تسوقين سيارة وانتي حامل؟؟؟؟؟؟؟؟؟؟

[(نبنوبه)]

سؤالي تسوقين وانتي حامل انا اسوق وتوني حامل عادي والا لا في ناس خوفوني بصراحة ؟؟؟؟؟؟؟؟؟؟؟؟؟؟؟

 

[ScarletteO'Hara]

اي حبيبتي عادي شفيها؟
انا الحين بالتاسع و اسوق سيارة عادي مو صعب و لا اهو شي يخرع

 

[أبله كويتيه]

انا بعد بتااسع واسووق عادي شنووو يعني ؟!

 

[كلاسيكال]

انا اسوووق عادي

 

[miss_Ba6oOo6a]

حامل مو ناقصه. لا ايد ولا ريل
اسووق مافيها شي والسواقه مالها تاثير يخرعونج علا شنو ماكو شي يخرع

 

[beauty rose]

انا ما اسوق بس ماعندي سبب بس جذي لوول

 

[ELFAD3Ah]

من دشيت التاسع ريلي منعني من السياقه حسباله فلم مصري اولد بالسياره

 

[الخزامه]

عادي مافيها شي

 

[بربيره]

سهالات بس ديري بالج يعني عالسابه لا تسوقين خطر احنا اهلي الحامل من تدش السابع ما تسوق لان جم حاله عندنا توقف مره وحده بريييك و يطق بطنها بالسكان و تجهض والله ما اخرعكم ولا شي و الله يحفظ بيبياتكم و اذا الوحده مجبوره بعد تقرا على نفسها و الله الحافظ*

 

[بربيره]

عالسابه = عالسابع

 

[ام سليمان 2008]

عادي انا بعد اسوق بس شوي شوي بالمطبات ههه

 

[بتبوتااا]

عادي حبيبتي بس لا تدوسين ولا تروحين البراحات وشوي شوي عالمطبات ياقلبي والله يتمم عليج ان شاء الله ..

 

[نور الدنيا 88]

اييي عادي
بس مرات ادوخ و ما اشوف زين اوصل المكان اللي ابي

 

[المسكـ]

عاادي بس شوي شوي وديري بالج على نفسج

 

[نـعـومـه]

عااادي ماكو اي شي يمنع

 

[tmtmt]

نفس البنات عااادي

اذا على الحوادث
ممكن نكون مع احد ثاني مو قاعدين نسوق وندعم بعد !
اسم الله علينا

ماكو الا العافيه ان شاءالله

 

[روحي ابوي]

انا اسوق بس من ادخل شهري مااقدر صراحه من كرشتي ،،

 

[ام الحوراء زينب]

عادي بس انا ما اسوق وانا حامل لانه كل طلعاتي ويا ريلي

 

[Daleela]

انا كنت اسوق بس اهلي اذا كنت طالعه معاهم يفضلون ان اهمه يسوقون فيني

وقلت لهم عادي يقولون مو عن بس توتر السياقه مو زين لج

 

[ice-moon]

كنت اسوق اول شهرين

بعدين تعبت نسات وادوخ

وبس ماقمت اسوق

وبيني وبينج احسن

لانه الحين كله قاطه عمري وراده الكرسي ورا وافسخ عزج الله جوتيي ماتحمل احس كله دايخه

فراحه الحمد الله اني بطلت اسوق

بس الوهقه شغلي صار بارد

وماجهز على راحتي

واذا ابي شي ماحصله بسرعه حنه ورنه