@@ تشــات الأمهات : أكاديمية الابداع الأمريكية @@

[أحلى الجياكر]

رد: @@ تشــات أمهات أكاديمية الابداع الأمريكية @@

هلا بنات ..شلونكم

حلم الطفولة ..قواج الله ..ما قصرتى والله ..و البنات بعد .يعطيكم العافية

شريت اليونيفورم الحمدلله ..و شرينا الجناط ..

عندى سؤال : السبلاى ..ادرى انه بالإيد لاين ..بس اليهال ناسين السكرين نيم والباسوورد !!! شالعمل ؟

 

[حلم الطفولة]

رد: @@ تشــات أمهات أكاديمية الابداع الأمريكية @@

مرحبا حلومة مرحبا الغلا شلونكم والله صاير الوقت من ذهب بالعشر الاواخر بعد الفطور ركضة ركضة نخلص باجي اغراض العيد وبعدها نتجهز للجيام ما نرجع الا 2 ونص بعدها سحور واخيرا نفتح الاب توب نشوف شنو اخر الاخبار ونسلم عليكم ونصلي وتالي ننام وسلامتكم وتعيشون الا بالمناسبة وين تجيمون انا بالنسبة لي اجيم بمسجد جابر العلي اللي بالوار بجنوب السرة

هلا وغلا زوزو مراحب فيج ... همممم إي والله دوخه الله يعينا ,,
آنا أصلي بمسيد الراشد : الإمام الملا في جنوب السره .. وأحيانا بالبيت مع بناتي وآنا الإمام

 

[حلم الطفولة]

رد: @@ تشــات أمهات أكاديمية الابداع الأمريكية @@

هلا بنات ..شلونكم

حلم الطفولة ..قواج الله ..ما قصرتى والله ..و البنات بعد .يعطيكم العافية

شريت اليونيفورم الحمدلله ..و شرينا الجناط ..

عندى سؤال : السبلاى ..ادرى انه بالإيد لاين ..بس اليهال ناسين السكرين نيم والباسوورد !!! شالعمل ؟

هــلااااااا :ggdw::ggdw::ggdw: هلا والله بأحلى الجياكر .. شلونج.. توني البارحه أسأل عنكم وينكم مختفين ؟؟ حتى مس فراري طلت علينا مره واختفت ..

تبين سبلاي لأي صف أي مرحله ؟؟ بنين وإللا بنات ؟؟؟ أحد ن شالله يفيدج من الخوات بإذن الله
إي والله مشكله إذا الإدلاين نسيتو الرمز !! ,,
بسأل سؤال : انتو خذتو الشهادات ؟؟ السبلاي مطبوعه بورقه مع الشهادات ماعنكم نسخه ؟؟

 

[اي اسم]

رد: @@ تشــات أمهات أكاديمية الابداع الأمريكية @@

ما شا الله التشات عامر
يارب دايم

 

[اي اسم]

رد: @@ تشــات أمهات أكاديمية الابداع الأمريكية @@

انا بعد ما أدري عن السبلاي والطلبات
قالوا لي الادارة انه اخذ الطلبات من مدرسة الصف يوم الاورينتيشن

 

[حلم الطفولة]

رد: @@ تشــات أمهات أكاديمية الابداع الأمريكية @@

انا بعد ما أدري عن السبلاي والطلبات
قالوا لي الادارة انه اخذ الطلبات من مدرسة الصف يوم الاورينتيشن

الله يسهل لنا ولكم ان شالله ..

أهم شي ودي الشباب ينقون جناط .. واشتري الأساسيات مساحات : أعداد هائله من الصمغ الأصبع الجاف .. أقلام سبوره .. ملفات ماي كلير باق .. وأقلام رصاص ستدلر hb2

 

[(( الـغـلا ))]

رد: @@ تشــات أمهات أكاديمية الابداع الأمريكية @@

السلام عليكم ورحمة الله وبركاته ..

شلون الجماعه ؟؟ إن شاء الله تكونون بألف صحه وعافيه ..

تخيلوا والله ناسيه المدارس ما اشتريت ولا شي ؟؟ أحس تو الناس ؟؟ ليش دوام الروضه متأخر ..

وهالأيام حايسه بمنهج أولى ابتدائي الجديد شوي صعب الله يسامحهم شغاله تحضير وأوراق عمل وتجهيز لاستقبالهم ..

زوجة صحفي سؤالج عن الجيام ؟؟

للأسف من تزوجت عمري ما صليت بالمسجد كله بالبيت ؟؟

أبو الشباب يخاف على الجهال بروحهم بالبيت ومانعني من الروحه ؟؟ بس أصلي بالبيت وكل شوي قاطعه الصلاة ؟؟

اللي يبي رضعه بالليل واللي متحلم يبجي يدور حنان ههههههههاي مأسااااااااااااااة عسى الله يحفظهم وأشوفهم كباااااار

 

[حلم الطفولة]

رد: @@ تشــات أمهات أكاديمية الابداع الأمريكية @@

الله يخلي لج عيالج الغلا وتشوفينهم كبار وناجحين بحياتهم ودينهم.

 

[حلم الطفولة]

رد: @@ تشــات أمهات أكاديمية الابداع الأمريكية @@

الحين قالت لي رفيجتي بيداومون 4 / 10 مع الحكومه !!!!
الناس تلخبطت محد عارف متى الدوام والكل قام يالف حسب توقعاته ,, الله يهديهم مادري ليش مادزو رسايل ولا غيرو إعلانهم الســايت .. ماكو وحده منكم تعرف الإداره تقولهم ؟؟

 

[أحلى الجياكر]

رد: @@ تشــات أمهات أكاديمية الابداع الأمريكية @@

هلا بنات شلونكم ...
حلومة ...أمس قعدت أجرد أوراقهم ورقة ورقة ..لقيت الشهادات بالظرف بس ما معاهم ورقة السبلاى ..بس اذكر صاجة ..حزتها جنى لمحتهم جود خشيتهم و نسيت

امس اشوف ورقة الكلندر ..طلع ان الادارة داوموا ..بدق عليهم ولا امرهم هاليومين ...و أبلغكم .

بنات ممكن سؤال !!
ليش الطلبات بهالكم !!!
ليش مساحات و أقلام : 6 علب ؟ و ليش صمغ جم واحد !! معقولة كلهم يخلصونهم !! انا هالسالفة كل سنة اعانى منها !! ..
احسهم يتصرفون فيهم !!

 

[مس فيراري]

رد: @@ تشــات أمهات أكاديمية الابداع الأمريكية @@

هلا بنات شلونكم ...
حلومة ...أمس قعدت أجرد أوراقهم ورقة ورقة ..لقيت الشهادات بالظرف بس ما معاهم ورقة السبلاى ..بس اذكر صاجة ..حزتها جنى لمحتهم جود خشيتهم و نسيت

امس اشوف ورقة الكلندر ..طلع ان الادارة داوموا ..بدق عليهم ولا امرهم هاليومين ...و أبلغكم .

بنات ممكن سؤال !!
ليش الطلبات بهالكم !!!
ليش مساحات و أقلام : 6 علب ؟ و ليش صمغ جم واحد !! معقولة كلهم يخلصونهم !! انا هالسالفة كل سنة اعانى منها !! ..
احسهم يتصرفون فيهم !!

صاجه والله طلباتهم مو معقوله انا قبل كنت اودي لهم حسب ما يطلبون على اساس اذا الطالب احتاج شي عطو بالصف بس عقب قالي ولدي كل ماطلب مساحه او قلم من المدرسه ماعطيني . انا شكيت بصراه مثلج وقلت اكيد يتصرفن فيهم فقمت اودي لهم نص الكميه من كل شي و المساحات ما اعطيهم كرتون لا اعطيهم كم حبه بس وحتى الاقلام علبتين فانتي سوي مثليو ما عليج من طلباتهم ترى مبالغ فيها وايد

 

[مس فيراري]

رد: @@ تشــات أمهات أكاديمية الابداع الأمريكية @@

امبي مشاركتي كلها بدليات لووووووووول التصحيح :

صاجه والله طلباتهم مو معقوله انا قبل كنت اودي لهم حسب ما يطلبون على اساس اذا الطالب احتاج شي عطو بالصف بس عقب قالي ولدي ان كل ماطلب مساحه او قلم من المدرسه ما تعطيه. انا شكيت بصراحه مثلج وقلت اكيد يتصرفون فيهم فقمت اودي لهم نص الكميه من كل شي و المساحات ما اعطيهم كرتون لا اعطيهم كم حبه بس وحتى الاقلام علبتين فانتي سوي مثلي ما عليج من طلباتهم ترى مبالغ فيها وايد

 

[أحلى الجياكر]

رد: @@ تشــات أمهات أكاديمية الابداع الأمريكية @@

مس فيرارى عادى أطوف لج البدليات الحين ..بس الوعد عقب الفطور ..عقب الشاى

عيل العام طالبين 5 علب رصاص !!!!!!! ليشش ؟؟ ما يبرونهم !! ولا بس شخطة و ينقطون !!

بسوى مثلج و امرى لله ..

 

[أحلى الجياكر]

رد: @@ تشــات أمهات أكاديمية الابداع الأمريكية @@

مسج من الأبداع ..توه فريش ..:

ترحب الابداع بالمراحل من 1 الى 12 فى يوم 27 سبتمبر

موعد القسط الاول اللآن

زيارة الموقع الالكترونى لأى تفاصيل :

www.aca.edu.kw

 

[حلم الطفولة]

رد: @@ تشــات أمهات أكاديمية الابداع الأمريكية @@

مسج من الأبداع ..توه فريش ..:

ترحب الابداع بالمراحل من 1 الى 12 فى يوم 27 سبتمبر

موعد القسط الاول اللآن

زيارة الموقع الالكترونى لأى تفاصيل :

www.aca.edu.kw

الحمدلله أخيرا وصج ارتحت لما وصلت الرساله الرسمــية

 

[حلم الطفولة]

رد: @@ تشــات أمهات أكاديمية الابداع الأمريكية @@

امبي مشاركتي كلها بدليات لووووووووول التصحيح :

صاجه والله طلباتهم مو معقوله انا قبل كنت اودي لهم حسب ما يطلبون على اساس اذا الطالب احتاج شي عطو بالصف بس عقب قالي ولدي ان كل ماطلب مساحه او قلم من المدرسه ما تعطيه. انا شكيت بصراحه مثلج وقلت اكيد يتصرفون فيهم فقمت اودي لهم نص الكميه من كل شي و المساحات ما اعطيهم كرتون لا اعطيهم كم حبه بس وحتى الاقلام علبتين فانتي سوي مثلي ما عليج من طلباتهم ترى مبالغ فيها وايد

فيراري البدليات ممنوعه عندنا :dddds: ..
إي والله صاجه حبيبتي , آنا بعد العام وديت الكميه وتحسفت ! .. وايد طلبات اشدعوه !!
الصف الثامن كل أبله طالبه كووود أغراض ,, لا والكلينكس المجموع 20 كرتون كلينكس !! أبيه ليش ؟؟

 

[حلم الطفولة]

رد: @@ تشــات أمهات أكاديمية الابداع الأمريكية @@

انزين يعني الروضه خلاص أكيد ماكو دوام لغاية نهاية نوفمبر !! صح ؟؟

 

[حلم الطفولة]

رد: @@ تشــات أمهات أكاديمية الابداع الأمريكية @@

بنات آنا راح آخذ إجازه من المنتدى اسبوووع ,, هالله هالله بالشات والمعلومات والإعلانات وآآآخــررر الأخبار
بعد لو عادي جان سطرت لكم الإيميل والموبايل ورقم المنزل عشان توافوني بآخر الأخبار (( دعابه دعابه لا تصدقون !!

 

[اي اسم]

رد: @@ تشــات أمهات أكاديمية الابداع الأمريكية @@

منكم نستفيد
خلاص بوديلهم ربع العدد اللي يطلبونه

 

[اي اسم]

رد: @@ تشــات أمهات أكاديمية الابداع الأمريكية @@

Orientation is Sept. 23/24 (contingent upon the Edi Al-Fitr date)
شيقصدون بهالخبر
هل موعد الاورينتيشن مو اكيد وقابل للتغيير حسب اجازة العيد ؟؟

وليش ما يدزوا لي مسجات