@@ تشــات الأمهات : أكاديمية الابداع الأمريكية @@

[حلم الطفولة]

رد: تشــات أمهات الابداع

بصراحه آنا دايما عالبركه !! ,, لا وبعد يوم بقيت بنتي اللي بخامس تروح صف معين مارضو !!

 

[حضاره]

رد: تشــات أمهات الابداع

شوفي اهم كلهم زينات00بس انتي تدرين ان اكو فروقات بين المدرسين00ومجهودات فرديه!!

انا العام بنتي كانت عند مس كارلا00كانت وايد زينه00بس ان كان ودي احطها بكلاس مس خديجه00طبعا خديجه الاسستنت

اتصدقين وااااااااايد امينه وتعطي من قلبها ومجابلها للياهل يعجبج وبعد شاغوله مع العيال

 

[حلم الطفولة]

رد: تشــات أمهات الابداع

الله يكتب اللي فيها الخير ياارب ..
بنتي حتى حضانه مادخلت غير جم يوم منيه ومناك وبس !!
تعقدت كل ما تدخل ياتنطق ياتمرض ياتنفلع !!

 

[حلم الطفولة]

رد: تشــات أمهات الابداع

عذريني عالتأخر بالرد أحيانا ,, مضطره أفتح أكثر من صفحه حاليا وبعد جم دقيقه راح أكون بكم حقكم مقكم

 

[حضاره]

رد: تشــات أمهات الابداع

انا بعد نفس الشي مادخلت بنتي حضانه 00على ابواني قاعده لها وبدلعهاوبفولها حنان00ذيج السنه كانت امومتي الله لايوريج00

طاااااااااااااااااااااافحه ههههههههههه

بس اتصدقين تحسفت00لقيت ان مستواها كان ممكن يكون افضل من جذيه بواااااااايد00ورديت عقب العطله حطيتها مع اختها الصغيره

بسمارت كيدز 00وشقولج 00الى حد ما تحسنت

 

[حلم الطفولة]

رد: تشــات أمهات الابداع

كتبت رد وانمسح

آنا مثلج ,, بس كنت أعطيها تكتب شوي وأعلمها ألوان وهالسوالف ,, والله يعافي بارني ودورا !!

 

[حلم الطفولة]

رد: تشــات أمهات الابداع

في أحد ؟؟
حضاره ؟؟

والله أهم شي ندعو الله أن يكفي عيالنا شر المدرسه والمدرسات والمدرسين والعاملين جميعا ,, ويلقيهم خيرهم جميعا ,, ويرزقهم الصحبه الصالحه ويصلح لهم كل أمووورهم . قولو آمين..

 

[حلم الطفولة]

رد: تشــات أمهات الابداع

ودي حتى موقع المدرسه بالنت يطورونه شوي بعد.. شرايكم فيه ؟؟ هذا سؤال للمناقشه بينكم اللي تدخل تقول رايها

 

[حلم الطفولة]

رد: تشــات أمهات الابداع

سألتو ؟؟ دوام الروضه تأجل وللا ما تأجل ؟؟ والصفوف عموما كل المراحل فيها معقم وأدوات تنظيف ؟؟
آنا خذاني الوقت مع اليهال وطاف الوقت وماتصلت

 

[حضاره]

رد: تشــات أمهات الابداع

مساءالخير حلومه00

اعتذر00 انا بعد اليوم راح علي الوقت مع العيال00ومادقيت ع المدرسه00

اشلونج انتي؟

 

[حلم الطفولة]

رد: تشــات أمهات الابداع

هلا مساء النور ,, آنا الحمدلله بخير., ان شالله ما أنسى باجر وأتصل .. بس الخوف نتصل ومايردوون
رحت لحظه من فضلك حق بناتي ماتوفقنا غير حق الكبيره الله يحفظها ,, ورحنا ديسكفري أول مره أروحله .. لقيت من ميلون بدله تونس حق الصغيره ,, فرفوشيه وفوشيه

 

[اي اسم]

رد: تشــات أمهات الابداع

الenrichment class تبدا من اي جريد وشنو فرقها بالضبط عن العادي وجم صف من جريد 4 مثلا يكون انريشمنت وجم صف عادي ؟يعني نص بالنص والا شلون؟

 

[miss_heathrow]

رد: تشــات أمهات الابداع

بنات شلون حضانتهم وممكن اسعارها انا وديت بنتي اليوم الانجليزيه قالولي ما عندهم حضانه

توهقت لازم حضانه!!

 

[حضاره]

رد: تشــات أمهات الابداع

السلام عليكم بنات00

توه واصل خبر عالموبايل من كونا (اصابة طالبه في احدى المدارس الخاصه بانفلونزا الخنازير)!!!!!!!!!!!!

الله يشافيها ويحفظ عيالنا برحمته ويستر عليهم00موخوش خبر والله

 

[حضاره]

رد: تشــات أمهات الابداع

مس هيثرو00حضانة الابداع من عمر 3سنوات مواقل

 

[حضاره]

رد: تشــات أمهات الابداع

الenrichment class تبدا من اي جريد وشنو فرقها بالضبط عن العادي وجم صف من جريد 4 مثلا يكون انريشمنت وجم صف عادي ؟يعني نص بالنص والا شلون؟

اي اسم 00اشلونج

الانريشمنت يبتدي من g2 ,وهو صف واحد حق كل مرحله00والباقي صفوف عاديه ممكن تكون 4او5 صفوف حسب

وفرقها عن باقي الصفوف ان يكثفون لهم الدراسه بالسنه يعني مثلا الصف العادي يخلصون كتاب ماث واحد

بالانريشمنت يخلصون كتابين 00(هذا المثال من ولدي)

 

[حضاره]

رد: تشــات أمهات الابداع

بنات تعقيبا على خبر الاصابه00على ماوصل من بوراشد(اصابة طالبه كويتيه في الصف الخامس في احدى المدارس الامريكيه

بانفلونزا الخنازير)

 

[اي اسم]

رد: تشــات أمهات الابداع

مشكزرة اختي حضارة على التوضيح

 

[حلم الطفولة]

رد: تشــات أمهات الابداع

الله خير حافظ ,, لا حول ولا قوة إلا بالله ..
صراحه على كثر ماكنت عادي ولله الحمد متوكله على ربي صرت الحين العكس وحاسه بقلق من كثر مانسمع ونقرى بهالجرايد والأخبار .
يعني سافرنا أكثر الدول زحمه وأكثرها سياح من جميع انحاء العالم : ماليزيا ودبي والناااس فوووق بعض بالمجمعات والمراكز الترفيهيه وووو .. ماخفنا هالكثر ولا حاتينا !!,, هو شالسالفه المسأله يعني خلال شهر تطورت زياده ولا شالسافه؟؟؟؟ عفيه جاوبوني.

 

[زوجة صحفي]

رد: تشــات أمهات الابداع

مرحبا خواتي شلونكم انا ترى ما ادخل الشات الا بالويك اند000مرحبا اختي حضارة واي اسم وما انسى مشرفتنا اخت حلم الطفولة 00 بدا العد التنازلي للمدارس الله يوفق الكل والجميع يا رب 00بالنسبة للانريجمنت ولدج اي قريد انا بعد ولدي انريجمنت الحين رلح قريد 4