تشامبينز الجابريه للمشتركين ضروريييي بليز

[cinderela]

قووووووه بنات انا باجر يوم الاحد ٣-٥-٢٠٠٨ راح اشترك بنادي تشامبينز الجابريه واول مره اشترك فيه ودشيته وعجبني انا كنت بلافام الخالديه المهم
صج ان زحمه حيل ؟
ومن ضيقه الخلق بشترك بس اهممممممممم شي عندي كلاسات الرقص الشرقي لان لما رحت اهناك شفت الاسكاجول قريت اسمها هبه اشلونها ؟ ورقصها حلو ؟ وكلاسها زحمه ؟
بلييييييز فيدوني لان باجر بشترك وحدي متخوفه احسه كبير وناس وايد مو مثل لافام اصغير وما يخلي الوحده تستحي عادي بس هذا احس له رهبه هههه

 

[Eng.shosha]

والله ما عندي أي فكره .. بس ما حبيت أطلع من غير رد

انشالله البنات يفيدونج

 

[سندرلا]

_03BA:روحى بدون خوف المعهد وايد حلو انا اروح الصبح ما فى زحمة
بخصوص هبة رقاصة درجة اولى توكلى على اللة

 

[الكويت حياتي]

كنت صراحه افكر اشترك فيه بس الموسيقى عاليه عندهم وعموما حبوبه نصيحه من قلب يحبج اشلج بالرقص عشان رجيم وتاخذين اثام سماع الموسيقى عشان رجيم صدقيني من ترك شيئا لله عوضه الله خيرا منه

 

[cinderela]

ام عبدالمحسن :تسلميييييين وكلج ذوق وانا دشيت النادي اليوووووووووووووووووم هههه ضاق خلقي قلت شكو باجر خليني اجرب

سندرلا :انتي كنتي موجوده اليوم ؟ ولي الساعه جم ؟ وسالت عن هبه بس ما مداني اشوفها كنت حيل مشغووله تدرين يعلموني على شغلات والاجهزه اشلون اشتغل عليها ما فضيت الا ٤ وشي الا كلاسها مخلص ويقولون اليوم غيرو الجدول وتحسفت ماخذيته وانا طالعه بشوف هبه باجر عندها الساعه جم ؟

الكويت حياتي : وااااااااااالله حبيبتي كلامج عالعين والراس بس المشكله ان انا استغفرالله احس كل اغاني يعني ما يت على ساعه الرقص وادعيلي بالهدايه يارب لي ولكل بنات المسلمات وجزاااااااااج الله الف خير وبميزان حسناتج يارب

 

[princesa n3oma]

اهيا مصريه حبوبه ما جربت حصتها بس شفتها لما تدربهم شكلهم يونس وتقولنا انا ورفيجتى تعالو تعالو قلت لها خل اضعف اول بعدين اى حصتك ....


عاد ما كان عندها زحمه وكانت تدريب 4 بس ، يمكن الحين عندها وايد لأن النادى صار زحمه حيل ....



يقولون انها كانت متينه قبل 4 شهور ومن الرقص ضعفت معنها تاكل وايد حسب كلام الفلبينيات اللى هناك ...




شوفى هالرابط كل شى عن النادى يمكن تلاقين طلبك


http://q8yat.net/showthread.php?t=136420

الله يوفقك حبيبتى ....



بغيت اقولك عن شغله بالنادى لا يغرونك الفلبينيات ملوت المساج ويخلونك تشتركين بالمساج ويقولولك ان يضغف ترى كلهه خرطى انا اشتركت بنوعين عندهم اللى بالطحالب الحاره واللى بالاجهه ولا سوولى شى كله خرطى بس بوق فلوس على الفاضى من الناس ....


ترى مو بس انا كذا وحده هناك قالتلى نفس الكلام ورفيجتى بعد ما ضعفها ولا شى نصابيين ما يضعف ....


بالتوفيق

 

[غلاتي الكويت]

انا اليوم رحت دفعت وباجر ان شا الله اول يووم لي بالنادي

 

[غضى]

فجوره وانا بعد بااجر انشالله ببدي معاي انتي هههههههههه

 

[غلاتي الكويت]

لووول غضى ونااسه

 

[cinderela]

مشكوووووووووووووره بعد عمري امتثال بسمع نصيحتج وماراح اسوي كلشش اهم شي نسكر حلوجنا ورياضه وراح نضعف لا مساج لا خرابيط
انتي الحين مشتركه ؟ولا خلص اشتراكك ؟
فجوره
غضى
وناااااااااااااااااااااااااسه انا اشتركت صارلي يومين انتوا متى تيوون وشنو الحصص الي تحبون تحضرونها ؟

 

[إمرأة مثالية]

سندريلا ...فجوره ... غضى ....

مبروووووووووووووك الاشتراك في النادي


وآنا مشتركه فيه بعد صارلي7 شهور

 

[cinderela]

امراه مثاليه : صججججججججججججج عيل ماشفتيني ؟ انا صارلي يومين
بلييييييييييز بشوفج بس ما تشوفيني هههههههههههههههه

 

[cinderela]

بناااااااااااااات تشامبينز الاعزاء
خليكون هالموضوع تعارف للاعضااااااااااء
وناااااااااااااااااسه

 

[ظلال القرآن]

الله يخليج الحين فتره صيف اشوفهم العام بالصيف زحححححححمه وقاعه الرقص جنها سوق اليمعه

 

[cinderela]

ظلال القرآن : مادري انا ما اشوفه زحمه اروح من ٢ تقريبا لغايه ال ٧ بس مو زحمه زحمه يعني الكلاس فيه ٦ جذي والممشى اثنين جدامي وحده وراي بس ههه يمكن عشان الحين فتره امتحانات وفاينال انا خذيت بس اشتراك شهر لان مثل ما قلتي موحلو الزحمه الحيل حيل

 

[*سكون*]

وانا بعد ناويه اشترك هالاسبوع باذن الله

الدكتور قالي لازم سباحه وتمارين بالماي .. تفيد تمارينهم حق اللي عندهم دسك بالظهر ؟

منو الحلوة اللي بتكسب أجر فيني وتسأل ؟

موفقين

 

[cinderela]

هههههههههههه اكيييييييييييد انااااااااااااااااا
بس اشلون تمارين خاصه حق الديسك؟
اول شي ماتشوفين شر حبيبتي والله يشفيج انشالله
بس تمارين الماي تسوي كذا حركه شي للايد شي للبطن واكيد بهالحركات هاذي تقوي الظهر لان راح يتحرك والسباحه عموما زينه
فاذا حبيتي اسال اذا تمارين خصوص للديسك ما اعتقد كلش فيه؟
بس كل التمارين راح تنفع ظهرج
بس انشالله باجر اسالج تامرين امر

 

[سمسميه]

سندريلا اشلون الوضع العام بالنادي؟ ان شاءاللع الاسبوع الياي بشترك

 

[cinderela]

وااااااااااالله ناديييييي من اروع ما يمكن بس تصدقين اليوم بس لاحظت زحمه بكلاس الشرقي هههههههه<اهم شي عندي
وفي ٢ من رفيجاتي بالصدفه وانا طالعه بيشتركون بالنادي اذا صااااااار زحمه وما ينبغا بروح الصبح الله يعافي البطاله ههههه

بس صدقيني ماكو الا اتيين وتحكمين بنفسج
لان انا مثلا نادي فيت الدسمه ودي اصارخ ما احب جذي هدوووووء يقتل
حلاته حركه وناس وتتعرفين جذي يعني
انا بس خذيت شهر خفت من زحمه الصيف

 

[ظلال القرآن]

سمسميه اذا اشتركتي بلغيني

انا غايبه صارلي شهر:ggdw:

برد على الاسبوع الياي يارب تهديني واروح النادي