم يدشيشوونه ولا شلون؟؟؟ وااااااااي ضيقيتي خلقي

 

[حضاره]

السلام عليكم ورحمة الله 00

حلومه اشلونج00انا بعد اتساءل وين امهات الابداع؟؟ يعني مرات يكون ماكو غيري بالشات ولعدة ايام 00!!!

ماكو غيري00يعني الشات شاتي 00واللي بيدش يدفع رسوم00

 

[حلم الطفولة]

لا اهوا مواليد 24-2-2007 يعني هالسنه بسجله روضه والصراحه من عقب الفراااااااااره حسيت الابداع اقرب شي حق ميولي كوني ابي شي قوي واسلامي بنفس الوقت يعني بس اول اسبوع من شهر يناير انزين انا موافقه احن عليهم يدشيشوونه ولا شلون؟؟؟ وااااااااي ضيقيتي خلقي

لا ماظن حبوبه السنه القادمه كل المدارس الأمريكيه نظامهم واحد .. أولى روضه مواليد سنة 2006

 

[حلم الطفولة]

حبيبتي حضاره ,, انتي سيدة الشات أصلا.. ماتقصرين.

 

[حضاره]

حبيبة قلبي حلومه00ماعليج زود

 

[أم عبووووود]

ماتشوف شر بنيتج حلومة مادريت عنها يالغلا
متابعة وياكم :wqedqw:

 

[حلم الطفولة]

ماتشوف شر بنيتج حلومة مادريت عنها يالغلا
متابعة وياكم :wqedqw:

هلا بأم عبووووود مشكووووره ماتقصرين ,, الشر ماييج يا عسل.