رد: @@ تشــات أمهات أكاديمية الابداع الأمريكية @@
بشرى ساره السايت وصل :
http://www.aca.edu.kw/aca/portal/pages/menu0.php
السلام عليكم ,, صباح الخير
أبي وضح نقطه ... ألا وهي : آنا مو زعلانه !
ان شالله ما اكون أسأت التعبير وخليتكم تظنون شي غير اللي أقصده ,, بعد قلبي انتو حبايبي وغالين حيل عندي. : جد مو يعني منتدى وللا إشراف وللا ... ,, صج غالين وأحبكم حيل
آنا قاعده تسعدني الردود هذي ,, مرووو .. ليالي ,, صاجين الصبيان بكل مكان شطانه شي أكيد ,,
ناس تمدح ناس تذم هالشي في كل مكان ..
آنا اللي ضيق خلقي ردود اي اسم ,, ضاق خلقي ( عشانها ) مو منها .. لأن ناقله عيالها من ثلاث مدارس .. وحظها السنه الظاهر صفهم أو أكو خلل إداري السنه عند البنين .. مادري ماعرف السبب ..
وهذا اللي خلاني أبي ردود ومشاركات ونقاش حق نوصل لبعض الأسباب ,, وخصوصا نبي نعرف من اللي عندهم أولاد هل هالوضع كل سنه موجود ؟ عدم مراقبه !! واستهتار المدرس ؟؟
شوفو مثال حطيته إني أحيانا أسمع صديقتي : توأم روحي آنا وهي نسخه بالطبع ,, تمدح دسمان وتوصلها ليه السما .. أيضا بتجمعهم يمدحون دسمان حيل حيل .. مع ان ناس ذمتها حيل وناس طلعو عيالهم من الابداع لما مامشو ودوهم دسمان ,, يقولون سهله ويمشونهم !
آراء مختلفه عن مدرسه وحده .. وقد يكون مدرس زين والصف اللي يمه حظهم المدرس ضيم
أدري يقين إن الابداع أفضل ,, شوفو الردود بتجمعهم وشوفو نونا شكاتبه .. تقول اللي الحين هناك ياخذونه / كانو بالابداع العام ماخذينه !
هذا دليل على أفضلية الابداع .... ,, الناس تدرك إن ماكو شي كامل ,, شي نتنازل عنه وشي نطلبه وشي موجود نستمتع فيه ..
بس جد وضحتو لنا مشكورين إن هذا حال أغلب المدارس اللي فيها غالبية صبيان .. وجان زين بعد الخوات اللي أولادهم بالابداع يقولون رايهم ..
شاكره مشاركاتكم ومداخلاتكم , وماكو زعل أبد .. أفاأ .. تمونون حياتي انتو .
