تسوقين..؟الله يرضي عليج دشي ابيج ضروري

[سمو ذاااتي]

السلااام عليكم ​

شلونكم حبايبي ان شاء الله بخير ..؟​

انا ما اجيد المقدمات وماابي اخذ من وكتكم وايد الموضوع وماافيه ودي اسالكم عن السياقه مادري السواقه << احس الكلمه فيها غلط المهم ​

شلوون تغلبتو علي خوفكم ...؟ وشكثر مده اللي تعلمتو فيهاا يعني تعليمج لقيااده شكثر استغرق ..؟ شهر شهرين ؟؟​

والسؤال المهم اللي ابيكم تسااعدوني فيه لان ماااالي الا انتوو بعد الله في منكم وحده راحت وطلعت استماره بروحهااا ..؟​

^
^
^
هالموضوع وايد مأزمني الوالد الله يحفظه مسافر علاج والولده تقووولي ويه فشيله ارووح لشرطه اطلعلج استمااره روحي بروحج انا مدرسه مااالي بسوالف الاجراءات ولويتهاا يلاا دامج حقوقيه راويني شطارتج لووووول وايد متأزمه تقولي مكانهم كله ريايل و شرطه ولويه وحدي خفت لمي اسال رفيجاتي اهلهم سولهم الليسن احس ماكوو وحده تروح تسوي لعمرهاا انقردت بهالسالفه العويه ودي احاجي عمي بس امي تقووولي لاا خصوصا العلاقات وايد رسميه ​

فاللي ابيه منكم صج المكان لويه وشرطه اذ جذي مو حلو ايي بروحي اخذ رفيجتي معااي ...؟
ولا احاجي عمي ...؟
والاهم من هذا كله وين اروح الاداره العامه لمرور ولا وين وين يكون مكانهاا وشنو الاوراق المطلوبه .. ولمي اروح وين وشنو اقولهم بطلع استماره ويعطوني ورقه واهي الاستماره ولاا اجراءات ولويه وايام علي ماتطلع الاستماره؟
اللي تعرف بليز تساعدني بدعيلهاا طووول عمري محتاجه هالموضوع وايد الوالد برى الديره وسايق يالله بامي واخواني وخصوصا ان بالاجازه بيسافر وانا علي ويه وظيفه واااايد تحسفت لمي الوالد موجود ماسويتهاا وافتكيت صج الابو معزه ​

واذ تعرفون مدربه بنت حلال لاتنسووون اخيتكم ​

ناطرتكم ومتفائله بردودكم ​

لا تخيبون ظني :eh_s(7):​

 

[سمو ذاااتي]

اللي ماتقدر تفيدني بلز الله يرضى عليها ترفعلي الموضووع رفع الله قدرهاا : )

 

[منو انت]

اول شي عسى الله يخلي لج ابوج ويرد لكم بالسلامه واذا على وين تروحين روحي المرور اللي تبع منطقتكم والمطلوب البطاقه المدنيه وصورتين ويعطونج ورقه علشان تقدرين تروحين تتعلمين مع اي مدربه مايصير بدون هالورقه وبعدها تروحين تسوين اختبار علشان الليسن وموفقه وترى عادي المكان مايخرع في موظفات هناك يعني المكان مختلط وتكفيين في مكان ماصرنا نروح له الحيين الوحده فينا عن عشرررررررررررر

 

[سمو ذاااتي]

منو انت عسي يوفقج ويسرلج امورج ..ويزاج الله خير عالدعوى

زين المكان مختلط الحمدالله مادري عبالي ريايل بس قلت اخذ احد معاي

فديتج مااقصرتي

 

[سمو ذاااتي]

اي صج انا سمعت يسون تحليل دم وفحص نظر صج هالحجي ...؟

 

[وهج الحب]

السلام:
انا كنت اعرف اسوق قبل اخذ اجازة السواقة لاني كان اخواني معلميني بالبر وبعدين بعد ما تزوجت كنت اروح اماكن بعيدة يوديني زوجي يعلمني بالشارع ..
يعني كان عندي خلفية للسواقة ..
واشلون تغلبت على الخوف ؟؟..
قمت اطلع وايد واروح الشوارع الرئيسية والمزدحمة وشوي شوي تعلمت ان اسوق زين ووسط الشوارع ..
واهم شئ تركدي بالسواقة بالاول ولا تستحين لو احد ضرب لك هرن اخذي الامر بركادة ومهما اسخروا منك لا تهتمين باي احد لا من اللي برع ولا من اهلك ..
واهم شئ الركادة وعدم الاهتمام بالاخرين ..انا اخت زوجي ميته من الخوف واتبعت الكلام اللي قلته والله تقولي من صرت اسوي اللي تقولينه امشي على حارة واحدة ولا اهتم باللي يسوق ويزعجني ..
مدة سواقتي ؟؟
انا اخذت شهر مكثف ومثل ما قلت انا اعرف اتحكم بالمقود وكل شئ بس قلت ارواح الناس مش لعبة واخذت لي شهر ساعتين رغم ان اللي دربني قالي مش محتاجة قلت انت درب ولا يهمك احتاج ما احتاج ..
اخذ رخصة القيادة ؟؟
انا ما اعرف نظام الكويت بس كان لازم اخذ الرخصة بنفسي وهو ما اخذ وقت الشرطية اخذتني غرفة عند اختصاصي عيون ..عمل لي تست سريع لعيني ..صورتني رحت غرفة ثانية الا بطاقتي جاهزة عند شرطي وقعت وطلعت ..
يعني اقل من ساعة بمعنى الكلمة ..
وانا كنت اشتغل بمدرسة واخذت اذن وطلعت من المدرسة تقدرين تستاذنين وتروحين ..

 

[HeR HiGHNeSs 90]

لاتحاتيين ولاشي السياقه اسهل منها ماكو

يبه اخلصج؟ لو ادشين بروفايلي شوفوي موضوع انا كاتبته او موضوعين يمكن قبل سنه او اكثر
انه حدي خايفه نفس موضوعج بالضبط ابي اسوق وخايفه


شوفي انا عقب ماصرت 18 بشهرين طلعت ليسن وعقب سنه سقت عادي لانه بهلسنه كنت حيييييييل خايفه وشايله هم ولما اسوق تصب اعضامي على قولتهم ليما ارد البيت بس خلاص الحين الموضوع اسهل منه ماكو لاتخافين كلللللش

اقري دعاء الركوب وتوكلي على الله


بالنسبه حق اسئلتج مادري والله انا كنت معتمده بكل شي على ابوي ولاتخافين سهالات يمشون الضباط الي هناك

المكان مختلط بس اكثر شي بتشوفين سياق هنود لووول عادي سهل سهل كل شي لاتحاتين

وحق مدربه انصحج بمدرب احسن احس اله اذا اهلج مثل اهلي مايرضون لووول

 

[هــنــوف]

اشهد اني ماسقت لو شنو يصير انا بقي وكل شوي قالبه هالمره سياااره اتوقع بمشي وبذبح هالعالم


بس مدربين السواقه او السياقه <<< بدت الطنازه

اشكثر المكاتب الحين خليهم يعلمونج بالسوق وبالزحمه احسن

 

[HeR HiGHNeSs 90]

اي وبقولج شغله حطيها ابالج


ترا بعض المدرباات اطول سالفة التدريب عشان تلهط فلووس ماعليج منهم لا اطولينها

انا تدربت 5 مرات بسس او اقل حتى وودتي الي بمشرف نتدرب بمكان عل سفطه هاذا كان مهم وبس اما السياقه العاديه لا يطولونها تقولج شهرين قبل لا تسوين التراي ماعليج منهم

 

[أحترت أعبر]

عاد انا صا لي 16 سنه أسوق .ما اقدر اتذكر بالضبط ...بس الاكيد بالبدايه خفت وارتبكت وايد ...وشوي شوي تعلمت اسوق بدون خوف ...عاد احنا ديرتنا صغيره وشوارعنا مستحيل تضيعين فيها ...نصيحه مني بالبدايه خلج بحدود شغلج والبييت وشوي شوي تتعلمين على الشوارع الثانيه ...
اب اب اب
لعيونج فديتج​

 

[ملآمح يوسفيه]

.

بالبدايه كنت اقول حق المدربه مستحيل اسووووق
مع التدريب بعدين اطلع بروحي في منطقه او منطقه المجاوره
بعدين بلشت اداوم فيها
اخذت تدريب شهر
سهالات لا تحاتين
كلنا مرينا بتجربه هذي
الله يوفقج يارب

 

[جوري 2007]

السواقه وناسه كافي ان السيارة تحت ايدج متى مابغيتي

خل الوالدة تروح معاج او كلمي عمج عادي

 

[اشلون يعني &]

الليسن يبيله واسطه من غير واسطه ماتنجحين

 

[سمو ذاااتي]

فديتكم مشكورين

وهج الحب : مشكوره ماقصرتي بطبق كلامج وصاجه الثقه مهمه : )

her highness: مشكوووره بدش بروفايلج واشووف مواضيعج اكيد بتفيدني وان شاء الله بقوي قلبي وماشاء الله ب5 مرات تعلمتي مدربتج شاطره اذ تعرفين رقمهاا ابيهاا : )

هنوووف : نورتي الموضوع وفديتج بس ماعرفنا اهي سواقه ولا سياقه لوووووول

احترت اعبر: ماشاء الله وصاجه ديرتنا صغيره بس شوارعنا زحمه

ملامح يوسفيه : ماقصرتي الله يحفظج ويوفق الجميع يارب : )

جوري : نورتي الموضوع اهي وناسه بس يبلها قلب : )

رنا : وي غبرا حتي باليسن واسطه يعني لو اتعلم عدل لازم واسطه !! نورتي الموضوع : )​

 

[G!RLooNa]

هممم اول شي كلنا خفنا بالبدايه شي طبيعي

ثانيا المدرب الريال احسن من المره صدقيني انا يابولي مره و عقب ما خلصت منها استوعبوا انها مادربتني شي و رد ابوي دربني من الاول معني كنت قايلتلهم الريال احسن بس ما اقتنعوا و حق اختي حطولها مدرب ريال لانهم دروا ان الحرمه مشروع سواقه فاشله

الاستماره والله مادري انا ابوي طلعها انتي عرفي وين المكان و اخذي رفيجتج و روحي ولا لي حطيتيلج المدرب و لا المدربه قوليلهم يروحون معاج يطلعونلج جني اذكر مدربتي كانت قايلتلي تروح تطلع استماره مع البنات

و النجاح انا كانوا قايلينلي ما ينجحون بدون واسطه بس ماعليج وايد اللي اعرفهم و نجحوا بدون واسطه و من اول مره

 

[سمو ذاااتي]

غيرلونا مشكووور بس مادري ريال مراح اخذ راحتي بيقيدني واايد

 

[G!RLooNa]

اي و عالفحص عقب ما طلعت الاستماره جنا رحت المستوصف مادري شسمه اللي تبع الداخليه موجود بكل منطقه عطيتهم الورقه و يطقونج مثل كلبسه نفس اللي تقيس السكر يطقونها عالصبع و يحط صبعج على شريحه ياخذ جم قطره دم و يكتبلج فصيلتج و فحص نظر خربوطي قعدوني على كرسي و جدامي ورقه و يسالني شنو الحروف و بث

 

[blue lady]

انا الاستمارة ابوي طلعها لي
ودربتني مرة طلعنا رقمها من الوسيط
وخذيت الليسن بواسطة بس ما كنت اعرف اسوق عدل لووووول
شوي شوي تعلمت اول شي خلج بالمنطقة لا تطلعين روحي الجمعية وجذي وشوي شوي تتعلمين

 

[أسطورة الجمال]

لازم بالبدايه يكووون في خوف بسيط و بعدين تتعودين​

 

[أسطورة الجمال]

لا اله الا الله
الحمد لله
استغفر الله​